Morgunblaðið - 26.10.2002, Side 2

FRÉTTIR
2 LAUGARDAGUR 26. OKTÓBER 2002 MORGUNBLAÐIÐ
Fylgstu
með
nýjustu
fréttum
www.mbl.isÍR-ingar skelltu KR-ingum
í Seljaskóla / B3
Þórsarar sterkari en KA í
Akureyrarslagnum / B1
4 SÍÐUR16 SÍÐUR
Sérblöð í dag
Á LAUGARDÖGUM L a u g a r d a g u r26.
o k t ó b e r ˜ 2 0 0 2
HÉRAÐSDÓMUR Reykjavíkur
dæmdi í gær Sigurhönnu Vilhjálms-
dóttur, 39 ára, í 8 ára fangelsi fyrir
manndráp að kvöldi 6. mars sl.
Ákærðu var gefið að sök að hafa
ráðist á sambýlismann sinn, Steindór
Kristinsson, sem nýorðinn var 50 ára,
á heimili þeirra á Grettisgötu, og
stungið hann þrisvar sinnum með
hnífi í brjóstkassa og kvið, þar af
tveimur djúpum stungum, með þeim
afleiðingum að hann lést hinn 24.
mars af lungnabilun vegna bráðrar
lungnabreytingar og lungnabólgu
sem var afleiðing atlögu ákærðu.
Í niðurstöðum dómsins segir að
ákærða muni ekki eftir því vegna ölv-
unar þegar Steindór fékk áverkana af
hnífnum og taldi dómurinn ljóst að
hún hefði verið mjög ölvuð þegar at-
burðurinn varð. Fyrir dómi sagði hún
sambýlismann sinn hafa barið sig í
andlit fyrr um kvöldið og studdist það
við annað í málinu.
Talin hafa reiðst sambýlis-
manni sínum heiftarlega
Dómurinn taldi ljóst að ákærða
hefði reiðst sambýlismanni sínum
heiftarlega þegar henni var sagt að
hann hefði slegið dóttur hennar. Sam-
kvæmt frásögn vitna taldi dómurinn
sannað að ákærða hefði í mikilli reiði
tekið morðvopnið í eldhúsinu og síðan
veist að Steindóri með því þar sem
hann sat í sófa í stofunni og stungið
hann þrisvar á hol. Af því sem tveir
lögreglumenn höfðu eftir ákærðu eft-
ir verknaðinn taldi dómurinn ljóst að
fyrir henni hefði vakað beinlínis, með-
an á árásinni stóð, að bana Steindóri.
Dómurinn taldi þó að þessi ásetning-
ur hefði ekki vaknað með henni fyrr
en rétt áður en hún framdi verknað-
inn. Við ákvörðun refsingar taldi
dómurinn að ekki yrði litið framhjá
því að verkið var unnið í snöggu heift-
arkasti og að ákærða hefði mátt þola
viðvarandi kúgun og ofbeldi af hendi
hins látna. Dómurinn taldi ennfremur
að byggja yrði á þeirri frásögn
ákærðu að í eitt skipti, hálfum mánuði
fyrir atburðinn, hefði hinn látni gert
hrottalega á hlut hennar.
Pétur Guðgeirsson, héraðsdómari
og dómsformaður fjölskipaðs dóms
héraðsdóms, kvað upp dóminn. Með-
dómendur voru héraðsdómararnir
Benedikt Bogason og Þorgerður Er-
lendsdóttir. Verjandi ákærðu var
Hilmar Baldursson hdl. Málið sótti
Kolbrún Sævarsdóttir, saksóknari
hjá ríkissaksóknara.
Banaði sambýlismanni sínum með hnífi á heimili þeirra
Dæmd í átta ára fang-
elsi fyrir manndráp
Í EINU rótgrónasta vígi reyk-
vískra ungmeyja, Kvennaskólanum
í Reykjavík, hafa nokkrir skólapilt-
ar tekið sig saman og stofnað
karlakór sem hefur hlotið það
virðulega en mótsagnakennda nafn
Karlakór Kvennaskólans í Reykja-
vík.
Æfingar hafa staðið í einn og
hálfan mánuð og undir fumlausri
stjórn Hólmfríðar Friðjónsdóttur,
kórstjóra og þýskukennara í hjá-
verkum, stefna þeir ótrauðir á að
halda jólatónleika í Fríkirkjunni.
Þegar Morgunblaðsmenn litu inn á
æfingu í gær voru nokkrir kór-
félaganna að vandræðast með
þverslaufurnar en með góðri hjálp
tókst að festa þær allar á sinn stað.
Kórinn er að öllu jöfnu ekki svona
prúðbúinn á æfingum en kórstjór-
inn hafði gefið ströng fyrirmæli
um að í tilefni af komu ljósmynd-
ara skyldu allir vera í hvítri skyrtu
með þverslaufu. Engar undan-
þágur voru veittar og þeim var um-
svifalaust vísað á dyr sem ekki
mættu í slíkum klæðnaði.
Eflir samkennd
karlmannanna
Hugmyndin að karlakórnum
kemur frá nemendum, þ.e. karl-
kyns nemendum. Augljóslega hef-
ur hugmyndin fallið vel í kramið
því að um 30 piltar mæta á æfingar
kórsins. „Það er kannski ekkert
karlmannlegt að vera í kór en þar
sem þetta er karlakór þá sleppur
það nú,“ sagði einn kórfélaganna
við blaðamann, en allir þóttust þeir
vissir um að kórinn yrði afburða
vinsæll. „Fólk getur farið að panta
strax, listinn er að fyllast,“ sagði
annar og benti áhugasömum á að
hringja bara á skrifstofu Kvenna-
skólans og biðja um Hólmfríði.
