Morgunblaðið - 07.01.2003, Blaðsíða 26
F
asteignamarkaðurinn í
Reykjanesbæ hefur á sér
mjög sjálfstætt yfirbragð
og er algerlega óháður
markaðnum á höfuðborgarsvæðinu.
Íbúar í bænum eru nú tæplega 11.000
og fækkaði lítillega á síðasta ári. En
sala á íbúðarhúsnæði var góð. Eft-
irspurn var mest eftir 3ja herb. íbúð-
um, um 90 ferm. að stærð með sam-
eign og á verðbilinu 8–10 millj. kr.
Þetta sýnir, að fasteignaverð í
Reykjanesbæ er yfirleitt nokkru
lægra en á höfuðborgarsvæðinu,
enda þótt það hafi farið hækkandi.
Verð á einbýlishúsum er á bilinu
15–20 millj. kr. og jafnvel hærra á
nýrri húsunum.
„Það var lóðaskortur hér þegar
uppsveiflan var hvað mest á höfuð-
borgarsvæðinu og því lítið byggt,“
segir Guðlaugur H. Guðlaugsson hjá
fasteignasölunni Stuðlabergi í
Reykjanesbæ. „En þetta hefur
breytzt. Tvö ný íbúðarsvæði hafa ver-
ið skipulögð, annars vegar í Grænási
og hins vegar í Lágseylu, en bæði
þessi svæði eru í Njarðvík.
Einnig er gert ráð fyrir töluverðri
uppbyggingu á svokölluðu Nikkel-
svæði. Síðast en ekki sízt hefur orðið
mikil stefnubreyting hjá bæjaryfir-
völdum varðandi þéttingu byggðar,
en í Reykjanesbæ eru tekin að rísa
glæsileg háhýsi á auðum lóðum á
hentugum stöðum inni í bænum.“
Varðandi atvinnuhúsnæði sagði
Guðlaugur, að eftirspurn væri lítil en
bætti við: „Hentugt byggingarland
er til staðar í Reykjanesbæ fyrir alla
almenna atvinnustarfsemi og gott að-
gengi að nægri raforku, ferskvatni og
háhita.
Tvö athafnasvæði hafa verið skipu-
lögð í bænum fyrir atvinnustarfsemi.
Annað þeirra er í aðeins nokkurra
mínútna akstursfjarlægð frá Flug-
stöð Leifs Eiríkssonar og er ætlað
fyrirtækjum, sem þurfa að reiða sig á
flugsamgöngur í miklum mæli. Hitt
svæðið er í Helguvík og er ætlað iðn-
fyrirtækjum, sem eiga sitt undir góð-
um hafnarsamgöngum.“
„Reykjanesbær býður upp á mjög
fjölskylduvænt umhverfi,“ sagði
Guðlaugur ennfremur. „Félagsleg
aðstaða er góð. Hér var byggt fyrsta
fjölnota íþróttahúsið á landinu og það
hefur reynzt íþróttalífi bæjarins mik-
il lyftistöng. Hér er líka mjög góð
sundlaug, sem margir sækja.
Hér er ágætur fjölbrautaskóli og
allir grunnskólar bæjarins eru nú
einsetnir, eftir því sem ég veit bezt.
Áformað er að byggja nýjan grunn-
skóla í Innri-Njarðvík og taka hann í
notkun á árinu 2004.
Mikið útsýni
Við Vatnsnesveg 29, á horni Sól-
vallagötu og Vatnsnesvegar, er þegar
risið sjö hæða fjölbýlishús með 25
íbúðum. Þetta er lyftuhús, sem skipt-
ist í sex íbúðarhæðir með fjórum
íbúðum á hæð en efst er ein þakíbúð
(penthouse). Við húsið er svo bíla-
geymsla. Allar íbúðirnar nema tvær
eru með svölum og á þakíbúðinni ná
svalirnar allt í kringum húsið.
Framkvæmdir hófust snemma á
síðasta ári og hafa gengið mjög vel
enda tíð verið góð. Innréttingavinna
er nú að hefjast, en búið er að glerja
húsið og gert ráð fyrir, að íbúðirnar
verði tilbúnar til afhendingar í sept-
ember–október á þessu ári.
Þarna er að verki Byggingafyrir-
tækið Hjalti Guðmundsson ehf., eitt
helzta byggingafyrirtækið í Reykja-
nesbæ, sem hefur að baki sér margra
áratuga reynslu. Aðaleigandi þess,
Hjalti Guðmundsson byggingameist-
ari, hefur byggt margar þekktar
byggingar í Reykjanesbæ og annars
Reykjanesbær
Sjö hæða fjölbýlishús með 25
íbúðum rís í hjarta bæjarins
Lítið hefur verið um há
fjölbýlishús í Reykja-
nesbæ, en nú er að verða
þar mikil breyting á.
Magnús Sigurðsson
kynnti sér nýtt háhýsi á
horni Vatnsnesvegar og
Sólvallagötu.
Útlitsteikning af húsinu, sem stendur við Vatnsnesveg 29, á horni Sólvallagötu og Vatnsnesvegar. Hönnuður er Ingimundur Sveinsson arkitekt. Þetta er lyftuhús, sem skiptist í sex íbúðarhæðir með fjór-
um íbúðum á hæð en efst er ein þakíbúð (penthouse). Samtals eru íbúðirnar því 25. Við húsið er svo bílageymsla. Allar íbúðirnar nema tvær eru með svölum og á þakíbúðinni ná svalirnar allt í kringum hús-
ið. Íbúðirnar eru til sölu hjá þremur fasteignasölum, Stuðlabergi og Gunnari Ólafssyni í Reykjanesbæ og Ársölum í Reykjavík.
Ljósmynd/Hilmar Bragi
Frá vinstri: Hjalti Guðmundsson, Guðmundur Hjaltason, Andrés Hjaltason og
Róbert Svavarsson. Í baksýn er nýbyggingin. Innréttingavinna er nú að hefjast,
en búið er að glerja húsið og gert ráð fyrir, að íbúðirnar verði tilbúnar til afhend-
ingar í september–október á þessu ári.
Þessi mynd er tekin úr nýbyggingunni, sem stendur í hjarta Reykjanesbæjar.
Sólvallagatan blasir við.
26 C ÞRIÐJUDAGUR 7. JANÚAR 2003 MORGUNBLAÐIÐHeimiliFasteignir