Morgunblaðið - 22.01.2002, Blaðsíða 4

FRÉTTIR
4 ÞRIÐJUDAGUR 22. JANÚAR 2002 MORGUNBLAÐIÐ
Til sölu Audi A4 Quattro 4x4
Turbo 1800 5 gíra, nýskráður
14.09.2001. Leðurinnrétting,
álfelgur, topplúga, ekinn 3.900 km.
Ásett verð 3.950.000. Nánari
upplýsingar Bílaþing.
Opnunartímar: Mánud. - föstud.
kl. 10-18 og laugard. kl. 12-16.
Laugavegur 170-174 • Sími 590 5000 • Heimasíða: www.bilathing.is
Netfang: bilathing@hekla.is
„ÞAÐ er ekkert annað en krafta-
verk að hann skuli vera á lífi. Væri
hann ekki svona vel á sig kominn
líkamlega vegna mikillar reynslu af
fjallgöngu og klifri hefði getað farið
verr,“ sagði Anna Dóra Her-
mannsdóttir við Morgunblaðið í
gær, móðir Jökuls Bergmann,
þekkts fjallgöngumanns, sem lenti í
snjóflóði í Skíðadal, sem gengur inn
af Svarfaðardal, upp úr hádegi á
sunnudag. Er rætt var við Önnu
Dóru var hún stödd við sjúkrabeð
Jökuls á gjörgæsludeild Landspít-
alans í Fossvogi, en þangað var
hann fluttur mikið slasaður með
sjúkraflugi frá Akureyri á sunnu-
dagskvöld. Að sögn Önnu Dóru er
sonur hennar hálsbrotinn, viðbeins-
brotinn og mikið skorinn og marinn
víða um líkamann. Læknir á gjör-
gæsludeild, sem blaðið ræddi við,
sagði að Jökull væri á góðum bata-
vegi en síðdegis í gær var hann
fluttur á bæklunardeildina í Foss-
vogi.
Jökull var ásamt tveimur fé-
lögum sínum frá Akureyri á leið
upp fjallið Stól í vestanverðum
dalnum til að kanna aðstæður til
klifurs í klettabeltinu. Þetta var um
miðja vegu milli bæjanna Dælis og
Ytri-Másstaða, ofan við eyðibýlið
Syðri-Másstaði. Veður á svæðinu
var ágætt, lágskýjað og engin úr-
koma. Eftir um tveggja stunda
göngu upp fjallið, er þeir voru
komnir upp undir klettana í um 700
metra hæð, féll snjófleki skyndilega
undan Jökli, sem gekk fremstur
þeirra félaga. Án þess að geta
nokkuð við ráðið barst hann með
snjónum um 200 metra leið niður
bratta og grýtta hlíðina þar til hann
stöðvaðist og stóð þá sjálfur upp úr
flóðinu. Félagarnir sáu allan tímann
til hans niður fjallið og komu hon-
um strax til hjálpar. Á meðan annar
hlúði að honum fór hinn niður að
Ytri-Másstöðum til að kalla eftir
hjálp. Fyrst var sendur sjúkrabíll
með lækni á vettvang og síðan tveir
bílar ásamt mannafla frá Björgun-
arsveitinni á Dalvík. Liðsmenn í
sveitinni aðstoðuðu við að flytja
Jökul niður hlíðina og koma honum
í sjúkrabíl. Gengu þessar aðgerðir
fljótt og vel fyrir sig. Ekið var með
Jökul á Fjórðungssjúkrahúsið á Ak-
ureyri en þar sem meiðslin þóttu
það alvarleg var ákveðið að flytja
hann til Reykjavíkur með sjúkra-
flugi um kvöldið.
Snjóflekinn virðist
hafa losnað skyndilega
Sá félagi Jökuls er fór niður að
Ytri-Másstöðum sagði við Morgun-
blaðið að þetta hefði í raun ekki
verið snjóflóð samkvæmt formlegri
skilgreiningu heldur miklu frekar
spýja sem hefði fallið undan Jökli.
Hann sagði lítinn sem engan snjó
hafa að öðru leyti verið í fjallshlíð-
inni. Svo virtist sem snjóflekinn
hefði losnað skyndilega og fallið
niður af nokkrum krafti.
Jökull, sem er 25 ára, hefur þrátt
fyrir ungan aldur mikla reynslu af
því að klífa fjöll og tinda. Hann var
t.d. fyrsti Íslendingurinn sl. vor til
að renna sér á skíðum niður af há-
tindi Mont Blanc, en á hæsta fjall
Evrópu fór hann ásamt félaga sín-
um sem síðan gekk niður. Hann var
búsettur í Frakklandi um nokkurra
ára skeið til að stunda fjallaklifur
og réðst þá m.a. til atlögu við Matt-
erhorn í Sviss, fyrstur Íslendinga.
Auk klifurs á Íslandi hefur hann
einnig klifið tinda á Grænlandi og
haft atvinnu af því að vera fjalla-
leiðsögumaður.
Þess má einnig geta að Jökull var
að klífa á heimaslóð um helgina þar
sem hann er frá bænum Klængshóli
í Skíðadal og dvelur þar hjá fjöl-
skyldu sinni hluta úr ári til að
stunda áhugamálið í fjöllunum í
kring.
Móðir Jökuls og félagar hans
vildu að lokum koma á framfæri
þakklæti til björgunarsveitar- og
sjúkraflutningsmanna á Dalvík fyr-
ir vel unnin störf á sunnudaginn.
Reyndur fjallgöngumaður barst 200 metra niður með
snjófleka í Skíðadal á sunnudag og slasaðist alvarlega
„Kraftaverk
að hann skuli
vera á lífi“
Jökull Bergmann er mjög reyndur fjallgöngumaður.

