Morgunblaðið - 16.10.2002, Síða 18

VIÐSKIPTI/ATHAFNALÍF
18 MIÐVIKUDAGUR 16. OKTÓBER 2002 MORGUNBLAÐIÐ
LANDIÐ
LÍMTRÉ hf. á Flúðum hefur keypt
allt lausafé þrotabús Íslensks harð-
viðar hf. á Húsavík. Fyrirtækið
Húsavík harðviður hf., sem stofnað
var í kjölfar gjaldþrots Íslensks
harðviðar og framleitt hefur parket,
hefur hætt starfsemi.
Ekki er þó hætt að framleiða
parket á Húsavík því um síðustu
mánaðamót hóf Skipaafgreiðsla
Húsavíkur ehf. framleiðslu á því. Að
sögn Hannesar Höskuldssonar, eig-
anda og stjórnarformanns fyrirtæk-
isins, leigja þeir vélar til framleiðsl-
unnar af Límtré hf. og húsnæði
undir starfsemina af Húsavíkurbæ.
Þeir fjórir starfsmenn sem unnið
hafa við parketvinnsluna hjá Húsa-
vík harðviði hf. hafa allir verið ráðnir
til Skipaafgreiðslunnar.
Helgi Pálsson, framkvæmdastjóri
Skipaafgreiðslu Húsavíkur, segir þá
ekki alveg með öllu ókunnuga þess-
um rekstri. Þegar Íslenskur harðvið-
ur hf. fór í þrot leigði fyrirtækið
reksturinn og rak hann í fjóra mán-
uði áður en Húsavík harðviður hf.
var stofnaður og tók við rekstrinum.
Morgunblaðið/Hafþór
Hannes Höskuldsson, eigandi Skipaafgreiðslunnar á Húsavík, við parket-
stafla sem verið var að undirbúa til flutnings til kaupanda.
Skipaafgreiðsla Húsavík-
ur í parketframleiðslu
Húsavík
NÝLEGA var undirritað sam-
komulag um 30 km langa girðingu
í Skorradals- og Hvalfjarð-
arstrandarhreppi til að friða alls
12 jarðir og jarðarparta, en af
þeim eru tvær í Hvalfjarðarstrand-
arhreppi.
Þessar jarðir lenda að hluta eða
öllu leyti innan girðingar: Indriða-
staðir, Litla-Drageyri, Selsskógur,
Þrætueyri, Stóra-Drageyri, Hagi,
Vatnshorn, Bakkakot, Fitjar, Sarp-
ur og Efstibær, allar í Skorradals-
hreppi, og Dragháls og Grafar-
dalur í Hvalfjarðarstrandarhreppi.
Til að tryggja að skepnur gangi
ekki lausar á þessu afgirta svæði
munu sveitarstjórnir setja lausa-
göngubann á allar skepnur, svo
eingöngu yrði að hafa þær í lok-
uðum, vel grónum hólfum, vilji
landeigendur nýta eitthvað til beit-
ar handa hrossum eða kindum, en
það er þeim heimilt samkvæmt
samkomulaginu.
Girðingin nær frá Indriða-
stöðum um Geldingadraga að ós-
um Geitabergsvatns. Síðan úr suð-
austurenda Geitabergsvatns í
Eiríksvatn, við Suðurá austan
Bollafells, og mun á þeirri leið
liggja samhliða væntanlegri Sult-
artangalínu Landsvirkjunar eins
langt og kostur er.
Stefnt er að því að ljúka vest-
urhluta girðingarinnar í haust en
hann er um 10 km langur. Síðari
áfanginn, um 20 km, verður svo
girtur næsta sumar.
Hallfreður Vilhjálmsson, oddviti
Hvalfjarðarstrandarhrepps, hefur
stýrt nefndinni sem kom þessu
samkomulagi í höfn, en samnings-
ferlið tók tvö ár.
Morgunblaðið/Davíð Pétursson
Rauða punktalínan á myndinni sýnir girðingarstæðið í Skorradal.
Tímamótasamningur um
friðun á 9.000 ha. lands
Skorradalur
TILLAGA Kaupþings um nýja
stjórn sænska bankans JP Nord-
iska var samþykkt með miklum
meirihluta atkvæða á hluthafa-
fundi í gær. Eins og komið hefur
fram gerði Kaupþing yfirtökutil-
boð í öll hlutabréf í bankanum,
en hlutur fyrirtækisins nemur nú
um 32%.
