Morgunblaðið - 26.03.2003, Blaðsíða 12

12 B MIÐVIKUDAGUR 26. MARS 2003 MORGUNBLAÐIÐ
bílar
NÝJA BMW sjöan virkar dálítið
klumpsleg við fyrstu sýn og eiginlega
komin langt frá BMW-útliti síðustu
ára. Þetta er nýja línan sem menn
eiga eftir að sjá í öðrum bílum BMW,
eins og nýrri 3-línu sem væntanleg er
á þarnæsta ári. Yfirbyggingin er síð
en hjólin risastór, 245/55 á 17 tommu
álfelgum, og framendinn kraftalegur
með fjórum xenon-ljóskerum og
kraftalegu broti í vélarhlífinni. Uggar
eru á hliðarspeglunum til að draga úr
loftmótstöðu. Þakið er lágt og kúpt og
krómlisti er eftir allri þaklínunni og
annar í kringum hliðargluggana sem
setja sportlegan blæ yfir þennan
stóra bíl. Þetta er hraðbrautabíll,
nógu virðulegur fyrir kaupendahóp-
inn en um leið með sportlegri ein-
kennum en margur keppinauturinn.
Tvær nýjar sjöur eru komnar á
markað hérlendis. Þetta er því ekki
sölubíll hér á landi enda virði hans vel
á annan tug milljóna króna. Þetta er
stórforstjórabíll með öllum hugsan-
legum þægindum og nýjustu tækni í
rafkerfi, vélarkerfi og tölvutækni. Við
fengum afnot af lengri gerðinni,
BMW 745Li, og dagarnir sem á
reynsluakstri stóð voru eins og í
draumaheimi.
Sægur af stjórnrofum
Li er 14 cm lengri en styttri gerðin,
alls 5,17 metrar á lengd, og því sér-
staklega rúmgóður í aftursætum þar
sem gert er ráð fyrir að eigandinn
haldi mest til. 745Li er það sem á eng-
ilsaxnesku kallast „chauffeur driven
limousine“ eða eðalvagn með bíl-
stjóra. Það er vel búið að farþegum í
aftursætum og eiginlega allt til alls;
sími, rafstilling á sætum, gardínur,
miðstöð með kælingu svo fátt eitt sé
nefnt. Það gengur ekki hefðbundinn
lykill að þessum bíl heldur nokkurs
konar kortalykill sem stungið er í rauf
við stýrið og síðan er þrýst á Start-
hnapp til að ræsa vélina. Hurðir eru
þungar og þykkar og með rafmagns-
lokun. Það þarf því ekki að skella á
eftir sér, nægir að tylla hurðinni og
rafbúnaðurinn sér síðan um að loka
henni. Þegar skottlokið er opnað blas-
ir við feikistórt rými. Þegar því er aft-
ur lokað nægir að þrýsta á hnapp í
skottlokinu og það lokast sjálfkrafa.
Stýrið er með rafstýringu á aðdrætti
og veltu og lagar sig sjálfkrafa í þá
stillingu sem sett hefur verið inn í
minni.
Þegar inn er komið blasir við sæg-
ur af stjórnrofum sem allir skipta
talsverðu máli ætli menn að njóta
bílsins til fullnustu. Fyrst í stað verð-
ur manni eiginlega ekki um sel. Of
mikið af tækni og tökkum. En þetta
venst furðufljótt og eftir einn dag á
bílnum er ökumaður farinn að eiga
samskipti við hann með öðrum hætti
en menn eiga að venjast.
Lengst til vinstri í mælaborðinu er
handbremsuhnappur – já, hnappur.
Handbremsan er nefnilega undra-
smíð út af fyrir sig. Þegar hún er sett
á og bíllinn er í gangi læsir bremsu-
kerfið öllum hjólunum með bremsu-
klossunum. Það þýðir ekki að reyna
að hagga bílnum fyrr en handbrems-
an hefur verið tekin af. Þegar drepið
er á bílnum tekur við rafmótor sem
togar í barka og handbremsuborðarn-
ir sjá þá um að halda bílnum. Einn af
fjölmörgum stjórnrofum í stýrinu
kallast Auto P og sé þrýst á hann fer
handbremsan á í hvert sinn sem
stöðvað er. Síðan nægir að snerta
bensíngjöfina til að handbremsan fari
af. Þetta er afar þægilegur búnaður,
t.d. þegar stöðvað er á rauðu ljósi í
halla.
