Morgunblaðið - 05.06.2002, Blaðsíða 1

Svíþjóð og Finnland
HUNDRUÐ sígauna frá Rúmeníu,
Búlgaríu og Slóvakíu hafa komið til
Svíþjóðar og Finnlands á síðustu
vikum til að sækja þar um hæli.
Um 500 sígaunar komu til Svíþjóð-
ar í maí, en á fjórum fyrstu mán-
uðum ársins komu þangað 269 síg-
aunar. Fleiri en 200 sígaunar hafa
komið til Finnlands á síðustu tveim
vikum.
Sænsk og finnsk stjórnvöld hyggj-
ast dreifa bæklingum meðal sígauna
í Mið- og Austur-Evrópu til að fræða
þá um þær reglur sem gilda um af-
greiðslu hælisumsókna. „Við viljum
koma í veg fyrir að sígaunar selji all-
ar eigur sínar og fari frá heimalönd-
um sínum,“ sagði Niels Eliasson,
embættismaður í sænska utanríkis-
ráðuneytinu. „Líkurnar á því að þeir
fái hæli í Svíþjóð eru nánast engar.“
Embættismaður í finnska innan-
ríkisráðuneytinu sagði að margir
sígaunar hefðu komið til Finnlands
fyrir tveimur árum til að njóta góðs
af velferðarkerfi landsins í þá tvo
mánuði sem það tók að afgreiða um-
sóknir þeirra um hæli áður en þeir
voru fluttir til heimalandsins. Nú
tæki afgreiðsla umsóknanna aðeins
þrjár til fjórar vikur.
Hundruð
sígauna
leita hælis
Helsinki. AFP.
130. TBL. 90. ÁRG. MIÐVIKUDAGUR 5. JÚNÍ 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 5. JÚNÍ 2002
„Það að ríki eigi kjarnavopn er
augljós vísbending um að þeim verði
beitt við sérstakar aðstæður,“ sagði
Musharraf þegar hann var beðinn að
útskýra hvers vegna Pakistanar
höfnuðu ekki kjarnorkuárás að fyrra
bragði eins og Indverjar hafa gert.
Hann bætti þó við að það væri
ábyrgðarlaust af ráðamönnum að tala
um „kjarnorkustríð“ og Pakistanar
vildu helst kjarnorkuafvopnun í Suð-
ur-Asíu.
Áður hafði Vajpayee sagt að
„kjarnorkuveldi ættu ekki að beita
kjarnavopnum sem kúgunartæki“ og
indverska varnarmálaráðuneytið
sagði að Indverjar hefðu „ekki trú á
notkun kjarnavopna“.
„Hyggjast ekki beita hervaldi“
Leiðtogar Rússlands og Kína
reyndu að koma á fundi Musharrafs
og Vajpayes til að afstýra því að deil-
an um Kasmír leiddi til nýrrar styrj-
aldar milli Indlands og Pakistans.
Þeir fóru þó frá Kasakstan í gær án
þess að hafa talast við.
„Indverjar hóta Pakistönum sífellt
árásum og hafna viðræðum,“ sagði
Musharraf eftir fund með Vladímír
Pútín, forseta Rússlands. Musharraf
kvaðst hafa þegið boð Pútíns um að
fara til Moskvu til að ræða Kasmír-
deiluna, en ekki var ljóst í gær hvort
Vajpayee var boðið að taka þátt í við-
ræðunum.
Vajpayee áréttaði í gær að hann
væri tilbúinn að hefja viðræður við
Pakistana en þeir yrðu fyrst að binda
enda á árásir hryðjuverkamanna sem
kæmu frá Pakistan inn á indverska
hluta Kasmír. Vajpayee sagði að ekki
hefði dregið úr árásunum þrátt fyrir
loforð Musharrafs um að hindra þær.
Pútín sagði eftir fundi sína með
Musharraf og Vajpayee að þeir vildu
báðir finna friðsamlega lausn á deil-
unni. „Þeir lögðu báðir áherslu á að
þeir hygðust ekki beita hervaldi til að
leysa vandamálin.“
Musharraf, Vajpayee og 14 aðrir
leiðtogar á fundinum í Kasakstan
undirrituðu yfirlýsingu þar sem þeir
fordæmdu „hvers konar hryðjuverk“
og lofuðu að „efla samstarf“ Asíu-
ríkja.
