Morgunblaðið - 10.03.2003, Blaðsíða 29

MORGUNBLAÐIÐ MÁNUDAGUR 10. MARS 2003 29
DAGBÓK
STJÖRNUSPÁ
Frances Drake
FISKAR
Afmælisbörn dagsins:
Þið hafið þörf til að skilja
ykkur sjálf. Þið eruð við-
kvæm en getið einnig verið
hrókar alls fagnaðar. Árið
framundan gæti falið í sér
ákveðin tímamót.
Hrútur
(21. mars - 19. apríl)

Forðastu deilur um pólitík,
trúmál og heimspeki í dag.
Haltu þig til hlés, þú munt
ekki sjá eftir því síðar.
Naut
(20. apríl - 20. maí) 
Það er hugsanlegt að vinir
eða hópar beiti þig þrýstingi í
dag eða að þú beitir þá þrýst-
ingi. Slík valdatöfl skila litlu
og því skalt þú gefa eftir.
Tvíburar
(21. maí - 20. júní) 
Það er erfitt að fást við for-
eldra, kennara, lögreglu eða
yfirmenn í dag. Einhver er að
misnota vald sitt og þér líkar
það ekki.
Krabbi
(21. júní - 22. júlí) 
Forðastu deilur í dag um
ferðalög, útgáfu og lög-
fræðilega hluti. Bilanir í
vinnunni gætu kostað tafir.
Ljón
(23. júlí - 22. ágúst) 
Það er sagt að maður þekki
engan fyrr en maður þarf að
deila með honum arfi. Í dag
er ekki heppilegt að láta
reyna á þetta spakmæli.
Haltu peningunum í vasa þín-
um.
Meyja
(23. ágúst - 22. sept.) 
Deilur við náinn vin og gagn-
rýni gætu gert lífið erfitt í
dag. Forðastu rifrildi. Þessar
tilfinningar verða horfnar á
morgun.
Vog
(23. sept. - 22. okt.) 
Hefðbundinn taktur daglega
lífsins gæti breyst í dag. Þú
kannt að vilja gera róttækar
breytingar á hlutum sem þér
finnst ekki ganga upp.
Sporðdreki
(23. okt. - 21. nóv.) 
Ástarsambönd gætu slitnað í
dag. Foreldrar mega ekki
gera miklar kröfur til barna
sinna. Munið að þolinmæði
þrautir vinnur allar.
Bogmaður
(22. nóv. - 21. des.)
Í dag er ekki heppilegt að
taka harða afstöðu til mála
varðandi heimilið. Fólk er
spennt og tilfinningaríkt í
dag. Sýndu þolinmæði; ekkert
er aðeins svart og hvítt.
Steingeit
(22. des. - 19. janúar)

Reyndu að hætta að reyna að
sannfæra einhvern um eitt-
hvað í dag, það skiptir ekki
máli þótt þú hafir rétt fyrir
þér. Það er hvort eð er þýð-
ingarlaust að reyna að
þröngva skoðunum upp á
aðra.
Vatnsberi
(20. jan. - 18. febr.) 
Þér gæti tekist að leysa úr
erfiðu fjárhagslegu vandamáli
í dag. Reyndu að sýna ekki of
mikla stífni. Sýndu heldur
þolinmæði og hlustaðu á aðra.
Fiskar
(19. feb. - 20. mars) 
Þú gætir orðið undir mikilli
pressu í dag. Valdabarátta
mun reyna í þér þolrifin.
Slepptu því sem ekki gengur
upp.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
FJALLIÐ SKJALDBREIÐUR
Fanna skautar faldi háum
fjallið, allra hæða val,
hrauna veitir bárum bláum
breiðan fram um heiðardal.
Löngu hefur Logi reiður
lokið steypu þessa við.
Ógnaskjöldur bungubreiður
ber með sóma réttnefnið.
Ríð ég háan Skjaldbreið skoða,
skín á tinda morgunsól,
glöðum fágar röðulroða
reiðarslóðir, dal og hól.
