Morgunblaðið - 13.03.2002, Page 23

LISTIR
MORGUNBLAÐIÐ MIÐVIKUDAGUR 13. MARS 2002 23
• Hæstu vextir á innlánsreikningi

• Hámarksöryggi
• Ver›trygging

• Sveigjanleiki

• Laus til útborgunar vi› 18 ára aldur

• Engin lágmarksinnborgun

• fiú getur lagt inn reglulega e›a

flegar flér hentar

• Fallegar gjafaumbú›ir
Fermingargjöf

er framtí›arsjó›ur
Framtí›arreikningur er frábær fermingargjöf
og ólík ö›rum gjöfum a› flví leyti a› hún vex
me› fermingarbarninu og tryggir flví öruggan
sjó› vi› 18 ára aldur.
Íslandsbanki

-flar sem gjafirnar vaxa!

Gjafabréf
Stofnun e›a

innlegg á Framtí›ar-

reikning er tilvalin

fermingargjöf
Framtí›arreikningur Íslandsbanka
Skógarhlíð 18, sími 595 1000. www.heimsferdir.is
Heimsferðir opna þér leiðina til Ítalíu í sumar á hreint ótrúlegum kjörum
og opna þér dyrnar að þessu stórkostlega landi á verði sem hefur aldrei
sést fyrr á Íslandi. Vikuleg flug alla fimmtudaga til Verona, einnar
fegurstu borgar Ítalíu, þar sem þú getur notið ótrúlegrar fegurðar hennar
og sögu, eða dvalið við Gardavatn í magnaðri náttúrufegurð
Beint flug til
Verona
alla fimmtudaga
frá kr. 24.800
Verð 24.800
Flugsæti fyrir fullorðinn, fargjald A
23. maí, alm. verð kr. 26.040, A fargjald
í júlí kr. 27.000. Skattar kr. 3.350 ekki
innifaldir. Beint flug.
Úrval hótela í Verona, Garda,
Feneyjum og Róm.
ÁHUGALEIKFÉLAGIÐ Hug-
leikur í Reykjavík hefur frá stofnun
árið 1984 markað sér nokkra sér-
stöðu með því að setja upp eingöngu
frumsamin leikverk og hafa mörg
þeirra lifað góðu lífi til þessa dags í
sýningum annarra áhugaleikfélaga
síðan. Mér er þó til efs að nýjasta af-
urð Hugleiks, söngleikurinn – eða
óperettan – Kolrassa, muni fara eins
og eldur í sinu um áhugaleiksvið
landsins; til þess er verkið of erfitt í
flutningi og útheimtir söngkrafta
sem ekki eru á hverju strái. Fyr-
irfram hefði einhver líklega sagt að
þetta væri auðvitað ekki hægt,
áhugaleikfélag gæti ekki sett upp
svo óperukenndan söngleik með
annað markmið í huga en að gera út
af við sjálft sig og áhorfendur á einu
bretti. Svo er þó aldeilis ekki í frum-
uppfærslu Hugleiks á þessu hug-
verki Þórunnar Guðmundsdóttur
sem á allan heiður af samningu þess,
því hún er allt í senn, höfundur texta
og tónlistar auk þess að hafa æft og
stjórnað bæði söng og hljóðfæraleik
ásamt því að leika eitt hlutverkanna
í sýningunni. Þórunn er gagnmennt-
uð í tónlist, með blásarakennara-
próf, einleikarapróf á þverflautu og
burtfararpróf í söng frá Tónlistar-
skólanum í Reykjavík og síðan með
masterspróf og doktorspróf í söng
og söngfræðum frá Indiana háskóla í
Bandaríkjunum. Hvort hún getur
kallast áhugamanneskja um fag-
grein sína er álitamál og líklega er
það á endanum spurning um merk-
ingarfræði tungumálsins. Það má
líka einu gilda og ef áhugamennska
takmarkast við það eitt að þiggja
ekki laun fyrir liststköpun sína þá er
hér um hreinræktaða áhuga-
mennsku að ræða. Aðrir þátttakend-
ur sýningarinnar eru einnig meira
og minna menntaðir söngvarar og
þessi mikla kunnátta sem safnast
hefur að Hugleik er vafalaust eitt af
því sem mótar yfirbragð sýninga fé-
lagsins.
Ævintýrið um Kolrössu krókríð-
andi segir frá systrunum Ásu, Sig-
nýju og Helgu sem búa í koti ásamt
foreldrum sínum og þær Ása og
Signý eru latar og dekraðar á meðan
Helga má strita myrkranna á milli
og liggja í öskustónni um nætur.
Hún tekur mótlætinu með „ösku-
stóískri ró“ og bíður síns tíma. Þar
kemur að þurs nokkur í dularklæð-
um kemur og biður sér Ásu fyrir
