Morgunblaðið - 29.11.2002, Side 12

FRÉTTIR
12 FÖSTUDAGUR 29. NÓVEMBER 2002 MORGUNBLAÐIÐ
ELLI eldfluga, útsendari úr heimi
skordýranna sem fylgist með um-
ferð og umferðarfræðslu, er kom-
inn hingað til lands til að sinna
sérstöku verkefni. Elli er af sér-
stakri bjöllutegund sem lýsir í
myrkrinu og á Netinu kennir
hann börnum hvernig þau eigi að
vara sig í umferðinni.
Á heimasíðu Ella eldflugu,
www.eldflugan.is, segir hann að
eftirlitsmaur, nýkominn úr
njósnaför á Íslandi, hafi bankað
upp á heima hjá honum fyrir
nokkrum vikum. Maurinn hafi
verið sendur til að kynna sér
stöðu umferðarmála á Íslandi á
vegum Alþjóðlegs umferðareft-
irlits maura við mannabústaði
(AUMVM) og eftir að hann hafi
komist að því hversu mörg börn
slasist í umferðinni árlega hafi
hann ákveðið að leita liðsinnis
Ella.
Elli eldfluga er umferðarverk-
efni sem Íþróttasamband lög-
reglumanna hefur þróað fyrir átta
ára börn á Íslandi. Verkefnið er
umferðarleikur og er leyst í átta
skrefum. Í hverju skrefi eru síðan
sex verkefni sem börnin leysa
hvert á fætur öðru. Verður verk-
efnið lagt fyrir nemendur þriðja
bekkjar í grunnskólum landsins,
en verkefnin eru sett þannig upp
að ætlast er til að kennari fari yf-
ir þau með börnunum. Ætlast er
til þess að börnin vinni verkefnið í
sameiningu og er hægt að senda
sérstakri dómnefnd síðasta verk-
efnið og verða verðlaun veitt fyrir
bestu úrlausnina.
Segir í fréttatilkynningu að
haldið verði áfram að þróa verk-
efnið og bæta við það á hverju ári.
T.d. verði búin til sérstök verkefni
fyrir fyrir börn, sem sökum fötl-
unar af einhverju tagi geti ekki
sótt almenna skóla.
Aðalstyrktaraðili verkefnisins
er Rannsóknarráð umferðarör-
yggismála, en Ríkislögreglustjóri
og Umferðarstofa styrkja jafn-
framt Ella eldflugu.
Elli eldfluga kominn til að
kenna börnum umferðarreglur
Morgunblaðið/Jim Smart
Óskar Bjartmarz, formaður Íþróttasambands lögreglumanna, er örugg-
lega að kíkja á heimasíðu Ella eldflugu sem er: www.eldflugan.is.
Morgunblaðið/Golli
HEILBRIGÐIS- og trygginga-
málaráðherra segir í vilja yfirlýs-
ingu vegna deilu heimilislækna og
ríkisins að hann muni beita sér fyr-
ir því að sérfræðingar í heimilis-
lækningum geti annað hvort starf-
að á heilsugæslustöðvum eða á
læknastofum utan stöðvanna. Jón
Kristjánsson segir einnig í viljayf-
irlýsingunni að samþykki læknarn-
ir að launaákvarðanir fari frá
kjaranefnd muni við gerð kjara-
samnings vera lögð áhersla á þró-
un afkastahvetjandi launakerfis
innan heilsugæslunnar.
Einnig leggur hann til að gerður
verði samningur um störf á lækna-
stofum sem byggi á gildandi samn-
ingum sjálfstætt starfandi heimil-
islækna. Ráðherra hyggst beita
sér fyrir úrbótum til að stuðla að
eflingu heilsugæslu og auka nýlið-
un í röðum heimilislækna og segir
m.a. svo í yfirlýsingu sinni:
„Komi fram beiðni frá Félagi ís-
lenskra heimilislækna um að
heilsugæslulæknar fari undan
kjaranefnd mun heilbrigðis- og
tryggingamálaráðherra beina því
til fjármálaráðherra að lagt verði
fram lagafrumvarp hið fyrsta þar
sem ákvörðun um laun heilsu-
gæslulækna verði færð frá kjara-
nefnd þannig að samningsréttur
þeirra verði með hliðstæðum hætti
og hjá öðrum heilbrigðisstéttum.
Í framhaldi af framangreindri
breytingu á samningsrétti heilsu-
gæslulækna mun heilbrigðis- og
tryggingamálaráðherra beina því
til fjármálaráðherra að í viðræðum
um gerð kjarasamnings verði lögð
áhersla á þróun afkastahvetjandi
launakerfis innan heilsugæslunn-
ar, sbr. úrskurð kjaranefndar
dags. 15. október 2002.
