Morgunblaðið - 16.03.2003, Blaðsíða 19
MORGUNBLAÐIÐ SUNNUDAGUR 16. MARS 2003 B 19
ferðalög
JÓHANNES ætlaði alltaf að verða
bóndi á sama tíma en Sólveig gat ekki
hugsað sér að búa í sveit. Þau eru
bæði „af mölinni“ eins og þau segja,
hann verkstjóri hjá Garðyrkjustjór-
anum í Reykjavík og hún vann ýmis
skrifstofustörf. Saman bjuggu þau í
þriggja hæða raðhúsi á besta stað í
bænum. En sumir eltast við draum-
inn þar til hann rætist og svo fór að
Sólveig féllst á flutninginn, „ég lofaði
Jóhannesi að gefa þessu eitt ár,“ segir
hún, þegar jörðin Höfðabrekka var
föl. Þetta eina ár er nú orðið að 14 ár-
um og ekkert fararsnið á Sólveigu aft-
ur til Reykjavíkur.
Ekki nógu mörg börn
Þau tóku við myndarlegum húsa-
kosti í Höfðabrekku, en byggðu skjótt
hæð ofan á íbúðarhúsið. „Það var nú
svo, að við áttum ekki nóg af börnum
fyrir öll þessi herbergi, það datt því í
Sollu að smíða skilti sem á stóð Bed
and breakfast. Hún arkaði síðan með
það niður að þjóðvegi og setti það þar
niður. Það var fullt hjá okkur sama
kvöld. Þetta voru að vísu aðeins þrjú
herbergi svona í byrjun, en þessi
byrjun gaf okkur byr undir báða
vængi.“ Þau stækkuðu við sig jafnt og
þétt og notast var við eldhús og stofu
heimilisins til ársins 1993.
En ef athafnasemi þeirra hjóna er
skoðuð, þá var smíðað 5 herbergja
hús árið 1989 og 1991 var bætt við 12
herbergja húsi og öll voru herbergi
þessi með baðherbergi. Árið 1993 var
innréttaðaur nýr matsalur, 1995 kom
síðan annað 12 herbergja hús, allt 2
manna herbergi með baði. Sama ár
voru smíðuð þvotta- og starfsmanna-
hús. 1998 var matsalur stækkaður og
bætt við 10 herbergja húsi og 2001
var eldhúsið stækkað, svo og móttak-
an. Í fyrra var síðan baðhúsi með sex
heitum pottum bætt við. Öll umrædd
aðstaða með tilheyrandi gróskumikl-
um görðum og skógrækt, í návígi við
stórbrotna náttúru Mýrdalssvæðis-
ins, gerir staðinn aðlaðandi, sérstak-
lega á góðviðrisdögum.
Höfðabrekkuhjónin sem eru aðilar
að ferðaþjónustu bænda byggja starf-
semina fyrst og fremst upp á hópum
erlendra ferðamanna sem eru á ferð
um landið og tjalda til einnar nætur.
Menn hafa þó í mörgum tilvikum síð-
an möguleikann á að vera lengur og
síðan eru bæði innlendir- og erlendir
ferðamenn á eigin vegum sem stoppa
í lengri eða skemmri tíma. Ennfrem-
ur, einkum utan hins hefðbundna
ferðamannatíma, standa stundum hjá
þeim brúðkaup, stórafmæli, árshátíð-
ir og fleira í þeim dúr.