konu og hefur með sér heim í hellinn
en óðar og honum er ljóst að hún
kann ekkert til húsverka varpar
hann henni í myrkvaðan afhelli. Á
sömu leið fer fyrir Signýju en þegar
Helga er komin í hellinn léttist brún-
in á þursa og hann ákveður að gera
hana að heiðvirðri konu og kvænast
henni. Boðar hann til brúðkaups og
Helga fær hann til að skjótast með
matarböggul til foreldra sinna í leið-
inni. Hún treður systrum sínum í
böggulinn en útbýr eftirlíkingu af
sjálfri sér og klæðir í brúðarskart og
setur á brúðarbekkinn. Sjálf atar
hún sig sóti og hleypur af stað með
skörung á milli fóta. Þegar hún mæt-
ir tröllunum á leið til veislunnar
kynnir hún sig sem Kolrössu krók-
ríðandi. Tröllin halda til veislunnar
og þar situr brúðurin á bekknum en
þegar veislan er í hámarki veltur
brúðurin um koll og brúðguminn
kennir gestunum um að hafa drepið
fyrir sér konuna og allt fer í bál og
brand. Endir sögunnar er sá að
tröllin drepa öll hvert annað en
Helga og fjölskylda hennar hirða allt
góssið úr hellinum og lifa í vellyst-
ingum uppfrá því.
Þórunn fer frjálslega með þennan
efnivið og hikar ekki við að flétta við
hann þráðum úr öðrum álfa- og
tröllasögum, t.a.m. er þursinn orð-
inn þríhöfða og getur skipt sér í
þrennt eftir hentugleikum. Úr hon-
um verður því kostulegt þríeyki sem
Jóhann Hauksson, Einar Þór Ein-
arsson og Björn Thorarensen gerðu
sér svikalaust mat úr. Hundurinn
Spakur gegnir einnig mikilvægu
hlutverki og veit ekki hvert hans
raunverulega eðli er fyrr en langt er
liðið á leikinn og skilur því ekki
hvers vegna hann elskar Helgu
meira en öndina í brjóstinu á sjálfum
sér. Eyjólfur Eyjólfsson fór vel með
þetta vandasama hlutverk og sýndi
okkur óvenju tilfinninganæman og
vel gefinn hund með dularfulla fortíð
og spennandi framtíð. Spangól hins
„lýríska tenórs“ var óvenju fagurt.
Þær Ágústa Sigrún Ágústsdóttir og
Ylfa Mist Helgadóttir voru frábærar
í hlutverkum hinna fordekruðu
systra Ásu og Signýjar og þá var
hlutverki hinnar algóðu Helgu ekki
síður vel borgið í höndum Árnýjar
Ingvarsdóttur. Tröllakórinn var frá-
bærlega vel samsettur og lagðist þar
allt á eitt, ekki síst búningar og gervi
og stompatriðið var hápunktur ann-
ars vel heppnaðrar sýningar. Jón
Stefán Kristjánsson má vera ánægð-
ur með sinn hlut, sviðsetningin er
vel heppnuð og persónur skýrar.
Tónlistin er áheyrileg og sver sig
nokkuð í ætt við hermitónlist, þar
sem leitað er fanga víða og hending-
arnar minna ýmist á þjóðlega tónlist
íslenska eða óperustandarða. Söng-
urinn leikflokksins var hinn áheyri-
legasti og mörg söngatriðin ágæt-
lega flutt. Texti Þórunnar er
smellinn og sveiflast kostulega á
milli hátíðleika alvörukenndrar óp-
eru og þess paródíustíls sem ein-
kennt hefur svo margar sýningar
Hugleiks. Leikmyndin er líklega
hugsuð sem eins konar paródía af
gamaldags sveitarómantískum sýn-
ingum en það breytir þó ekki því að
hún er fremur kauðsk og lítið fyrir
augað. Fjöllin tvö líkjast helst af-
káralegum samkomutjöldum og for-
leikurinn gaf til kynna að framundan
væri leikrit um kammersveit í
tjaldútilegu.
Svo reyndist þó ekki vera og að
því slepptu er hér frábær sýning á
ferðinni sem Hugleikur má vera full-
sæmdur af. Þetta á ekki að vera
hægt.
Þetta er
auðvitað
ekki
hægt
Morgunblaðið/Árni Sæberg
Þursinn Melur og systirin Ása.
LEIKLIST
Hugleikur
Söngleikur eftir Þórunni Guðmunds-
dóttur. Leikstjóri: Jón Stefán Krist-
jánsson. Tjarnarbíó föstudaginn 8. mars.
KOLRASSA
Hávar Sigurjónsson