Morgunblaðið - 26.10.2002, Page 13

HÖFUÐBORGARSVÆÐIÐ
MORGUNBLAÐIÐ LAUGARDAGUR 26. OKTÓBER 2002 13
EFLING miðbæjarins, þétting
lágreistrar byggðar og fjölbreytt-
ara atvinnulíf var meðal þess sem
brann á íbúum Garðabæjar á íbúa-
þingi um síðastliðna helgi. Nið-
urstöður þingsins verða síðan
nýttar við endurskoðun aðalskipu-
lags bæjarins sem er nýhafin.
Að sögn Halldóru Hreggviðs-
dóttur hjá ráðgjafarfyrirtækinu
Alta sem sá um framkvæmd íbúa-
þingsins fyrir Garðabæ var mið-
bærinn íbúunum mjög hugleikinn.
„Þeir vilja meira líf í miðbæinn og
vilja efla hann og auka þar þjón-
ustu. Samt sem áður vilja þeir
skapa sér sérstöðu með því að
vera með veitingastaði, litlar sér-
verslanir og ýmiss konar þjónustu.
Eins kom fram vilji til að hafa þar
menningartengda þjónustu og
jafnvel að boðið verði upp á ein-
hvers konar endur- og símenntun
á þessu svæði.“
Unglingarnir í bænum höfðu
líka sitt að segja um miðbæjar-
svæðið. „Þeir höfðu áhuga á að þar
væri félagsmiðstöð og bentu á að
þá gæti fullorðna fólkið líka fylgst
betur með þeim,“ segir hún og
hlær. Þá lýstu þeir eftir veitinga-
stöðum sem hefðu upp á að bjóða
rétti fyrir alla fjölskylduna, þannig
að þar mætti fá allt frá pitsum til
fínna stórsteika.
Halldóra heldur áfram: „Í öllum
hópunum kom fram sú hugmynd
að tengja miðbæinn áfram niður
að sjó í átt að nýja strandhverfinu
og byggja hann smám saman
þangað niðureftir. Þar með væri
íþróttaaðstaðan, sundlaugin og
skólinn betur tengd við miðbæ-
inn.“
Hún segir íbúa hafa gert sér
grein fyrir að þétting byggðar í
kringum miðbæinn væri nauðsyn-
leg til að þetta væri hægt en þeir
hafi lagt áherslu á að hafa hana
ekki of háreista. „Þeir vildu miklu
fremur skapa hálfgerða þorps-
stemningu, jafnvel með einhvers
konar mörkuðum eins í og Kola-
portinu. Þannig yrði iðandi mann-
líf í bænum og hann yrði staður
þar sem fólk hefði gaman af að
koma saman og hittast.“
Hryggsúla frá Vífils-
stöðum niður að strönd
Halldóra segir fólk einnig hafa
litið til Vífilsstaða í þessu sam-
bandi. „Ef haldið er áfram Vífils-
staðaveginn frá miðbænum kemur
maður að Vífilsstöðum og svo
áfram að Vífilsstaðavatni. Fólk
vildi leggja áherslu á þennan mið-
bæjarás eða hryggsúlu frá Vífils-
stöðum og niður að strönd. Vífils-
staðavegur yrði þá eins konar
breiðgata sem í raun tengdi saman
byggðina. Sömuleiðis vildi það
gefa Vífilsstaðaspítala meira vægi
og eitthvert hlutverk.“ Í framhaldi
af því voru taldir möguleikar á
íbúðarbyggð í Hnoðraholti og við
Vífilsstaðaspítalann sem yrði
tengd útivistarsvæðunum við Víf-
ilsstaðavatn og hlíðunum í kring.
