Morgunblaðið - 16.03.2003, Blaðsíða 22
Einn góður . . .
Hvað sagði Tarsan þegar hann sá fílana koma
yfir hæðina?
Þarna koma fílarnir yfir hæðina.
Fjör að föndra
Það eru ekki margir krakkar sem
hafa lent í álíka ævintýri og hann
Baldur Þór Sigurðarson, 10 ára
nemandi í Grandaskóla. Fyrir
nokkrum vikum kom hann heim
frá Afríku, þar sem hann bjó sex
mánuði í landinu Ghana, sem er á
austurströnd heimsálfunnar Afr-
íku.
Lærði bara enskuna
„Ég fór með mömmu minni til
Ghana, þar sem hún var að vinna á
munaðarleysingjahæli, og það var
bara mjög gaman,“ útskýrir Bald-
ur Þór. „Við bjuggum fyrst í litlu
þorpi og síðan fluttum við til höf-
uðborgarinnar sem heittir Accra.“
– Og gekkstu í skóla í Accra?
„Já, ég fór í skóla með afrískum
krökkum, svo ég var eini hvíti
strákurinn í bekknum.“
– En skildirðu það sem krakk-
arnir og kennarinn sögðu?
„Já,“ segir Baldur Þór og bros-
ir. „Þetta var enskur skóli. Reynd-
ar kunni ég ekki ensku þegar ég
fór út, en ég lærði hana bara.“
– Og voru krakkarnir að læra
það sama og hér?
„Nei, þeir voru langt á eftir. Ég
átti að fara í 4. bekk, en fór í 3.
bekk, og það var einsog að vera í
1. bekk. Krakkarnir
voru enn að læra stafina.“
Allir í eltingarleik
– Eignaðist þú marga vini?
„Já, ég kynntist krökkunum í
bekknum mjög vel.“
– Hvernig lékuð þið ykkur sam-
an?
„Algengasti leikurinn var eigin-
lega eltingarleikur,“ segir Baldur
Þór, og fannst það greinilega ekki
mjög spennandi.
– En fótbolti?
„Í þorpinu sem ég átti heima í
fyrst voru margir í fótbolta. Afr-
íkubúar eru mjög góðir í fótbolta,
og betri en nokkur landsliðsmað-
ur hér. En í skólanum höfðu
krakkarnir ekki áhuga á fótbolta.“
Risarotta og eitraður snákur
– Sástu mikið af villidýrum?
„Nei, ekki mjög. Einu sinni stóð
samt fíll einn metra fyrir framan
mig. Hann var með trjágrein í
munninum og ég beit í hana,“ seg-
ir Baldur Þór. „Svo sáum við
mamma mann sem hélt í skottið á
risarottu. Hún var bæði feit og
áreiðanlega 50 cm löng. Mamma
hljóp inn á klósett.“
– En hér er mynd af þér á
krókódílabaki.
„Já, við mamma fórum í ferða-
lag upp í landið. Þá sáum við þenn-
an krókódíl. Fyrst togaði ég í
skottið á honum og hann gekk
smá áfram, svo settist ég á hann.
Hann var mjög harður.“
– Varstu ekkert hræddur?
„Nei, þeir borða bara það sem
er fyrir framan þá. Þarna voru
menn sem hentu lifandi kjúkling í
átt að krókódílnum sem stökk upp
og greip hann með munninum og
hljóp með hann út í vatnið. Svo var
einu sinni eitraður snákur fyrir
framan húsið okkar, en þá komu
nágrannar okkar og drápu hann.
Þá lyfti ég honum upp með spýtu.“
Allt of mikil athygli
– Var eitthvað sem þér fannst
erfitt að venjast í Afríku?
„Já, hvítt fólk er dáð og það er
kallað peningur, af því að allt er
svo ódýrt þar. Það var íslensk
stelpa með okkur og áreiðanlega
sautján menn úti á götu voru að
biðja hana og mömmu að giftast
sér. Svo voru allir að koma við
hárið á mér. Ég er ekki vanur að
fá svona mikla athygli.“
– En var veðrið ekki gott?
„Það var eiginlega of mikill hiti.
oftast var svona 40–43 stiga hiti.“
– Langar þig að fara aftur til
Afríku?
„Já, kannski fer ég þegar ég
verð tvítugur. Ég veit það ekki.
Mig langar að fara í safaríferð til
Kenýa,“ segir Baldur Þór að lok-
um, heldur betur reynslunni rík-
ari eftir þetta ævintýri.
Baldur Þór hittir krakka á ströndinni. Myndin var tekin seint í desember.
Ekki mjög jólalegt!
Best að fá sér sæti! Baldur Þór í bekknum sínum.
