Morgunblaðið - 26.10.2002, Blaðsíða 21

VIÐSKIPTI/ATHAFNALÍF
MORGUNBLAÐIÐ LAUGARDAGUR 26. OKTÓBER 2002 21
Hönnun
...fyrir flitt heimili!
flar sem stíllinn byrjar!
Sófabor› 66.800,-
Bæjarlind 4 • 201 kópavogur • Sími 544-5464
Pú›ar 5.900,-
POCO sófasett 3+2
Sérlega fallegt og vanda› fl‡skt sófasett.
Húsgagnadagar!
laugardag kl. 11-16 & sunnudag kl. 13-16
Bor›stofusett
Max stóll 22.800,-
Block bor› 140x140cm
kr. 85.000,-
Block skenkur 139.900,-
Ver› a›eins kr.169.900,-
ÍMARK útnefndi Þórólf Árnason
markaðsmann ársins 2002 í gær og
tók hann við verðlaunum úr hendi
forseta Íslands, Ólafs Ragnars
Grímssonar. Tilkynnt var um valið
á hádegisfundi markaðsfólks í
Súlnasal en á annað hundrað manns
sat fundinn. Ölgerðin Egill Skalla-
grímsson hlaut titilinn markaðs-
fyrirtæki ársins en Heimsferðir og
Mjólkursamsalan voru einnig til-
nefnd til þeirra verðlauna.
Þetta var í tólfta sinn sem Ímark,
samtök markaðsfólks, stóð fyrir
vali á markaðsfyrirtæki en mark-
aðsmaður ársins var nú valinn í
fimmta sinn. Bláa lónið var mark-
aðsfyrirtæki ársins í fyrra og mark-
aðsmaður ársins 2001 var Sigurður
Helgason hjá Flugleiðum. Markaðs-
maður ársins hjá Ímark er jafn-
framt fulltrúi Íslands í vali á mark-
aðsmanni Norðurlanda, en í fyrra
hlaut Sigurður þann titil einnig. Á
næsta ári bætist enn ein sam-
keppnin við þegar markaðsmaður
Evrópu verður valinn í fyrsta sinn.
Þórólfur Árnason verður því
fulltrúi Íslands bæði þar og í vali á
markaðsmanni Norðurlanda. Í
dómnefnd fyrir val á markaðs-
manni ársins á Íslandi sátu Bogi
Ágústsson fréttastjóri Sjónvarps-
ins, Bogi Pálsson forstjóri P. Sam-
úelssonar, Halldór J. Kristjánsson
bankastjóri Landsbankans, Hrönn
Greipsdóttir hótelstjóri Radisson
SAS Hótel Sögu, Ingólfur Guð-
mundsson formaður Ímark, Ólafur
Ingi Ólafsson formaður SÍA, Hildur
Halldórsdóttir framkvæmdastjóri
Ímark, Bogi Þór Siguroddsson
fyrrverandi formaður Ímark og
Þorgeir Örlygsson ráðuneytisstjóri
í iðnaðar- og viðskiparáðuneytinu.
Óhrædd við hugmyndir
Þórólfur kvaðst ánægður með til-
nefninguna og þakkaði sérstaklega
samstarfsfólki sínu hjá Tali. Í máli
sínu minnti hann markaðsfólk á að
vera opið fyrir nýjum hugmyndum,
sama hversu undarlega þær kunni
að hljóma í fyrstu. Hann minnstist á
að sér hefði t.d. lítið litist á þá hug-
mynd í fyrstu að markaðssetja síma
fyrir heyrnarlausa. Svo hafi komið
á daginn að þeir sem ekki heyra
nýta sér í sms-þjónustu og geta
þannig átt samskipti um farsíma.
Þórólfur vildi með þessu minna fólk
á að undarlegustu hugmyndir geti
skilað ávinningi og breytt lífi
margra, eins og þessi hugmynd
gerði. Hann sagði ennfremur að
ávinningur af vöru og þjónustu
skipti öllu máli og bað markaðsfólk
að hafa það í huga að vara ætti sér í
raun engan tilverurétt nema af
henni væri einhvers konar ágóði.
Þórólfur er sjálfur verkfræðingur
að mennt en hefur ávallt lagt
áherslu á markaðsmál í starfi sínu.
Ólafur Ragnar Grímsson veitti Þór-
ólfi verðlaunin og minntist við það
tækifæri á „glæsilega framgöngu“
Tals á fjarskiptamarkaði á Íslandi.
Hugrökk, sveigjanleg og stríðin
Forsetinn veitti einnig markaðs-
fyrirtæki ársins verðlaun en Jón
Diðrik Jónsson forstjóri Ölgerð-
arinnar Egils Skallagrímssonar
veitti þeim viðtöku. Ólafur Ragnar
hafði á orði að Íslendingar mættu
ekki gleyma því að „hæfni starfs-
fólks er mesta auðlindin“ og við
gætum náð miklum árangri með
öflugu markaðsstarfi þrátt fyrir
smæð markaða hér á landi. Jón Dið-
rik fór þvínæst nokkrum orðum um
markaðsstefnu Ölgerðarinnar og
sagði einkunnarorð markaðs-
deildar fyrirtækisins vera „hug-
rekki, sveigjanleika og stríðni“ sem
hefðu verið höfð að leiðarljósi í
markaðsstarfi og auglýsingum fyr-
irtækisins. Í máli formanns Ímark,
Ingólfs Guðmundssonar, kom fram
að Ölgerðin hefði aukið markaðs-
hlutdeild sína á gosdrykkjamarkaði
úr 30% í 40% á undanförnum mán-
uðum og sagðist hann telja öflugt
markaðsstarf fyrirtækisins eiga
stóran þátt í þeim árangri.
Markaðsverðlaun Ímark voru afhent í gær
Ölgerðin og Þórólfur verðlaunuð
Morgunblaðið/Jim Smart
Forseti Íslands afhenti verðlaunin fyrir markaðsmann og markaðsfyrirtæki ársins á fundi Ímark. Með forsetanum
á myndinni eru f.v. Jón Diðrik Jónsson, sem tók við verðlaunum fyrir Ölgerðina, Andri Már Ingólfsson hjá Heims-
ferðum, Guðlaugur Björgvinsson hjá MS og Þórólfur Árnason hjá Tali, markaðsmaður ársins.