Morgunblaðið - 23.03.2003, Qupperneq 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 23. MARS 2003 VERÐ Í LAUSASÖLU 190 KR. MEÐ VSK.
– leiðandi í lausnum
Skeifunni 17AcoTæknival Sími 550 4000 Fax 550 4001
LÖGREGLAN í Reykjavík hefur
aukið viðbúnað við helstu opinberar
byggingar og heimili forystumanna
ríkisstjórnarinnar í kjölfar átaka í
Írak. Einkennisklæddir lögreglu-
menn gæta stjórnarráðsins og
bandaríska sendiráðsins en óein-
kenndir bílar og menn fara um borg-
ina allan sólarhringinn og hafa eft-
irlit með öðrum byggingum og
heimilum ráðherra. Geir Jón Þóris-
son, yfirlögregluþjónn í Reykjavík,
segir að skemmdarverk á stjórnar-
ráðinu, þegar rauðri málningu var
skvett á bygginguna, hafi gefið lög-
reglunni tilefni til að ætla að fleiri
skemmdarverk yrðu framin. Svo
virðist þó ekki vera og þarna hafi
verið um einangrað tilfelli að ræða.
„Við höfum haldið uppi eftirliti á
þeim stöðum þar sem ætla mætti að
einhver reyndi að skapa usla,“ segir
Geir.
Nokkur mótmæli hafa verið í
borginni vegna stríðsins í Írak og af-
stöðu íslenskra stjórnvalda til þess.
Hafa þau að mestu farið friðsamlega
fram. Ekki er búið að hafa hendur í
hári þeirra sem skvettu málningu á
stjórnarráðið samkvæmt lögreglu.
Heimili ráðherra vöktuð
Aukinn viðbúnaður lögreglunnar í Reykjavík
MILLJÓNIR manna víða um heim stunda
blogg, þ.e. skrifa dagbækur sínar á vef-
inn, þennan víðfeðmasta fjölmiðil heims.
Hér á landi má gera ráð fyrir að á annað
þúsund manns stundi þessa iðju reglu-
lega. Margir lesa þessi blogg, en vinsæl-
ustu vefleiðarahöfundarnir eins og Dr.
Gunni fá 20 þúsund „heimsóknir“ á
bloggsíðu sína. Bloggið er notað í mjög
fjölbreytilegum tilgangi. Margir segja frá
hvunndagslífi sínu, aðrir eru álitsgjafar.
Sumir bera saman bækur sínar um ákveð-
in sérfræðileg málefni. Bent hefur verið á
að ekki hafi komið fram á sjónarsviðið
eins gott lýðræðistæki og vefleiðararnir
hin síðari ár og talið er að það verði notað
í stjórnmálabaráttu í sífellt meira mæli.
Þá má nefna að töluverður fjöldi
bandarískra bloggara nýtti bloggið sér til
sáluhjálpar til að komast yfir áfallið 11.
september, þegar ráðist var á World
Trade Center. Lýstu þeir reynslu sinni af
atburðinum og skiptust á reynslusögum.
Þar komu oft fram nákvæmari upplýs-
ingar um atburðina en í blöðum, útvarpi
og sjónvarpi.
Nú er svo komið að það á að fara að
kenna um bloggið í HÍ í íslenskuskor á
vormisseri 2004. Kennari verður Matthías
Viðar Sæmundsson dósent. Samkvæmt
kennsluskrá er bloggið flokkað með bók-
menntum síðari alda.
Bloggað á
háskólastigi
 Gullöld hins skrifaða orðs/B1
ENN bætir í farfuglafánuna og í síðustu
viku sáust tvær maríuerlur spóka sig við
fjárhúsin að Lækjarhúsum í Suðursveit. Þá
sáu fuglaáhugamenn þúfutittling skjótast í
Fossvogskirkjugarði, en í því tilviki gæti
verið um vetursetufugl að ræða.
Maríuerlurnar í Suðursveit eru mjög
snemma á ferð, en samkvæmt Fuglavísi Jó-
hanns Óla Hilmarssonar dvelst hún í vest-
anverðri Afríku á veturna og kemur ekki
heim á klakann fyrr en seinni hluta apríl.
Hlýindi og hagstæðar sunnanáttir kunna að
valda því hversu fyrstu fuglarnir sjást hér
snemma árs.
Þó nokkur umferð farfugla hefur og ver-
ið, t.d. hefur verið vel merkjanleg fjölgun
álfta og skógarþrasta að undanförnu að
mati fuglaáhugamanna og eitthvað eru
grágæsir byrjaðar að sýna sig sunnanlands.
Óvenjumikið hefur einnig verið af vepjum
að undanförnu, m.a. á Norðausturlandi.
