Morgunblaðið - 20.11.2002, Side 17

ERLENT
MORGUNBLAÐIÐ MIÐVIKUDAGUR 20. NÓVEMBER 2002 17
POUL Nyrup Rasmussen sagði í
gær af sér sem formaður danska
Jafnaðarmannaflokksins, og axlaði
þar með síðbúna ábyrgð á ósigr-
inum í þingkosning-
unum fyrir ári, en
margir innan flokks-
ins höfðu á síðustu
mánuðum mikið
þrýst á hann að stíga
þetta skref. Þótti
mörgum flokks-
mönnum hann einnig
hafa staðið sig illa
sem stjórnarand-
stöðuleiðtogi í um-
ræðunni um fjárlögin á síðustu vik-
um.
„Það er hvorki mér né flokknum í
hag að þessi umræða haldi áfram,“
sagði hann á blaðamannafundi í
þingflokksherbergi jafnaðarmanna í
Kristjánsborgarhöll. „Er ekki kom-
inn tími til að ég og mín kynslóð
víki fyrir yngri mönnum?“ sagði
Nyrup, og mátti skilja þessi orð
hans sem sneið að hinum gamla
samherja sínum Mogens Lykketoft,
sem strax í gær bauð sig fram sem
arftaka að flokksleiðtogahlutverk-
inu. Lykketoft hafði fyrir nokkru
snúizt á þá skoðun að Nyrup ætti
að víkja.
En Nyrup sagðist ekki vilja
reyna neitt að stýra því hver yrði
eftirmaður hans. „Mér þykir mik-
ilvægast að meðlimir flokksins og
flokksþingsfulltrúar ákveði hver
eigi að verða nýr formaður. Hann
fær sterkasta hugsanlega umboðið
ef hann er kjörinn á grundvelli
breiðrar umræðu innan flokksins,
þar sem allir hafa á tilfinningunni
að þeir hafi átt þátt í ákvörðun-
inni,“ hefur dagblaðið Politiken eft-
ir honum.
Nyrup Rasmussen, sem gegnt
hefur formennsku í Jafnaðar-
mannaflokknum í áratug, þar af í
níu ár sem forsætisráðherra, ætlar
með þessu þó ekki að setjast í helg-
an stein, að minnsta kosti ekki enn
sem komið er; hann ætlar að halda
þingsæti sínu.
Lykketoft, sem hefur verið í
framvarðasveit danska Jafnaðar-
mannaflokksins í áratugi og hefur
m.a. verið bæði fjármála- og utan-
ríkisráðherra, var þegar farinn að
safna fylgi við formannsframboð
sitt í gær. Önnur nöfn voru líka
nefnd, þar á meðal fyrrverandi ráð-
herrarnir Frank Jensen, Dam
Kristensen, Jan Tröjborg og Pia
Gjellerup, en Jensen, Kristensen og
Tröjborg gáfu allir til kynna í gær
að þeir hefðu ekki hug á að gefa
kost á sér. Haft var eftir Piu Gjelle-
rup að hún styddi framboð Lykke-
tofts, en að það gætu fleiri kostir
verið í boði.
Nyrup segir af sér
flokksformennsku
Mogens Lykketoft býður sig fram sem arftaka
Poul Nyrup
Rasmussen
STJÓRN hins gríska hluta Kýpur
samþykkti á mánudag að viðræður
við fulltrúa Kýpur-Tyrkja um end-
ursameiningu eyjarinnar yrðu
byggðar á málamiðlunaráætlun
Sameinuðu þjóðanna, sem Kofi
Annan, framkvæmdastjóri SÞ,
lagði fram hinn 11. nóvember.
Ekkert svar barst hins vegar frá
forystu Kýpur-Tyrkja, en leiðtogi
þeirra, Rauf Denktash, liggur nú á
sjúkrahúsi í New York þar sem
hann er að ná sér eftir hjarta-
skurðaðgerð. Denktash hafði áður
látið hafa eftir sér að hann myndi
ekki geta virt þann frest sem Ann-
an hafði sett til að fá viðbrögð við
nýju áætluninni.
Alvaro de Soto, sérlegur erind-
reki SÞ í málefnum Kýpur, varaði
við því að „klukkan tifaði“. Sagði
hann að þótt semja mætti enn um
ýmis útfærsluatriði málamiðlunar-
áætlunarinnar yrði að virða tíma-
ætlunina. Sagði hann það vera
„órjúfanlegan“ hluta áætlunarinnar
að búið yrði að semja um aðalatriði
samkomulagsins fyrir leiðtogafund
Evrópusambandsins í Kaupmanna-
höfn 12.–13. desember nk., þar sem
til stendur að taka lokaákvörðun
um inngöngu Kýpur og níu ann-
arra ríkja í ESB árið 2004. Sé þá
ekkert samkomulag um endursam-
einingu eyríkisins í sjónmáli, fær
aðeins hið alþjóðlega viðurkennda
ríki Kýpur-Grikkja aðild. Tyrknesk
stjórnvöld hafa aftur á móti hótað
því að innlima hinn tyrkneska
norðurhluta Kýpur – sem Tyrkir
hafa haldið hersetnum í 28 ár – fái
gríska Kýpur að ganga í ESB.
Erdogan útilokar
að skjótt verði samið
Recep Tayyip Erdogan, leiðtogi
Réttlætis- og þróunarflokksins sem
vann stórsigur í þingkosningunum
í Tyrklandi í byrjun mánaðarins,
sagði í Aþenu, þar sem hann var
staddur til að afla stuðnings við
ESB-aðildarumsókn Tyrkja, að úti-
lokað væri að gera samkomulag
um sameiningu Kýpur fyrir 12.
desember.
Kýpur-Grikkir sam-
þykkja áætlun SÞ
Beðið eftir
svörum
Kýpur-
Tyrkja
Nícosíu. AP, AFP.
Glafcos Clerides, forseti Kýpur, á
ríkisstjórnarfundi þar sem ákveðið
var að ganga að áætlun SÞ.