Morgunblaðið - 20.02.2002, Page 8

FRÉTTIR
8 MIÐVIKUDAGUR 20. FEBRÚAR 2002 MORGUNBLAÐIÐ
Snjóskófla/ál 108 cm
1.995 kr.
Snjóskófla f/bílinn 78 cm
999 kr.
Sími 525 3000 • www.husa.is
Tilboð
snjóskóflur
Athuganir og matsaðferðir í leikskólum
Mikill metnað-
ur og framsýni
RÁÐSTEFNA undiryfirskriftinni„Gildi athugana og
matsaðferða í leikskóla-
starfi“ verður haldin á
Grand Hótel Reykjavík á
morgun, fimmtudaginn 21.
febrúar, milli klukkan 9 og
16. Flutt verða allnokkur
erindi sem fjalla um sviðið
á víðum grundvelli og eru
kallaðir til helstu innlendu
sérfræðingarnir. Meðal
fyrirlesara er Fjóla Þor-
valdsdóttir aðstoðarleik-
skólastjóri og leikskóla-
sérkennari og svaraði hún
nokkrum spurningum
Morgunblaðsins.
Hverjir standa að ráð-
stefnunni og hvert er efni
hennar?
„Félag leikskólakenn-
ara í samstarfi við faghóp leik-
skólasérkennara standa að ráð-
stefnunni.
Á ráðstefnunni verður fjallað
um nám og uppeldisstarf í leik-
skóla án aðgreiningar, hugmynd-
ir að útfærslu, sérstaklega með
tilliti til barna með sérþarfir.
Fjallað verður um próftæki, at-
huganir og matsaðferðir og nota-
gildi þeirra í leikskólastarfi.
Kynnt verður nýtt greiningar-
tæki fyrir leikskólakennara og
fagfólk sem vinnur með elstu
börnin í leikskólanum. Greining-
artækið greinir börn sem eiga á
hættu að þurfa að glíma við lestr-
arörðugleika síðar á ævinni. Að
lokum munu tveir leikskólastjór-
ar kynna markmið og leiðir í upp-
eldisstarfi sinna leikskóla.“
Hafa þessir málaflokkar, gildi
athuganna og matsaðferðir, mikið
verið í deiglunni á Íslandi?
„Já, ég myndi segja að svo hafi
verið frá því aðalnámskrár leik-
skóla kom út 1999. Í aðalnámskrá
leikskóla, sem er hugmynda-
fræðilegur grundvöllur og stefnu-
mótandi leiðarvísir að uppeldis-
og kennslustarfi í leikskólum, er
m.a. lögð áhersla á gerð skóla-
námskrár þar sem sett er fram
uppeldis- og námsáætlun til
lengri eða skemmri tíma.
Innan skólanámskrár rúmast
gerð einstaklingsnámskráa en
þær gefa upplýsingar um mark-
mið sem hafa verið sett fyrir
hvert barn og leiðir til að ná þeim.
Í þessu samhengi er mikilvægt að
skoða mismunandi próftæki og
athugunar- og matsaðferðir, til-
gang þeirra og markmið og nota-
gildi í leikskólastarfi.“
Hvernig má helst bæta leik-
skólastarfið hér á landi?
„Langflestir leikskólar í dag
eru reknir af miklum metnaði og
framsýni. Ef fjölga á leikskóla-
rýmum í þeim mæli sem stjórn-
málamenn boða þessa dagana
þarf að gera átak í því að laða
fleira fólk í leikskólakennaranám,
sérstaklega karlmenn. Ef leik-
skólakennurum ber gæfa til að
standa vörð um kennslufræði
leikskólans er engu að kvíða í
framtíðinni.“
Verður reynt á ein-
hvern hátt að vinna úr
því sem fram kemur á
ráðstefnunni?
„Ráðstefnunni er
ætlað að varpa ljósi á mismun-
andi athugunar- og matsaðferðir
og mikilvægi þeirra í leikskóla-
starfi þar sem leikurinn er grund-
völlur að markvissu uppeldis- og
kennslustarfi. Ráðstefna sem
þessi gefur alltaf þeim sem hana
sækja hugmyndir og veitir upp-
lýsingar um það nýjasta sem ver-
ið er að gera á þessu sviði. Hug-
myndir um leikskólauppeldi og
um uppeldi fatlaðra og ófatlaðra
er stöðugt að breytast. Það bæt-
ist jafnt og þétt við þekkingu og
þroska ungra barna og almenna
viðurkenningu á gildi þess að
mennta börn frá frumbernsku.“
Faghóparnir eru greinilega að
leggja sitt af mörkum, en hvernig
starfsumhverfi býður hið opin-
bera upp á?