Jafnframt mun heilbrigðis- og
tryggingamálaráðherra þá beita
sér fyrir því að sérfræðingar í
heimilislækningum geti annað-
hvort starfað á heilsugæslustöðv-
um eða á læknastofum utan heilsu-
gæslustöðva. Gerður verði nýr
samningur um störf á læknastof-
um sem byggi á gildandi samning-
um sjálfstætt starfandi heimilis-
lækna og verði lögð áhersla á
afkastahvetjandi launakerfi, sbr. 2.
mgr. Samningurinn verði gerður
við samninganefnd heilbrigðis- og
tryggingamálaráðherra.“ Þá segir
að ráðherra muni meta þörf fyrir
heimilislækna og að sérfræðingar í
heimilislækningum fái aðgang að
umræddum samningi í samræmi
við fjárlög meðan skortur er á
heimilislæknum skv. fyrrgreindu
mati.
Viljayfirlýsing heilbrigðisráðherra
Áhersla lögð á
afkastahvetj-
andi launakerfi
geti lagt grunn að lausn deilunnar.
Segist stjórnin líta jákvæðum aug-
um á viljayfirlýsingu ráðherrans.
Þórir Björn Kolbeinsson, formaður
félagsins, sagði við Morgunblaðið
að þegar yrði hafist handa við að
kanna afstöðu félagsmanna til hug-
mynda ráðherra, m.a. þeirra að fara
undan kjaranefnd. Boðaður hefur
verið félagsfundur hjá heimilis-
læknum fimmtudaginn 5. desember
nk. þar sem kynna á hugmyndirnar.
Eitt af því sem heilbrigðisráð-
herra býður er að fari læknarnir
undan kjaranefnd bjóðist þeim
sambærilegir samningar og sjálf-
stætt starfandi heimilislæknar hafa
gert. Spurður um viðbrögð við
þessu sagði Þórir Björn að forsend-
an væri sú að gera þyrfti almennan
kjarasamning og losna við kjara-
MEIRIHLUTI heimilislækna á
Suðurnesjum og í Hafnarfirði hefur
lýst vilja til að fresta aðgerðum í
þrjá mánuði á meðan unnið er að út-
færslu á tillögum heilbrigðisráð-
herra til lausnar deilu þeirra við
ríkið. Tólf heimilislæknar á heilsu-
gæslustöðinni Sólvangi í Hafnar-
firði höfðu sagt upp störfum sínum
og ætluðu að ganga út á laugardag
en hafa sem sagt frestað því um
þrjá mánuði. Læknarnir á Suður-
nesjum höfðu sagt upp og ráðið sig
til annarra starfa. Hyggjast þeir
koma til starfa að nýju og sækja um
stöður sínar, sem höfðu verið aug-
lýstar.
Stjórn Félags íslenskra heimilis-
lækna sendi yfirlýsingu frá sér í
gær þar sem bundnar eru vonir við
að hugmyndir heilbrigðisráðherra
nefnd. Ef læknar yrðu hlynntir því
kæmu aðrir samningar fyrst til
greina. Þórir Björn sagði samning
sjálfstætt starfandi heimilislækna
einfaldlega ganga út á það að þeir
fengju að starfa utan heilsugæslu-
stöðva og fengju fyrir það greiðslur
úr almannatryggingakerfinu. Hann
sagði að ef til svona samninga kæmi
yrðu þeir gerðir við samninganefnd
heilbrigðisráðuneytisins.
„Við viljum vera sparir á yfirlýs-
ingar en hugmyndir ráðherra geta
verið sá vendipunktur sem við höf-
um beðið eftir,“ sagði Þórir Björn
en í samþykkt stjórnar kemur m.a.
fram að brýnt sé að leysa deiluna
sem allra fyrst þannig að læknar fái
„nauðsynlegan“ vinnufrið og geti
veitt almenningi í landinu þá þjón-
ustu sem hann eigi rétt á.
Heimilislæknar boðaðir á félagsfund í næstu viku
Fresta öllum aðgerð-
um í þrjá mánuði
UMBOÐSMAÐUR Alþingis hefur
komist að þeirri niðurstöðu að
landbúnaðarráðuneytinu og öðrum
stjórnvöldum sem selja fasteignir í
eigu ríkisins beri skylda til að taka
ákvörðun um tiltekna viðmiðunar-
fjárhæð, eða lágmarksverð, sem
væntingar standi til að fáist fyrir
viðkomandi eign, áður en tilboð
sem berast í eignina eru metin.
Umboðsmaður heldur því fram í
nýrri álitsgerð að landbúnaðar-
ráðuneytinu hafi borið að virða
þessa skyldu við sölu jarðarinnar
Kvoslækjar í Fljótshlíðarhreppi.
Þar sem það var ekki gert hafi
málsmeðferð ráðuneytisins í máli
manns, sem kvartaði til umboðs-
manns vegna ákvörðunar ráðu-
neytisins, að hafna öllum tilboðum
sem bárust, ekki verið í samræmi
við ákvæði reglugerðar um ráðstöf-
un eigna ríkisins.
Maðurinn kvartaði til umboðs-
manns vegna þeirrar ákvörðunar
landbúnaðarráðherra að hafna öll-
um 48 tilboðum sem bárust í jörð-
ina, þar á meðal tilboði mannsins
en hann átti hæsta tilboðið, sem
nam 17,5 milljónum kr.
