Morgunblaðið - 04.09.2002, Blaðsíða 18

VIÐSKIPTI/ATHAFNALÍF
18 MIÐVIKUDAGUR 4. SEPTEMBER 2002 MORGUNBLAÐIÐ
BRESKIR fjölmiðlar sem fjölluðu í
gær um yfirtökutilboð fjármála-
mannsins Philips Greens og fyrir-
tækis hans Taveta Investments í
verslunarkeðjuna Arcadia Group
plc. telja að Baugur verði ekki með í
tilboðinu. Þetta kom til að mynda
fram í The Daily Telegraph, Times-
Online og The Guardian.
Í frétt í The Telegraph sagði að
Green myndi væntanlega bjóða
Baugi 154 milljónir Sterlingspunda
fyrir 20% hlut Baugs í Arcadia, jafn-
virði um 21 milljarðs íslenskra
króna. Það er í samræmi við boð
hans um að greiða 408 pens á hlut í
Arcadia. Þá fengi Baugur að sögn
blaðsins í staðinn kauprétt á versl-
unarkeðjunum Top Shop, Top Man
og Miss Selfridge, eftir að yfirtakan
hefði átt sér stað. Blaðið segir að
samkvæmt mati fjármálasérfræð-
inga þyrfti Baugur að greiða a.m.k.
200 milljónir punda, rúma 27 millj-
arða íslenskra króna, fyrir verslun-
arkeðjurnar þrjár.
The Telegraph sagði að Green og
forsvarsmenn Baugs hefðu tekist
hart á um þessi mál á fundi í fyrri-
nótt, þar sem Baugur hefði farið
fram á ákveðnar tryggingar fyrir
viðskiptunum.
Ef Green og Baugur komast að
samkomulagi um þessi mál verður
stjórn Arcadia að staðfesta það til að
af viðskiptum geti orðið.
Viðræður halda áfram
Baugur sendi tilkynningu til
Kauphallar Íslands fyrir hádegi í
gær þar sem greint var frá því að
viðræður félagsins við Philip Green
og fyrirtæki hans Taveta Invest-
ments vegna Arcadia Group plc.
væru enn í gangi. Þá kom fram í til-
kynningunni að frekari upplýsingar
um gang mála verði gefnar eftir því
sem efni og ástæður væru til. Baug-
ur sendi ekki frá sér frekari upplýs-
ingar um gang mála í gær.
Frá því var greint í Morgun-
blaðinu í gær að Hreinn Loftsson,
lögmaður Baugs Group, hefði í
fyrradag fengið í hendur yfirlýsingu
frá Jóni H. Snorrasyni fyrir hönd
efnahagsbrotadeildar ríkislögreglu-
stjórans, þar sem staðfest var að
rannsókn efnahagsbrotadeildarinn-
ar snerist um meint svik gegn
Baugi, þar sem fyrirtækið sjálft
væri brotaþoli. Samkvæmt upplýs-
ingum frá Hreini gætir hann hags-
muna Baugs í tengslum við rann-
sókn lögreglunnar á meintum
svikum stjórnarformanns og for-
stjóra Baugs gegn félaginu. Helgi
Jóhannesson hrl. gætir hagsmuna
Jóns Ásgeirs Jóhannessonar, stjórn-
arformanns Baugs, og Andri Árna-
son hrl. er lögmaður Tryggva Jóns-
sonar, forstjóra fyrirtækisins, í
tilefni þeirra ávirðinga sem á þá
hafa verið bornar.
Gengi hlutabréfa í Arcadia Group
hækkaði um 1,41% í Kauphöllinni í
Lundúnum í gær og endaði í 378,5.
Gengi hlutabréfa í Baugi lækkaði
hins vegar um 0,6% í Kauphöll Ís-
lands í gær, lækkaði úr 9,00 í 8,95.
Verðmæti fyrirtækisins er sam-
kvæmt því um 21,4 milljarðar króna.
Yfirtökutilboð Philips Greens í Arcadia Group
Baugur væntan-
lega ekki með
HÁTÆKNIFYRIRTÆKIÐ Marel
tók í gær í notkun nýjar höfuð-
stöðvar sínar í Austurhrauni 9 í
Garðabæ að viðstöddu fjölmenni.
Það var Árni M. Mathiesen, sjáv-
arútvegsráðherra, sem hleypti
„andanum í húsið“, en starfsand-
inn úr fyrra húsnæði var fluttur í
nýja húsið í sérstöku íláti. Að auki
voru forseti Íslands, ráðherrar,
þingmenn, bæjarstjóri og bæj-
arstjórn Garðabæjar, auk fjölda
forsvarsmanna úr íslensku at-
vinnulífi, viðstaddir opnunina.
