Morgunblaðið - 16.10.2002, Blaðsíða 13

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 16. OKTÓBER 2002 13
BÆJARSTJÓRI Hafnarfjarðar hefur óskað
eftir því við menntamálaráðherra að bygginga-
nefnd vegna stækkunar Flensborgarskóla verði
skipuð hið fyrsta. Hönnuðir skólahússins, sem
reist var árið 1971, segja verksamning frá þeim
tíma um hönnun annars áfanga skólans enn í
gildi en að sögn bæjarstjóra gæti stækkunin
orðið á öðrum nótum en þá var áætlað. Ný for-
sögn að stækkuninni var unnin af öðrum aðilum
en þeim sem hönnuðu húsið upphaflega en ekki
er búið að taka ákvarðanir um hver mun hafa
sjálfa hönnunina með höndum.
Árið 1971 var efnt til samkeppni um stækkun
Flensborgarskóla, sem þá var gagnfræðaskóli,
og voru það arkitektarnir Ormar Þór Guð-
mundsson og Örnólfur Hall sem unnu til fyrstu
verðlauna. Í bréfi þeirra til Hafnarfjarðarbæjar
nú er minnt á að á grundvelli verðlaunatillög-
unnar hafi verið undirritaður samningur við bæ-
inn um hönnun skólahúss sem byggja skyldi í
tveimur áföngum.
Telur málið í eðlilegum farvegi
Fyrri áfangi skólahússins var síðan reistur en
það var ekki fyrr en í júní árið 2000 sem skóla-
meistari ræddi við hönnuðina um fyrirhugaða
byggingu síðari áfangans, að því er segir í bréf-
inu. Hins vegar hafi þeir frétt í fyrra að annar
arkitekt væri farinn að vinna að forsögn fyrir
síðari áfangann, sem hafi komið þeim spánskt
fyrir sjónir því þar hafi verið gengið lengra en
venja er um forsagnir. „Sá arkitekt sem var ráð-
inn til að gera forsögnina var farinn að teikna
hús þarna,“ segir Ormar í samtali við Morg-
unblaðið. „Það er ekki venja að láta teikningar
fylgja forsögninni, hvað þá líkan eins og þarna
var heldur er forsögnin látin vera skrifleg.“
Þær teikningar eru þó ósamþykktar að sögn
Ormars og segir hann að í samtölum við bæj-
arstjóra hafi hann verið fullvissaður um að ekki
hefðu verið teknar ákvarðanir um hönnun húss-
ins heldur yrðu þær teknar þegar bygginga-
nefnd þess hafi verið skipuð. Málið sé því í eðli-
legum farvegi með ósk bæjarstjóra um skipan
nefndarinnar og hann hafi ekki ástæðu til að
ætla annað en að það fari á besta veg.
Að mati Ormars er samningurinn frá 1971
enn í gildi og leggur áherslu á að einnig sé um
siðferðislegan rétt hans og Örnólfs sé að ræða.
„Við álítum að þessi bygging standi fyrir sínu
sem arkitektónískt verk enda fékk hún óumdeil-
anlega fyrstu verðlaun í opinni samkeppni á sín-
um tíma. Hún stendur við hliðina á mjög merkri
byggingu Guðjóns Samúelssonar og var ekki
síst verðlaunuð fyrir að sýna þeirri byggingu
kurteisi og sóma. Það væri því í hæsta máta
óeðlilegt að ætla að koma núna með þriðju út-
gáfuna af byggingu en halda ekki áfram við það
verk sem var svona vel undirbúið, ekki síst þar
sem við höfum hannað fjölda skóla í millitíðinni.“
Í bréfi Ormars til bæjarstjóra segir að í sam-
tali hans við deildarstjóra eignadeildar mennta-
málaráðuneytisins hafi komið fram að hugsan-
lega væri skylda að bjóða slíka hönnunarvinnu
út. Ormar bendir á að deildarstjórinn hafi þó
ekki haft vitneskju um samninginn frá 1971.
„Slíkur samningur breytir auðvitað öllu og það
er vitað mál að ef um framhaldsverk er að ræða
þá eiga slíkar útboðsreglur ekki við,“ segir hann.
