Morgunblaðið - 16.03.2003, Blaðsíða 16

16 B SUNNUDAGUR 16. MARS 2003 MORGUNBLAÐIÐ
Sælkerar á sunnudegi
Steingrímur Sigurgeirsson Hanna Friðriksdóttir Áslaug Snorradóttir
VILLA Maria er einnþekktasti vínframleið-andi Nýja-Sjálands.Fyrirtækið var stofnað
árið 1961 og á ekrur á helstu
ræktunarsvæðum Nýja-Sjálands
jafnt á Norðureyju (Gisborne og
Hawkes Bayk) sem Suðureyju
(Marlborough). Vínin frá Villa
Maria eru traust og endurspegla
vel sérkenni nýsjálenskra vína.
Fersk og skörp hvítvín með
djúpum ávexti. Þrjú vín frá Villa
Maria eru nú í sölu hér á landi
og eru þau öll úr hinni svoköll-
uðu Private Bin línu, sem er
fyrsta gæðastig fyrirtækisins.
Þau eru öll unnin úr þrúgum frá
Marlborough-héraði, sem er
nyrst á Suðureyju. Sumur þar
eru mjög heit og margar sól-
skinsstundir en jafnframt sval-
ar nætur gera hvítu þrúgunum
kleift að ná mjög góðum
þroska.
Öll þrjú eru afbragðsgóð, tvö
þeirra ung og fersk frá árinu
2002 en hið þriðja ögn dýpra og
þroskaðra. Þau eiga það einnig
sammerkt að vera með skrúfu-
tappa, sem kann að virðast und-
arlegt í fyrstu en venst vel. Tvö
vínanna eru fáanleg í sérpöntun
og á veitingastöðum. Char-
donnay-vínið er fáanlegt á sér-
lista ÁTVR.
Villa Maria Chardonnay 2000 hefur
meiri þyngd en hin vínin. Greina má
eik, vínið er feitt, rjómi og jafnvel
angan af andarfitu. Ávöxturinn
sömuleiðis feitur og þykkur með
sítrus, vanillu og hitabelt-
isávöxtum. 17/20 Kostar 1.550
krónur.
Villa Maria Sauvignon Blanc 2002 er
grænt og berjamikið, í munni skarpt og
ferskt með ríkjandi grænum Granny Smith-
eplum. Þetta er að mörgu leyti skólabók-
ardæmi um vín úr þrúgunni Sauvignon
Blanc, allt að því ýkt. 17/20
Villa Maria Riesling 2002 er yndislegt
vín. Sætur og gómsætur lime-ávöxtur, þykkt,
fersktmikil sól og þroski í bragðinu. Algjört
sælgæti. 18/20
Vín
S t e i n g r í m u r S i g u r g e i r s s o n
matur@mbl.is
Lesendur eru hvattir til að senda sælkerum
hugmyndir, athugasemdir eða ábendingar.
Um getur verið að ræða ábendingar um
áhugavert efni, atburði eða uppákomur,
stuttar sögur tengdar efninu eða þá óskir
um að eitthvað sérstakt verði tekið fyrir. Ef
efni er sent með ósk um birtingu áskilur
Morgunblaðið sér rétt til að velja og hafna,
stytta og breyta. Netfang sælkerasíðunnar
er matur@mbl.is.

Dagana 17.–23 mars verður haldin umfangs-
mikil kynning í Reykjavík á vegum Torres á
spænskri matar- og vínmenningu. Til landsins
koma tveir fagmenn frá Spáni, þeir Toni Batet
Collado, vínþjónn, og Javier Lopez-Cruiz, mat-
reiðslumeistari. Þessir fagmenn munu dvelja á
Íslandi um vikutíma, en sérstakur spænskur mat-
seðill verður á Hótel Holti dagana 19.–23. mars,
og boðið upp á ýmsar nýjungar í vínum frá Torr-
es. Auk þess verða fjölmörg námskeið í boði fyrir
áhugafólk og fagfólk um vín og spænska mat-
argerð.
Toni Batet Collado hefur víðtæka menntun
sem vínþjónn (Sommelier) frá Barcelona og Toul-
ouse í Frakklandi. Toni starfar nú í hópi vínþjóna
á vegum Torres-fjölskyldunnar í Vilafranca del
Penedés, en þar áður starfaði hann á ýmsum
veitingahúsum innan og utan Spánar, meðal ann-
ars á hinum fræga veitingastað í París, Alain Du-
casse, sem hefur 3 Michelin stjörnur.
Javier Lopez-Cruiz er menntaður mat-
reiðslumaður frá Barcelona, hann er katalónskur
og starfar um þessar mundir á spánnýjum „fu-
sion“ veitingastað í hjarta borgarinnar, Restaur-
ant Reñer. Javier hefur víðtæka reynslu, m.a. af
Michelin-stöðum í Frakklandi og Belgíu, auk þess
sem hann hefur starfað á mörgum vel þekktum
veitingastöðum á Spáni.
