Morgunblaðið - 15.03.2003, Blaðsíða 40

BLÓMASKREYTINGAR augnabliksins bera keim af dvergvöxn-
um görðum, segir Vigdís Hauksdóttir, blómaskreytingamaður í
Blómagalleríi og Íslandsmeistari í blómaskreytingum. Um
þessar mundir er mikið „unnið ofan í gler“ í blómaskreytingum
þar sem „laukurinn og gróandinn fá að njóta sín“, segir Vigdís
ennfremur.
Í bláu skreytingunni er unnið með muscari lauk, en Vigdís,
segir vorblóm algeng í fermingarskreytingum og vekur athygli á
hversu sýnileg rótin og laukurinn eru í gegnum glerið. „Við höf-
um sérhæft okkur í blómum, servíéttum og kertum sem allt er í
stíl,“ segir hún ennfremur, en myndir af samskonar blómum og
notuð eru í skreytingarnar eru prentaðar á servíétturnar. Blár
litur er algengur í skreytingum á fermingarborð drengja, en Vig-
dís segir fjólublátt, gult og lime-grænt ganga fyrir þá líka.
Vorþema með fjólubláum laukum í glærum vasa sem minnir
á trompet hentar bæði stelpum og strákum. Í þeirri skreytingu
er túlípönum á lauk hlaðið hverjum ofan á aðra ofan í vatni og
ekki þarf að óttast að þeir drukkni. „Túlípanar eru stífir og
standa lengi og flott. Það þarf ekki að óttast að þeir drúpi kolli
líkt og sum blóm gera í hita,“ segir hún.
Hár vasi af þessu tagi getur staðið á miðju borði og náð að
blómstra yfir bæði mat og kökur.
Þriðji möguleikinn er gulir túlípanar og cornus greinar í
stórum vasa, yfir einn metri á hæð, sem Vigdís segir flottan á
gólfi. Á greinarnar og vasann eru hengdir minni glervasar með
blómum. „Fermingar ber upp á páska þótt þeir séu seint að
þessu sinni. Svona skreyting sómir sér vel annan páskadag.“
Hortensíurnar eru „ekta stelpuskreyting“ að Vigdísar sögn. Þar
notar hún lisíanthus í botninn og miðjuna og stálgras með perl-
um til þess að víkka rammann á skreytingunni út fyrir vasann og
fá loft í heildarmyndina.
Fimmta og síðasta skreytingin er úr fjólubláum írisblómum
sem Vigdís segir helsta fermingarskrautið um þessar mundir.
Blómin eru innflutt og eru frá gulu út í ljósfjólublátt, jafnvel dökk-
fjólublátt eða svart. Í botni vasans eru óblómstrandi brúð-
arliljulaukar sem fá írisinn til þess að virðast vera á lauk, segir
Vigdís Hauksdóttir að síðustu.
Morgunblaðið/Kristinn
Vigdís Hauksdóttir útbýr páskaskreytingu í hreiðurlíki með
ekta eggjum. Eggin eru fyllt með vatni og páskaliljum
stungið ofan í göt á skurninni.
Íris og brúðarliljulaukar.
Morgunblaðið/Kristinn
Muscari laukur á strákaborð.
Hortensía og lisíanthus með stálgrasi.Túlípanar í vatnsbaði.
Horft í gegnum
glerið
Túlípanar og cornus.