Morgunblaðið - 22.01.2002, Blaðsíða 20
Morgunblaðið/Kristinn
Verðlaunahafarnir ásamt borgarstjóra. Frá vinstri: Lasse Grosbøl, Guðni Tyrfingsson, Ingibjörg Sólrún Gísla-
dóttir, Lotte Elkjær og Mikel Fischer-Rassmussen, en allir starfa arkitektarnir í Danmörku.
ÍSLENSKI arkitektinn Guðni
Tyrfingsson og danskir samstarfs-
menn hans, þau Lotte Elkjær, Mik-
el Fischer-Rassmussen og Lasse
Grosbøl hlutu fyrstu verðlaun í
hugmyndasamkeppni um skipulag
tónlistarhúss, ráðstefnumiðstöðvar
og hótels. Samkeppnin tók einnig
til hugmynda um skipulag miðborg-
arinnar og hafnarsvæðis við austur-
höfnina. Voru úrslit kynnt við at-
höfn í Ráðhúsi Reykjavíkur á
sunnudag. Ingibjörg Sólrún Gísla-
dóttir, borgarstjóri og formaður
dómnefndar, segir næsta skrefið
vera að kynna samstarfsnefnd ríkis
og borgar niðurstöðu dómnefndar-
innar. Í framhaldi af því verði
væntanlega leitað fjármagns og
vonandi hægt að hefjast handa á
næsta ári.
Tilgangur samkeppninnar var
m.a. að fá hugmyndir að skipulagi
svæðisins sem nýst gætu við fram-
hald vinnu við tónlistarhús, ráð-
stefnumiðstöð, hótel og tengd
mannvirki. Svæðið afmarkast í
megindráttum af Suðurbugt og
Norðurstíg í vestri, Klapparstíg og
Ingólfsstræti í austri, Sæbraut,
Tryggvagötu og Hafnarstræti í
suðri og síðan höfninni. Ákveðið
hefur verið að bjóða verkið út í
heild, þ.e. hönnun mannvirkja og
lóðar. Keppendur áttu að útfæra
meginskipulag svæðisins, setja
fram tillögur um form og lögun
mannvirkja, staðsetningu göngu- og
akstursleiða, 920–1.400 bílastæða,
fyrirkomulag gatnakerfis, miðstöð
almenningsvagna og fleira en ekki
átti að leggja fram hugmyndir um
nákvæma hönnun einstakra bygg-
inga.
Fyrstu verðlaun nema 4,4 millj-
ónum króna. Dómnefndin ákvað að
veita ekki önnur verðlaun heldur
þrenn þriðju verðlaun og eru þau
að upphæð 1,2 milljónir hver. Þá
voru keyptar tvær tillögur og
greiddar 400 þúsund kr. fyrir hvora
um sig.
Viðamikið verkefni
„Þetta var viðamikið verkefni og
það fór mikill tími í að skilgreina
samkeppnisgögnin og finna leiðina
sem við ákváðum svo að fara,“
sagði Guðni Tyrfingsson arkitekt í
samtali við Morgunblaðið. Hann
hefur starfað í Danmörku í tæp 20
ár eftir að hann lauk þar námi í
arkitektúr og hefur m.a. sinnt ráð-
gjöf fyrir dönsku járnbrautirnar.
Hann segir samstarfsmenn sína
hafa útskrifast fyrir rúmu ári og
var hann eins konar verkstjóri
hópsins. „Þarna er valinn maður í
hverju rúmi og við teljum okkur
hafa sett fram tillögu sem getur
vonandi orðið til þess að lífga við
miðborgina.“
Guðni segir þá þróun að versl-
unarkjarnar og þjónusta leiti frá
miðborg í úthverfi dapurlega og að
koma verði í veg fyrir að miðborgin
tæmist. „Með öflugu menningarlífi
og bættri þjónustu má snúa þessari
þróun við og tónlistar- og ráð-
stefnuhús ásamt hóteli, kaffihúsum
og margs konar annarri þjónustu
verður aðdráttarafl. Höfn, atvinnu-
starfsemi og þjónusta eiga að geta
búið saman,“ segir Guðni og segir
svæðið tengjast því græna belti
sem nái allt frá Öskjuhlíð í mið-
borgina.