Jafnvel byggt á öðrum stað
Sem fyrr segir hefur Lúðvík Geirsson, bæj-
arstjóri Hafnarfjarðar, óskað eftir því að form-
leg bygginganefnd skólans verði skipuð hið
fyrsta. Hann segir brýnt að niðurstaða fáist um
það atriði fljótt. „Við leggjum mikla áherslu á að
koma þessu verkefni af stað. Það er mjög þröngt
um alla aðstöðu í skólanum og hann hefur liðið
fyrir það á undanförnum árum að búa við þessi
þrengsli.“
Hann segir töluvert hafa breyst frá þeim tíma
sem samkeppnin fór fram. „Nú eru menn að tala
um að fara í framkvæmdir á öðrum nótum og
byggja þetta á annan máta á öðrum stað. Það
var samstarfsnefnd á milli bæjarins og ráðu-
neytisins í fyrra sem lét vinna ákveðna rým-
isathugun vegna þessarar stækkunar, en það
var engin arkitektavinna fólgin í því.“
Ekki hefur verið tekin ákvörðun um það hver
muni hanna húsið að hans sögn. „Það liggur ekk-
ert annað fyrir en þessi rýmisathugun og svo
eru bæjaryfirvöld að athuga hvaða bygginga-
reitir koma til greina því það þarf að skoða deili-
skipulag á svæðinu. Síðan á eftir að vinna næstu
skref í málinu, þ.e.a.s. taka ákvörðun um hönnun
og framkvæmdatíma og gera samninga milli
bæjarins og ráðuneytisins um þau mál.“
Lúðvík segist ekki hafa kannað hver réttar-
staða Ormars og Örnólfs sé varðandi gildi samn-
ingsins frá 1971. „Ég hef verið að koma að þessu
máli núna og heyrt þeirra viðbrögð í málinu en
mér skilst að ráðuneytið hafi haft ákveðnar
meiningar í þeim efnum.“
Hann segir framhaldið fara eftir því hvernig
staðið verður að stækkuninni en mismunandi
leiðir séu færar í þeim efnum. „Við erum að kalla
eftir umræðu um það hvernig menn vilja útfæra
þetta verkefni.“
Ekki náðist í deildarstjóra eignadeildar
menntamálaráðuneytisins vegna málsins.
Bæjaryfirvöld óska eftir að bygginganefnd verði skipuð vegna stækkunar Flensborgarskóla
Hönnuðir telja samning frá 1971 í gildi
Hafnarfjörður
Morgunblaðið/Sverrir
Fyrri áfangi verðlaunatillögu Ormars Þórs Guðmundssonar og Örnólfs Hall var byggður árið 1971 en seinni áfanginn hefur ekki risið þrátt fyr-
ir að hafa verið hannaður um leið. Til vinstri er bygging Guðjóns Samúelssonar en nú standa yfir viðgerðir á henni.
ÞAÐ er einn maður í Garðabæ sem
er mjög duglegur að tína upp rusl
sem er mjög góður kostur í bæj-
arfélaginu, að minnsta kosti að
mati krakkanna í 4. bekk HÓ í
Hofsstaðaskóla. Þeim finnst hins
vegar, eins og jafnöldrum þeirra í
Flataskóla, að rennibrautin í sund-
lauginni mætti vera stærri.
Í gær hittu krakkarnir í Hofs-
staðaskóla Heiðu Björk Sturludótt-
ur, sem starfar hjá Alta ehf. en það
fyrirtæki hefur umsjón með skipu-
lagningu íbúaþings sem halda á í
Garðabæ næstkomandi laugardag.
Krakkarnir ræddu bæði kosti og
galla bæjarfélagsins en niðurstöður
þeirra verða svo innlegg í máli og
myndum á þinginu.