Að sögn Halldóru var mikil
áhersla lögð á göngustíga og teng-
ingar við nágrannasveitarfélögin
og að þeim yrði hagað þannig að
auðvelt væri að nýta þær sem
samgönguleiðir. „Sömuleiðis var
vilji til að halda þessum grænu fal-
legu hraunum sem eru innan bæj-
armarkanna og hafa þau sem
græna fingur í gegnum bæinn.“
Atvinnulíf í bænum bar einnig á
góma á þinginu og segir Halldóra
það hafa komið mörgum á óvart að
á milli 30 og 35 prósent Garðbæ-
inga vinna í bænum. „Þannig að
atvinnulífið hefur verið að eflast
þar. Hins vegar voru íbúar mjög
sammála um að það væri ekki
hægt að stuðla að þessu iðandi
mannlífi, sem þeir vildu sjá, án
þess að efla atvinnulífið og ná inn
öflugum fyrirtækjum í bæinn.“
Hún segir sérstaklega hafa verið
rætt um nauðsyn þess að auka at-
vinnutækifæri á sviði viðskipta og
hátækni í þessu sambandi.
Menningarminjar
á Garðaholti
Þá ræddu íbúar um umferðar-
mál þar sem Reykjanesbrautin og
Hafnarfjarðarvegurinn voru í
brennidepli. „Það var talað um að
núna skæru þessar götur bæinn
alveg í sundur og þess vegna væri
mikilvægt að vanda vel umferð-
artengingar frá miðbænum og nið-
ur að strönd, ekki síst í ljósi þess-
ara hugmynda sem komu fram um
eflingu miðbæjarins, og það þyrfti
að ganga þannig frá hnútum að
Hafnarfjarðarvegurinn sliti ekki
þá byggð í sundur.“
Loks segir Halldóra að menn-
ingarminjar á Garðaholti hafi verið
ræddar en rannsókn á þeim á veg-
um Þjóðminjasafnsins er nú að
ljúka. Uppi eru hugmyndir að
íbúðarbyggð á því svæði sem til
stendur að fara af stað með á
næsta skipulagstímabili. „Rætt var
um að menningaminjarnar yrðu
tengdar inn í það skipulag og að
Garðakirkja og Garðaholt yrðu
einhvers konar miðja sem íbúð-
arbyggðin yrði fléttuð í kringum,“
segir Halldóra.
Hún segir sömu viðfangsefni og
áhugamál hafa krystallast almennt
í vinnunni á íbúaþinginu þannig að
íbúar virtust vera nokkuð einhuga
um hvert stefna skyldi. Niðurstöð-
ur þeirra yrðu svo notaðar sem
grunnur fyrir endurskoðun aðal-
skipulags Garðabæjar en íbúaþing-
ið er fyrsta skrefið í þeirri vinnu.
Vilja iðandi mann-
líf í miðbæinn
Unglingarnir lögðu m.a. til að félagsmiðstöð yrði komið á laggirnar á mið-
bæjarsvæðinu og bentu á að það væri sérlega hentugt því þá gæti fullorðna
fólkið fylgst svo vel með þeim.
Íbúar voru almennt nokkuð sammála um hvert stefna skyldi í bænum og
var sérstök áhersla lögð á eflingu miðbæjarins í því sambandi.
Garðabær
Byggð verði
þétt en þó
ekki háreist
MIKIÐ var um að vera í Fjöl-
brautaskólanum í Breiðholti á
miðvikudag þegar efnt var til
dags tileinkuðum forvörnum að
sögn Steinunnar Ýrar Ein-
arsdóttur nema í FB. Listaverka-
sýning unnin af nemendum, fyr-
irlestrar um átröskun, fíkniefni,
sjálfsímynd, kynþáttafordómar og
margt fleira var á dagskrá í skól-
anum.
„Markmiðið með þessu er að fá
fólk til þess að vakna og vekja
upp umræðu um þessi málefni. Við
getum kannski ekki bjargað nein-
um en vonandi sat einhver á þess-
um fyrirlestrum sem þekkir ein-
hvern sem á í vanda eða er sjálfur
í vanda og veit þá núna hvert
hægt er að leita,“ segir Steinunn,
sem er í forvarnarnefnd skólans.
Tíu manna hópur starfaði í
mánuð að undirbúningi dagsins í
samvinnu við Sigrúnu Gísladóttur,
forvarnarfulltrúa skólans. Þetta er
annað árið í röð sem efnt er til
forvarnardags.
Haldið áfram
næsta vor
Steinunn segir forvarnarnefnd-
ina ætla að taka sér frí fram að
jólum og huga að jólaprófunum.
