Morgunblaðið - 22.01.2002, Síða 19

LANDIÐ
MORGUNBLAÐIÐ ÞRIÐJUDAGUR 22. JANÚAR 2002 19
BORGNESINGAR fylltu Óðal á
opnum heilsu- og mannrækt-
arfundi sem haldinn var á vegum
Rótarýklúbbsins í Borgarnesi.
Héðinn Unnsteinsson Borgnes-
ingur og verkefnisstjóri Geðrækt-
ar hélt framsögu og á eftir voru
almennar umræður.
Yfirskrift fundarins var ,,Býr
hamingjan líka hér?“ en hug-
myndin var að eitthvað jákvætt
þyrfti að gerast hér því Borgnes-
ingar hafa oft lent í mótbyr í at-
vinnumálum og nú síðast fjölda-
uppsögnum á fjölmennum
vinnustað í bænum.
Héðinn fjallaði um geðheilsu og
fordóma og leiddi viðstadda á
áhrifaríkan hátt í gegnum eigin
sjúkdómssögu, en hann hefur
ekki áður gert það opinberlega á
heimaslóðum.
Héðinn kom ennfremur inn á
viðhorf fólks, gildi jákvæðisins,
forsendur hamingjunnar, vænt-
ingar, bjartsýni, sjálfstraust og
gildi sjálfstyrkingar. Þrátt fyrir
alvöru umfjöllunarefnisins kitlaði
framsaga Héðins hláturtaugar
margra og vakti fólk til umhugs-
unar um að takast á við breyt-
ingar.
Almennar umræður voru eftir
framsöguna og nokkrir heima-
menn tjáðu sig um ólík viðfangs-
efni allt frá atvinnumálum til
hjálpsemi í andlegu tilliti.
Morgunblaðið/Guðrún Vala
Kristján Rafn Sigurðsson, félagi í Rótarý, Héðinn Unnsteinsson og Gísli
Halldórsson, formaður Rótarýklúbbs Borgarness.
Húsfyllir á
heilsu- og
mannrækt-
arfundi
Borgarnes
NÝTT kaffi og gistihús hefur
verið opnað við Breiðdalsvík.
Húsið stendur við þjóðveginn á
milli Breiðdalsvíkur og Stöðv-
arfjarðar, utan við bæinn Þver-
hamar. Staðurinn hefur hlotið
nafnið Kaffihúsið Margrét og
eru það hjónin Margret Muller-
Pupkes og Horst Muller frá
Þýskalandi sem eru eigendur
þess.
Þau hjón komu til Íslands
fyrir tæpum tveimur árum og
heilluðust af landinu en þó sér í
lagi af Austfjörðum og ákváðu
að reisa húsið á þessum stað. Í
húsinu eru þrjú tveggja manna
og eitt eins manns herbergi.
Húsið er allt hið vandaðasta,
bjálkahús með risi, þar sem
gistiaðstaðan er.
Morgunblaðið/Albert Kemp
Eigendur kaffihússins,
Margret Muller-Pupkes og
Horst Muller.
Nýtt
kaffi– og
gistihús
opnað
Breiðdalsvík
Á FUNDI fulltrúaráðs sjálfstæð-
isfélaganna í Vestmannaeyjum
um helgina var samþykkt sam-
hljóða tillaga um að fela sérstakri
uppstillingarnefnd að gera tillög-
ur um fullskipaðan framboðslista
Sjálfstæðisflokksins. Nefndin á að
leggja tillögu sína fyrir fulltrúa-
ráðsfund sem haldinn verður eigi
síðar en 15. mars nk.
Á fundinum var einnig sam-
þykkt tillaga um 5 manna uppstill-
ingarnefnd sem í eiga sæti Magn-
ús Jónasson, Arnar
Sigurmundsson, Guðbjörg Matth-
íasdóttir, Þorsteinn Sverrisson og
Andrea Atladóttir.
Skiptar skoðanir komu fram á
fundinum um hvort stilla ætti upp
eða efna til prófkjörs en tillaga um
uppstillingu var samþykkt án
mótatkvæða á fundinum.
Guðjón Hjörleifsson, bæjar-
stjóri, hefur tilkynnt að hann
muni ekki sitja áfram sem bæj-
arstjóri að þessu kjörtímabili
loknu en líklegt þykir að hann
muni sækjast eftir að sitja áfram
sem bæjarfulltrúi og jafnvel leiða
lista sjálfstæðismanna í Eyjum.
Uppstilling
hjá sjálfstæð-
ismönnum
Vestmannaeyjar