Fastmótað fyrirkomulag
Jóhannes segir þau í Höfðabrekku
vel staðsett með tilliti til þekktra
staða, því menn víli ekki fyrir sér
langar dagleiðir. „Við höfum séð að
það eru í raun aðeins tvö svæði sem
eftir sitja í hugum þeirra ferðamanna
sem við umgöngumst, suðaustur-
hornið með Höfn, Jökulsárlón og
Skaftafell í öndvegi og svo Mývatns-
svæðið, en inni í því eru menn einnig
að tala um þjóðgarðinn í Jökulsár-
gljúfrum og Ásbyrgi. Þetta stafar lík-
lega af ferðamátanum, algengt er að
hópar séu hér í vikutíma og þá er farið
hratt yfir. Ég veit dæmi um erlenda
ferðaskrifstofu sem kynnti sér sér-
staklega svæðið frá Borgarfirði og út
á Vestfirði, sá alla þá draumastaði
sem þar er að finna, en það seldist
bara nákvæmlega ekkert í þær ferðir
sem átti að fara um þær slóðir og hætt
var við allt saman. Þetta segir manni
að fyrrnefndu svæðin hafa áralangan
sess, fólk þekkir nöfn eins og Jökuls-
árlón, Dettifoss og Mývatn, spyr um
þá og vill sjá þá.“
Morgunblaðið/Jónas Erlendsson
Ferðabændurnir í Höfðabrekku í Mýrdal, Sólveig Sigurðardóttir og Jóhannes Kristjánsson.
Stöðug uppbygging
í Höfðabrekku
Óhætt er að segja að Sólveig
Sigurðardóttir og Jóhannes
Kristjánsson sem eru ferða-
þjónustubændur í Höfða-
brekku í Mýrdal hafi hreiðrað
myndarlega um sig. Guð-
mundur Guðjónsson heim-
sótti þau á dögunum og
fræddist um stöðuga upp-
byggingu frá árinu 1987.
Morgunblaðið/Jónas Erlendsson
Barinn er í veiðihúsastíl.
Sonur þeirra Jóhannesar og Sól-
veigar, Björgvin, er ötull í rekstrinum.
Situr hér í bjartri setustofunni í
Höfðabrekku.
Höfðabrekka
Símar eru 487 1208 og 892
9116,
Fax er 487 1218
Netfang hotel-hofdabrekka@is-
holf.is
MÉR hefur ekki tekist að fá
óyggjandi upplýsingar um fjölda
kristinna manna í Egyptalandi,
líklega eru þeir þó um tíu prósent
þjóðarinnar sem þýðir að þeir
eru um 7 milljónir. Samskipti
þeirra og múslima eru yfirleitt
áfallalítil enda finnst mér í fljótu
bragði margt líkt með þeim, með-
al annars með tilliti til fjölskyldu.
Ég hitti Ísak, nýtrúlofaðan og
lukkulegan strák, í Sjarm el
Sjeikh á dögunum. Hann sagði
mér að hann og unnustan kepptust nú við
að safna í búið svo þau gætu stofnað
heimili eftir ár eða svo. Hann hafði kennt
í Franska skólanum í Mádi, einni útborg
Kaíró, í nokkur ár en laun kennara eru
yfirgengilega lág og þegar honum bauðst
vinna á líbönskum veitingastað i Sjarm el
Sjeik sló hann til. „Ég hef um túsund
pund á mánuði hér og allt frítt,“ sagði
hann mér mjög glaður í bragði. Þúsund
egypsk pund eru um fimmtán þúsund
krónur og þau laun eru um helmingi
hærri en kennaralaunin.
Mamma og amma fylgja með
Ísak fræddi mig einnig á því hvernig
þau ætla að haga heimilishaldinu, hjónin
ungu, þegar þar að kemur. Hann sagðist
til dæmis hafa sett það skilyrði þegar
samið var um trúlofunina að mamma og
amma yrðu á heimilinu. „Ég get ekki
hugsað mér lífið án ömmu, hún er svo
einstök manneskja,“ sagði Ísak og bætti
við að unnustan væri afar ánægð með
ömmu og hefði ekki talið það annað en
sjálfsagt og það gæti verið að móður-
amma hennar fylgdi henni. Svo ömmur
eru sem sagt eftirsóttar hér og það þykir
mér ljómandi uppörvandi og vænti þess
að barnabörnin mín á Íslandi lesi þetta og
athugi málið.
