Morgunblaðið - 16.03.2003, Side 18

18 B SUNNUDAGUR 16. MARS 2003 MORGUNBLAÐIÐ
ferðalög
ÞEGAR tvenn vinahjón, Kristín Traustadóttir og Jón Ingimars-
son og Jóhanna Guðbjörnsdóttir og Wilhelm Norðfjörð, fóru til
Krítar sumarið 2001 var dagskráin tvískipt. Fyrst var hefð-
bundin sólarlandaferð í viku á hóteli í nágrenni Chania og síðan
tók við gönguferð um suðurströnd eyjunnar. Þar voru batteríin
hlaðin með göngu meðfram ströndinni í fallegu landslagi innan-
um gamlar minjar.
Lítil krítversk ferðaskrifstofa sem þau fundu fyrst í ferðabók
Lonely Planet um Krít og voru síðan í sambandi við á Netinu sá
um að skipuleggja fríið og útvega þeim leiðsögumanninn Di-
mitris Batsakis sem Kristín segir að hafi verið einstakur.
Þau hófu gönguna í Paleohora sem er gömul hippanýlenda.
Þaðan var gengið til Sougia og síðan siglt yfir til Agia Roumeli,
því að þarna ganga fjöllin fram í sjó. Frá Agia Roumeli, sem þeir
kannast við sem hafa gengið Samariagljúfrið, var gengið áfram
til Loutro þar sem gist var í 4 nætur en göngunni lauk síðan í
Hora Sfakion.
„Við vorum í viku á suðurströndinni en gönguferðin stóð yfir í
fimm daga. Við fórum í júní en þá er hitinn mátulegur, milli 20
og 30 gráður fyrri hluta dags, meðan við vorum á göngu. Leiðin
var mátulega strembin yfirferðar og ekki það erfið að fjöl-
skyldur með stálpuð börn ættu að geta farið slíka ferð.“
Stórbrotin saga við hvert fótmál
Kristín segir að landslagið sé frekar hrjóstrugt meðfram suður-
ströndinni og gróður aðallega í giljum.
„Þetta var trússferð svo við þurftum ekki að bera farangurinn
okkar á milli staða, eingöngu vatnsbirgðir og annað sem nauð-
synlegt var að hafa yfir daginn.
Við fengum sól og blíðu alla dagana og Dimitris gætti þess vel
að við værum með höfuðföt og nýttum þá skugga sem buðust.
Þetta skiptir miklu máli, því að sólin er sterk og skín beint ofan á
höfuðið. Hann lagði einnig áherslu á að við drykkjum vatn með
reglulegu millibili.“ Hún segir að það hafi verið stórkostlegt að
skoða sig um á Krít því eyjan sé full af menningarminjum allt
frá því fyrir Kristsburð og stórbrotin saga sé við hvert fótmál.
„Þó að það hafi verið sérstaklega gaman að flétta inn í göngu-
ferðina menningu og
sögu þá var einnig
athyglisvert að virða
fyrir sér gróðurinn
og ekki síst trén sem
mörg hver voru orð-
in gömul og jafnvel
sáum við þúsund ára
ólífutré, eftir því sem
Dimitris sagði okk-
ur.“ Hún segir að fáir
hafi verið á göngu
meðfram ströndinni
sem þeim hafi þótt
mikill kostur og leið-
sögumaðurinn lagði
sig fram um að velja
fáfarnar slóðir. Í ferð-
inni var m.a. gengið
niður Aradenagljú-
frið sem liggur sam-
síða hinu þekkta
Samariagljúfri sem
ferðamenn heim-
sækja gjarnan og við
höfðum gengið niður vikunni áður. Það þýddi að þau rákust þar
á eina og eina fjallageit og fugla í staðinn fyrir aðra ferðamenn.
Áð í litlum, afskekktum þorpum
Kristín segir að í hádeginu hafi þau borðað krítverskan mat á
litlum og fábrotnum stöðum heimamanna.
„Það var frábært að hafa Dimitris með sér til að velja fyrir okk-
ur ekta krítverskan mat og yfirleitt voru þetta léttir en góðir
réttir.
Eftir hádegi var lífinu svo tekið með ró, gjarnan í litlu þorpi og
þar var gist fram á næsta dag.“ Einn áfangastaðurinn höfðaði
sérstaklega til Íslendinganna, þorpið Loutro. „Það er ekki hægt
að aka þangað heldur einungis sigla og þetta litla þorp er mjög
rómantískt og skemmtilegt ekki síst vegna þess að þar voru fáir
erlendir ferðamenn.
Þegar við vorum búin að ganga í fimm daga dvöldum við áfram
í tvo daga í Loutro. Við gistum á litlu og notalegu gistihúsi og
leigðum okkur einn daginn kanóa sem við rérum á yfir í næstu
vík þar sem við sóluðum okkur þann daginn.“
Sama verð og hóteldvöl í viku
En er ekki dýrt að fá leiðsögumann til að fylgja sér í fimm daga?
„Kostnaðurinn var sá sami fyrir okkur fjögur og ef við hefðum
framlengt dvöl okkar á hótelinu sem við gistum á fyrri vikuna
um aðra viku.
Í ferðinni okkar var innifalinn akstur til og frá Chania, gisting í
sjö daga, allur matur (ekki drykkir) og bátsferðir og leiðsögn í
gönguferðinni svo og að ferja farangurinn okkar á milli staða.“
Kristín segist alls ekki mæla með að fólk fari í göngu sem þessa
á eigin vegum.
„Leiðsögumaðurinn okkar þekkti leiðina mjög vel og var fróður
um það sem fyrir augu bar en aðallega myndi ég mæla með að
fólk fengi leiðsögn af því heimamenn vita hvenær dags er best
að ganga út frá veðurútliti, þeir passa vel vökvajafnvægi lík-
amans í brennandi sólinni, auk þess sem þeir þekkja náttúruna
og söguna vel og koma þessu öllu til skila af tilfinningu.“ Þegar
Kristín er spurð hvort hún stefni á að heimsækja Krít á ný segir
hún engan vafa á því enda sé hún rétt að byrja að skoða eyjuna.
Vinahjón ákváðu að fara í frí til Krítar, fara fyrst í hefðbundna sólarlandaferð en ganga síðan í nokkra daga meðfram suðurströnd þessarar grísku eyjar í Mið-
jarðarhafi. Þau fengu krítverska leiðsögn allan tímann og Kristín Traustadóttir heillaðist af því sem fyrir augu bar.
Landslagið er yfirleitt frekar hrjóstrugt meðfram suðurströnd
Krítar og gróður aðallega í giljum.
Maturinn var léttur en góður og Kristín segir að leiðsögumað-
urinn hafi aðstoðað þau við að panta ekta krítverskan mat.
Þorpið Loutro höfðaði sérstaklega til göngugarpanna og þar
var gist á litlu, notalegu gistihúsi við sjóinn.
Þúsund ára tré og fjallageitur á Krít

