Morgunblaðið - 08.09.2003, Blaðsíða 4

FRÉTTIR
4 MÁNUDAGUR 8. SEPTEMBER 2003 MORGUNBLAÐIÐ
Skógarhlíð 18, sími 595 1000. www.heimsferdir.is
Nú getur þú
tryggt þér síðustu sætin í sólina í sept-
ember á hreint ótrúlegum kjörum og
tryggt þér síðustu sætin til Benidorm,
þessa vinsæla áfangastaðar. Hér ríkir
sumarhiti út október og hér getur þú
notið lífsins við
frábærar aðstæð-
ur og nýtur
traustrar þjónustu
fararstjóra
Heimsferða allan
tímann.
Munið Mastercard
ferðaávísunina
Stökktu til
Benidorm
17. og 24. sept.
frá kr. 29.963
Verð kr. 29.963
M.v. hjón með 2 börn, 2–11 ára, flug,
gisting, skattar. Staðgreiðsluverð.
24. sept. Ferðir til og frá flugvelli kr.
1.800. Almennt verð, kr. 31.460.
Síðustu sætin
Verð kr. 39.950
M.v. 2 í íbúð, flug, gisting, skattar.
24. sept. Ferðir til og frá flugvelli kr.
1.800. Almennt verð, kr. 41.950.
Hvenær er laust
3. sept. – 5 sæti
10. sept. – uppselt
17. sept. – 21 sæti
24. sept. – 19 sæti
1. okt. – 23 sæti
TVEIR nýir hluthafar eignuðust
33,8% hlut í SÍF hf. með hlutabréfa-
kaupum á laugardag. Þetta eru Sund
ehf. sem keypti 18,5% og Kaupþing-
Búnaðarbanki hf. sem keypti 15,3%.
Hugmyndir um sameiningu SÍF og
SH hafa verið lagðar á hilluna.
Á laugardag keypti einnig VÍS hf.
6,2% og Ker hf. 3,7% í SÍF, en bæði
þessi félög voru hluthafar fyrir.
Hlutabréfin voru keypt á genginu 5,4
fyrir um 3,5 milljarða. Það voru Burð-
arás, Sjóvá-Almennar og Íslands-
banki sem seldu öll sín bréf fyrr-
nefndum fyrirtækjum. Þá miðlaði
Landsbankinn áfram bréfum fyrir
um 6,5% hlut, sem bankinn hafði
keypt af Eimskip fyrir helgi. Kaup-
þing-Búnaðarbanki hf. hafði milli-
göngu um kaupin.
„Það er ljóst að ekki verður af fyr-
irhuguðum samruna fyrirtækjanna
tveggja [SH og SÍF] eins og það var
hugsað áður. Við fengum viðunandi
tilboð í hlutabréf okkar í SÍF og tók-
um því,“ segir Bjarni Ármannsson
bankastjóri Íslandsbanka. Aðspurður
hvort áfram verði reynt að vinna að
sameiningu SH og SÍF þrátt fyrir
þessi málalok segir hann að það sé
eigenda á hverjum að tíma að ákveða
hvernig hag félagsins sé best borgið.
Trú á mikil tækifæri hjá SÍF
Að sögn Ólafs Ólafssonar varafor-
manns stjórnar SÍF ber umrædd
breyting á eignarhaldi SÍF vott um að
nýir aðilar á borð við Sund ehf. og
Kaupþing-Búnaðarbanka hf. sjái mik-
il tækifæri í rekstri og starfsemi SÍF.
Á síðari stigum er ennfremur gert ráð
fyrir að fleiri nýir aðilar kaupi hluta-
bréf í SÍF.
