Morgunblaðið - 22.01.2002, Blaðsíða 6
FRÉTTIR
6 ÞRIÐJUDAGUR 22. JANÚAR 2002 MORGUNBLAÐIÐ
SAMKVÆMT upplýsingum frá op-
inberum aðilum í Bandaríkjunum í
gær, hefur enginn verið handtek-
inn vegna sprengjuhótunar um
borð íbreskri farþegaþotu á leið til
Bandaríkjanna með 357 manns.
Vélin varð að lenda á Keflavík-
urflugvelli kl. 17.26 á laugardag,
vegna hótunarinnar. Ekkert grun-
samlegt fannst við leitina. Tveir
breskir lögreglumenn komu í gær
til landsins til að vinna með lög-
reglunni á Keflavíkurflugvelli við
rannsókn málsins. Þá voru tveir
lögreglumenn frá Keflavík-
urflugvelli sendir með vélinni
ásamt hinum grunaða sem þó er
ekki enn vitað hver er. Ákveðinn
maður liggur þó undir grun.
Öryggi vélarinnar ógnað í 35
þúsund feta hæð
Vélin, sem er af gerðinni Boeng
747-400 frá breska flugfélaginu
Virgin Atlantic, var á leið frá Gatt-
wick-flugvelli í London til Orlando
í Bandaríkjunum, þegar tilkynnt
var um að öryggi hennar væri ógn-
að. Að lokinni skoðun á Keflavík-
urflugvelli þar sem mikill viðbún-
aður var viðhafður vegna málsins,
hélt hún áfram ferðinni til Banda-
ríkjanna eftir næturlanga viðdvöl
hérlendis. Farþegar vélarinnar
gistu á hótelum í Keflavík á höf-
uðborgarsvæðinu aðfaranótt
sunnudags.
Flugmenn vélarinnar tilkynntu
flugstjórnarmiðstöðinni í Gander á
Nýfundnalandi, kl. 15.26 á laug-
ardag, að öryggi hennar væri ógn-
að en þá var hún í 35 þúsund feta
hæð. Talsmaður Virgin Atlantic-
flugfélagsins sagði á laugardag, að
flugmaðurinn hefði ekki talið að
um neyðarástand væri að ræða en
ákveðið eigi að síður að lenda í
Keflavík í öryggisskyni. Talið er að
um gabb hafi verið að ræða, en
hótunin var skrifuð með sápu á
spegil á salerni vélarinnar þar sem
stóð að sprengja væri um borð, all-
ir Bandaríkjamenn skyldu deyja og
Osama bin Laden væri mestur.
Undir var skrifað Al-Qaeda.
Að sögn Björns Inga Knútssonar
flugvallarstjóra á Keflavík-
urflugvelli, sá áhafnarmeðlimur
skilaboðin á speglinum og gerði
flugstjóra viðvart.
Ekkert grunsamlegt fannst við
leit í farangri og vél
Þegar vélin lenti á Keflavík-
urflugvelli var flugslysaáætlun
vallarins komin í gang en viðbún-
aðaráætlun vegna hennar var af-
létt kl. 17.46. Eftir lendingu var
vélin strax rýmd. Lögreglumenn
hófu leit í farangri allra farþega
vélarinnar, sem fluttur var í hús 2
hjá Slökkviliði Keflavíkurflug-
vallar. Um miðnætti var leit lokið í
farangri og klukkustund síðar var
sprengjuleit lokið í vélinni, án þess
að neitt grunsamlegt hefði fundist.
Almannavarnir ríkisins voru í
viðbragðsstöðu vegna málsins, en
tilkynningin um sprengjuhótunina
barst Almannavörnum kl. 16.07,
eða um 40 mínútum eftir að flug-
stjórnarmiðstöðinni í Reykjavík
var tilkynnt um málið.
Hafþór Jónsson, aðalsviðsstjóri
Almannavarna, sagði við Morg-
unblaðið í gær, að verið væri að
fara yfir þetta mál og kanna hvort
boðin hafi eitthvað misfarist í kerf-
inu. Hann sagði að venjubundin
boðunarleið væri að flugturninn í
Keflavík léti Almannavarnir vita
um slík atvik. Þar færi ákveðið
boðunarkerfi í gang. Í þessu tilfelli
hafi tilkynningin borist fyrst til
flugstjórnarmiðstöðvarinnar í
Reykjavík, sem síðan lét flugturn-
inn í Keflavík vita. Þaðan komu
síðan skilaboðin til Almannavarna
klukkan 16.07 og þá var hóp-
slysaáætlun sett í gang.
Björn Ingi Knútsson sagði á
sunnudag, að öll framkvæmd við
móttöku vélarinnar á vellinum
hefði gengið mjög vel og sam-
kvæmt áætlun. Þá hefðu farþegar
verið rólegir. Er þetta í þriðja sinn
sem flugvél er snúið til Keflavík-
urflugvallar af þessum sökum.
Tveir breskir lögreglumenn frá
Gattwick komu til landsins í gær til
að vinna með lögreglunni á Kefla-
víkurflugvelli að rannsókn málsins.