Ferðaskrifstofan sem sá um að skipuleggja fríið fyrir
Kristínu og ferðafélaga hennar heitir Alpine travel.
Vefslóð: www.alpine.gr
Tölvupóstfang: info@alpine.gr
Sími 0030 821 50939 eða 0030 821 53309.
Vikuganga með gistingu, morgunverði, hádegisverði og
kvöldverði, bátsferðum, ferjun farangurs milli staða og
leiðsögn kostaði um 40.000 íslenskar krónur á mann-
inn, sumarið 2001.
Hér eru Kristín og Jón og Jóhanna og
Wilhelm á göngu í Aradenagljúfrinu.
Eftirminnileg ferð
Í VIAREGGIO, sextíu þúsund
manna bæ á Versilia-strandlengj-
unni á Ítalíu, er mikið um að vera í
febrúar og mars. Þá stendur yfir ár-
leg kjötkveðjuhátíð í bænum. Hátíð-
in er vel sótt og að þessu sinni voru
allt að 250.000 manns sem tóku þátt í
henni. Börnin klæðast grímubúning-
um og gestir geta tekið þátt í happ-
drætti þar sem vinningarnir eru veg-
legir, eða sá stærsti var nú um 1
milljón evra.
Hátíðin á sér langa sögu því þetta
var í 130. skipti
sem hún var
haldin. Há-
punktur
hátíða-
haldanna
hefur í ár-
anna rás verið
þegar sérstakir
kjötkveðjuvagnar
keppa til verðlauna
í tveimur flokkum.
Vagnarnir eru búnir til
úr pressuðum pappír og keppst er
við að gera þá sem skrautlegasta.
Þeim er síðan ekið eftir strandlengj-
unni þar sem gestir geta virt þessi
listaverk fyrir sér. Yfirleitt eru vagn-
arnir tileinkaðir persónum í stjórn-
málum bæði þá ítölskum og frá öðr-
um löndum. Að þessu sinni voru
flestir vagnarnir tileinkaðir Silvio
Berlusconi, forsætisráðherra Ítalíu.
Vagninn sem hlaut fyrstu verðlaun
að þessu sinni bar heitið Mente Int-
elligente eða gáfaði heilinn og er þar
vísað til Berlusconi. Í öðru sæti var
Sinistre ossessioni del Cavaliere, eða
ásækni vinstri hluta heila Berlus-
coni.
Trúðurinn einkennismerki
Kjötkveðjuhátíðin í Viareggio hef-
ur frá árinu 1931 átt sitt einkenn-
ismerki sem er trúðurinn Burla-
macco.
Búningur hans hefur breyst með
tímanum en hann er nú hvítur og
rauður. Upprunalega var með hon-
um fylgdarkonan Ondina sem var í
sundfötum og nú klæðist hún hvítu
bikiní. Á safni lista og alþýðuhefða í
Róm, Museo della Arti d della Tradi-
zioni popolari di Roma, er gína
klædd í búning af Burlamacco og
höfuð hennar er búið til úr press-
uðum pappír eins og vagnarnir í Via-
reggio.
Hafi lesendur hug á að gera sér
ferð á kjötkveðjuhátíðina að ári þá
eru vagnarnir búnir til á 16 stöðum
við torg í La cittadella del Carnevale
di Viareggio. Á einum staðnum er
búið að koma upp safni sem er til-
einkað sögu kjötkveðjuhátíðarinnar.
Hægt er að láta skrásetja sig til að
fá leiðsögn um safnið en slík ferð tek-
ur þrjár klukkustundir.
Vagnarnir eru skrautlegir og að þessu sinni voru þeir flestir skírðir í höfuðið á
ítalska forsætisráðherranum Silvio Berlusconi.
Kjötkveðjuhátíð í Viareggio á Versilia-strandlengjunni á Ítalíu
Skrautlegir vagnar
keppa til verðlauna
Í bænum Viareggio á
Ítalíu er árlega haldin
kjötkveðjuhátíð.
Bergljót Leifsdóttir
fylgdist með nýafstöðnum
hátíðarhöldunum.

Safnið sem tileinkað er sögu
kjötkveðjuhátíðarinnar er þess
virði að skoða geri fólk sér ferð
á hátíðahöldin að ári eða síðar.
Hægt er að láta skrásetja sig á
lista til að fá leiðsögn um safnið
sem tekur þrjá tíma. Hafa þarf
samband í síma 0039 0584
47503 eða 0039 005584
962568.
begga@inwind.it