Morgunblaðið - 15.12.2002, Side 31

LISTIR
MORGUNBLAÐIÐ SUNNUDAGUR 15. DESEMBER 2002 31
ÁRLEGIR jólatónleikar Kamm-
ersveitar Reykavíkur verða haldn-
ir í Áskirkju kl. 17 í dag, sunnu-
dag. Þar verða flutt verk eftir
Georg Fr. Händel, Antonio Vivaldi
og Josef Haydn.
Kammersveitin hefur þá venju
að bjóða ungum og efnilegum
hljóðfæraleikurum að koma fram
sem einleikarar á jólatónleikum
sínum. Að þessu sinni koma fram
fjórir ungir menn, sem allir hafa
nýlega lokið framhaldsnámi er-
lendis. Þetta eru þeir Stefán Ragn-
ar Höskuldsson flautuleikari,
Hrafnkell Orri Egilsson sellóleik-
ari, Sigurður Bjarki Gunnarsson
sellóleikari og Stefán Jón Bern-
harðsson hornleikari.
Einleikararnir ungu segja það
kærkomið tækifæri að fá að spila
með Kammersveit Reykjavíkur og
koma saman eftir að hafa sótt
framhaldsnám í ólíkum löndum.
„Við þekkjumst vel, enda vorum
við á sama tíma í Menntaskólanum
í Hamrahlíð og í Tónlistarskól-
anum í Reykjavík. Það er því gam-
an fyrir okkur að koma saman að
leika á faglegum grundvelli. Það
má segja að við séum staddir á
sams konar tímamótum í okkar
ferli, allir erum við að leitast við
að hasla okkur völl, og erum
margir hverjir með annan fótinn
heima og hinn erlendis, eftir því
hvar tækifærin bjóðast, og hvaða
vettvangur hentar hverjum og ein-
um,“ segir Sigurður Bjarki, en
hann nam við Manhattan School of
Music og Juilliard í New York og
leikur með Sinfóníuhljómsveit Ís-
lands.
Hrafnkell Orri leikur einnig
með Sinfóníunni, en hann lauk
framhaldsnámi við tónlist-
arháskólann í Lübeck í síðastliðið
vor. Stefán Ragnar Höskuldsson
stundaði framhaldsnám við Royal
Northern College í Manchester en
er búsettur í New York þar sem
hann vinnur að ýmsum verkefnum,
milli þess sem hann kemur heim til
að spila. Stefán Jón Bernharðsson
lauk nýlega framhaldsnámi við
Tónlistarháskólann í Osló og hefur
frá því í sumar gegnt reynslustöðu
sem 1. hornleikari í óperuhljóm-
sveitinni í Malmö.
Efnisskrá tónleikanna er að
sögn einleikaranna vönduð og að-
gengileg, og verða verk frá bar-
okktímabilinu efst á baugi, líkt og
venja er á jólatónleikum sveit-
arinnar. Kammersveitin mun í
fyrstu flytja Komu drottning-
arinnar af Saba eftir Händel. Þá
mun Stefán Ragnar flytja Flautu-
konsert í g-moll eftir Antonio Viv-
aldi. Um er að ræða þematískt
verk sem byggist á sterku nátt-
úrumyndmáli líkt og einkennandi
er fyrir Vivaldi. „Þessi konsert
heitir Nóttin og valdi ég hann í
samráði við Kammersveitina í til-
efni af skammdeginu sem
nú ríkir. Þar er tjáð ferli
sem liggur frá næt-
urmyrkri til sólarupp-
rásar,“ segir Stefán Ragn-
ar.
Þeir Hrafnkell Orri og
Sigurður Bjarki munu
leika konsert fyrir tvö
selló í g-moll eftir Antonio
Vivaldi með Kammersveit-
inni. „Vivaldi samdi mikið
af sellókonsertum en þessi
er sérstakur að því leyti
að þar er gert ráð fyrir
tveimur einleikurum á
selló,“ segir Hrafnkell.
Stefán Jón mun leika
einleik í hornkonsert nr 1.
í D-dúr, eitt af eldri verk-
um tónskáldsins. „Það er ekki
mikið til af barokkverkum fyrir
horn, en þessi konsert leikur á
mörkum barokks og klassíkur.
Hann býður upp á túlkun sem
dregur fram barokkþættina í
verkinu, og mun ég taka þann pól-
inn í hæðina í flutningnum,“ segir
Stefán Jón. Í lok efnisskrárinnar
flytur Kammersveitin Concerto
grosso nr. 2 eftir Händel.
Þetta er ekki í fyrsta sinn sem
þeir Stefán Ragnar og Sigurður
Bjarki leika með Kammersveit
Reykjavíkur en þeir héldu m.a.
með sveitinni í tónleikaferð til
Þýskalands síðastliðið sumar.
„Þetta er þó í fyrsta sinn sem
við leikum einleik með kamm-
ersveitinni og á það við um okkur
alla fjóra. Slík samvinna er mjög
lærdómsrík fyrir einleikara, því í
kammersveitarflutningi er enginn
stjórnandi. Einleikarinn verður
þannig leiðandi í flutningnum og
kallar það á náið samspil milli ein-
leikara og hljómsveitar. Það er
ekki svo oft að maður fær tæki-
færi til að spreyta sig á slíkum
flutningi,“ segir Stefán Ragnar að
lokum.
Náið
samspil
Sigurður Bjarki Gunnarsson, Stefán Ragnar
Höskuldsson og Hrafnkell Orri Egilsson.
Stefán Jón Bernharðsson var ókominn til
landsins þegar myndin var tekin.
Morgunblaðið/Halldór Kolbeins
Helgarsprengja
Vinsælu gull-
glösinmeð
40% afslætti í dag
40% afsláttur
af öllu
jólaskrauti
í dag
Tilboðið gildir aðeins sunnudaginn 15. desember.
1.199kr
verð áður 1.999kr
Verð dæmi:
6 stk. í pakka