Morgunblaðið - 15.03.2003, Blaðsíða 18

KNICKERBOX
Laugavegi 62, sími 551 5444
KNICKERBOX
Kringlunni, sími 533 4555
K N I C K E R B O X
— Munið gjafakortin —
— Sendum í póstkröfu —
Fermingarnærföt
Fermingarnáttföt
Fermingargjafir
Frábært úrval
af nýjum vörum
HLAÐBORÐ með heitum og köldum réttum og kaffihlaðborð njóta stöð-
ugra vinsælda í fermingarveislum, segir Bjarni Óli Haraldsson, yfirmat-
reiðslumaður í veitingaeldhúsinu Veislunni. Á slíku hlaðborði er að finna
graflax, reyktan lax, roastbeef, alls kyns salöt og jafnvel kartöflustrá.
Færri biðja reyndar um kartöflustrá nú en áður, segir Bjarni. Nú er
snakk á boðstólum allt árið og kartöflustrá ekki lengur kölluð fermingar-
kartöflur í heildverslunum. Þá eru kjúklingaleggirnir klassísku nú með
mexíkókryddi og salsa, að hans sögn.
„Réttirnir eru kryddaðri en áður, fólk er óhræddara við að prófa fram-
andi og bragðmeiri krydd á borð við cummin og chilipipar,“ segir hann.
Þótt hlaðborðið sé í eðli sínu sígilt hafa nýir réttir rutt sér til rúms í
takt við tískusveiflur í matargerð, segir Bjarni Óli ennfremur, því þar er
líka að finna pastasalöt og kalkúnasalat með fetaosti, svo dæmi séu
nefnd.
„Það hefði ekki gengið fyrir tíu árum,“ segir hann. Hlaðborðin hafa
orðið auðmeltari og suðrænni í seinni tíð og mikið um léttmeti. Þó sé
einstaka maður sem vilji hamborgarhrygg með sykurbrúnuðum kart-
öflum og tilheyrandi og ekkert annað.
Bjarni Óli segir í raun með ólíkindum hversu miklar breytingar hafi
orðið á framboði hráefnis. Matreiðslumenn geti útvegað sér nánast
hvaða vöru sem er til matargerðar nú orðið.
Ekkert furðulegt eða sérstakt „Þá er sama hvort um er að
ræða sænskar kjúklingabringur, franskar skógardúfur, nýsjálenskt
nautakjöt, hollenskt kálfakjöt, ferska gæsalifur eða lifandi ostrur, svo
dæmi séu nefnd. Einnig er mikill munur á því hversu auðvelt er að verða
sér út um gott súkkulaði og vandað hráefni fyrir bakstur. Það þykir ekk-
ert sérstakt í þessari grein lengur eða stórfurðulegt. Við erum orðin al-
vön öllu,“ segir hann.
Bjarni Óli segir raunar stærsta framfaraskrefið fyrir íslenska mat-
reiðslumenn að hafa aðgang að sama markaði og kollegar þeirra í Evr-
ópu.
Morgunblaðið/Kristinn
Bjarni Óli Haraldsson segir
matreiðslumenn geta út-
vegað sér nánast hvaða
hráefni sem er til mat-
argerðar. Ekkert komi leng-
ur á óvart í þeim efnum.
Graflax og alls kyns salöt