Morgunblaðið - 30.08.2002, Side 18

ERLENT
18 FÖSTUDAGUR 30. ÁGÚST 2002 MORGUNBLAÐIÐ
MAXINE Carr, sem ákærð hefur
verið í tengslum við morðin á
tveimur tíu ára stúlkum í Bret-
landi, kom fyrir rétt í gær, en vitn-
isburður hennar var sendur beint
um sjónvarpsrás frá fangelsinu
sem hún dvelur í í London til rétt-
arsalarins í Peterborough á Aust-
ur-Englandi. Var þetta gert til
þess að koma í veg fyrir að múgur
safnaðist að dómshúsinu.
Carr er ákærð fyrir að hafa log-
ið að lögreglu sem rannsakaði
hvarf Holly Wells og Jessicu
Chapman. Unnusti Carr, Ian
Huntley, hefur verið ákærður fyrir
morðin á stúlkunum, en lík þeirra
fundust 17. ágúst. Carr kom fyrst
fyrir réttinn í síðstu viku og söfn-
uðust þá nokkur hundruð manns
saman fyrir utan dómshúsið í Pet-
erborough, hrópuðu svívirðingar
og kröfðust sumir þess að dauða-
refsingar yrðu teknar upp í Bret-
landi á ný.
Carr virtist mædd er hún bar
vitni og oftar en einu sinni faldi
hún andlitið í höndum sér og hristi
höfuðið. Dómarinn, Nicholas Cole-
man, minnti fréttamenn á það að
mikilvægt væri að fréttaflutningur
af málinu kæmi ekki í veg fyrir að
Carr hlyti sanngjarna málsmeð-
ferð, eins og hún ætti rétt á. Hún
mun sitja áfram í varðhaldi uns
hún kemur næst fyrir réttinn, 27.
september, og fóru verjendur
hennar ekki fram á lausn gegn
tryggingu.
Huntley hefur verið lagður inn á
geðsjúkrahús þar sem læknar
meta hvort hann sé hæfur til að
koma fyrir rétt.
Carr
áfram í
varð-
haldi
London. AP.
BRESKA ríkisstjórnin íhugar nú til-
lögu utanríkismálanefndar breska
þingsins um að gefa Saddam Hussein
Íraksforseta ákveðinn frest til að fara
eftir tilskipunum Öryggisráðs Sam-
einuðu þjóðanna (SÞ) um vopnaeft-
irlit. Vonast menn þar á bæ til að slík
málamiðlun geti dregið úr vaxandi
spennu milli Bandaríkjamanna og
bandamanna þeirra í Evrópu. Í við-
tali við Financial Times sagði Jack
Straw, utanríkisráðherra Bretlands,
að „boltinn [væri] nú á vallarhelmingi
Saddam Husseins“, og að á honum
hvíldi sú skylda að hleypa vopnaeft-
irlitsmönnum SÞ aftur inn í Írak, en
þeim var vísað úr landinu árið 1998.
„Það er alveg ljóst að endurkoma eft-
irlitsmannanna tryggir ekki sjálf-
krafa að Írakar muni fara að tilskip-
ununum. En það yrði fyrsta skrefið í
þá átt.“
Harðlínumenn, svonefndir „hauk-
ar“ innan ríkisstjórnar Bandaríkj-
anna hafa undanfarið lagt áherslu á
nauðsyn þess að velta Saddam Huss-
ein úr sessi og stöðva ætlaða þróun
og framleiðslu Íraka á gereyðingar-
vopnum. Sá málflutningur hefur hins
vegar fallið í grýttan jarðveg í Mið-
Austurlöndum og og Evrópu. Hafa
margir leiðtogar arabaríkja lýst því
yfir að þeir muni hvorki styðja né
taka þátt í hugsanlegri innrás í Írak,
og áhyggjur hefðbundinna banda-
manna Bandaríkjamanna í Evrópu
fara vaxandi.
