Morgunblaðið - 16.10.2002, Qupperneq 22

HEILSUVÖRUSÝNINGIN Í WASHINGTON
22 MIÐVIKUDAGUR 16. OKTÓBER 2002 MORGUNBLAÐIÐ
• Stjórnar „fyrrverandi“ heimilislífinu okkar?
• Má ég elska börnin mín heitar en börnin hans/hennar?
• Eru stjúpforeldrar félagar, vinir eða uppalendur?
• Eru stjúpforeldrar alvöru foreldrar?
• Er hægt að búa til eina fjölskyldu úr tveimur fjölskyldum?
Á námskeiðinu verður fjallað um tengsl í stjúpfjölskyldu,
hlutverk stjúpforeldra, samskiptin við „hina foreldrana“
og leitað vænlegra leiða til að byggja upp samsetta fjölskyldu.
Hámarksfjöldi þátttakenda er 16.
Þannig er leitast við á skapa andrúmsloft trúnaðar og stuðla
að opinni umræðu um viðkvæm mál sem hvíla á þátttakendum.
Námskeiðið er haldið að Hverfisgötu 105, 4. hæð - mánud. 21.,
miðvikud. 23. og mánud. 28. október, kl. 20:00-22:30. Þátttökugjald
er 13.000 kr. fyrir hvern þátttakanda
(námskeiðsgögn og kaffi innifalið).
Stjúpfjölskyldur
„Börnin þín, börnin mín, börnin okkar“
Námskeið Þels - sálfræðiþjónustu fyrir foreldra
og stjúpforeldra í samsettum fjölskyldum
Sálfræðingarnir Einar Gylfi Jónsson
og Þórkatla Aðalsteinsdóttir
hjá Þeli - sálfræðiþjónustu, halda
þriggja kvölda námskeið fyrir foreldra
og stjúpforeldra í samsettum
fjölskyldum.
Nánari upplýsingar og skráning í símum
551 0260 og 562 8737, í netföngum egj@centrum.is og
torkatla@centrum.is og á heimasíðu okkar www.thel.is
HEILSUSAMLEGThundasnakk sem lítilverksmiðja í Hafnarfirðiframleiðir úr þurrkuðu
fiskroði var meðal þess sem sýning-
argestir á Expo East 2002 gátu tek-
ið með heim handa hundunum sín-
um. Hundasnakkið hefur selst
ágætlega í Bandaríkjunum og í ár
munu bandarískir hundar naga
a.m.k. 1.000 kíló af þessu góðgæti.
Sú sem fékk hugmyndina að því að
nota roð í hundafóður er Elínóra
Inga Sigurðardóttir, hugvitsmaður,
jarðfræðingur, hjúkrunarfræðingur
og kennari. Hún er líka formaður
Landssambands hugvitsmanna.
Roðið er algjörlega náttúruleg af-
urð og hollt fyrir hundana. Næring-
arinnihaldið er 77% prótein og af-
gangurinn er að mestu trefjar en
roðið þykir sérstaklega gott fyrir
tennur og feld hvuttanna. Roðið
hefur selst vel í gæludýraverslunum
í Bandaríkjunum og pantanirnar
verða sífellt stærri.
Hundur nágrannanna
kveikti hugmyndina
Hér á landi er aldalöng hefð fyrir
því að gefa hundum roðið af harð-
fiski en engum hafði áður dottið í
hug að beinlínis framleiða „harð-
fiskroð.“ Elínóra fékk hugmyndina
fyrir um 15 árum þegar hún var bú-
sett í Svíþjóð ásamt fjölskyldu sinni
og fékk sendan harðfisk frá Íslandi.
„Ég gaf hundi nágrannanna roðið af
harðfiskinum og ég varð besti vinur
hundsins eftir það. Þá kviknaði hug-
myndin að því að framleiða hunda-
snakk úr roðinu. Þegar við fluttum
síðan heim aftur árið 1990 fór ég að
kanna hvað væri gert við allt roðið
sem fellur til við fiskvinnslu,“ segir
hún. Eins og kannski mátti búast
við komst hún að því að roðinu var
hent og ákvað hún þá að kanna til
hlítar hvort ekki mætti nýta það til
að framleiða hundasnakk. Á næstu
árum prófaði hún ýmsar aðferðir
við að þurrka roðið. Tilraunastofan
var í eldhúsinu á heimilinu og roðið
var m.a. hengt til þerris út á snúru,
nágrönnunum til nokkurrar undr-
unar. Fyrir nokkrum árum fann
Elínóra aðferð sem dugar og hefur
þróað hana síðan. Framleiðsluað-
ferðin er að sjálfsögðu iðn-
aðarleyndarmál og það eina sem
hún fæst til að gefa upp er að hún
noti býsna fullkominn þurrkklefa í
gamalli saltfiskvinnslu í Hafnarfirði.