Beint er í norður fjallið fríða,
– fákur eykur hófaskell, –
sér á leiti Lambahlíða
og litlu sunnar Hlöðufell.
Vel á götu, ber mig Baldur.
Breikkar stirðnað elda sund.
Hvenær hefur heims um aldur
hraun það brunað fram um grund?
Engin þá um Ísafoldu
unað hafa lífi dýr.
Enginn leit þá maður moldu,
móðu steins er undir býr.
- - -
Jónas Hallgrímsson
LJÓÐABROT
ÁRNAÐ HEILLA
STUNDUM gerist það í
vörninni að spilamennska
sagnhafa verkar eins og
hressandi kaffibolli – mað-
ur glaðvaknar og lyftist í
sætinu. Þá er rétti tíminn
til að hugsa. Settu þig í
spor vesturs:
Norður gefur; allir í
hættu.
Norður
♠ G96
♥ K
♦ ÁKD964
♣1053
Vestur
♠ K7
♥ ÁD65
♦ 1073
♣G964
Vestur Norður Austur Suður
-- 1 tígull Pass 1 hjarta
Pass 2 tíglar Pass 2 grönd
Pass 3 grönd Allir pass
Það er átakalaust að
spila út litlu laufi í byrjun.
Makker leggur til drottn-
inguna og sagnhafi tekur
strax með ás. Og spilar
hjarta eftir stutta umhugs-
un. Þetta er svolítið óvænt
og nú er rétt að fara yfir
málin. Hvernig viltu verj-
ast?
Sex tígulslagir blasa við í
borði og suður hefur þegar
fengið slag á laufás. Senni-
lega á hann laufkónginn
líka, því með Áxx hefði
hann örugglega dúkkað. Ef
þetta er rétt greining
hyggst sagnhafi byggja upp
níunda slaginn á hjarta.
Engin vörn er til ef suður á
spaðaásinn líka, svo það
verður að eigna makker
það spil.
Norður
♠ G96
♥ K
♦ ÁKD964
♣1053
Vestur Austur
♠ K7 ♠ Á10852
♥ ÁD65 ♥ 732
♦ 1073 ♦ 85
♣G964 ♣D72
Suður
♠ D43
♥ G10984
♦ G2
♣ÁK8
Þú sérð fyrir þér fimmta
slag varnarinnar á laufgosa
– tekur strax á hjartaás og
spilar litlum spaða undan
kóngnum. Makker tekur
með ás og spilar laufi.
Bingó!
E.s. Vissulega var til í
dæminu að suður hefði
byrjað með Áx í laufi. En
varla ÁD í spaða, því þá
hefði hann auðvitað spilað
upp á spaðasvíningu.
BRIDS
Guðmundur Páll Arnarson
1. e4 c5 2. Rf3 d6 3. d4 Rf6 4.
Rc3 cxd4 5. Rxd4 Rc6 6. Bc4
Db6 7. Rxc6 bxc6 8. O-O g6
9. Bb3 Bg7 10. Be3 Dc7 11.
h3 O-O 12. f4 Ba6 13. He1 c5
14. a3 e6 15. Bf2 Hab8 16.
Hb1 Hfd8 17. Df3 Bb7 18.
De2 Ba8 19. Bh4 He8 20.
Ba4 Hec8 21. Bb3 c4 22. Ba2
Rh5 23. De3 d5 24. e5 Dc6
25. Dd4 Bf8 26. Bf2 Rg3 27.
Dd2 d4 28. Bxd4
Hd8 29. Df2 Rf5 30.
Bxa7 Hb7 31. Re4
Hxa7 32. Dxa7 Hd4
33. Kh2 Hxe4 34.
Hxe4 Dxe4 35. Df2
Bh6 36. g3
Staðan kom upp í
opna mótinu í Capp-
elle La Grande sem
lauk fyrir skömmu í
Frakklandi. Evgeny
Miroshnichenko
(2538) hafði svart
gegn Florian Grafl
(2343). 36...Rxg3!
37. Kxg3 Bxf4+ 38.
SKÁK
Helgi Áss Grétarsson
Svartur á leik.