Nánari upplýsingar um Torres-vikuna, nám-
skeið og vínsmakkanir er að finna á www.mat-
arlist.is og www.vin.is.
Torres-vika

Þeir sem reglulega opna flösku af víni hafa ef-
laust einhvern tíma orðið fyrir því óláni að vín sé
skemmt. Í nær öllum tilvikum má rekja skemmd-
ina til korktappans. Skemmd vín eru ekki hættu-
leg heilsunni, þau eru einungis bragðvond.
Stundum er einungis um það að ræða að vínið er
dautt, allt líf og allur ávöxtur horfinn. Í öðrum til-
vikum hafa ömurleg fúkkaeinkenni komið í stað
ljúfrar anganar. Þetta er alltaf svekkjandi en ekki
síst þegar um góð vín er að ræða, kannski flösku
sem búið er að geyma í kjallaranum í mörg ár.
Þar sem framleiðendum er yfirleitt kennt um
það ef vínið er korkað (flestir neytendur átta sig
ekki á því að vínið sé korkað heldur líta svo á að
það sé vont og kaupa ekki sömu tegund aftur)
hafa margir brugðið á það ráð að sleppa kork-
inum.
Sumir nota gervikorka, sem hægt er að fá í öll-
um regnbogans litum, en aðrir taka skrefið til
fulls og nota venjulega skrúfutappa. Lengi vel
voru skrúfutappar einkenni ódýrra ruslvína en nú
hafa nokkrir toppframleiðendur hafið notkun
þeirra með þeim rökum að þannig sé víninu skil-
að í bestu ásigkomulagi til neytenda. Í þessum
hópi eru ekki síst fyrirtæki í Ástralíu og Nýja-
Sjálandi, til dæmis nýsjálenska fyrirtækið Villa
Maria.
Margar forvitnilegar upplýsingar má fá á vef-
síðunni www.screwcap.co.nz sem er upplýs-
ingasíða nýsjálenskra baráttumanna fyrir notkun
skrúfutappa. Þar kemur fram að árið 2000 voru
engin nýsjálensk vín með skrúfutöppum en nú
eru tæp 15% allra nýsjálenskra vína með skrúfu-
tappa.
Enginn korkur!
S
UÐUR við Miðjarðarhaf er að
finna kjöraðstæður fyrir sítrónur
og þær er hægt að rækta þar allt
árið um kring. Sítrónutré eru við-
kvæmar plöntur og þola illa mikl-
ar hitabreytingar eða frost, en
þola á hinn bóginn mjög vel mik-
inn hita svo framarlega sem þær eru vökvaðar
stöðugt. Sítrónur eru vitanlega ekki bara rækt-
aðar suður við Miðjarðarhaf, heldur t.d. einnig í
Kína, Bandaríkjunum (bæði í Flórída og Kali-
forníu), Japan og Brasilíu svo dæmi séu tekin.
Sítrónur eru afar hollar og C-vítamínríkar
og börkurinn inniheldur dýrmæta olíu (gætið
þess ávallt að kaupa lífrænt ræktaðar sítrónur
ef nota á börkinn).
Byggjum okkur upp eftir veturinn með hjálp
hins glaðlega ávaxtar.
Sítrónubætt hressingarvín og líkjörar
SÍTRÓNUVÍN MEÐ EINIBERJUM
Leggið börk af 1 sítrónu og 15 g af einiberjum í
bleyti í 1 flösku af þurru hvítvíni (helst með hátt
áfengismagn) og látið standa í lokaðri flösku í 15
daga. Síið og hellið á flösku. Drekkið tvö staup af
drykknum á dag til hressingar og meltingarörvunar.
Hann hentar sérlega vel þeim sem þjást af gigt og
lystarleysi.
SÍTRÓNUVÍN MEÐ RÓSMARÍNI
Leggið börk af 1 sítrónu ásamt 30 g af fersku rósm-
aríni í bleyti í 1 lítra af rauðvíni. Geymið í lokuðu
íláti í eina viku. Síið og hellið á flösku. Fáið ykkur
eitt glas af drykknum ef meltingin er erfið.
VIN BRULÉ (BRENNT VÍN)
Setjið börk af einni sítrónu, 5 g af kanil, 2 negul-
nagla, 2–3 einiber og 1⁄2 l af rauðvíni saman í pott
og hitið að suðumarki. Þegar fyrsta suðumarks
gætir, rennið þá logandi eldspýtu yfir heita gufuna
til að brenna burt áfenga hluta drykkjarins.
Slökkvið því næst logann og bætið hunangi og sykri
saman við drykkinn sem skal síaður áður en hann
er borinn fram.
Drekkið eitt glas ef flensa eða kvefpest er að hrjá
ykkur.