Það standi hins vegar til að halda
forvarnarstarfinu áfram á næstu
önn með tónleikum, fyrirlestrum
og fleiri uppákomum. „Þetta er
allt á byrjunarstigi ennþá og við
framkvæmum um leið og okkur
dettur eitthvað í hug,“ segir hún.
Einnig vonast þau til að fleiri
skólar taki við sér í forvarnar-
starfi og að samstarf milli skóla
geti átt sér stað.
„Nemendur eru rosalega
ánægðir með þetta og ekki vantar
áhugann,“ segir Steinunn að lok-
um.
Morgunblaðið/Jim Smart
Markmiðið með forvarnarvikunni var að fá í gang umræðu um málefnið.
Mikill áhugi
á forvörnum
Breiðholt
BORGARRÁÐ hefur sam-
þykkt að auglýsa tillögu að
skipulagi Hlíðarenda, þar
sem knattspyrnufélagið Val-
ur hefur meðal annars aðset-
ur. Þá nær skipulagið yfir
um 5 hektara lands við
Landspítala – háskóla-
sjúkrahús.
Morgunblaðið greindi frá
forsögn að skipulaginu í
febrúar síðastliðnum en
svæðið afmarkast af Hring-
braut, eftir að búið verður að
færa hana, Bústaðavegi,
Flugvallarvegi og Hlíðar-
fæti, jarðgöngum sem gert
er ráð fyrir að komi undir
Öskjuhlíðina.
Það eru ALARK arkitekt-
ar sem gerðu skipulagið en
því er meðal annars ætlað að festa
starfsemi Vals í sessi á þessum stað.
Á lóð félagsins er gert ráð fyrir að
byggja nýtt íþróttahús auk áfastrar
áhorfendaaðstöðu fyrir 1200–1500
áhorfendur og tengibyggingar en
áformað er að rífa stærra (yngra)
íþróttahúsið sem fyrir er. Þá er gert
ráð fyrir yfirbyggðum gervigras-
velli í knatthúsi.
Huga þarf að
ásýnd Öskjuhlíðar
Þrír grasvellir, 68x105 metra
stórir, verða á svæðinu auk gervi-
grasvallar í sömu stærð en til við-
bótar er gert ráð fyrir aðalleikvangi
sem standa mun á núverandi mal-
arvelli, á milli hins nýja íþróttahúss
og knatthúss.
Deiliskipulagið nær einnig til
svæðis utan lóðar Vals og er þar
gert ráð fyrir atvinnustarfsemi
ásamt íbúðarlóðum og leikskóla.
Segir í greinargerð að mikilvægt sé
að huga að ásýnd Öskjuhlíðar og að
hæð bygginga þurfi að skoða sér-
staklega vegna nálægðar við Land-
spítala, blokkir í Eskihlíð og at-
vinnusvæði við Skógarhlíð. Er gert
ráð fyrir að hæð bygginga miðist
við um það bil 5 hæðir.
Samkvæmt tillögunni verða íbúð-
ir á svæðinu fyrir námsmenn og
fólk yfir miðjum aldri þannig að
ekki er gert ráð fyrir börnum á
skólaskyldualdri á svæðinu. Vegna
nálægðarinnar við Landspítala –
háskólasjúkrahús er gert ráð fyrir
að fyrirtæki eða stofnanir á sviði
heilbrigðismála, rannsókna, mennt-
unar og hátækni hafi forgang á
svæðinu, að því er segir í grein-
argerð.
Hið nýja deiliskipulag krefst
breytingar á aðalskipulagi borgar-
innar og samkvæmt upplýsingum
frá skipulags- og byggingasviði
Reykjavíkurborgar má búast við að
tillagan verði auglýst þegar gengið
hefur verið frá þeirri breytingu.
Eftir að auglýsing birtist er frestur
til að skila inn athugasemdum við
skipulagið sex vikur.
Tölvumynd af skipulaginu eins og það birtist í tillögunni. Tillagan gerir ráð fyrir
„stokkbyggingum“ meðfram væntanlegum Hlíðarfæti (til hægri á myndinni) og
framtíðar Hringbraut á 12–13 lóðum auk leikskóla.
Hlíðar
Deiliskipulag Valssvæðis og svæðis við Landspítala auglýst
Knatthús, íbúðir
og einn leikskóli