Nýja byggingin er rúmir 15.000
fermetrar að stærð og gerbreytir
allri aðstöðu fyrirtækisins, sem áð-
ur var með starfsemi í tveimur
húsum. Rými Marels eykst um
helming við flutninginn og að auki
eru fyrir hendi möguleikar á
stækkun um 3.500 fermetra. Auk
þess eru stækkunarmöguleikar
fyrir hendi hjá framleiðslu um ríf-
lega 2.000 fermetra og skrifstofu
um 1.500 fermetra. Áætlaður
kostnaður við bygginguna var um
1.400 til 1.500 milljónir króna.
Dregið úr rafmengun
Nýbygging Marel er hönnuð
með það í huga að allt flæði efnis
og upplýsinga verði með sem best-
um hætti. Framleiðslu- og skrif-
stofubygging er samþætt þannig
að vegalengdir milli eininga verði
sem minnstar. Samhliða byggingu
hússins hefur tækjakostur til
framleiðslu verið endurbættur
með það í huga að auka afköst hjá
framleiðslusellum og stoðliðum
sem verið höfðu flöskuhálsar. Við
hönnun hússins var sérstaklega
hugað að því að draga sem mest úr
rafmengun vegna tækja og lýs-
ingar, einnig að tryggja að trufl-
anir frá rafkerfi hverfisins berist
ekki inn í bygginguna. Þetta var
gert með kerfisbundinni spennu-
jöfnun allra hluta byggingarinnar
og því að útbúa sérstök jarðskaut
með borholum sem verja húsið fyr-
ir utanaðkomandi truflunum og
sjá til þess að truflanir sem mynd-
ast innanhúss eigi greiða leið til
jarðar. Skrifstofurými mótast af
flötu stjórnkerfi sem tryggir stutt-
ar boðleiðir á milli starfsmanna og
æðstu stjórnenda. Þannig er allt
skipulag sveigjanlegt, veggir eru
ekki reistir að óþörfu, vinnurými
er opið til að tryggja aukin sam-
skipti, starfsmönnum er tryggð
íþróttaaðstaða innanhúss með
körfubolta- og veggjatennissölum,
líkamsræktaraðstöðu, sérstöku
leikherbergi fyrir börn sem af
einni eða annari ástæðu þurfa að
koma með foreldrum sínum til
vinnu í stuttan tíma, bókasafni og
vel útbúnu mötuneyti sem rúmar
alla starfsmenn fyrirtækisins, auk
kaffiaðstöðu á hverju skilgreindu
vinnusvæði hússins.
Arkitekt var Teiknistofa Ingi-
mundar Sveinssonar. Umsjón-
araðili með framkvæmd bygging-
arinnar fyrir hönd Marel og
tengiliður við verktaka var Helgi
Geirharðsson.
Gamla húsnæðið
hamlaði starfseminni
„Fyrirtækið hefur vaxið hratt á
undanförnum árum, að meðaltali
um 35% á ári. Við höfum verið í
eldra húsnæðinu allt frá árinu
1986, þangað fluttu þá um 30
starfsmenn en nú eru þeir um 300.
Gamla húsnæðið var því orðið
óhentugt og farið að hamla starf-
semi og framleiðni í fyrirtækinu
og þar af leiðandi vaxtarmögu-
leikum. Nýja húsnæðið rennir því
stoðum undir að hægt verði að
bæta arðsemi fyrirtækisins og
styður framtíðarvöxt,“ segir Hörð-
ur Arnarson, forstjóri Marels.
Öll starfsemi Marels á Íslandi
verður undir einu þaki í Garðabæ.
Hörður segir að þannig sé búið að
sameina starfsemina hérlendis,
sem áður var á tveimur stöðum
sem hafi verið óhentugt. „Marel er
nú í fyrsta sinn komið í húsnæði
sem er sérstaklega hannað utan
um starfsemina. Fyrirtækið sér-
hæfir sig í að þróa vinnsluferla og
vinnufyrirkomulag hjá matvæla-
vinnslum um allan heim og það
var því skemmtilegt fyrir okkur að
hanna okkar eigin vinnsluflæði,“
segir Hörður.
Marel tekur nýjar 15.000 fermetra höfuðstöðvar í Garðabæ í notkun
Gerbreytir allri aðstöðu
Morgunblaðið/Jim Smart
Árni M. Mathiesen sjávarútvegsráðherra hleypti „andanum í húsið“ úr
sérstöku íláti sem notað var til að flytja andann úr eldra húsnæði Marels.
Gaumur og
Flugleiðir
kaupa í Flug-
leiðum
FJÁRFESTINGARFÉLAGIÐ
Gaumur keypti í gær hlutabréf í
Flugleiðum hf. að nafnverði
31.699.715 krónur. Eignarhlutur
Fjárfestingarfélagsins Gaums er nú
10,08% eða 232.651.589 krónur að
nafnverði en var áður 200.951.874 að
nafnverði eða 8,71%. Gaumur er ann-
ar stærsti hluthafinn í Flugleiðum en
Burðarás er stærsti hluthafinn.