Þrjár góðar sítrónusósur
SÍTRÓNUÍDÝFA
1 sítróna
50 g rjómaostur í litlu sexhyrndu öskjunum (eða
ferskur hvítur geitaostur)
50 g smjör
salt
Mýkið smjörið við stofuhita, skerið í bita og
hrærið það mjúkt og froðukennt í skál með tré-
sleif. Blandið ostinum varlega saman við ásamt
tveimur tsk af sítrónusafa, 1 tsk af rifnum berki
og ögn af salti. Berið ídýfuna fram með hráum
grænmetisstönglum eða ristuðu brauði.
SÍTRÓNUSÓSA MEÐ EGGJUM
1 stór sítróna
2 egg
múskat
salt og pipar
Hrærið allt saman í mjúka froðukennda
blöndu. Notið blönduna sem salatsósu út á heit
eða köld grænmetissalöt.
BESTA FISKISÓSA Í HEIMI
(SALMORIGLIO SICILIANO)
Þessi sósa er ættuð frá Sikiley og er himnesk
með öllum grilluðum fiski (a.m.k. langflestum).
Safi úr tveimur safaríkum sítrónum
5 msk góð ólífuolía
ögn af origanó
pipar
1 hvítlauksgeiri
Þeytið allt saman og hellið yfir grillaðan fisk-
inn.
Sítrónur
allt árið
Matur
H a n n a Fr i ð r i k s d ó t t i r
Morgunblaðið/Áslaug Snorradóttir
ALTO Adige er drauma-staður fyrir sælkeraekki síður en útivist-arfólk. Á veturna er
varla hægt að hugsa sér betra
skíðasvæði en Renon-hérað og þá
er tilvalið að gista t.d. í litla þorp-
inu Collalbo (Klobenstein). Svæðið
er ekki síður spennandi á sumrin,
þá getur maður notið hins fríska
fjallalofts og nýtt hinar óteljandi
gönguleiðir.
Það er mjög þægilegt og ekki
síður ævintýri, að ferðast til Suð-
ur-Tíról með lest. Þá er tekin lest
til Bolzano og þaðan farið upp með
fjallakláf (funivia) til Sopra Bolz-
ano. Útsýnið á leiðinni gefur fögur
fyrirheit um það sem koma skal. Í
Sopra Bolzano flytur lítil trélest
(sem er ævintýri út af fyrir sig)
mann til Collalbo. Ef maður vill
fara á skíði er e.t.v. þægilegra að
vera á bíl en tíu mínútna akstur er
upp að rótum fjallsins Ritterhorn
sem er um 2.200 metra hátt og
mikil skíðaparadís.
Í hlíðum fjallsins eru krár þar
sem boðð er upp á kjarngóða,
klassíska Dólómítarétti eins og
„speck“, „knödel“ að ógleymdu
hinu margrómaða „apfelstrudel“,
sem er ljúft að gæða sér á ásamt
heitum epladrykk eftir skíðatörn.
Einnig er skylda að bragða eggja-
köku með bláberjasultu „frittata
con mirtilli“.
Háklassaveitingastaður
á sveitabýli
Frábær veitingastaður er fyrir
ofan bæinn, á gömlu býli sem ber
nafnið Kematen. Þar er boðið upp
á það besta sem héraðið hefur
fram að færa og matreiðslan er
fáguð og hugmyndarík. Eins
stendur staðurinn reglulega fyrir
þemavikum (þegar myndirnar
voru teknar var t.d. fiskiþema).
Vínlistinn er líka spennandi.
Santa Maddalena er sú tegund
sem aðallega er ræktuð í hæð-
unum fyrir ofan Bolzano, en í
Bolzano sjálfri er víngerðin Gries
vel þekkt. Merlot frá Lago di
Caldaro og vínið Silvenar og Müll-
er Turgao eru meðal þekktra vína
af svæðinu. Frábær Gewürstram-
iner og eins Sauvignon eru á list-
anum og mæli ég sérstaklega með
Sauvignon frá Lafoa. Miði flösk-
unnar (eins sjá má á mynd) er ekki
síður listaverk en vínið sjálft og er
gott dæmi um nána samvinnu
listamanna og vínframleiðenda
héraðsins. Gyllti liturinn í mið-
anum er í fullkomnu samræmi við
gylltan glampa vínsins og myndin
kallast á ljóðrænan hátt á við aprí-
kósusteinakeim, krydd ofl. spenn-
andi og dularfullt sem vínið hefur
að geyma.
Til merkis um ágæti vínsins
hlaut það 6 glös af 6 mögulegum í
hinni virtu vínbók Gambero rosso.
Heimasíða Renon-svæðisins er:
www.renon.it
Falin Dólómítaparadís
Morgunblaðið/Hanna
Gætt sér á Speck.Sveppa-, spínat-, og ostaknödel.
Hið ljúfa Lafoa sauvignon ásamt
blönduðum sjávarréttum à la
Kematen (þ.á m. forvitnilegu kol-
krabbaterrine lengst t.v.)