Jóhann R. Benediktsson sýslumað-
ur á Keflavíkurflugvelli sagðist líta
svo á rannsóknarforræðið væri
ekki á höndum íslensku lögregl-
unnar, en hún væri að aðstoða þá
bresku við rannsókn málsins, auk
þess sem bandarísku lögreglunni
hafi verið send gögn. Brotavett-
vangurinn er að sögn Jóhanns
bresk flugvél og því hefði einkum
verið unnið að því að tryggja vett-
vanginn og afla rannsóknargagna.
Breskir lögreglumenn vinna
með íslenskum starfsbræðrum
Bretarnir eru sérfræðingar í
fölsuðum skjölum og áþekkum
brotum og komu að beiðni Scot-
land Yard. Tveir lögreglumenn frá
Keflavíkurflugvelli fóru með vél-
inni á áfangastað í Orlando á
sunnudag og sagði Óskar Þór-
mundsson, yfirlögregluþjónn á
Keflavíkurflugvelli, að þeir hygð-
ust eiga samvinnu við bandarísku
lögregluna vegna málsins. Sagði
Óskar að sá sem kom með
sprengjuhótunina hefði verið um
borð í vélinni. „Við höfum okkar
grunsemdir og ætlum að fá Banda-
ríkjamenn að verða okkur innan
handar,“ sagði hann.
Samkvæmt upplýsingum sem
Morgunblaðið aflaði í gær frá
Bandaríkjunum, hafði enginn verið
handtekinn við komu vélarinnar til
Orlando. Samkvæmt heimildum
Morgunblaðsins mun grunur bein-
ast að farþega í vélinni sem er frá
eyju í Miðjarðarhafinu.
Talsmaður Virgin Atlantic hefur
lýst því yfir að sá sem ber ábyrgð á
hótuninni verði sóttur til saka ef
hann næst og mun flugfélagið
krefjast hámarksrefsingar.
Rannsókn sprengjuhótunarmálsins unnin af íslenskum, bandarískum og breskum lögregluyfirvöldum
Enginn verið
handtekinn vegna
hótunarinnar
Morgunblaðið/Kristinn Ingvarsson
Lögreglan leitaði í farangri farþega flugvélarinnar og í vélinni sjálfri en ekkert grunsamlegt fannst.
Ljósmynd/Hilmar Bragi Bárðarson
Óskar Þórmundsson yfirlögregluþjónn tók á móti Peter Sleat frá lög-
reglunni í Gatwick, sem kom ásamt félaga sínum til landsins í gær.
ÚTFÖR Sigurjóns Péturssonar,
fyrrverandi forseta borgarstjórnar
Reykjavíkur, var gerð frá í Hall-
grímskirkju í gær að viðstöddu
miklu fjölmenni. Sr. Ægir Fr. Sig-
urgeirsson jarðsöng og Kristín
Ágústa Ólafsdóttir söng einsöng.
Sigurjón lést í bílslysi á Holtavörðu-
heiði hinn 10. janúar síðastliðinn.
Morgunblaðið/Sverrir
Vilhjálmur Þ. Vilhjálmsson, Gunnar Eydal, Jón G. Tómasson, Benedikt Davíðsson, Ingibjörg Sólrún Gísladóttir,
Gísli B. Björnsson, Þórður Skúlason og Sigmundur Franz báru kistuna út úr kirkjunni.
Útför Sigurjóns Péturssonar
LÖGREGLAN bókaði alls 1.371 brot
vegna hraðaksturs í Hvalfjarðar-
göngunum á fimm mánaða tímabili
frá ágústbyrjun til desemberloka á
árinu 2001, þ.e. ríflega níu brot að
jafnaði á sólarhring. Þetta kemur
fram í greinargerð sem forvarna- og
fræðsludeild lögreglunnar í Reykja-
vík hefur látið eigendum Hvalfjarð-
arganga í té, og greint er frá á heima-
síðu Spalar.
Að sögn forráðamanna Spalar er
ljóst að eftirlitsmyndavélarnar, sem
settar voru upp í byrjun ágúst sl. í
samráði við lögregluna, hafa skilað til-
ætluðum árangri. Ökumenn hafi
hægt verulega á sér með tilkomu
myndavélanna.
Mest ekið á 136 km hraða
Í ágúst 2001 voru skráð 395 hrað-
akstursbrot í göngunum, 328 í sept-
ember, alls 204 brot í október, 301 í
nóvember og 143 í desember. Brotin
voru því 13,6 á sólarhring að jafnaði í
ágúst en aðeins 4,6 að jafnaði í desem-
ber.
Meðalhraði hinna brotlegu var
svipaður alla fimm mánuðina sem
greinargerð lögreglunnar tekur til,
88–90 km á klukkustund.
Spalarmenn segja eftirtektarvert
að efri mörk hraðans fóru greinilega
lækkandi þegar leið á árið. Í ágúst,
september og október mældust þeir
sem hraðast fóru um göngin á yfir 110
km hraða. Sá sem fór hraðast ók á 136
km hraða í október. Enginn mældist
hins vegar yfir 110 km hraða í nóv-
ember og desember.
Þeir ökumenn sem myndavélarnar
ná að „góma“ gangast greinilega við
brotum sínum í verki og borga sekt-
irnar sem á þá eru lagðar. Um ára-
mótin hafði þannig sekt fyrir 81%
brota í ágúst verið greidd, sekt fyrir
71% brota í september, 72% í október,
58% í nóvember og 43% í desember.
Hvalfjarðargöngin ágúst–desember 2001
Níu ökumenn
á sólarhring
óku of hratt