Tenórarnir Benedikt Karl Grön-
dal, Daði Halldórsson og Torfi
Stefán Jónsson voru ekki á því að
stúlkurnar litu þá hornauga fyrir
að taka þátt í kórstarfinu, þvert á
móti. Torfi var einn af hvatamönn-
unum að stofnun kórsins og hann
segir kórstarfið snúast jafnt um
söng sem félagsstarfið. „Við erum
að efla samkennd karlmanna í
skólanum. Við erum það mikill
minnihluti að við verðum að sýna
mátt okkar og megin,“ segir Torfi.
„Svo getum við sagt karlrembu-
brandara án þess að nokkur gagn-
rýni okkur,“ segir hann og hlær
digurbarkalega enda engin stúlka
nálægt. Aðspurðir segja þeir að
Hólmfríður kórstjóri sé nokkuð
ráðrík hvaða lög kórinn syngi. „Við
verðum alltaf undirokaðir hvernig
sem fer, það skiptir engu máli hvað
við gerum,“ segir Torfi. Í Kvenna-
skólanum er líka blandaður kór og
eitthvað hafa stúlkurnar rætt um
að þær þurfi líka sína sérsveit eins
og strákarnir. Hólmfríður kórstjóri
óttast þó ekki að blandaði kórinn
leysist upp og aðeins starfi karla-
og kvennakórar í skólanum. „Ég
held að kynin hafi nú alltaf gaman
af því að koma saman, ég held að
við týnum því ekkert.“
Kvennaskólinn kominn
með eigin karlakór
Morgunblaðið/Kristinn
„Halda tóninum, strákar,“ sagði Hólmfríður Friðjónsdóttir kórstjóri við Karlakór Kvennaskólans í Reykjavík.
ÖRLYGUR Sigurðs-
son listmálari lést á
Droplaugarstöðum að
kvöldi 24. október eftir
langa sjúkdómslegu.
Örlygur fæddist í
Reykjavík 13. febrúar
1920 en ólst upp á Ak-
ureyri. Hann var sonur
hjónanna Sigurðar
Guðmundssonar skóla-
meistara og Halldóru
Ólafsdóttur.
Örlygur lauk stúd-
entsprófi frá Mennta-
skólanum á Akureyri
árið 1940 og hélt til
Bandaríkjanna og lagði stund á
myndlist til 1945. Á árunum 1948 til
1949 starfaði hann í París.
Örlygur þótti fjölhæfur listamað-
ur, jafnvígur á penna sem pensilinn.
Hann hélt fjölmargar myndlistar-
sýningar þar sem verk hans endur-
spegluðu oft óvænta
sýn á umheiminn.
Hann þótti afar fær
teiknari og hafði unun
af því að draga upp
svipmyndir augna-
bliksins af andlitum og
umhverfinu. Hann
samdi, myndskreytti
og gaf út fimm bækur,
þar sem form og efni
voru öðruvísi en áður
þekktist. Þessar bækur
þóttu lýsa kímnigáfu
hans og lífssýn. Örlyg-
ur átti löngum mikil og
góð samskipti við
Morgunblaðið og liggur hér eftir
hann fjöldi greina.
Árið 1946 kvæntist Örlygur eftir-
lifandi eiginkonu sinni, Unni Eiríks-
dóttur kaupkonu. Börn þeirra eru:
Sigurður listmálari, fæddur 1946, og
Malín fatahönnuður, fædd 1950.
Andlát
ÖRLYGUR
SIGURÐSSON
JEPPI valt á Vatnaleið á Snæfells-
nesi í gærkvöldi. Í bílnum voru kona
og tvö börn sem farið var með á
heilsugæslustöðina í Stykkishólmi.
Þau voru ekki talin alvarlega meidd.
Konan missti stjórn á jeppanum í
hálku með þeim afleiðingum að hann
valt niður vegkant. Að sögn lögregl-
unnar í Stykkishólmi er mesta mildi
að ekki fór verr og talið að örygg-
isbeltin hafi bjargað miklu.
Bílvelta á
Vatnaleið
♦ ♦ ♦
„ÞAÐ er alveg greinilegt að þarna er
um skipulögð skemmdarverk að
ræða,“ segir Júlíus Sigurðsson,
verkstjóri hjá AFA-JCDecaux, sem
á og hefur umsjón með strætóbið-
skýlum á höfuðborgarsvæðinu. Á
einum sólarhring, frá fimmtudags-
kvöldi og þar til í gærdag, voru um
20 skýli skemmd verulega og er tjón-
ið að sögn Júlíusar talið vera á aðra
milljón króna. Strætisvagnabílstjór-
ar hafa látið vita af skemmdunum, en
engin vitni að skemmdarverkunum
hafa enn látið heyra í sér.
„Við erum tilbúin að greiða fé fyrir
upplýsingar um skemmdarverkin,
því þetta er þvílíkt tjón.“
Hann segir annað slagið vera unn-
in skemmdarverk á skýlunum á höf-
uðborgarsvæðinu en að þessu sinni
hafi um 20 skýli, vítt og breitt um
höfuðborgarsvæðið, verið eyðilögð.
Því gruni fyrirtækið að um skipulagt
skemmdarverk hafi verið að ræða.
„Ástandið hefur verið mjög gott í
sumar og haust. Síðan kemur þetta,“
sagði Júlíus. „Það er borðleggjandi
að þarna hafa einhverjir verið að
verki sem keyra um og eyðileggja.“
Skemmdir
unnar á 20
biðskýlum