Vilja samþykki SÞ
Aukinn þrýstingur er nú á Tony
Blair, forsætisráðherra Bretlands,
frá svonefndum „dúfum“ sem hvetja
til varfærni, innan ríkisstjórnarinnar,
Verkamannaflokksins og verkalýðs-
hreyfingarinnar um að hann fari ekki
með Bandaríkjamönnum með hern-
aði á Írak komi til innrásar. Breskir
ráðamenn gera nú hvað þeir geta til
að draga úr fréttum þess efnis að
brestir séu að myndast í sambandi
Bretlands og Bandaríkjanna vegna
málsins, en ríkin tvö hafa löngum ver-
ið nánir bandamenn. Sagðist Straw
þess fullviss að bandarísk stjórnvöld
tækju mark á því sem Bretar segðu.
Þá gaf Peter Mandelson, sérlegur
sendimaður Tony Blairs, til kynna í
gær að bresk stjórnvöld myndu leita
eftir samþykki SÞ áður en þau tækju
þátt í innrás í Írak. „Sem dómari og
kviðdómur í málinu eiga Sameinuðu
þjóðirnar að vera aðalmáttarstólpinn
í heimi byggðum á lögum og alþjóð-
legri samvinnu,“ sagði Mandelson,
sem var í Indónesíu í gær. „Alþjóðleg
ógn krefst alþjóðlegra viðbragða og
við eigum ekki að einangra okkur,
snúa bakinu við öðrum og stinga
höfðinu í sandinn.“
Varautanríkisráðherra Bandaríkj-
anna, Richard Armitage, sagði á mið-
vikudag að stjórnin í Washington
væri þess fullviss að ríki heims
mundu fylkja sér að baki Bandaríkja-
mönnum þegar sannanir gegn stjórn-
inni í Bagdad verða kynntar, en ítrek-
aði að George W. Bush
Bandaríkjaforseti hefði ekki enn tek-
ið ákvörðum um aðgerðir gegn Írak.
„Ég efast ekki um að þegar forsetinn
hefur tekið ákvörðun og við höfum
kynnt okkar mál og rætt það við
bandamenn okkar, muni fjöldi fólks
vera á sama máli og Bush forseti,“
sagði hann á blaðamannafundi í Tók-
ýó, þar sem hann átti í viðræðum við
japanska stjórnmálamenn um
ástandið í Írak.
Bretar íhuga að Saddam
verði gefinn frestur
London, Tókýó. AFP.
GERHARD Schröder, kanslari
Þýskalands, hleypur upp á sviðið í
mikilli rigningarskúr á kosn-
ingafundi í Wiesbaden í gær. Jafn-
aðarmannaflokkurinn (SPD), með
kanslarann í broddi fylkingar, hóf
þá lokaátakið í baráttunni fyrir
þingkosningarnar sem fara fram í
Þýskalandi 22. september.
Schröder á undir högg að sækja,
ef marka má skoðanakannanir, og
horfur á að hann bíði lægri hlut
fyrir helsta keppinauti sínum, Ed-
mund Stoiber, kanslaraefni kristi-
legu flokkanna CDU og CSU.
Rignir á Schröder
Reuters
SEX úr sömu fjölskyldu voru
skotnir til bana á heimili sínu í
Alabamaríki í Bandaríkjunum,
og barns og 16 ára móður þess
er saknað. Yfirvöld eru að
leita þeirra og einnig tveggja
annarra sem taldir eru hafa
orðið vitni að morðunum.
Einnig er lögregla að reyna að
grafast fyrir um ástæðu morð-
anna. Lík fórnarlambanna,
þ.á m. þriggja drengja á tán-
ingsaldri, fundust á þriðju-
dagskvöldið og miðvikudags-
morgun í húsi og nálægu
hjólhýsi í Rutledge, skammt
frá borginni Montgomery.
Ákærur í
Noregi
RÚMLEGA 150 manns hafa
verið ákærðir fyrir að hafa
barnaklám undir höndum í
Noregi í kjölfar aðgerða lög-
reglu um landið allt. Lagt var
hald á tölvur, myndbönd og
ljósmyndir af kynferðislegum
misþyrmingum af börnum. Að
sögn lögreglunnar kunna fleiri
að verða handteknir þegar bú-
ið verður að rannsaka efnið
nánar. Hinir ákærðu gætu átt
yfir höfði sér allt að tveggja
ára fangelsi.
