Morgunblaðið - 04.03.2003, Síða 14

Húsið er á tveimur hæðum ásamt kjallara og 27 ferm. innbyggðum bílskúr, samtals tæpl. 290 ferm. Ásett verð er 29,8
millj. kr., en húsið er til sölu hjá Valhöll.
Reykjavík – Hjá fasteignasölunni
Valhöll er nú til sölu fallegt tæplega
290 m2 einbýlishús við Langagerði
114. Húsið er á tveimur hæðum ásamt
kjallara og 27 m2 innbyggðum bíl-
skúr.
„Húsið stendur á skemmtilegum
stað með baklóð í suður,“ sagði Bárð-
ur Tryggvason hjá Valhöll. „Garður-
inn er sérlega fallegur og hannaður af
Stanislas Bohic en samt viðhalds-
léttur og ekki stór. Húsið hefur verið í
eigu sömu aðila frá upphafi og því hef-
ur alla tíð verið mjög vel við haldið.
Á aðalhæð hússins er flísalögð for-
stofa með marmara og skáp. Eldhúsið
er með góðri innréttingu og borð-
krók. Á aðalhæð er ennfremur flísa-
lögð gestasnyrting, bókaherbergi og
rúmgóðar, glæsilegar stofur með arni
og ljósum teppum. Á efri hæðinni eru
tvö teppalögð barnaherbergi með
skápum, flísalagt baðherbergi með
baðkari, innréttingu og glugga.
Hjónaherbergið er sérlega stórt með
miklum skápum og útgangi út á stór-
ar suðursvalir, en sá hluti er nýlegur.
Þar eru innbyggð ljós og upptekin
loft.
Í kjallaranum er mjög stórt fjöl-
skylduherbergi með dúkflísum á
gólfi, annað gott teppalagt svefnher-
bergi og gott flísalagt þvottahús með
sturtuklefa, ennfremur búr og
geymsla. Innangengt er í bílskúrinn.
Húsið er sérlega vandað að allri
gerð og afhending gæti orðið í júní
nk.,“ sagði Bárður Tryggvason að
lokum. Ásett verð er 29,8 millj. kr., en
húsið er skuldlaust.
Langagerði 114
14 B ÞRIÐJUDAGUR 4. MARS 2003 MORGUNBLAÐIÐHeimiliFasteignir