Skapar ekki rétt til að krefj-
ast ógildingar á ákvörðun
Ráðuneytið hafnaði tilboðunum
þar sem það taldi að því væri ekki
skylt að selja jörðina fyrir verð
sem ekki teldist viðunandi. Var
auglýst að nýju eftir tilboðum í
jörðina og bárust þá 11 tilboð.
Hæsta tilboðið hljóðaði þá upp á
24,4 milljónir króna og var því tek-
ið.
Í niðurstöðu umboðsmanns segir
einnig að þrátt fyrir að á hefði
skort að reglu um undirbúning
mats á innsendum tilboðum í jörð-
ina hafi verið fylgt telji umboðs-
maður að sú niðurstaða gæti ein og
sér ekki haft þau réttaráhrif að
maðurinn sem sendi kvörtun til
umboðsmanns, ætti að lögum til-
tekinn rétt gagnvart ráðuneytinu,
t.d. um ógildingu umræddrar
ákvörðunar.
Lýsti umboðsmaður því áliti sínu
að úrlausn um það atriði réðist af
því hvort unnt væri að staðreyna
að landbúnaðarráðuneytið hefði
byggt synjun sína á tilboði manns-
ins í jörðina á ómálefnalegum sjón-
armiðum og taldi umboðsmaður
sér ekki fært að fullyrða að svo
hefði verið.
Álitsgerð umboðsmanns Alþingis um sölu ríkiseigna
Ráðuneyti ákveði við-
miðunarverð á eignunum
Sala á Kvoslæk
ekki í samræmi
við reglugerðir
JAFNRÉTTISNEFND Reykjavík-
urborgar telur að niðurstaða Héraðs-
dóms Reykjavíkur í máli varðandi
lögmæti banns við einkadansi sýni að
full þörf sé á að kanna hvort breyta
þurfi löggjöf er varðar heimildir sveit-
arfélaga til að banna atvinnustarf-
semi sem getur haft í för með sér
skaðleg áhrif á almannaheill. Nefndin
tekur þó undir það sjónarmið að rétt
sé að áfrýja umræddum dómi til að fá
fullnaðarúrskurð í málinu.
Kemur þetta fram í bókun, sem
gerð var samhljóða á fundi nefndar-
innar á mánudag, vegna dóms Hér-
aðsdóms Reykjavíkur frá því fyrir
helgi þar sem bann Reykjavíkurborg-
ar við svokölluðum einkadansi var
dæmt ólögmætt.
Í bókun nefndarinnar segir enn-
fremur:
„Jafnréttisnefnd Reykjavíkurborg-
ar áréttar fyrri yfirlýsingar sínar um
þetta mál og vekur jafnframt athygli
á ályktun landsfundar jafnréttis-
nefnda frá 9. nóvember síðastliðn-
um.“
Í ályktun landsfundar jafnréttis-
nefnda sveitarfélaganna 2002 segir
m.a.: „Landsfundur jafnréttisnefnda
hvetur Alþingi Íslendinga til að setja í
lög bann við einkadansi á nektarstöð-
um. Fundurinn telur að einkadans á
nektarstöðum sé dulbúið vændi og
hluti af skipulögðum, alþjóðlegum
kynlífsiðnaði sem veltir miklum fjár-
hæðum.
Það er álit fundarins að mansal og
vændi séu ofbeldi gegn þeim sem eru
neyddir til að selja líkama sinn. Fund-
urinn hvetur því löggjafarvaldið til að
endurskoða lög um vændi og fara að
fordæmi Svía með því að gera kaup á
vændi saknæm.“
Mælt með
áfrýjun dóms
um einkadans
GUÐNI Ágústsson landbúnaðarráð-
herra segir að útvíkkun á fríverslun-
arsamningi við Færeyjar yrði gríðar-
lega mikilvægur fyrir landbúnaðinn.
Útflutningur á lambakjöti yrði ekki
lengur bundinn við 700 tonna kvóta
og ný sóknarfæri myndu skapast fyr-
ir útflytjendur búvara á borð við
mjólk, svið, svínakjöt, kjúklinga, egg
og hey, svo dæmi væru tekin.
Ásamt Halldóri Ásgrímssyni utan-
ríkisráðherra kynnti Guðni tillögur að
útvíkkun samningsins á ríkisstjórnar-
fundi á þriðjudag. Skriður komst á
málið í haust á fundi Halldórs og An-
finns Kallsberg, lögmanns Færeyja.
„Ég tel að þetta myndi fljótt þýða
mikla stækkun á markaði fyrir land-
búnaðarvörurnar. Færeyingar eru
ekki sjálfum sér nógir á þessu sviði
þrátt fyrir að vera sterkir í mjólkur-
framleiðslu,“ sagði Guðni.
Hann minnti á að Baugur væri með
öfluga smásöluverslun í Færeyjum og
íslenskar vörur væru þekktar á mark-
aðnum. Útflutningur til Færeyja væri
sömuleiðis töluverður og t.d. meiri
samanlagt en til Rússlands og Kína.
Fríverslunarsamningur við Færeyjar
Gríðarlega mikilvæg-
ur fyrir landbúnaðinn