Tillaga Kaupþings gekk út á
að auk tveggja fulltrúa starfs-
manna yrðu eftirtaldir endur-
kjörnir: Sigurður Einarsson, for-
stjóri Kaupþings, Claes de
Neergaard og Christer Villard,
forstjóri Aragon. Þá var lagt til
að þrír nýir stjórnarmenn yrðu
kjörnir: Jan Fock, forstjóri
Länsforsäkringar og fyrrverandi
stjórnarformaður Aragon, Lenn-
art Svensson, stjórnunarráðgjafi
og fyrrverandi fjármálastjóri
Holmen Group, og Leif Zetter-
berg, fyrrverandi forstjóri LRF,
sænsku bændasamtakanna.
Tillagan var sem fyrr segir
samþykkt með yfirgnæfandi
meirihluta atkvæða á hluthafa-
fundinum. Áður hafði fráfarandi
stjórn lýst yfir hlutleysi gagnvart
yfirtökutilboði Kaupþingsmanna.
Þá var lagt fram álit Enskilda
fjárfestingarbankans, þess efnis
að hann teldi tilboðið fjárhags-
lega gott. Nokkrir hluthafar
lýstu yfir óánægju sinni með yf-
irtökutilboðið á fundinum í gær.
Skiptir ekki máli
fyrir yfirtökuna
Sigurður Einarsson, forstjóri
Kaupþings, segir að þessi tíðindi
skipti engu um yfirtökutilboðið.
Hlutur fyrirtækisins í JP Nord-
iska sé samur sem áður, en kom-
ið hefur fram að hlutdeildin nem-
ur um 32%. Lögð verður fram
útboðslýsing vegna tilboðsins 25.
október og þá geta hluthafar
gert upp hug sinn gagnvart því.
Fundur var haldinn í nýrri stjórn
strax að loknum hluthafafundin-
um, en Sigurður vildi ekki tjá sig
um efni fundarins þegar Morg-
unblaðið náði tali af honum í
gærkvöldi.
Tillaga Kaup-
þings um stjórn
samþykkt
Hluthafafundur JP Nordiska
STEFÁN Svavarsson, endurskoð-
andi og dósent við Háskóla Íslands,
fjallaði um skapandi reikningsskil
eða með öðrum orðum „skáldleg“
reikningsskil, eins og hann orðaði
það, á fundi Félags viðskiptafræð-
inga og hagfræðinga í gær. Þar
sagði hann forsvarsmenn fyrirtækja
hafa ýmsar ástæður til að hagræða
afkomu fyrirtækjanna, meðal ann-
ars til að jafna afkomu milli tíma-
bila, en rannsóknir hafi sýnt að
fjárfestar hafi meiri trú á fyr-
irtækjum þar sem stöðugleiki ríkir.
Hann sagði meðal annars að af
slíkum ástæðum mætti segja að eft-
irspurn væri eftir skapandi reikn-
ingsskilum, en að ófullnægjandi
reglur hefðu einnig sitt að segja að
þau ættu sér stað.
Stefán sagðist telja að hér á landi
væri verk að vinna á þessu sviði.
Svigrúm í regluverki væri allt of
mikið svo að lítil fyrirstaða væri til
að stunda skapandi reikningsskil.
Allt of þunglamalegt væri að setja
reglur á sviði reikningsskila á Al-
þingi eins og gert væri hér, en við
byggjum nú við úreltar reglur sem
væru að stofni til byggðar á göml-
um tilskipunum Evrópusambands-
ins. Þýðingarmikið væri hins vegar
að fyrirtæki í Kauphöll Íslands
færu eftir alþjóðlegum reglum á
þessu sviði. Hann sagði eftirlit
Kauphallarinnar í þessum efnum
nánast ekkert og svigrúmið væri
mikið.
Sem dæmi um vanda nefndi hann
að þrjú líkön væru í gangi, það er
að segja að fyrirtæki geti nú samið
eftir verðleiðréttum reiknings-
skilum, þau geti samið óverðleiðrétt
reikningsskil og reikningsskil geti
verið í erlendum gjaldeyri, en slík
fjölbreytni væri óþekkt.