Morgunblaðið/Ómar
Maríuerlur
í Suðursveit
GRÉTAR Hannesson var ásamt félögum sínum að hengja upp keilu í
hjöllum sem standa úti í hrauninu við Grindavíkurafleggjarann á
Reykjanesi þegar ljósmyndara bar að garði. Hann sagði skreið hengda
upp allan veturinn og búið sé að hengja upp marga umganga. Fyrst er
keilan hausuð og síðan spyrt. Grétar segir tíðarfarið ráða því hve lengi
fiskurinn hangi. „Það hefur verið blautt í vetur. Það er verra. Betra er
að hafa kalt og þurrt. Þá þornar skreiðin.“
Að því loknu er skerpt á henni inni í húsi með hausaþurrkara. Síðan
er skreiðinni pakkað og hún flutt til Nígeríu. „Töluvert magn hefur ver-
ið þurrkað í vetur,“ segir Grétar.
Morgunblaðið/RAX
Keilan þurrkuð fyrir Nígeríumarkað
AÐ BEIÐNI utanríkisráðuneytis-
ins hafa símafyrirtækin Landssími
Íslands og Tal og Íslandssími sent
SMS-skilaboð í íslenska farsíma,
sem eru í notkun í nokkrum Mið-
Austurlöndum, þar sem símnot-
endur voru hvattir til þess að
kynna sér upplýsingar á heimasíðu
utanríkisráðueytisins vegna stríðs-
ins í Írak. Á heimasíðunni, www.ut-
anrikisraduneyti.is, er m.a. skrá
yfir þau sendiráð á svæðinu sem ís-
lenskir ríkisborgarar geta leitað
til. Þá eru íslenskir ríkisborgarar
beðnir um að fylgjast grannt með
þróun mála á svæðinu.
Samkvæmt upplýsingum frá ut-
anríkisráðuneytinu var þetta gert
til þess að tryggja öryggi íslenskra
borgara vegna stríðsins í Írak. Að
sögn talsmanna símafyrirtækj-
anna urðu fyrirtækin við þessari
beiðni af sömu ástæðum, þ.e til að
tryggja öryggi íslenskra borgara.
Skilaboðin voru send til ís-
lenskra síma í eftirfarandi löndum:
Bahrein, Egyptalandi, Íran, Ísrael,
Jórdaníu, Kúveit, Líbanon, Óman,
Katar, Sádi-Arabíu, Sýrlandi,
Sameinuðu arabísku furstadæm-
unum og Jemen. Símafyrirtækin
fundu íslensku símanúmerin með
því að fara yfir það hvaða númer
væru í þjónustu hjá símafyrirtækj-
unum á umræddum svæðum.
Skilaboðin voru send tugum not-
enda Íslandssíma og Tals að sögn
Péturs Péturssonar, forstöðu-
manns upplýsinga- og kynningar-
mála Íslandssíma og Tals. Þá voru
skilaboðin send til um 15 til 20 not-
enda Símans að sögn Heiðrúnar
Jónsdóttur, forstöðumanns upp-
lýsinga- og kynningarmála hjá
Símanum. Íslenska utanríkisráðu-
neytið hefur aldrei áður farið þessa
leið til að ná til íslenskra ríksborg-
ara skv. upplýsingum frá utanrík-
isráðuneytinu og ekki er heldur
vitað til þess að þetta hafi verið
gert í öðrum löndum.
Pétur og Heiðrún taka bæði
fram að símafyrirtækin hafi orðið
við beiðni utanríkisráðuneytisins
vegna öryggissjónarmiða. Þau
taka fram að upplýsingar um við-
skiptavini fyrirtækjanna; hvar sím-
arnir hafi verið staddir og hverjir
eigendur þeirra séu, hafi ekki verið
gefnar upp.
Sendu SMS til Íslend-
inga í Austurlöndum
ÍSLENSKI matreiðslumeistarinn
Guðmundur Guðmundsson er orðinn
einn þekktasti sjónvarpskokkur í
Færeyjum og matreiðslubókin hans
Okkara kokkur (Kokkurinn okkar)
sem gefin var út í Færeyjum í fyrra
hefur slegið í gegn og selst í 3.500
eintökum sem þýðir að bókina er nú
að finna á ríflega fimmta hverju
heimili í eyjunum.
Guðmundur fór af stað með mat-
reiðsluþátt í færeyska sjónvarpinu
fyrir fimm árum og hafa þættirnir
notið mikilla vinsælda og verið end-
ursýndir þrisvar sinnum í viku yfir
vetrartímann. Í þáttunum hefur ver-
ið lögð áhersla á færeyskt hráefni og
að meðhöndla það með nýjum hætti.
Íslenskur
sjónvarps-
kokkur í
Færeyjum
 „Okkara kokkur“/16