Morgunblaðið - 10.04.2002, Blaðsíða 18

VIÐSKIPTI/ATHAFNALÍF
18 MIÐVIKUDAGUR 10. APRÍL 2002 MORGUNBLAÐIÐ
Velvyslanectví Ceské republiky v Oslo s pusobností pro Island
oznamuje, ze 14. a 15. cervna 2002 se konají
volby do Poslanecké snemovny parlamentu CR.
V Norsku mohou volit obcané CR, kterí budou mít volicský prukaz z CR nebo z
velvyslanetcví jiné zeme, nebo kterí budou nejpozdeji 5. kvetna 2002 do 16 hodin
zapsáni do seznamu na velvyslanectví.
Informace:Velvyslanectví CR v Oslo, Fritznersgate 14, 0244 Oslo; tel.: 22430034;
e-mail: oslo@embassy.mzv.cz; www.mzv.cz/volby a www.mzv.cz/oslo
Konzulka velvyslanectví CR v Oslo, Barbora Stejskalová, bude prítomna v Reykjavíku
dne 12.04. od 16.00 do 18.30 v Hotelu Fron Klappastígur 35a a zve k besede.
Sendiráð Tékkneska lýðveldisins í Osló,
sem einnig annast Ísland, tilkynnir að kosningar til þings
Tékkneska lýðveldisins verða haldnar 14. og 15. júní 2002.
Kjósendur, ríkisborgarar Tékkneska lýðveldisins, geta greitt atkvæði í Osló eða
einhverju öðru sendiráði Tékkneska lýðveldisins að því tilskyldu að þeir hafi undir
höndum vottorð um kosningarétt frá Tékkneska lýðveldinu eða einhverju sendiráði
þess erlendis. Einnig má skrá sig hjá sendiráðinu í Osló.
Þessi skráning verður að fara fram fyrir kl. 16.00 5. maí 2002.
Upplýsingar fást hjá sendiráði Tékkneska lýðveldisins í Osló, Frizners gate 14.
0244 Osló. Sími 0047 22430034, netf. www.oslo@embassy.mzv.cz,
www.mzv.cz/volby eða www.mzv.cz/oslo.
Konsúll sendiráðsins í Osló, frú Barbora Stejskalová, verður stödd í Reykjavík
föstudaginn 12. apríl nk. og veitir nánari upplýsingar milli kl. 16.00 og 18.30
á Hótel Fróni, Klapparstíg 35a.
SENDINEFND Alþjóðagjaldeyris-
sjóðsins sem kom hingað til lands á
dögunum varaði í áliti sínu meðal
annars við lánum lífeyrissjóða á
skuldabréfum til fjármálastofnana
vegna áhættu sem lánunum kunni að
fylgja. Í samtölum við forsvarsmenn
helstu fjármálastofnana landsins
kemur fram að tvær þeirra hafi átt í
slíkum viðskiptum við lífeyrissjóði
en þrjár ekki. Þau viðskipti sem ver-
ið hafa eru þó sögð hafa verið tak-
mörkuð. Þá virðist sú skoðun
ríkjandi meðal þeirra sem við var
rætt að viðskipti af þessu tagi þurfi
ekki að vera óeðlileg, en það viðhorf
kemur þó fram að þau geti verið það.
Ennfremur er nefnt að erlendis
þekkist slík viðskipti og fari fram á
skipulegum markaði, hér á landi sé
formlegur markaður af því tagi hins
vegar ekki fyrir hendi.
Óeðlilegt sem viðvarandi
fjármögnun
Halldór J. Kristjánsson banka-
stjóri Landsbankans segir að Lands-
bankinn hafi aldrei fengið skulda-
bréf að láni til að nota í
endurhverfum viðskiptum við Seðla-
bankann. Bankinn hafi mótað þá
stefnu að nýta aðeins skuldabréf í
eigin eigu í endurhverfu viðskiptun-
um og reyndar sé aðeins hluti bréfa
bankans notaður í þessum tilgangi.
Lausafjárstaða bankans sé afar
sterk og fjármögnun bankans, bæði
til lengri og skemmri tíma, afar
traust. Bankanum sé hins vegar,
sem helsta lánveitandanum á milli-
bankamarkaði hér á landi, kunnugt
um að lausafjárstaða nokkurra
smærri aðila hafi verið þröng og því
hafi einstakir aðilar orðið að grípa til
þessa úrræðis. Halldór segir hins
vegar að ekki þurfi að vera óeðlilegt í
einstökum tilvikum og tímabundið
þó fjármálastofnanir taki bréf að láni
til að stunda endurhverf viðskipti, og
það sé þá gert gegn ákveðnu gjaldi
eða þóknun. En þeir sem láni bréfin
verði að gera sér grein fyrir því að
með því taki þeir útlánaáhættu
gagnvart fjármálastofnuninni sem
fær bréfin að láni og eðlilegt að skrif-
legur samningur liggi þessu ávallt til
grundvallar.
