Morgunblaðið - 26.10.2002, Qupperneq 57

BRÉF TIL BLAÐSINS
MORGUNBLAÐIÐ LAUGARDAGUR 26. OKTÓBER 2002 57
ÞAÐ er lykilatriði í framtíðarþróun
Reykjavíkur að borgin verði í Evr-
ópusambandinu. Ný störf í nýjum at-
vinnugreinum, eiga besta möguleika
á að verða til í
borginni ef hún
verður raunveru-
lega á Evrópu-
markaðinum.
Reykjavík kemst
að sjálfsögðu ekki
í Evrópusam-
bandið fyrr en
þjóðin hefur gert
aðildarsamning
og samþykkt í at-
kvæðagreiðslu. Þjóðin þarf á öflugri
Reykjavík að halda og borgin mun
ekki vaxa að ráði á grunni yfirburða-
stöðu sinnar gagnvart landsbyggð-
inni svokallaðri eða með því að vera
stjórnsýslumiðstöð Íslands. Borg-
inni eru nauðsynlegar nýjar fjárfest-
ingar nýrra fyrirtækja, að alþjóðleg
fyrirtæki fjárfesti í mannauði og við-
skiptaumhverfi borgarinnar. EES-
samningurinn getur ekki tryggt að
svo verði. Bretlandsdeild risafyrir-
tækisins Toyota gerir sér ekki vonir
um nýfjárfestingar á meðan fyrir-
tækið tapar árlega stórfé á gengis-
flökti pundsins. Taki Bretar upp
Evruna horfir þetta öðruvísi við.
Framleiðsla fyrir Evrópumarkaðinn
mun fara fram á Evrusvæðinu og
örugglega ekki í jaðarhagkerfum
þar sem geðþóttagengi, klíkuskapur
og þjóðernishyggja ráða ríkjum
Samábyrgð fólks í borgum er lyk-
ilatriði í velgengni þeirra, skeyting-
arleysið um hag náungans, sem
hægrimenn boða á morgunverðar-
fundum, er hættulegt allri þróun
borga. Þjóðerniskapítalismi reyk-
vískrar borgaraséttar mun væntan-
lega syngja sitt síðasta með inn-
göngu í ESB. Evrópuandstaða
Sjálfstæðisflokksins getur þess
vegna ekki komið neinum á óvart.
Sjálfstæðismenn gerðu á síðasta
landsfundi samþykkt þar sem segir
um Evrópumál; „boðar frekari um-
ræða ekki neitt nýtt“.
Íslendingar eiga að taka afstöðu til
aðildar að Evrópusambandinu, sem
er eitt mikilvægasta úrlausnarefni
stjórnmála samtímas. Það eru fram-
tíðarhagsmunir þjóðarinnar að
Reykjavík fái að eflast sem evrópsk
borg þar sem samábyrgð íbúanna og
fjölbreytt mannlíf fær að njóta sín.
ÞORLÁKUR AXEL JÓNSSON,
kennari MA.
Reykjavík í Evrópusambandið
Frá Þorláki Axel Jónssyni:
Þorlákur Axel
Jónsson
ÉG FÆ veður til Berlínar í Þýska-
landi, þar sem ég bý, af umræðu um
matvöruverð á Íslandi. Mér var
kennt mjög snemma í grunnskóla að
fagna sjálfstæði Íslendinga einkum
vegna þess hvernig Daninn og um-
boðsmenn hans hefðu skipað ein-
hverjum stráklingum sem unnu í
búðunum þeirra að „mæla rétt“
þegar þeir skömmtuðu nauðsynjar
ofan í forfeður okkar og -mæður.
Nú þykir aftur ljóst að einhver sem
fer höndum um matvæli á Íslandi –
innanbúðarmaður, Íslendingur! –
mæli mjög rétt. Mér skilst á dag-
blaði sem mér barst að svo oft sé
mælt að enginn veit með vissu hver
mælir réttast né heldur nákvæm-
lega hversu rétt sá mælir.