Verðlaunatillagan
glæsileg og raunhæf
„Dómnefndin leggur mikla
áherslu á að verðlaunatillagan verði
útfærð áfram enda þykir okkur hún
bæði glæsileg og raunhæf,“ sagði
Ingibjörg Sólrún Gísladóttir í sam-
tali við Morgunblaðið. Hún sagði
samstarfsnefndina nú fá málið til
frekari vinnslu og að næsta verk-
efni hlyti að vera að leita að fjár-
festum og undirbúa einkafram-
kvæmd eins og hugmyndir hefðu
verið uppi um. Borgarstjóri sagði
dómnefndina hafa verið algjörlega
einróma í niðurstöðu sinni og mjög
ánægða með verðlaunatillöguna.
Hún sagði tillögurnar í þriðja sæti
einnig góðar en að þær yrðu dýrari
í útfærslu. Þátttöku sagði hún hafa
verið mikla, ekki síst frá útlöndum,
en alls bárust 44 tillögur. Borg-
arstjóri sagði líka sérstaklega
ánægjulegt hversu stór hlutur Ís-
lendinga hefði verið í þeim tillögum
sem verðlaunaðar voru.
Í ávarpi sínu við afhendingu
verðlauna sagði borgarstjóri að
draumurinn um tónlistarhús væri
nú nær því að rætast en nokkru
sinni fyrr. Hún sagði tónlistar- og
ráðstefnuhús þjóna þríþættu hlut-
verki, að búa tónlistarmenningunni
þann samastað sem henni bæri, það
myndi styrkja ferðaþjónustu og
tenging við hótel myndi skapa for-
sendur fyrir nýrri markaðssókn og
í þriðja lagi myndi það festa mið-
borgina í sessi sem uppsprettu og
miðju menningarlífs fyrir allt land-
ið. „Hefð, saga og menning mið-
borgarinnar gefur tónlistar- og ráð-
stefnuhúsinu þá umgjörð sem því
hæfir og húsið gefur miðborginni
þá endurnýjun sem hún þarf á að
halda,“ sagði borgarstjóri.
Auk borgarstjóra sátu í dóm-
nefnd borgarfulltrúarnir Inga Jóna
Þórðardóttir og Árni Þór Sigurðs-
son, Ólafur B. Thors, formaður
samstarfsnefndar ríkis og borgar
um byggingu TRH, og arkitekt-
arnir Albína Thordarson, Sólveig
Berg Björnsdóttir og Knud Fladel-
and Nielsen. Ráðgjafar dómnefndar
voru Stefán Hermannsson borgar-
verkfræðingur, Jóhannes S. Kjar-
val, arkitekt hjá Borgarskipulagi,
Hannes Valdimarsson hafnarstjóri,
Helgi S. Gunnarsson hjá VSÓ-ráð-
gjöf og Wilhelm Wessman hótelráð-
gjafi. Ritari nefndarinnar var Ívar
Pálsson, lögfræðingur Borgarskipu-
lags, og trúnaðarmaður Haraldur
Helgason arkitekt.
Íslendingur og Danir hlutskörpust í samkeppni um skipulag við tónlistarhús
Verður
vonandi til
að lífga mið-
borgina við
Tillögur sem bárust í samkeppni um skipu-
lag við tónlistar- og ráðstefnuhús við höfn-
ina ásamt hóteli verða sýndar í Ráðhúsinu
til sunnudags. Jóhannes Tómasson fylgdist
með afhendingu verðlaunanna.
joto@mbl.is
FRÉTTIR
20 ÞRIÐJUDAGUR 22. JANÚAR 2002 MORGUNBLAÐIÐ
ÁKVEÐIÐ var að veita þrenn
þriðju verðlaun en dómnefnd sam-
keppninnar taldi töluverðan gæða-
mun á tillögunni í fyrsta sæti og
hinum þremur. Með því væri verð-
launatillögunni gefið aukið vægi
umfram hinar gagnvart þeim sem
síðar kæmu að verkinu. Þá ákvað
dómnefndin að kaupa tvær tillögur.