Verðlagið hærra en í Kaíró
Sjarm el Sjeikh er einn helsti útlend-
ingaferðamannastaður í Egyptalandinu,
syðst á Sínaískaga, og það munu hafa
verið Ísraelar sem hófu uppbyggingu á
þessum stað þegar þeir réðu Sínaí. Það
var ekki komið mikið fjör í ferðamanna-
bransann þegar ég var þarna nýlega en
veðrið var hlýtt og ferðamenn gengu um
léttklæddir en Egyptarnir voru enn í
peysum. Langflestir ferðamennirnir virt-
ust vera Ítalir, Þjóðverjar og Rússar og
það mátti sjá á matseðlum veitingahús-
anna þar sem allt var kynnt á þessum
tungumálum, auk arabískunnar. Og ég
rakst ekki á nema einn veitingastað sem
hafði egypskan mat á boðstólum, sá stað-
ur er raunar rekinn af Magnúsi Magn-
ússyni sem ég hef áður minnst á, en hann
á einnig kínverskan stað í Sjarm el
Sjeikh. Aftur á móti voru ítalskir staðir
hvert sem litið var svo og skyndibitastað-
ir eins og McDonalds og Kentucky Fried.
Og þótt ferðamannastraumurinn væri
ekki kominn á skrið var auðfundið að
maður var á útlendingastað, verðlagið
var yfirleitt langtum hærra en í Kaíró.
Hótelið mitt, Gazella, var við Námafló-
ann, prýðilega í sveit sett og þægilegt.
Þar mátti velja um notaleg herbergi fyrir
40–50 dollara upp í smáhýsi á 130 dollara.
Með rútu til Kaíró
Það er dýrðlegt að skoða neðansjáv-
arlífið og köfun er vinsæl íþrótt ferða-
manna en þeir sem ekki lögðu í það gátu
farið með glerbotnabátum út á flóann og
kíkt niður í djúpin og séð fiska og sjáv-
argróður í öllum regnbogans litum.
Ég tók rútuna heim til Kaíró og fannst
mikið til um landslagið á Sínaískaganum
og var stundum til að sjá eins og hallir
væru höggnar inn í fjöllin. Og á hina
höndina Rauða hafið, þar sem olíubor-
pallar Egypta voru rétt undan ströndinni
og hvert stórskipið af öðru sigldi niður
skurðinn og eins og hlammaði sér á
Rauða hafið. Sum væntanlega á leiðinni
til að taka þátt í árás á Írak og margir eru
mjög óhressir með að Múbarak forseti og
stjórn hans skuli ekki hafa lagt bann við
siglingum stríðsskipa um skurðinn nú á
þessum viðkvæmu tímum.
Dagbók frá Kaíró
Ömmur eru eftirsóttar
Um þessar mundir eru egypskir koptar, það eru kristnir
Egyptar, að hefja föstu vegna páskanna, skrifar
Jóhanna Kristjónsdóttir. Þeir kalla þetta föstu en
það er ekki alls kostar rétt því þeir mega
borða grænmeti á föstunni.
Ghazala Hotel
Sharm el Sheikh, Naama Bay,
Tölvupóstfang: ghazala@s-
inainet.com.eg
Morgunblaðið/Ómar
Með AVIS kemst þú lengra
Pantaðu AVIS bílinn áður en þú
leggur af stað – Það borgar sig
Hringdu til AVIS í síma 591-4000
AVIS Knarrarvogi 2 – 104 Reykjavík – Sími 591 4000
Fax 591 4040 – Netfang avis@avis.is
Innifalið í verði er ótakmarkaður akstur, trygging,
vsk. og flugvallargjald. (Verð miðast við
lágmarksleigu 7 daga). Ekkert bókunargjald.
Verona kr. 2.900,- á dag m.v. B flokk
Bologna kr. 2.900,- á dag m.v. B flokk
Milano kr. 2.900,- á dag m.v. B flokk
www.avis.is
Við
gerum
betur
Ítalía