Ég fór og verslaði í Netto-verslun
áðan, lágvöruverslun eins og Bónus
en með ívið betra grænmeti. Þar
sem prósentutölur og meðaltalsú-
treikningar segja ekki endilega öll-
um allt og stundum engum neitt
ætla ég einfaldlega að rekja hér inn-
kaupaseðilinn lið fyrir lið í von um
að segja allavega einhverjum eitt-
hvað. Fyrir þá sem kæra sig ekki
um að kynnast matarvenjum mínum
persónulega tek ég listann strax
saman: Tveir innkaupapokar, með
hæfilegri blöndu nauðsynja- og
munaðarvara, kostuðu 12,59 evrur,
sem jafngilda um 1.000 krónum ís-
lenskum. Þar í er reyndar engin
kjötvara. Hefst nú talningin – ég
tek hana beint af kassakvittuninni,
enda þótt sundurliðunin sé þá
stundum óþarflega nákvæm, og
miða við gengið evra = 86 íslenskar
krónur.
Sjá töflu.
Á listanum er aðeins einn inn-
kaupapoki því Þjóðverjar koma yf-
irleitt með taupoka með sér í versl-
unina og kaupa bara plast ef þeir
þurfa aukapoka. Þeir eru líka dug-
legir að kaupa og selja notað, svo
grænmetið geymi ég í ísskáp sem
kostaði 20 evrur – ég ætla ekki einu
sinni að umreikna prísinn í íslensk-
ar krónur, þá er hætt við hópverk-
föllum svo sjávarútvegurinn gæti
farið á hausinn og gott ef við ættum
ekki að vara okkur á landflótta. Það
væru hörmuleg örlög ef nýsköpuðu
erfðafræðingarnir yrðu einir eftir á
Norðurslóð og hefðu ekkert að
rannsaka lengur nema hvali.
HAUKUR MÁR HELGASON,
nemi, Berlín.
Persónulegur
verðsamanburður
Frá Hauki Má Helgasyni:
Vöruheiti á þýsku Verð í
evrum
Íslensk skýring Verð í
ísl.kr.
Kl. nettotuette 0,06 Innkaupapoki 5,16
Brötchen 0,25 Fimm bökuð smábrauð 21,50
Moehren 1 kg 0,35 Gulrætur, kíló 30,10
Basmatireis 1,49 Hrísgrjón, basmati, kíló 128,14
Speisekartoffeln 0,29 Kartöflur, kíló 24,94
Brötchen 0,25 Aftur, fimm bökuð smábrauð 21,50
Speisekartoffeln 0,29 Annað kíló af kartöflum 24,94
Broccoli 0,59 Vænn brokkólíhnúður 50,74
Bananen 1,03 Bananar, átta meðalstórir 88,58
Emmentaler 2,10 Góður brauðostur 180,60
Joghurt Naturel 0,13 Hrein jógúrt í lítilli dollu 11,18
Joghurt Naturel 0,13 Hrein jógúrt í lítilli dollu 11,18
Joghurt Naturel 0,13 Hrein jógúrt í lítilli dollu 11,18
Joghurt Naturel 0,13 Hrein jógúrt í lítilli dollu 11,18
Rosmarin 0,45 Rósmarín kryddstaukur 38,70
Span. Oliven 0,39 Ólífur frá Spáni 33,54
Thun in Wasser 0,75 Túnfiskur í vatni, svona lítil dós 64,50
Thun in Wasser 0,75 Önnur svoleiðis dós 64,50
6xKingsway Ace 1,98 Ávaxtasafi, 6 x hálfs lítra flöskur 170,28
Royal Gala 1,05 Man hreint ekki hvað þetta er … 90,30
Alls 12,59 1.082,74
Í HENDUR mér barst bæklingur
sem heitir „Vímuefni og meðganga“.