„Það þarf að stórauka það fjár-
magn sem lagt er til sérkennsl-
unnar í leikskólum. Þær kannanir
sem gerðar hafa verið á sér-
kennsluþörf barna í leikskólum
sýna að allt að 15% barna í leik-
skólum þurfa á einhvers konar
aðstoð að halda, mismikilli, tíma-
bundinni og svo framvegis. Nú-
verandi kerfi gerir einungis ráð
fyrir fé vegna um 7% barna með
sérþarfir. Ráðgjafar- og sérfræði-
þjónustu við leikskólana þarf í
flestum sveitarfélögum að auka
verulega. Langir biðlistar hafa
myndast á flestum sviðum stoð-
þjónustunnar. Við verðum að fá
ráðamenn til þess að skilja það
hversu vel þeim peningum er var-
ið sem lagðir eru í sérkennslu í
leikskólum.“
Þú ert sjálf með fyrirlestur
sem heitir Leikskóli án aðgrein-
ingar, hvað er það eiginlega?
„Í leikskóla án aðgreiningar er
lögð áhersla á að sinna öllum
börnum án sérstakrar aðgrein-
ingar, hvað sem líður mismun
þeirra eða þeim örðugleikum sem
þau eiga við að glíma. Kennsluað-
ferðirnar sem notaðar eru taka
mið af því að það sé
eðlilegt að fólk sé ólíkt
og því verði að sníða
nám að þörfum nem-
andans fremur en að
nemandinn verði að
laga sig að skólanum. Litið er á
barnið sem heildstæðan einstak-
ling og athyglinni beint að styrk-
leikum þess en ekki veikleikum.
Barnið er metið að eigin verðleik-
um og fær tækifæri til að nýta
hæfileika sína. Einnig er lögð
áhersla á að menntun barnanna
verði að hvíla á samstarfshópi
fagfólks en ekki einstökum kenn-
urum.“
Fjóla Þorvaldsdóttir

Fjóla Þorvaldsdóttir er fædd á
Akranesi 16. nóvember 1961. Út-
skrifaðist sem leikskólasérkenn-
ari 1995. Starfaði í leikskólum
Kópavogs 1983–97 sem deild-
arstjóri, leikskólastjóri og leik-
skólasérkennari. 1997–2001
starfaði hún sem sérkennari hjá
Fullorðinsfræðslu fatlaðra og frá
ágúst 2001 aðstoðarskólastjóri
og sérkennari í leikskólanum
Fífusölum í Kópavogi. Er gift
Svavari Jónssyni bifreiðastjóra
og eiga þau þrjú börn, Hrafn,
Sunnevu og Inga.
Athyglinni
beint að
styrkleika
Tekst Davíð og co. að endurheimta „góðærisgleraugun“?
UTANRÍKISRÁÐHERRA Finn-
lands hefur tilnefnt Einar Jón-
atansson, framkvæmdastjóra Gnár
hf. í Bolungarvík sem kjörræðis-
mann Finnlands í Bolungarvík frá
og með 1. janúar 2002. Einar tekur
við af Jóni Friðgeiri Einarssyni sem
verið hefur ræðismaður Finnlands í
Bolungarvík síðan 1987 en hann lét
af störfum í lok desember 2001.
Sendiherra Finnlands á Íslandi,
Timo Koponen, afhenti Einari Jón-
atanssyni skipunarbréf hinn 8.
febrúar 2002 í móttöku sem haldin
var honum til heiðurs. Jafnframt
hefur Einari Jónatanssyni verið
afhent viðurkenningarbréf frá
íslenska utanríkisráðuneytinu.
Kona Einars er Guðrún Bjarn-
veig Magnúsdóttir.
Morgunblaðið/Kristinn
Sendiherrann afhendir Einari Jónatanssyni skipunarbréfið.
Nýr kjör-
ræðismaður
Finna
FRUMVARP til laga um líftækniiðn-
að var afgreitt úr ríkisstjórn á mánu-
dag.
Valgerður Sverrisdóttir iðnaðar-
ráðherra segir að nokkrar breyting-
ar hafi verið gerðar á frumvarpinu,
sem hafi verið flutt í fyrravor, og snúi
það nú að hreinum iðnaðarhagsmun-
um. Ekki sé um heildstæða löggjöf
fyrir greinina að ræða heldur
rammalöggjöf.
Að sögn Valgerðar Sverrisdóttur
er um að ræða endurskoðun sem sé í
samræmi við fyrirmæli í lögum um
rannsóknir og nýtingu á auðlindum í
jörðu. Í 34. grein þeirra laga, sem
hafi verið samþykkt 1998, hafi verið
ákvæði þess efnis að sett skyldu lög
um líftækniiðnaðinn og hafi reyndar
staðið til að gera það á árinu 2001.
Því sé þessi löggjöf, sem varði stjórn-
sýsluna á sviði líftækniiðnaðar, sett
fram.
Frumvarpið er unnið í samvinnu
við sjávarútvegsráðuneytið og um-
hverfisráðuneytið en Valgerður segir
að umhverfisráðherra hafi með aðra
löggjöf að gera sem varði verndar-
hagsmuni og sé frumvarp í smíðum
hvað það varði. Hún segist vona að
frumvarpið verði samþykkt fyrir vor-
ið. Það hafi komið fram seint í fyrra
og því ekki náð fram að ganga þá.
Frumvarp til
laga um líf-
tækniiðnað