Elínóra er eini starfsmaður verk-
smiðjunnar, hún þurrkar roðið,
pakkar því, fyllir út pappíra og sér
um útflutning.
Bráðnauðsynlegur
eiginmaður
Roðið er selt í Bandaríkjunum
sem „Elinora’s Royal Natural
Snack“ en hefur ekki verið í boði
hér á landi. Markaðsstarf fer að
langmestu leyti fram á Netinu og
hefur Elínóra notið dyggrar að-
stoðar eiginmanns síns, Júlíusar
Valssonar læknis. Hann hefur hann-
að netsíðuna og tekið ljósmyndir og
fyrir vikið hefur markaðssetning
kostað lítið. Raunar hefði fram-
leiðslan aldrei orðið að veruleika
hefði stuðnings hans ekki notið við.
Framleiðslan á fiskroðinu hefur
verið aðalstarf Elínóru síðustu þrjú
árin og á meðan hefur hún ekki afl-
að sér tekna. Elínóra segir augljóst
að hefði eiginmaður hennar ekki
lagt fram fé til verkefnisins auk
þess að framfleyta fjölskyldunni,
hefði framleiðslan á fiskroðinu aldr-
ei orðið meira en bara hugmynd.
Fyrirtækið hefur enga styrki fengið
frá Nýsköpunarsjóði og afar brösu-
lega hefur gengið að afla lána frá
bönkum. Einu lánin sem hafa verið
veitt vegna framleiðslunnar eru 1,7
milljóna króna lán til að kaupa salt-
fiskvinnsluna í Hafnarfirði og þau
fengu að hækka yfirdráttinn á
bankareikningnum í þrjár milljónir
króna. Elínóra segir að svo virðist
sem enginn hafi haft áhuga á venju-
legri framleiðslu en frekar viljað
leggja fram mikið fé í tölvu- og líf-
tækni með misjöfnum árangri.
Montinn hugvitsmaður
Árið 1999 tók Elínóra á leigu
gamla saltfiskvinnslu í Hafnarfirði
og byrjaði sjálf að framleiða hunda-
snakk. Hún fór á námskeið hjá
Frumkvöðlaauði árið 2000 og ári
seinna keypti hún saltfiskvinnsluna
og stofnaði formlega fyrirtæki um
framleiðsluna ásamt Árna M. Sig-
urðssyni sem er líklega best þekkt-
ur sem framleiðandi MESA-
fiskvinnsluvélanna. Fjárfestingin í
fyrirtækinu skiptir milljónum en
enn hefur það ekki skilað hagnaði.
Elínóra segir að þess sé þó ekki
langt að bíða og bendir á að það sé
almennt viðurkennt að það taki 5–6
ár að láta viðskiptahugmynd verða
að arðbæru fyrirtæki. „Ég hef alltaf
verið ein að búa til vöruna, koma
henni úr landi og fylla út alla papp-
íra. Ef ég hefði fengið styrki hefði
ég getað haft kannski tvo menn í
vinnu og þá hefði ég getað sinnt
markaðsstarfi betur og salan hefði
vaxið hraðar. En ég er stolt af
þessu og montin að þessi hugmynd
mín skuli vera komin svona langt,“
segir hún.
Allskyns heilsuvörur
á stórri sýningu
Á vörusýningunni Natural
Products Expo East kynntu um
1.700 fyrirtæki og einstaklingar
vörur sínar. Sýningarsvæðinu var
skipt upp eftir vöruflokkum og út-
lenskum fyrirtækjum var gert að
vera í sérstökum gangi. Þar gátu
Íslendingar kynnt sínar vörur á sér-
stökum kynningarbás.
Fyrirtækin sem kynntu vörur
sínar voru Adriana, sem framleiðir
húðvörur úr íslensku hráefni, Ice-
land spring sem selur íslenskt vatn
í flöskum, Pottagaldrar, Osta- og
smörsalan, Mjólkursamsalan, Edda
miðlun – útgáfa, Urtasmiðjan,
Handprjónasambandið, Bláa lónið
og Ferðaskrifstofa bænda í sam-
vinnu við Flugleiðir auk Elínóru
sem áður var getið.