Þar ber að líta þær óyggjandi sann-
anir að áfengisdrykkja og vímuefna-
notkun sé óæskileg meðan á með-
göngu stendur. Þarna er ekki á ferð
grunur um skaðsemina heldur vissa
þeirra sem hafa ígrundað málin
vandlega. Að ganga með barn og eiga
barn er upplifun sem konur gleyma
seint eða aldrei. Gleðin sem yfirleitt
fylgir slíkum atburðum er einstök og
þú finnur til ábyrgðar yfir að líf þitt
skuli vera svona samtvinnað öðru lífi
að ekkert fær það sundurskilið nema
fæðingin og þá hefst nýtt tímabil
ábyrgðar og samkenndar með lítilli
mannveru sem á allt sitt undir þér og
þínum daglegu venjum. Það vill
áreiðanlega engin móðir barninu sínu
annað en gott. En kringumstæður
fólks geta verið misjafnar.
Í dag virðist fólk ráða meira yfir
hvenær það telur sig fært um og vilji
gefa sér tíma til að eiga börn. En
mörg börn koma nú samt óboðin og
flestir fagna þeim. En það er svo
margt sem getur orðið á leið þess-
arar litlu, vaxandi mannveru á leið
sinni frá getnaði til fæðingar. Það er
hvergi skrifað að allt skuli ganga eins
og í sögu þó yfirleitt gangi allt
snurðulaust hjá heilbrigðum konum.
Þessvegna er svo mikilvægt að gera
ekkert sem getur spillt gangi mála.
Að halda sig frá því sem er óhollt. Að
halda sig frá því sem er ekki bara
óhollt heldur alveg nauðsynjalaust.
Það er engin nauðsyn að drekka
áfengi og engin viti borin manneskja
reynir að halda áfengi að ófrískum
konum. Og sé einhver svo skyni
skroppinn að gera það þá verður við-
komandi verðandi móðir að hafa bein
í nefinu til að neita og hugsa um
ábyrgð sína gagnvart barninu
ófædda sem á ekkert nema gott skil-
ið. Og fari eitthvað úrskeiðis á með-
göngu eða við fæðingu eins og getur
gerst að þurfa þá á engan hátt að
ásaka sjálfan sig fyrir að hafa stuðlað
að því að svo færi. Ekki vísvitandi.
Og ábyrgðin er ekki minni þegar
blessað barnið hefur litið dagsins
ljós. Það er svo margt sem breytist
við tilkomu barns. Það er mikil vinna
að hugsa um lítið barn hvort sem það
er fyrsta barn eða kannski fjórða. Ég
hugsa til ungra stúlkna sem hafa allt-
af verið fríar og frjálsar og þurfa nú
allt í einu að bera ábyrgð á öðrum
einstaklingi og haga lífi sínu sam-
kvæmt þörfum hans og lífi. Viðbrigð-
in eru mikil og það að vera með barn
á brjósti er ákaflega bindandi. Í
bæklingnum góða stendur að allt
sem móðirin lætur ofan sig berist til
barnsins. Þessvegna verður viðkom-
andi móðir að gæta sín vel. Ekki gera
neitt sem getur skaðað heilsu og vel-
ferð barnsins sem henni er trúað fyr-
ir. Þessi níu mánaða meðgöngutími
kemur ekki aftur. Og fyrstu mánuðir
litla einstaklingins koma heldur ekki
aftur.
Þessvegna er gott ef hægt er að
hugsa til baka og þurfa ekki að ásaka
sig fyrir að hafa ekki gert allt sem
unnt var til að fylgja þessum litla ein-
staklingi fram á veginn með ábyrgð
og gleði.
Mín lokaorð þessa pistils eru síð-
ustu ljóðlínur kvæðis eftir Guðfinnu
Jónsdóttur frá Hömrum:
Leysir klaka, lyftir björgum
lítil, óskírð sál.
Vekur þúsund verndarengla
vöggubarnsins mál.