   
 
 




















!"##$%

& #'
( *

+%


   

MIKIL mildi var að
ekki fór verr þegar
jeppabifreið var við
það að fara út af veg-
inum neðarlega á
Öxnadalsheiðinni
skömmu eftir hádegi
sl. laugardag og stöðv-
aðist á umferðarskilti
áður en hún féll niður
snarbratta hlíð. Sigríð-
ur Ingvarsdóttir, þing-
maður Sjálfstæðis-
flokksins á
Norðurlandi vestra,
sem ók bifreiðinni,
slapp ómeidd en hún
segir mikla guðs mildi
að ekki fór verr. Flug-
hált var á heiðinni þegar slysið
varð og átelur Sigríður Vegagerð-
ina harðlega, en í upplýsingum á
Textavarpinu hafði fyrr um daginn
verið skýrt frá því að heiðin yrði
sandborin og því fær eftir hádegið.
„Ég var að koma frá Akureyri
yfir Öxnadalsheiðina og ætlaði að
fara á fund á Siglufirði,“ sagði Sig-
ríður í samtali við Morgunblaðið í
gær. „Ég hafði hringt á Siglufjörð
og fengið þær upplýsingar að mjög
hvasst og hált hefði verið á þessum
slóðum um nóttina og morguninn.
Þegar hins vegar upplýsingar
komu fram á Texta-
varpinu frá Vega-
gerðinni um að heiðin
yrði sandborin um
hádegið ákvað ég að
bíða við og fara síðan
yfir á eftir. Þegar til
kastanna kom var
enginn sandur á veg-
inum, heldur renn-
andi svell nánast alla
leið svo maður komst
ekki nema fetið.“
„Fékk rosalegan
hnykk á bílinn“
Að sögn Sigríðar
keyrði hún löturhægt
eftir heiðinni á vel
búinni jeppabifreið sinni, sem er
með negldum hjólbörðum. Hún
segist þekkja vel allar aðstæður á
heiðinni, en hálkan hafi verið of
mikil við komuna niður af heiðinni í
hörðum vindhviðum og því hafi hún
misst stjórnina og bifreiðin farið út
af veginum.
„Ég fékk rosalegan hnykk á bíl-
inn og hann lenti allt í einu þvers-
um á götunni. Þetta er þekkt á
þessu svæði og í þeirri átt sem var
ríkjandi. Ég rétt náði að koma
bílnum inn á götuna aftur en þá
snerist hann yfir á hinn vegarhelm-
inginn og var á leiðinni út af þegar
hann stöðvaðist fyrir einhverja
mildi á umferðarmerki, litlum
staur sem gaf til kynna að beygja
væri á næsta leiti,“ segir Sigríður
ennfremur.
Hún segist ekki hafa áttað sig
strax á þeirri hættu sem hún var í,
enda hafi verið of hvasst til þess að
hægt væri að opna bíldyrnar. Því
hafi hún ekið niður að Norðurá,
þar sem veður var betra, og þá
fyrst farið út og kannað skemmdir
á ökumannshlið bifreiðarinnar, en
þær eru nokkrar. „Þá kom auðvit-
að sjokkið þegar ég áttaði mig á
því hversu litlu munaði að ég færi
með bílnum niður snarbratta fjalls-
hlíðina,“ segir hún.
Fór samviskusamlega eftir
upplýsingum Vegagerðar
Sigríður kveðst fyrst og fremst
vera óhress með að Vegagerðin
setji upplýsingar inn á síður um
veður og færð á Textavarpinu sem
ekki standist. „Þetta er mikið not-
að og ég fór samviskusamlega eftir
þessum upplýsingum, beið með að
leggja af stað þar til sandur hefði