Írakar
sendir heim
DANIR ætla að vísa úr landi
Írökum sem hefur verið synj-
að um hæli í landinu, þrátt
fyrir Bandaríkjamenn kunni
að hefja árásir á Írak, að sögn
ráðherra innflytjendamála í
Danmörku, Bertels Haarders.
Sagði hann að möguleg hætta
á stríði réttlætti ekki í sjálfu
sér að fólkinu yrði veitt hæli í
Danmörku.
Mega ekki
veita und-
anþágu
RÍKI í Evrópusambandinu
mega ekki samkvæmt alþjóða-
lögum veita Bandaríkjamönn-
um undanþágu frá lögsögu Al-
þjóðasakamáladómstólsins
eins og Bandaríkjastjórn hef-
ur krafist. Er þetta niðurstaða
lögfræðinga aðalskrifstofu
Evrópusambandsins.
Skorti á
þjálfun
áhafnarinnar
ÁHÖFN rússneska kjarn-
orkukafbátsins Kúrsk hafði
aldrei hlotið þjálfun í beitingu
tundurskeyta þeirrar gerðar
sem sprakk um borð í bátnum
og sökkti honum með þeim af-
leiðingum að öll áhöfnin, 118
manns, fórst fyrir tveimur ár-
um. Þá hafði áhöfnin heldur
ekki fengið æfingu í að bregð-
ast við leka eins og þeim er
olli sprengingunni. Kemur
þetta m.a. fram í niðurstöðum
opinberrar rannsóknar á slys-
inu er birt var í gær. Saksókn-
arar drógu fram fjölda vís-
bendinga um brot á
öryggisreglum í flotanum, en
sögðu að engin þeirra væri
beinlínis ástæðan fyrir því að
Kúrsk fórst.
STUTT
Sex
myrtir í
Alabama
BARÁTTUMAÐUR fyrir réttind-
um alnæmissjúklinga í Kína er
horfinn, að sögn vina hans og
mannréttindasamtaka. Wan
Yanhai, sem fletti ofan af óheilsu-
samlegum blóðkaupaiðnaði í Hen-
an-héraði, er forvígismaður félaga-
samtaka sem unnu að því að vekja
athygli á þeirri vá sem af HIV-veir-
unni stafar en hún veldur alnæmi.
Samtökin voru bönnuð af kín-
verskum stjórnvöldum þann 1. júlí
síðastliðinn og segja vinir Wans að
hann hafi óttast um öryggi sitt eftir
það. Þá hafi hann hugsanlega verið
undir eftirliti leynilögreglu. Komm-
únistastjórnin í Kína er farin að
gangast við því hversu útbreitt al-
næmi er í landinu, en þau eru mjög
á varðbergi gagnvart öllum óháð-
um baráttumönnum.
Wan sást síðast á kaffihúsi í Pek-
ing og segja félagar hans að hann
hafi keyrt þaðan eftir að hafa fengið
símtal þar sem hann var beðinn um
að hitta ónefndan aðila á skrifstofu
samtakanna. Síðan hefur ekkert til
hans spurst.
„Við höfum öll miklar áhyggjur
af honum. Við höfum ekki hugmynd
um hvað hefur gerst,“ sagði Hu Jia,
vinur Wans, en Hu tilkynnti lög-
reglu um hvarfið og sagði hann lög-
regluna hafa verið mjög hjálplega.
Wan er þekktastur fyrir að hafa
vakið máls á því hvernig
blóðkaupaiðnaður í Henan stuðlaði
að því að þúsundir fátækra þorps-
búa sýktust af alnæmisveirunni.
Þorpsbúarnir gáfu blóð, sem bland-
að var saman, mikilvæg efni skilin
frá og afganginum síðan sprautað
aftur í fólkið. Þurfti því aðeins
nokkra sjúka einstaklinga til að
smita alla hina. Embættismenn í
Henan eru grunaðir um að hafa
grætt á starfseminni og hafa reynt
að kæfa umfjöllun um málið.
Kínverskur baráttumaður hverfur
Peking. AP.