ÁSGERÐUR
INGIMARSDÓTTIR,
í fjölmiðlanefnd bindindis-
samtakanna IOGT á Íslandi.
Aðgát
skal höfð
Frá Ásgerði Ingimarsdóttur:
Bridgefélag
Reykjavíkur
Þriðjudaginn 24. október lauk
þriggja kvölda Board A Match-
sveitakeppni félagsins. 19 sveitir
tóku þátt í henni og var spilað í
tveimur 10 sveita riðlum hvert
kvöld. Til að gera langa sögu stutta
stóð sveit Íslenskra aðalverktaka
uppi sem sigurvegari með 103 stig
af 162 mögulegum, sem jafngildir
63,58% skor. Þeir voru með 9 stiga
forskot á 2. sætið, sem féll í hlut
Subaru-sveitarinnar, og 12 stiga for-
skot á sveit Guðmundar Magnús-
sonar, sem endaði í 3. sæti. Fyrir
sveit Íslenskra aðalverktaka
spiluðu: Bjarni Einarsson, Þröstur
Ingimarsson, Matthías Þorvaldsson,
Sævar Þorbjörnsson, Sigurbjörn
Haraldsson og Anton Haraldsson.
Fyrir Subaru-sveitina spiluðu: Jón
Baldursson, Þorlákur Jónsson,
Sverrir Ármannsson, Helgi Sigurðs-
son og Snorri Karlsson. Með Guð-
mundi Magnússyni spiluðu: Gísli
Hafliðason, Ágúst Helgason og
Ólafur Bergþórsson.
Lokastaðan varð þessi:
ÍAV 103
Subaru-sveitin 94
Guðmundur Magnússon 91
Gylfi Baldursson 89
Jónas P. Erlingsson 89
Þrír frakkar 86
Ásmundur Örnólfsson 86
Næsta keppni félagsins er þriggja
kvölda kauphallartvímenningur.
Hjá BR er spilað á þriðjudags-
kvöldum í húsnæði Bridssambands-
ins í Síðumúla 37. Spilamennska
byrjar kl. 19:30. Tekið er við skrán-
ingu í mót BR á póstfangið keppn-
isstjori@bridge.is.
BR býður upp á eins kvölds tví-
menning öll föstudagskvöld í hús-
næði BSÍ í Síðumúla 37. Spilaður er
Monrad-barómeter og Mitchell-tví-
menningur til skiptis. Pör geta tekið
þátt í verðlaunapotti samhliða tví-
menningnum, auk þess sem boðið er
upp á miðnætursveitakeppni að tví-
menningnum loknum. Björgvin Már
Kristinsson og Sigurbjörn Haralds-
son eru keppnisstjórar og taka þeir
brosandi við skráningu reyndra
jafnt sem óreyndra spilara. Þeir
sérhæfa sig í paramyndun fyrir þá
sem mæta stakir, oftar en ekki með
góðum árangri.
Spilamennska byrjar kl. 19 og
lýkur tvímenningnum yfirleitt rétt
fyrir 23.
BRIDS
Umsjón Arnór G.
Ragnarsson
Bridsfélag
Akureyrar
Greifatvímenningnum lauk þriðju-
daginn 22. október, eftir harða bar-
áttu efstu para urðu úrslitin sem hér
segir:
Pétur Guðjónsson – Anton Haraldsson 135
Páll Þórsson – Frímann Stefánsson 120
Hörður Blöndal – Grettir Frímannsson 92
Örlygur Örlygsson – Reynir Helgason 70
Jónas Róbertsson – Sveinn Pálsson 66
Næsta mót hjá Bridsfélagi Akur-
eyrar verður Akureyrartvímenning-
urinn, sem verður spilaður með
barómeter fyrirkomulagi og hefst
hann þriðjudaginn 29. október. Þeir
sem hafa hug á að vera með eru
beðnir að hafa samband við keppn-
isstjóra, Steinar Guðmundsson, í
síma 863 4516. Annars verður skrán-
ing á staðnum, fyrir þá sem ákveða
sig á síðustu stundu.