Þótt slík fjármögnun þurfi ekki að
vera óeðlileg til skamms tíma og í
undantekningartilvikum, sé hún aft-
ur á móti óeðlileg sem hluti af hefð-
bundinni fjármögnun til lengri tíma.
Tryggja þurfi framkvæmdina betur,
að minnsta kosti hvað viðskipti með
lánsbréf varði, með ýmsum hætti, til
dæmis með því að fjármálastofnan-
irnar sjálfar ættu þessi viðskipti sín
á milli án aðildar Seðlabankans.
Óljóst hvað átt er við með
áhættu í þessum viðskiptum
Yngvi Örn Kristinsson fram-
kvæmdastjóri verðbréfasviðs Bún-
aðarbankans segir að Búnaðarbank-
inn hafi átt í viðskiptum af þessu tagi
við lífeyrissjóði í gegnum tíðina og
þar sé ekki aðeins um lánsviðskipti
að ræða heldur einnig skiptasamn-
inga af ýmsum toga. Þetta séu að-
allega lífeyrissjóðir utan bankans, en
einnig hafi verið um að ræða sjóði í
umsjón bankans. Yngvi sagði um-
fang þessara viðskipta takmarkað.
„Yfirlýsing Alþjóðagjaldeyris-
sjóðsins um að fjárhagsleg áhætta sé
fólgin í þessum viðskiptum er að
mínu mati óljós, enda kemur hvergi
fram í hverju áhættan felst. Hér er
um að ræða viðskipti við eftirlits-
skyldar lánastofnanir sem uppfylla
eiginfjárákvæði laga.“
Yngvi sagðist ekki deila áhyggjum
sjóðsins, enda væru þetta viðskipti
sem tíðkuð væru um allan heim. „Er-
lendis fara viðskiptin víða fram á
skipulögðum markaði og gegna oft
mikilvægu hlutverki á peningamark-
aði. Ég kannast ekki við að sjóðurinn
hafi gert athugasemdir við slík við-
skipti annars staðar,“ bætti Yngvi
við.
Sendinefndin misskilur
endurhverfu viðskiptin
Sigurður Einarsson forstjóri
Kaupþings segir að Kaupþing hafi
ekki fengið lánuð bréf hjá lífeyris-
sjóðum til að stunda endurhverf við-
skipti.
„Það verður að segjast eins og er
að sendinefnd Alþjóðagjaldeyris-
sjóðsins hefur að því er virðist mis-
skilið endurhverfu viðskipti Seðla-
bankans allhrapallega, og er mjög
miður að svo skuli vera,“ segir Sig-
urður. „Við erum tiltölulega stórir í
endurhverfum viðskiptum en mjög
litlir fyrir eigin hönd. Þetta snýst
fyrst og fremst um það að þeir er-
lendu sjóðir sem hafa verið að kaupa
íslensk skuldabréf vilja hafa þetta
utan efnahags. Þeir vilja í fæstum til-
fellum taka áhættu á íslensku krón-
una heldur tryggja sér fjármögnun í
sömu mynt og skuldabréfin eru, og
þetta er eina leiðin til þess. Þetta
snýst ekki um lán á einu eða neinu og
ég held að allir séu sammála um að
þessi túlkun sendinefndarinnar á
endurhverfu viðskiptunum sé út í
bláinn.“
Markaðurinn þyrfti að vera
sýnilegur og undir eftirliti
„Íslandsbanki hefur ekki fengið
skuldabréf að láni frá lífeyrissjóðum
til endurhverfra viðskipta,“ segir
Bjarni Ármannsson forstjóri bank-
ans. Bjarni segir að bankinn taki
undir þau almennu varúðarsjónar-
mið sem fram komi í áliti Alþjóða-
gjaldeyrissjóðsins hvað varði eftirlit
með þessum viðskiptum, og þá í sam-
ræmi við önnur fjármálaviðskipti.
