Morgunblaðið - 15.03.2003, Blaðsíða 47

EF ÞAÐ er skírn, ferming, brúðkaup eða stórafmæli í stórfjölskyldunni þá
gerir Ingibjörg Aðalsteinsdóttir tertuna, og nú gerir hún eina til fjórar á
ári.
Ingibjörg er fædd og alin á Vaðbrekku í Hrafnkelsdal fyrir austan, og
hefur búið í Fellabæ á Héraði frá 1983. Það var árið 1993 sem tertu-
skreytingarnar hófust hjá henni og það varð ekki aftur snúið. „Ég er með
skírn, gerir þú ekki tertuna?“ er spurt, og það gerir Ingibjörg með
ánægju. „Ég hef mjög gaman af þessu, annars væri ég ekki að þessu,“
segir hún.
Ábyrgð svilkonunnar Árið 1993 var systir hennar með skírn og
svilkona Ingibjargar var í heimsókn hjá henni og ákvað að kenna henni
að skreyta tertur. „Ég geri þetta fyrir fjölskylduna og vini og vandamenn,
aðallega hér, en einnig gerði ég brúðkaupstertuna fyrir Ragnhildi systur
mína í Reykjavík,“ segir hún.
Ingibjörg bakar oft botnana sjálf, en tekur stundum aðeins að sér
skreytinguna. Oftast hefur hún marsipan á henni og rjóma meðfram.
Fyrst gerði hún aðeins flatar tertur, svo opnar bækur og loks tertur á
þremur hæðum. „Þetta hefur þróast,“ segir hún. „Fyrst gerði ég mars-
ipanblóm en núna nota ég alltaf lifandi blóm, mest rósir. En það kemur
fyrir að rósir fást ekki og þá nota ég bara önnur blóm og það hefur kom-
ið mjög vel út,“ segir hún.
Ingibjörg er einnig farin að sneiða hjá hefðbundnum styttum á tert-
urnar, og hefur t.d. notað líkan af vélhjóli á fermingartertu. „Aðalmálið
er að velja styttuna, og það getur tekið lengsta tímann,“ segir hún. Ann-
ars er hún um fimm tíma að gera tertuna. Hún bakar hana daginn áður
og fyllir og skreytir svo samdægurs.
Blóm og styttur Fermingarbörnin velja oft litinn, t.d. á blómunum,
og styttan verður að vera í stíl við þau. „Þetta verða öðruvísi tertur. Mér
finnst reyndar bakarístertur ágætar en þessar eru ekki í sama dúr,“ seg-
ir hún.
Stafirnir á tertunum eru gerðir úr súkkulaði og þarfnast sérstakrar
gætni. „Ég hanna stafina í tölvu og prenta þá út, legg plastfilmu eða
plastpoka yfir, bræði súkkulaði og set það í sprautupoka, og sprauta á
plastið. Geri nokkrar tilraunir og vel síðan þá best heppnuðu og færi þá
yfir á tertuna,“ segir hún og að hún geri einnig stundum súkkulaðiblóm.
Ingibjörg er ekki alveg viss hvort hún skreyti tertu fyrir komandi ferm-
ingar, þó hugsanlega fyrir eina vinakonu sína. Hún gerir þetta ævinlega
ánægjunnar vegna og tekur ekkert fyrir greiðann.
Fermingartertur
með lifandi
blómum
Ingibjörg hefur sérhæft sig í
heimagerðum ferming-
artertum og leggur sig sér-
staklega fram við skreyting-
arnar. Hún hefur gert tertur
fyrir fjölskyldu og vini í tíu ár.
Ljósmynd/Ingibjörg Aðalsteins
Þriggja hæða fermingarterta handa Steinunni.
Bómullarsatín eða
silkidamask rúmfatnaður
Setjum stafi eða nöfn
í rúmfatnað og handklæði
Ítalskir dúkar
saumaðir eftir máli
Njálsgötu 86, s. 552 0978Tilvalin fermingargjöf
TEENO
Laugavegi 56,
sími 552 2201
Falleg
föt fyrir
ferming-
arnar
Hverfisgötu 50 • sími 552 2690 • www.svipmyndir.is