Norðurlandsmót
í sveitakeppni
Norðurlandsmótið í sveitakeppni
verður haldið helgina 2.–3. nóvem-
ber og verður spilað í Hamri. Spila-
mennskan hefst stundvíslega kl. 11 á
laugardagsmorgni og þeir sem hafa
áhuga eru beðnir um að skrá sig hjá
Stefáni Vilhjálmssyni í síma
898 4475.
Bridsfélag
Hafnarfjarðar
Mánudaginn 14. okt. var spilað
síðasta kvöldið í þriggja kvölda
barómeter.
Úrslit kvöldsins voru eftirfarandi:
Sigurjón Harðarson – Haukur Árnason 76
Hafþór Kristjánsson – Hulda Hjálmarsd. 74
Atli Hjartarsson – Sverrir Jónsson 35
Sigfús Þórðarson – Erla Sigurjónsdóttir 26
Lokastaðan eftir þrjú kvöld:
Hafþór Kristjánss. – Hulda Hjálmarsd. 115
Guðlaugur Bessason – Björn Friðrikss. 110
Sigfús Þórðarson – Erla Sigurjónsdóttir 108
Jón Páll Sigurjónsson – Sigurður
Sigurjónsson/Trausti Valsson 78
Sigurjón Harðarson – Haukur Árnason 53
Næsta mánudagskvöld 28. okt
verður spilað annað kvöldið í þriggja
kvölda hraðsveitakeppni hjá Bridge-
félagi Hafnarfjarðar.
Spilað er á nýjum spilastað á
mánudögum kl. 19.30 í Flatahrauni
3. Allir spilarar velkomnir.
24 pör í
Gullsmára
Tuttugu og fjögur pör tóku þátt í
tvímenningi hjá Bridsdeild FEBK
Gullsmára fimmtudaginn 24. októ-
ber sl. Miðlungur 220. Beztum ár-
angri náðu:
NS
Heiður Gestsd. og Þórdís Sólmundard. 301
Filip Höskuldss. og Páll Guðmundss. 261
Sigtryggur Ellertss. og Þórarinn Árnas. 251
AV
Sigurður Björnss. og Auðunn Bergsvss. 264
Haukur Guðmundss. og Guðm. Helgas. 254
Karl Gunnarss. og Kristinn Guðmundss. 246
Spilað alla mánu- og fimmtudaga.
Mæting kl. 12.45 á hádegi.
Bridsdeild Barðstrendinga
og Bridsfélag kvenna
Þegar lokið er 16 umferðum í
Haustbarómeter 2002 er röð efstu
para þessi:
Jón G. Jónsson – Friðjón Margeirss. 112
Stefanía Sigurbjd. – Jóhann Stefánss. 92
Halla Bergþórsd. – Kristjana Steingrd. 85
Guðjón Sigurjónss. – Helgi Bogason 71
Birkir Jónsson – Jón Sigurbjörnss. 66
Jón St. Ingólfss. – Jens Jensson 65
Bestu skor 21. okt. sl.
Ari M. Arason – Halldór Sigfússon 79
Jón G. Jónsson – Friðjón Margeirss. 52
Halla Bergþórsd. – Kristjana Steingrd. 45
Jón St. Ingólfss. – Jens Jensson 40
Birkir Jónss. – Jón Sigurbjörnsson 32
Eftir er að spila fimm umferðir.
Hveragerði - S. 483-4700 - Booking@HotelOrk.is
Kaffibrúsakarlarnir
á Hótel Örk föstudagskvöldin
15 og 22 nóvember 2002
Gisting eina nótt þriggja rétta kvöldverður,skemmtun, dansleikur og
morgunverður. 8.900.kr.-
Þriggja rétta veislukvöldverður, skemmtun og dansleikur 5,500.kr.-
Skemmtun og dansleikur 2,500.kr.-
xo
d
u
s.
is
Pantið tímanlega