Heiða segir að það hafi verið
ánægjulegt að börnin hafi verið
uppteknari af kostum bæjarins en
göllum. „Þau nefndu t.d. marga fót-
boltavelli og mikið pláss, að það
væru margir góðir vinir, góð sund-
laug og mörg leiksvæði nálægt
hverfunum. Sum nefndu eitthvað
persónulegra eins og margir í fjöl-
skyldunni búi í bænum.“
Lögreglan góð
Það er greinilegt að í hópnum er
að finna ágætis efni í verkfræðinga
framtíðarinnar því að sögn Heiðu
fannst einhverjum jákvætt að það
væri gott að byggja ný hús og
stækka Garðabæ. Aðrir minntust á
einsetna skóla, gott bókasafn og
margar búðir á Garðatorgi. „Síðan
voru þau flest sammála um það að
það væri gott að það væri mikið af
móum til að leika sér í. Einn tiltók
að það væri góðar reglur í bænum
og góður skóli og sömuleiðis var
það lofað að það væri stutt í lög-
regluna og að lögreglan væri góð.“
Að sögn Heiðu ræddu krakkarnir
af mikilli einlægni og ákafa um
hversu góður og duglegur maður
nokkur er við að hreinsa ruslið af
götunum. „Þetta er einhver bæj-
arstarfsmaður sem er alltaf að tína
rusl og þau ræddu lifandis býsn um
þennan mann.“
Þarf að gera
unglingana betri
Þrátt fyrir þessa miklu kosti bæj-
arfélagsins er þó eitt og annað sem
mætti betur fara að mati níu ára
barna og var þar áberandi umræð-
an um hversu rennibrautin í sund-
lauginni er lítil en það var sama at-
hugasemd og krakkar í Flataskóla
gerðu í síðustu viku á sambæri-
legum fundi. Þá virðist hinn iðni
starfsmaður bæjarins ekki hafa
undan í starfi sínu því börnunum
fannst að fólk mætti henda minna
rusli á göturnar. „Svo fannst þeim
að það þyrfti að gera unglingana
betri, eins og þau orðuðu það og
þeir þyrftu að hegða sér betur,“
segir Heiða. „Það höfðu einhverjir
unglingar kveikt í kjallara á ein-
hverju húsi og eins sagði einn að
bróðir sinn væri mjög óþekkur.
Þetta var þeim svolítið hugleikið.“
Þá finnst börnunum vanta veit-
ingahús, fimleikahús, rólur á skóla-
lóðina og á leikvöllinn, gælu-
dýrabúð, fleiri heilsugæslustöðvar
og lottósjoppur. „Síðan voru þau
sammála um að það vantaði vatns-
brunna þannig að maður gæti feng-
ið sér vatnssopa þegar maður er úti
að ganga.
Að loknum umræðunum teikn-
uðu krakkarnir myndir í tengslum
við þessar niðurstöður. „Sum teikn-
uðu myndir um það sem er ekki
nógu gott og önnur teiknuðu mynd-
ir um það sem er gott. Einhver
teiknar þá kannski rennibrautina
og annar teiknar væntanlega góða
manninn að tína upp ruslið,“ út-
skýrir Heiða en í framhaldinu
verða myndirnar hengdar upp og
hafðar til sýnis á íbúaþinginu á
laugardag auk þess sem börnin
munu kynna þær sérstaklega.
Níu ára börn í undirbúningsvinnu fyrir íbúaþing sem haldið verður næstkomandi laugardag
Góðar reglur en
óþekkur bróðir
Garðabær
Morgunblaðið/ÞorkellHeiða Sturludóttir hafði nóg að
gera við að taka niður punkta hjá
krökkunum í 4. HÓ í gær en at-
hugasemdir þeirra verða innlegg á
íbúaþingi sem haldið verður í
Garðabæ um næstu helgi.
ÍBÚAÞING í Garðabæ er haldið í
tengslum við endurskoðun að-
alskipulags bæjarins en Garða-
bær er fyrsta sveitarfélag
landsins til að stíga svo stórt
skref til opins samráðs við
íbúana við gerð aðalskipulags,
að því er fram kemur í frétta-
tilkynningu.
Íbúar og atvinnurekendur í
bænum fá á þinginu tækifæri til
að koma sínum hugmyndum á
framfæri í upphafi aðalskipu-
lagsvinnunnar og hafa þannig
áhrif á þróun bæjarfélagsins.
Á þinginu verður fjallað um
málaflokka eins og skólamál,
atvinnulíf og þjónustu við aldr-
aða svo eitthvað sé nefnt en
það verður haldið í Fjölbrauta-
skólanum í Garðabæ og hefst
klukkan 10 á laugardag.
Opið samráð