Dxf4 Dg2+ 39. Kh4 h6! 40.
Dxh6 Df2+ 41. Kg4 Bf3+
42. Kf4 Bd1+ og hvítur
gafst upp. Meistaramót
Taflfélagsins Hellis hefst í
félagsheimili Hellis, Álfa-
bakka 14a, í dag 10. mars kl.
19.30. Tefldar verða sjö um-
ferðir með kappskák-
artímamörkum og lýkur
mótinu 27. mars nk. Teflt
verður á mánu-, þriðju- og
fimmtudögum en mótið
verður reiknað til al-
þjóðlegra skákstiga.
NÁMSK
EIÐ Í
SJÁLFS
TYRKIN
GU
Áhersluatriði:
• Að greina eigið samskiptamynstur
• Að efla öryggi og sveigjanleika
• Að ráða við vandasöm samskipti
• Að auka sjálfstyrk á markvissan hátt
Höfundar og leiðbeinendur námskeiðs eru
sálfræðingarnir Álfheiður Steinþórsdóttir
og Guðfinna Eydal.
Skráning í síma 562 3075
Netfang: psych.center@mmedia.is
SÁLFRÆÐISTÖÐIN
Morgunverðarfundur 12. mars
kl. 8.30-9.30 í Víkingasal Hótels Loftleiða
Að snúa erfiðum aðgerðum
í ný tækifæri
Á fundinum verður fjallað
um fjöldauppsagnir og áhrif þeirra
Erindi:
Bjarni Snæbjörn Jónsson, ráðgjafi IMG Deloitte.
Una Eyþórsdóttir, starfsmannastjóri Icelandair.
Valdís Arnórsdóttir, starfsmannastjóri Heklu.
Nánari upplýsingar og skráning á heimasíðunni:
www.stjornvisi.is og í síma 533 5666.
Svipmyndir/Fríður
BRÚÐKAUP. Gefin
voru saman 24. jan-
úar sl. í Dómkirkj-
unni af sr. Hjálmari
Jónssyni þau Jenni-
fer McNamara og
Sigurður Ágúst
Norðdahl. Heimili
þeirra er að Furu-
grund 76, Kópavogi.
Svipmyndir/Fríður
BRÚÐKAUP. Gefin
voru saman 18. jan-
úar sl. í Fríkirkj-
unni í Reykjavík af
sr. Hirti Magna Jó-
hannssyni þau Ólöf
Birna Ólafsdóttir
og Ruben Mencos.
Heimili þeirra er á
Gnoðarvogi 50,
Reykjavík.
MORGUNBLAÐIÐ
birtir tilkynningar
um afmæli, brúð-
kaup, ættarmót og
fleira lesendum sín-
um að kostn-
aðarlausu. Tilkynn-
ingar þurfa að berast
með tveggja daga
fyrirvara virka daga
og þriggja daga fyr-
irvara fyrir sunnu-
dagsblað. Samþykki
afmælisbarns þarf
að fylgja afmæl-
istilkynningum og/
eða nafn ábyrgð-
armanns og síma-
númer. Fólk getur
hringt í síma 569-
1100, sent í bréfsíma
569-1329, eða sent á
netfangið ritstj
@mbl.is.
Einnig er hægt að
skrifa:
Árnað heilla,
Morgunblaðinu,
Kringlunni 1,
103 Reykjavík
HINN 14. janúar sl. tóku
krakkarnir í 7.R.L. í
Hvaleyrarskóla í Hafn-
arfirði þátt í verkefninu
Dagblöð í skólum. Að
lokinni verkefnaviku með dagblöð í
kennslutímum komu þau í skoð-
unarferð á Morgunblaðið ásamt
kennara til fá nánari inn-
sýn í hvernig hlutirnir
ganga fyrir sig á Morg-
unblaðinu. Morgunblaðið
þakkar 7.R.L. kærlega
fyrir komuna og vonar að heimsókn-
in hafi orðið þessum hressu krökk-
um bæði til gagns og gamans.
Morgunblaðið/Golli
FRÉTTIR