Flugleiðir keyptu deginum áður
eigin bréf að nafnverði 59,2 milljónir
á verðinu kr. 3,90. Eignarhlutur
Flugleiða hf. eftir kaupin er 6,41%
eða 147.984.622 krónur að nafnverði
en var áður 3,85% eða 88.784.622
krónur að nafnverði.
Í morgunpunktum Kaupþings í
gær kemur fram að um 20% hluta-
fjár í Flugleiðum hafi skipt um hend-
ur síðastliðnar tvær vikur og eru það
aðallega Flugleiðir og Gaumur sem
hafa keypt bréf í Flugleiðum.
Bréf Flugleiða hafa hækkað mjög í
verði að undanförnu og nemur
hækkunin um 120% frá áramótum.
Lokaverð Flugleiða var 3,80 í gær.
HAGNAÐUR fasteignafélagsins
Stoða nam 502 milljónum króna
fyrstu sex mánuði ársins en á
sama tímabili í fyrra var 16 millj-
óna króna tap.
Rekstrartekjur samstæðunnar
á tímabilinu námu 1.033 milljón-
um króna og rekstrargjöld að
meðtöldum afskriftum námu 544
milljónum króna. Rekstrarhagn-
aður án fjármunatekna og fjár-
magnsgjalda nam því 489 milljón-
um króna.
Fjármagnsliðir samstæðunnar
voru jákvæðir um 104 milljónir
króna. Helsta skýringin er sú að
gengishagnaður var 438 milljónir
króna. Tekjur vegna verðlags-
breytinga innan tímabilsins voru
reiknaðar 235 milljónir króna og
vaxtatekjur voru 8 milljónir
króna. Vaxtagjöld, verðbætur
langtíma- og skammtímalána
ásamt lántökukostnaði voru alls
579 milljónir króna á tímabilinu.
Heildareignir tæpir
22 milljarðar króna
Veltufé frá rekstri var um 261
milljón króna á tímabilinu og
handbært fé frá rekstri var 203
milljónir króna. Heildareignir fé-
lagsins námu tæpum 21.677 millj-
ónum króna í lok tímabilsins. Eig-
ið fé nam um 4.149 milljónum
króna eða sem svarar 19,2% af
heildarfé niðurstöðutölu efna-
hagsreiknings. Eigið fé ásamt
víkjandi láni að fjárhæð 1.483
milljónir króna er alls um 5.632
milljónir króna eða 26,0% af heild-
arfé niðurstöðutölu efnahags-
reiknings.
Við samruna Þyrpingar hf. inn í
Fasteignafélagið Stoðir hf. mynd-
aðist viðskiptavild að fjárhæð 700
milljónir króna og er hún eign-
færð meðal óefnislegra eigna og
afskrifuð á 20 árum. Með Þyrp-
ingu hf. fylgdu 3 dótturfélög, en
þau eru Skeifan 17, Stjörnutorg
ehf. og Innréttingarnar ehf., að
því er segir í tilkynningu til Kaup-
hallar Íslands.
Fasteignafélagið Stoðir hf. var
stofnað árið 1999 og sinnir
fasteignarekstri og skyldri starf-
semi. Eignir félagsins eru versl-
unar-, þjónustu- og skrifstofuhús-
næði. Meðal leigjenda má nefna
Baug hf., Flugleiðahótelin,
SPRON, Kaupþing banka hf.,
Tæknival, Miklatorg hf. og NTC
hf.
Mikil umskipti
hjá Stoðum
Hagnaður
KEA 180
milljónir
HAGNAÐUR af rekstri Kaupfélags
Eyfirðinga svf. fyrstu sex mánuði árs-
ins nam 180 milljónum króna að teknu
tilliti til skatta og annarra tekna, skv.
óendurskoðuðu árshlutauppgjöri fé-
lagsins. Fjármagnstekjur umfram
fjármunagjöld námu 188 milljónum
króna og vegur þar þyngst söluhagn-
aður af hlutabréfum í Kaldbaki fjár-
festingarfélagi hf.
Rekstrargjöld fyrir afskriftir og
vexti námu 4 milljónum króna.
Rekstrartap fyrir fjármagnsliði nam
4 milljónum króna. Veltufé til rekstr-
ar nam 7 milljónum króna. Bókfært
eiginfjárhlutfall er 66%.
Á fyrstu sex mánuðum 2001 nam
tap KEA hins vegar 438,5 milljónum
króna. Umtalsverðar breytingar hafa
orðið á tilgangi og starfsemi KEA frá
fyrra ári en um síðustu áramót yfirtók
Kaldbakur fjárfestingarfélag hf. allar
eignir og skuldbindingar KEA.
♦ ♦ ♦