Þriðju verðlaun hlutu eftirfar-
andi tillögur:
Alark Arkitektar sf., Kristján Ás-
geirsson og Jakob E. Líndal. Tölvu-
grafík annaðist ONNO ehf. Dóm-
nefnd segir m.a. um tillöguna:
Bygging TRH og starfsemi tengd
höfninni eru sameinuð undir einu
þaki og mynda eina heild. Langt
svífandi þak, sem fylgir stefnu um-
ferðarinnar og lögun hafnarbakk-
ans nær frá nýju „Arnartorgi“ að
hringtorgi við enda framlengdrar
Lækjargötu.
Arkís ehf. Aðalsteinn Snorrason,
Björn Guðbrandsson, Egill Guð-
mundsson, Gísli Gíslason, Guðrún
Ingvarsdóttir, Jón Guðmundsson
og Örn Þór Halldórsson arkitektar
og Hilmar Gunnarsson hönnuður
og Þorvarður Björgvinsson bygg-
ingafræðingur. Þetta er sterk hug-
mynd og heildartillaga. Meginhug-
myndin er að nýta það skipulag og
byggðamynstur sem fyrir er í
Kvosinni. Þetta er meðal annars
gert með því að tengjast þeim
göngu- og umferðarleiðum, útsýn-
isáttum og byggingalínum, sem
fyrir eru. Grunnhugmynd tillög-
unnar eru tveir ásar. Annar liggur
eftir framlengdri Lækjargötu og
hinn myndar sjónlínu frá nýju upp-
lyftu torgi, Hafnartorgi, eftir
Geirsgötu uppá Arnarhól. Það er
álit dómnefndar að í tillögunni fel-
ist margar góðar lausnir þrátt fyrir
óraunhæfar breytingar á höfninni.
Auður Hrönn Guðmundsdóttir
sem starfar í Þýskalandi. Í þessari
tillögu hafa höfundar lagt áherslu
á að skapa umgjörð fyrir lifandi og
fjölskrúðugt mannlíf við höfnina og
TRH. Búin eru til úti- og innitorg
við tónlistar- og ráðstefnusali sem
sameina lista- og menningarupp-
ákomur, verslun og þjónustu. Nýtt
torg í skjóli TRH tengir annars
vegar Miðbakka við TRH og hins
vegar Pósthússtræti við gönguleið
og nýjan hafnargarð í framhaldi af
Austurbakka. Þetta skipulag gefur
fyrirheit um nýja ímynd borg-
arinnar, þar sem höfnin er opnuð
gestum og gangandi til að njóta ná-
lægðar við hafið og umhverfi hafn-
arinnar, segir dómnefnd meðal
annars.
Tvær tillögur keyptar
Tillögurnar sem keyptar voru
eru annars vegar tillaga þýskra
arkitekta: Bernhard Franken,
Thomas Raab, Oliver Tessmann og
Carsten Trojan. Ráðgjöf og þýð-
ingu annaðist Sigrún Guðjóns-
dóttir. Tillagan byggist á norður-
ljósunum, ásýnd margbreytileg og
efnistök gefa til kynna skilning og
innsýn í verkið, segir m.a. í umsögn
dómnefndar.
Hins vegar var keypt tillaga Int-
ravision arkitektur as í Noregi en
hana sendu: Þórður Bryngeirsson,
Atle Geving, Per Åge Lyså, Joakim
Nærö og Bjarne Nöstebo. Aðstoð
veitti Lovísa Ásbjörnsdóttir. Til-
lagan byggist á sögulegum grunni
og áherslur eru á þjóðtrú og upp-
runa byggðaþróunar og nýtt menn-
ingarlegt borgarskip í Reykjavík,
sagði dómnefndin meðal annars.
Þrjár tillögur
í þriðja sæti
Morgunblaðið/Kristinn
Tillögur um skipulag við tónlistar- og ráðstefnuhús ásamt hóteli eru til sýnis í Ráðhúsinu til sunnudags.