Musharraf útilokar ekki
notkun kjarnorkuvopna
Almaty. AP.
PERVEZ Musharraf, forseti Pakistans, neitaði í gær að útiloka þann mögu-
leika að Pakistanar beittu kjarnavopnum að fyrra bragði vegna deilunnar við
Indverja um Kasmír. Atal Bihari Vajpayee, forsætisráðherra Indlands, féllst
ekki á friðarviðræður við Musharraf á leiðtogafundi Asíuríkja, sem lauk í Kas-
akstan í gær, og þeir kenndu hvor öðrum um átökin vegna Kasmírdeilunnar
sem hefur tvisvar sinnum leitt til stríðs milli Indverja og Pakistana frá 1947.
TALIÐ er að milljón manna hafi
safnast saman á götum miðborgar
Lundúna í gær til að fylgjast með
hátíðahöldum af því tilefni að hálf
öld er liðin frá því að Elísabet II
Bretadrottning var krýnd. Drottn-
ingin er hér í gylltum hestvagni frá
18. öld, sem átta hvítir hestar
drógu, á leiðinni frá Buckingham-
höll að St. Pálskirkjunni þar sem
hún sótti messu í tilefni af krýning-
arafmælinu. Riddaraliðsmenn í
skarlatsrauðum klæðum fylgdu
vagninum.
Drottningin kvaðst vera djúpt
snortin af þeirri hlýju sem fólkið
sýndi henni á afmælishátíðinni og
sagði að Bretar og þjóðir breska
samveldisins fylltu hana „þakklæti,
virðingu og stolti“.
Við messuna í St. Pálskirkjunni
lauk George Carey, erkibiskupinn
af Kantaraborg, lofsorði á drottn-
ingu fyrir „staðfestu og hollustu“
við bresku þjóðina. „Tengslin milli
þjóðhöfðingjans og þjóðarinnar
hafa eflst og dýpkað með tím-
anum.“
Fjölmennar skrúðgöngur voru
einnig í miðborg Lundúna síðdegis í
gær. Á meðal þátttakendanna voru
5.000 manna kór og 2.000 hljóð-
færaleikarar og dansarar frá öllum
löndum breska samveldisins.
Hátíðinni lauk með flugsýningu
sem Elísabet drottning og fjöl-
skylda hennar fylgdust með af svöl-
um Buckingham-hallar. 27 flug-
vélar, þeirra á meðal
Concorde-þotur, tóku þátt í sýning-
unni.
Reuters
Breta-
drottn-
ing hyllt
MIKILL fögnuður ríkti í Suður-
Kóreu í gær eftir að lið landsins
sigraði Pólverja 2–0 í lokakeppni
heimsmeistaramótsins í knatt-
spyrnu. Er þetta fyrsti sigur Suður-
Kóreu eftir fimmtán leiki á 48 árum
í lokakeppni heimsmeistaramóts-
ins. Suðurkóresk hjón kyssast hér á
knattspyrnuleikvangi í borginni
Pusan í Suður-Kóreu þar sem leik-
urinn fór fram.
Reuters
Fyrsta sigri
Suður-Kóreu
í HM fagnað

Sögulegur sigur/B3
SUNDMÖNNUM hefur verið
ráðlagt að forðast ástleitinn
höfrung við vinsælan ferða-
mannastað á suðvesturströnd
Englands, að sögn breska dag-
blaðsins The Times í gær.
Höfrungurinn, sem kallaður
hefur verið Georges, kom að
höfninni í Weymouth í Dorset-
sýslu fyrir tveimur mánuðum
og síðan hafa þúsundir manna
siglt að honum á litlum bátum
til að fylgjast með honum.
Ric O’Barry, bandarískur
sérfræðingur í sjávarspendýr-
um, hefur reynt án árangurs að
laða höfrunginn til fyrri heim-
kynna sinna. Hann segir að
fólki geti stafað mikil hætta af
höfrungnum reyni það að
synda með honum.
„Höfrungurinn á það til að
vera mjög kynferðislega
ágengur,“ segir O’Barry og
bætir við að Georges hafi þegar
gert sér dælt við nokkra sund-
menn. „Höfrungar eru villt dýr
og verða mjög grófir þegar þeir
maka sig. Þeir geta vegið allt að
200 kíló og fólk getur drukknað
lendi það undir þessum mikla
þunga.“
Varað við
ástleitnum
höfrungi