Hann segir að bankinn telji jafn-
framt æskilegt að þessi markaður sé
skilgreindur með það að markmiði
að gera slík viðskipti sýnilegri. „Það
er í sjálfu sér ekkert óeðlilegt við
svona viðskipti. Markaðurinn þarf
hins vegar að vera sýnilegur og eðli-
legt eftirlit þarf að vera með hon-
um,“ segir Bjarni Ármannsson.
Viðskiptin aðeins
einangruð tilvik
Finnur Sveinbjörnsson banka-
stjóri Sparisjóðabankans segir að
einhver dæmi séu til um að bankinn
hafi átt í viðskiptum af þessu tagi við
lífeyrissjóðina, en það sé aðeins í ein-
angruðum tilvikum og umfangið sé
lítið. Að sögn Finns sér Sparisjóða-
bankinn um endurhverfu viðskiptin
fyrir flesta sparisjóðina.
Fjármálaeftirlitið hefur tekið þau
viðskipti sem hér um ræðir til athug-
unar eftir að sendinefndin gaf út álit
sitt, en þeirri athugun er ekki lokið.
Fjármálaeftirlitið hefur hins vegar
verið þeirrar skoðunar að umfang
viðskiptanna sé ekki mikið, án þess
að nákvæmar upplýsingar um það
hafi verið teknar saman. Seðlabank-
inn gerir ekki athugasemdir við það
hvernig fjármálastofnanir afla sér
þeirra bréfa sem þær nota í endur-
hverfu viðskiptunum, svo fremi að
þær fylgi réttum reglum um endur-
hverfu viðskiptin og séu fullir rétt-
hafar þeirra bréfa sem þær leggja
inn til Seðlabankans til að eiga í við-
skiptunum.
Lán lífeyrissjóða á skuldabréfum til fjármálastofnana
Umfangið ekki
þekkt en talið lítið
GJALDEYRISFORÐI Seðlabank-
ans dróst saman um 300 milljónir
króna í mars og nam 36 milljörðum
króna í lok mánaðarins. Erlend
skammtímalán bankans lækkuðu um
1,1 milljarð króna í marsmánuði og
námu 20 milljörðum króna í lok hans.
Gengi íslensku krónunnar styrktist í
mánuðinum um 0,02%.
Markaðsskráð verðbréf í eigu
bankans námu 5,2 milljörðum króna
í marslok miðað við markaðsverð.
Markaðsskráð verðbréf ríkissjóðs í
eigu bankans námu 2,2 milljörðum
króna. Í tilkynningu frá Seðlabank-
anum kemur fram að kröfur Seðla-
bankans á innlánsstofnanir jukust í
mars um 4,5 milljarða króna og
námu 90,4 milljörðum króna í lok
mánaðarins. Kröfur á aðrar fjár-
málastofnanir breyttust lítið í mán-
uðinum og námu 5,5 milljörðum
króna í lok hans. Seðlar og mynt í
umferð jukust um rúmlega hálfan
milljarð króna í mars.
Nettókröfur bankans á ríkissjóð
og ríkisstofnanir hækkuðu um 1,3
milljarða króna í mars og voru nei-
kvæðar um 31,4 milljarða króna í lok
mánaðarins, þ.e. nettóinnstæður rík-
issjóðs námu 31,4 milljörðum króna.
Grunnfé bankans jókst í mars um
5,9 milljarða króna og nam 40,5 millj-
örðum króna í mánaðarlok.
Morgunblaðið/Kristinn
Gjaldeyrisforðinn
36 milljarðar
ÞÝSKA fyrirtækið Beiersdorf
hefur samið við Karl K. Karlsson
hf. að taka við markaðssetningu
og dreifingu á vörum sínum hér-
lendis frá og með 1. september
nk.
Karl K. Karlsson hf. tekur við
þessu markaðsstarfi af J.S.
Helgasyni ehf. sem hefur sinnt
því síðan 1947. Eins og fram hef-
ur komið í Morgunblaðinu hefur
öllu starfsfólki J.S. Helgason ehf.
verið sagt upp störfum, en í
fréttatilkynningu sem Karl K.
Karlsson hf. hefur sent frá sér
mun það leitast við að bjóða
starfsfólki J.S. Helgasonar ehf.
störf á nýjum vettvangi.
Beirsdorf AG var stofnað árið
1882 í Hamborg og nú vinna hjá
fyrirtækinu 17.000 starfsmenn
um allan heim. Meðal helstu vöru-
merkja Beiersdorf AG eru NI-
VEA, tesa, Hansaplast, 8x4, Euc-
erin, atrix, Labello, dobbeldusch,
Jobst, Leukotape og FUTURO.
Beiersdorf semur við
Karl K. Karlsson hf.