i-Drive
Ofan við sjálfvirka miðstöðina og
loftfrískunarkerfið er átta tommu
skjár sem gegnir veigamiklu hlut-
verki. Þar koma fram hinar ýmsu
upplýsingar sem menn sækja í i-
Drive-kerfið sem sjölínan státar af. i-
Drive er stór snúningsrofi í milli-
stokknum sem gefur upp átta val-
myndir á skjánum, þ.e. samskipta-
kerfi, gagnakerfi um þjónustuviðhald,
leiðsögukerfi, afþreyfingakerfi, still-
ingar (m.a. á fjöðrun), loftfrískunar-
kerfi og BMW Assist, sem ásamt leið-
sögukerfinu nýtist ekki hér á landi, en
býður kaupendum í Þýskalandi að
sækja ýmsa þjónustu og upplýsingar
með GSM-skilaboðum. Í fyrstu virkar
kerfið of flókið en fyrr en varir er
maður farinn að spila á það í akstri,
t.d. með því að breyta fjöðruninni
þegar komið er á vissan hraða, svissa
á milli útvarpsstöðva eða taka af veg-
gripsstýringuna og spólvörnina.
Horft á fréttir
Skjárinn nýtist einnig fyrir sjón-
varp og meðan beðið var á rauðu ljósi
sá ég það helsta í fréttatíma Stöðvar 2
og varð miklu vísari um gang mála í
Írak. Um leið og ekið er af stað hverf-
ur sjónvarpsmyndin af skjánum í ör-
yggisskyni. Til enn frekari afþreying-
ar er í bílnum geislaspilari með sex
diska magasíni og hljómtækin eru
ekkert slor.
Samskipti eru heldur ekki vanda-
mál í nýju sjöunni. Prófunarbíllinn
var með tveimur símum og þremur
tólum. Eitt tólið er reyndar einvörð-
ungu notað til að slá inn símanúmer
sem bílsíminn hefur ekki í minni, en
að öðru leyti er hægt að stjórna öllum
aðgerðum frá hnöppum í stýrinu og
síminn er fullkomlega handfrjáls.
Prófunarbíllinn er leðraður í hólf og
gólf og stútfullur af búnaði og nýj-
ungum sem undirritaður hefur ekki
séð annars staðar. Bíllinn er með
regnskynjara sem setur rúðuþurrkur
af stað ef vatn sest á rúðuna. Það
merkilega við regnskynjarann í sjö-
unni er að hann er með hraðastillingu
og auk þess breyta þurrkurnar sjálfar
um stöðu á rúðunni á fjögurra daga
fresti sem lengir líftíma þurrkublað-
anna. Fjarlægðavari er í bílnum sem
varpar upp mynd á skjánum sem gef-
ur til kynna hve nálægt bíllinn er fyr-
irstöðu og gefur jafnframt hljóð-
merki. Þarflegur búnaður í svona
stórum bíl og kemur að góðum notum
þegar beita þarf lagni við að leggja í
þröng íslensk bílastæði. Rafstillingar
eru á báðum framsætum en auk þess
er hiti í sætunum og blástur – já, það
er vifta í setunni sem blæs köldu lofti
og kælir óæðri endann, sem stundum
vill hitna meira en góðu hófi gegnir í
leðrinu á heitum sumardögum. Til að
verjast sólargeislum má þrýsta á
hnapp á hurðarspjaldinu og draga
gardínur fyrir aftari hliðarglugga og
afturglugga. Séu menn á hinn bóginn
fíknir í sól geta þeir opnað rafstýrða
sóllúguna og notið geislanna óhindr-
að.
Ljósleiðari
BMW hannaði einnig nýtt líknar-
belgjakerfi, ISIS, í nýju sjöuna.
Þekkt er að líknarbelgir geta slasað
og jafnvel leitt til dauða. Í eldri kerf-
um ákvarðaði einn höggnemi fyrir
miðjum bíl og einn í hvorum síls
vegna hliðarhögga hvenær líknar-
belgir skyldu blásast upp. Í ISIS-
kerfinu eru höggnemarnir alls ellefu,
þar á meðal skynjari sem nemur loft-
þrýsting inni í hurðum. Kerfið notar
ljósleiðara til að flytja upplýsingar og
ákveður á nanósekúndum hver besta
leiðin sé að bregðast við hverju sinni.
Hér er aðeins drepið á því helsta í
búnaði bílsins og hægt væri að halda
lengi áfram. Eins og nærri má geta
þyrfti miklar víraflækjur til að sinna
öllum búnaði og kerfum bílsins en
BMW 7 byggir að öllu leyti á svokall-
aðri bus-samskiptatækni. Alls eru 50
Morgunblaðið/Jim Smart
Lengri gerð 745 er komin vel yfir fimm metra, 5.169 mm nákvæmlega.
Tvö tonn af tækni á íbúðarverði
Stór og stæðilegur með sportlegu yfirbragði. Leður og viður og tækni.
Króm umlykur þakið og skreytingar eru líka við hliðarglugga og á skottloki. Fjölrofastýri og auk þess takkaskipting í stýrinu.
REYNSLUAKSTUR
BMW 745iL
Guðjón Guðmundsson