verið borinn á heiðina. Ég hefði
aldrei lagt af stað ef ekki hefðu
verið þessar upplýsingar á Texta-
varpinu,“ segir hún.
Umferðarskiltið
stöðvaði bifreiðina
á vegarbrúninni
Sigríður
Ingvarsdóttir
Sigríður Ingvarsdóttir alþingismaður lenti í lífsháska í
glerhálku á Öxnadalsheiði á laugardaginn
KARLMAÐUR um fertugt var á
föstudag dæmdur í tveggja ára
fangelsi í Héraðsdómi Reykjavíkur
fyrir nauðgun, sem átti sér stað í
Reykjavík í fyrrasumar.
Maðurinn knúði drukkinn að dyr-
um hjá konu að morgni til í júnílok.
Vegna fyrri ofbeldisreynslu af
manninum þorði konan ekki öðru en
hleypa honum inn þar sem hann var
all-æstur. Eftir að hafa unnið spjöll
á húsmunum og gengið í skrokk á
konunni reyndi hann að þröngva
henni til kynmaka með ofbeldi.
Fyrst til holdlegs samræðis en þeg-
ar ákærða reis ekki hold, til munn-
maka. Síðar þröngvaði hann kon-
unni til samfara í svefnherbergi
íbúðar hennar með ofbeldi og hótun
um ofbeldi.
Auk fangelsisrefsingarinnar var
maðurinn dæmdur til að borga kon-
unni 920 þúsund krónur í skaðabæt-
ur ásamt dráttarvöxtum frá júnílok-
um og allan sakarkostnað, þar með
talin 250 þúsund króna málsvarn-
arlaun verjanda síns og 200 þúsund
króna laun réttargæslumanns kon-
unnar.
Dóminum þótti frásögn konunnar
um atburðina trúverðug og taldi að
byggt yrði á frásögn hennar. Var
talið sannað að ákærði hefði beitt
hana ofbeldi með þeim hætti sem
hún lýsti og hann hefði haft uppi of-
beldishótun og þröngvað henni með
því til samræðis.
Dómur héraðsdóms var fjölskip-
aður í málinu og kveðinn upp af
Pétri Guðgeirssyni dómsformanni,
Friðgeiri Björnssyni dómstjóra
Héraðsdóms Reykjavíkur og Skúla
J. Pálmasyni héraðsdómara. Sigríð-
ur Friðjónsdóttir saksóknari sótti
málið fyrir hönd ríkissaksóknara.
Dæmdur í
tveggja ára
fangelsi fyr-
ir nauðgun
LYFIÐ MAGNYL, 150 milli-
gramma, svokallað „Barnamagn-
yl“, hefur ekki verið fáanlegt í
lyfjaverslunum á höfuðborgar-
svæðinu undanfarna daga og er
þetta í annað sinn á stuttum tíma
sem lyfið er uppselt. Íslenska
lyfjafyrirtækið Delta hf. fram-
leiðir lyfið. Harpa Leifsdóttir
deildarstjóri markaðsdeildar
Delta segir að lyfið muni koma í
verslanir aftur fljótlega, jafnvel í
dag.
„Ástæðan fyrir því að lyfið hef-
ur ekki verið fáanlegt er sú að
tafir hafa orðið í framleiðslunni,“
segir Harpa. „Hráefnabirgirinn
gat ekki afgreitt okkur með hrá-
efni fyrir framleiðsluna. En
framleiðsluferlið er flókið og ef
eitthvað kemur uppá þá hefur
það mikil áhrif.“
Barnamagnyl er notað sem
fyrirbyggjandi lyf vegna hjarta-
og æðasjúkdóma. Harpa segir að
þegar lyfið fáist ekki geti þeir
sem það nota tekið hluta úr 500
mg magnyltöflum í staðinn.
„Fólk getur brotið niður sterkari
töflurnar og notað í neyð.“
„Barnamagnyl“ uppselt
í tvígang á stuttum tíma