Staðsetningin á íslenska kynning-
arbásnum var, að mati blaðamanns,
óheppileg. Erlendum fyrirtækjum
var ætlaður innsti gangurinn á
neðri hæð sýningarinnar. Íslenski
básinn var í enda þessa gangs og
enginn bás var á móti honum sem
þykir almennt frekar slæmt á sýn-
ingum sem þessum. Tónlistarmenn-
irnir Björn Thoroddsen og Jón
Rafnsson lífguðu þó upp á kynn-
ingar íslensku fyrirtækjanna með
ljúfum djassi og flugfreyjur frá
Flugleiðum sáu um að dreifa ís-
lensku vatni til gesta.
Að sögn Baldvins Jónssonar,
verkefnisstjóra Áforms sem skipu-
lagði þátttöku íslensku fyrirtækj-
anna í sýningunni, var básinn ekki á
þeim stað sem samið hafði verið um
við sýningahaldara. Hann taldi þó
ekki að staðsetning væri ekki endi-
lega svo slæm auk þess sem Íslend-
ingarnir hefðu haft sérstakt her-
bergi fyrir utan salinn til kynningar
fyrir sínar vörur.
Tunglstaðan þarf að vera rétt
þegar plöntunum er safnað
Kristbjörg Elín Kristmunds-
dóttir, jógakennari og blómafræð-
ingur, tók einnig þátt í sýningunni,
rétt eins og í fyrra, og segir hún að
sýningin hafi hjálpað til við að afla
viðskiptasambanda. Sýning sem
þessi snúist ekki bara um að kynna
vörur sínar á kynningarbás heldur
ekki síður að ræða við og kynnast
fólki og mynda viðskiptasambönd.
Á Expo East 2002 kynnti Krist-
björg blómadropa sem hún útbýr og
eru seldir undir nafninu Vitund á
Íslandi en „Awareness“ í Banda-
ríkjunum. Plöntunum safnar hún í
náttúrunni, víðsfjarri mannabyggð-
um. Að hennar sögn skiptir öllu
máli að tína plönturnar á réttum
tíma, þegar þær eru í mestum
blóma í júní eða júlí, sólin á að skína
og tunglstaðan þarf að vera rétt. „Í
blómadropunum er orkuhlaðið vatn.
Þetta er afurð sem er unnin úr ís-
lenskum jurtum og droparnir hjálpa
manni að losa líkamlega og tilfinn-
ingalega spennu,“ segir Kristbjörg
sem hefur unnið með og þróað
dropana í um 20 ár. Hún notar um
110 jurtir til að útbúa níu tegundir
af blómadropum sem virka allar á
sinn sérstaka hátt. Dropunum er
ýmist ætlað að bæta sjálfsöryggi og
kjark, auðvelda fólki að slaka á og
njóta andartaksins, efla lífskraftinn,
styrkja vilja og kraft og hjálpa fólki
að finna tilgang í lífinu. Aðrir drop-
ar auka gleði og hlátur, efla traust
og kærleika, auðvelda tjáningu,
innsæi og skilning. Droparnir eru
ýmist settir undir tunguna eða
blandað í vatn og segir Kristbjörg
að þeir sem hafi notað þá finni á sér
mun. Fólk verði þó að taka drop-
unum með opnum huga og leyfa
þeim að virka á líkama og sál.
„Sumir sem hafa reynt dropana
koma til mín og segja að þeir hafi
ekki fundið neinar breytingar. En
þegar ég fer að spyrja þá kemur í
ljós að þeir hafa sofið betur, sam-
skiptin við konuna eru betri og svo
framvegis. Þannig að droparnir
virka, það er ekki spurning.“
Þurrkað fiskroð í
hundana og blóma-
dropar fyrir betra líf
Kristbjörg Elín Kristmundsdóttir segir að blómadroparnir hjálpi til við að
losa um líkamlega og tilfinningalega spennu.
Guðni Ágústsson landbúnaðarráðherra og Margrét Hauksdóttir, eiginkona
hans, voru áhugasöm um fiskroðið hennar Elínóru Ingu Sigurðardóttur.
Fiskroð er vinsælt hundasnakk.
Tólf íslensk fyrirtæki og
einstaklingar kynntu
framleiðslu sína á vöru-
sýningunni Natural
Products Expo East
2002 í Washington D.C.
Þar gat að líta ýmiskon-
ar heilsuvörur og hægt
var að afla sér upplýs-
inga um hvaðeina sem
lýtur að heilsusamlegu
líferni. Rúnar Pálmason
ræddi við íslenska þátt-
takendur á sýningunni.
’ Tilraunastofanvar í eldhúsinu og
roðið hengt út á
snúrur. ‘
’ Svefninn batnarog mönnum lyndir
betur við eiginkon-
una. ‘