Ævintýri í Afríku
Sá fíl og togaði í krókódíl
Börn í Afríku eiga oft engin leikföng, og þessi
leikur var fundinn upp þar. Þið þurfið bara 12
eggja eggjabakka, 2 túnfisksdósir (hreinar!) og
48 litla steina eða marmarakúlur.
Reglurnar eru hins vegar svolítið flóknar, svo
gott er að taka nokkra æfingaleiki. Svo má allt-
af breyta og bæta reglurnar.
Mankala-reglur:
1) Eggjabakkinn er á þverveginn á milli kepp-
endanna tveggja. Þú átt þá röð sex eggjabikara
sem að þér snúa og þína dós – eða Mankala –
hægra megin við bakkann. Setjið 4 steina í
hvern eggjabikar, og ákveðið hver byrjar.
2) Leikurinn gengur út á að keppendur nái
sem flestum steinum í Mankala, áður en hinn
hreinsar alla steina úr sinni hlið eggjabakkans.
3) Sá sem byrjar tekur upp alla steinana í
einum af sínum bikurum. Hann setur einn stein
í hvern bikar til hægri, eða í átt að Mankala. Ef
hann kemst út á enda á sinni röð, setur hann
einn stein í sitt Mankala, áður en hann byrjar að
fara upp röð andstæðings. Þannig fer leikmaður
kannski heilan hring ef steinarnir í bikarnum eru
orðnir það margir. Hann á samt aldrei að setja
stein í Mankala andstæðingsins. Ef leikmaður
setur seinasta steininn í sitt Mankala, má hann
gera aftur.
Dæmi: Ef þú byrjar leikinn er kannski gáfulegt
að velja fjórða bikar frá hægri. Þú tekur upp 4
steina og setur hvern stein í einn bikar og endar
í þínu Mankala (sjá mynd).
4) Ef seinasti steinn keppanda lendir í auðum
bikar á hans svæði, eignast hann alla steinana
sem eru í bikar andstæðingsins beint á móti.
Hann setur þá seinasta steininn og alla sem
hann vann í sitt Mankala.
5) Leikmaður má ekki snerta steinana í bik-
arnum til að telja þá og finna út hvort sniðugt
sé að taka þá upp eða ekki. Ef hann snertir
verður hann að taka upp úr þeim bikar.
Vinningshafi: Þegar annar leikmannanna á
enga steina eftir á sinni hlið eggjabakkans, hef-
ur sá unnið sem hefur fleiri steina í sínu Mank-
ala.
Leikur frá
Afríku
Mankala
Hvernig væri að föndra diskamottu
í fánalitum Ghana? Það er bæði
auðvelt og skemmtilegt.
Það sem til þarf:
✖ Rauða, gula og græna örk af
föndurpappír. Ein á að vera
stærst.
✖ Skæri
✖ Reglustiku
✖ Lím
Það sem gera skal:
1) Takið stærstu örkina og brjótið
hana til helminga.
2) Teiknið línur með 3 cm bili frá
brotinu alveg að 2–3 cm frá
brúninni, og klippið eftir línunum
(sjá mynd).
3) Fletjið pappírinn
út.
4) Klippið 3 cm
breiðar lengjur úr
hinum papp-
írnum og vefjið
inn í rifur stóru
arkarinnar (sjá
mynd).
5) Klippið af
enda
lengjanna
sem
standa út
úr og límið
niður.
6) Þá er bara að setjast til borðs!
Diskamotta
Hér sérðu þessa fínu mynd af hæsta fjalli í Afr-
íku. Það er óvirkt eldfjall og heilir 6.000 metrar
á hæð. Á hægri hlið þess rækta heimamenn
kaffi, banana og korn. Hvað heitir fjallið?
A) Everest
B) Fusijama
C) Kilimanjaro.
Lausn á næstu síðu.
Hvaða fjall
er þetta?
Litið þessa afrísku konu vel, en
hún er einmitt með höfuðklút
eins og algengt er. Afrískar kon-
ur eru mjög fínar og skrautlegar
þegar þær klæða sig upp svo
það er um að gera að nota nóg
af litum.
Afrísk
kona
Litið listavel
… og það ekkert smá flott. Kannski getur þú teiknað
miklu betur en þessi mynd sýnir, en ef ekki getur verið
gott að æfa sig með þessari aðferð. Fáðu þér rúðu-
strikað blað og horfðu bara á eina rúðu í einu og færðu
sömu strik inn, og ljónið ætti að verða nákvæmlega
eins. Með litlum rúðum kemur lítið ljón, en stórum
rúðum kemur stórt ljón. Síðan má teikna rúður yfir
hvaða mynd sem þú sérð, og teikna hana upp.
Teiknaðu ljón …