Ýmislegt misfórst við
setningu núgildandi laga
Stefán sagðist þeirrar skoðunar
að fagmenn úr atvinnulífinu, þar
sem margir hefðu atvinnu af að lesa
reikninga ásamt fulltrúum fyr-
irtækjanna sjálfra og endurskoð-
enda, ásamt með embættismönnum,
ættu að setja reglur og miða eink-
um og sér í lagi við alþjóðlegar
reglur en ekki að fara eftir því sem
kemur frá Evrópusambandinu.
Hann sagði hálfgert stríð hafa
verið á milli Alþjóðlegu reiknings-
skilanefndarinnar og Evrópusam-
bandsins um hvernig þessum mál-
um skuli skipað. Evrópusambandið
hafi dregið lappirnar í því að setja
reglur á þessu sviði og þær reglur
sem það hafi sett væru ekki nærri
eins ítarlegar og hinar. Nú sé Evr-
ópusambandið hins vegar búið að
samþykkja að fara eftir þessum al-
þjóðlegu reglum og það sé búið að
gera bragarbót á reglum þess, með-
al annars til að koma fyrir reglum
um fjármálaskjöl eða fjármálagern-
inga. Stefán segir að þær þurfi að
lögleiða á Íslandi fyrir árið 2004.
Eins sé ljóst að samstæður fyr-
irtækja á markaði innan ESB verði
að vera í samræmi við alþjóðlegu
reglurnar frá og með árinu 2005.
Stefán segir ýmislegt hafa mis-
farist þegar ársreikningalögin ís-
lensku hafi verið sett árið 1994.
Lögin séu meira og minna þýðing á
viðkomandi tilskipunum, en við höf-
um því miður ekki borið gæfu til að
fara að hætti Norðmanna og skipa
nefnd sérfræðinga til að skoða þessi
mál. Norðmenn hafi skrifað ítarlega
skýrslu um þetta og hafi sett sín lög
fjórum árum síðar en við gerðum,
eða árið 1998. Þeir hafi lagað sig að
því sem þeir hafi í skýrslunni kallað
bestu alþjóðlegu venjurnar.
Nefnd um endurskoðun
ársreikningalaganna
Stefán sagði niðurstöðu sína vera
þá að íslensku ársreikningalögin,
þótt þau væru mikil framför frá því
sem áður hafi verið, hafi verið úrelt
um leið og þau voru samþykkt. Í
þeim væri að finna rangar þýðingar
á tilskipununum, viðbætur sem
ættu ekki heima í lögunum, úrfell-
ingar sem hafi átt að vera með og
einnig beinar rangfærslur.
Hann sagði að nú hefði verið
skipuð nefnd til að endurskoða
þessi lög, en að galli væri að fulltrú-
ar atvinnulífsins ættu ekki aðild að
henni því þeir byggju yfir mik-
ilvægri þekkingu á þessu sviði.
Skapandi eða „skáld-
leg“ reikningsskil
Morgunblaðið/Golli
Stefán Svavarsson, endurskoðandi og dósent við Háskóla Íslands.
SVISSNESKI lyfjaframleiðandinn
Roche lagði nýlega jafnvirði rúmra
70 milljarða króna til hliðar vegna
málshöfðunar gegn fyrirtækinu.
Málshöfðunin snýst um meint verð-
samráð á vítamínmarkaði og hófst
fyrir þremur árum, en kostnaður
Roche vegna málsins hefur hingað til
numið sem svarar um 260 milljörð-
um króna. Í síðasta mánuði samdi
fyrirtækið um að selja vítamínfram-
leiðslu sína til hollenska fyrirtæksins
DSM fyrir rúma 190 milljarða króna
og gert er ráð fyrir að sölunni verði
lokið á fyrsta fjórðungi næsta árs.
Handelsblatt hefur eftir forstjóra
Roche að þess sé skammt að bíða að
málaferlunum vegna vítamínsins
ljúki. Þar kemur einnig fram að í
áætlunum Roche sé gert ráð fyrir
miklum vexti bæði á þessu ári og því
næsta.
Aukinn kostn-
aður hjá
Roche vegna
málaferla
Málaferlin eru lyfjaframleiðand-
anum Roche kostnaðarsöm.