„Menn ætla að halda áfram að efla
SÍF og byggja félagið upp í verslun
með íslenskar fiskafurðir á erlendum
mörkuðum,“ segir Ólafur, spurður
um tilganginn með hlutabréfakaup-
unum. „Við teljum að þessar við-
skiptahugmyndir feli í sér mikil tæki-
færi og menn vilja halda ótrauðir
áfram á þeirri braut sem SÍF hafði
markað. Sameiningu við SH hér á
landi eftir þeim tillögum sem Lands-
bankinn og Íslandsbanki höfðu lagt
fram teljum við hvorki hagstæða fyrir
hluthafana né fyrirtækið. Það er ekki
þar með sagt að SÍF útiloki samvinnu
eða sameiningu við aðra. Félagið hef-
ur sýnt það í gegnum tíðina að það er
þvert á móti hlynnt slíku. Hins vegar
eru þær hugmyndir sem uppi eru á
borðinu í þessu ákveðna tilviki ekki
heppilegar.“
Ólafur segir það koma til greina að
kaupa eða sameinast Coldwater Sea-
food, dótturfélagi SH í Bandaríkjun-
um, en tekur fram að slíkt yrði aldrei
gert nema á jafnréttisgrundvelli.
„SÍF myndi aldrei taka þátt í minni-
hlutasameiningu í Bandaríkjunum.“
Ólafur segir það þá ekki hafa verið
til umræðu hjá stjórn SÍF að selja SH
verksmiðju SÍF í Virginíufylki.
Í yfirlýsingu frá kaupendum að
bréfum SÍF segir m.a. að þeir hafi
einnig viljað stuðla að friði um rekstur
SÍF en samrunahugleiðingar undan-
farið hafi skapað mikinn óróa meðal
starfsmanna og viðskiptavina félags-
ins. Aðspurður segist Ólafur vonast
innilega til að hlutabréfakaupin frá
því á laugardag muni hafa róandi
áhrif í þessu samhengi. „Til þess að
menn nái árangri í starfi sínu þurfa
þeir að njóta starfsöryggis. Ég er
þess fullviss að starfsmenn SÍF inn-
anlands sem utan finni nú til starfs-
öryggis og geti einbeitt sér að fullu að
sínum störfum og hugsi til framtíðar.“
Skýrara eignarhald en áður
Halldór J. Kristjánsson banka-
stjóri Landsbankans, fagnar miðlun á
ráðandi hlut í SÍF til öflugra hluthafa
í félaginu og segir að með því sé eign-
arhald á félaginu skýrara en áður.
Ljóst er nú að ekki verður úr þeim
áformum að sameina SÍF og SH eins
og Landsbankinn stefndi að með
kaupum hlut í SH fyrr á þessu ári. Er
þetta önnur sameiningartilraunin
sem verður ekki að veruleika, en í vor
var fyrst reynt að sameina félögin.
„Við töldum tímabært að reyna öðru
sinni nú í ágústlok en áttuðum okkur
á því að það var ekki sú samstaða um
málið innan SÍF sem við vonuðumst
eftir,“ segir Halldór. „Fyrst svo var
töldum við það mjög skynsamlegt að
þeir sem nú hafa keypt hluti í SÍF
tækju forystu í félaginu og erum
ánægðir með þá breytingu. Hún ætti
að geta greitt fyrir áframhaldandi
þróun á þessum markaði, þótt það
eigi sér ekki stað með sameiningu SH
og SÍF. SH hefur marga kosti með til-
liti til alþjóðavæðingar og stækkunar
og SÍF sömuleiðis. Það er framför að
nú skuli vera kominn samhentur hlut-
hafahópur í SÍF sem getur mótað
nýja stefnu hjá félaginu.“
Samkvæmt heimildum Morgun-
blaðsins taldi ákveðinn hópur hlut-
hafa innan SÍF á sínum tíma að af-
skipti bankanna og eignarhald hefðu
verið með öllu óeðlileg. Hefðu þeir séð
um verðmat SH og SÍF og þar af leið-
andi haft fullan aðgang að öllum
gögnum félaganna bæði hér heima og
erlendis til þess að byggja mat sitt á.
Halldór er þessu ósammála.
„Eignarhald okkar í SH kom til áð-
ur en við gerðum ráðgjafasamning og
það eru aðgreind svið innan bankanna
sem fást við ráðgjöf og svo aftur eigin
viðskipti. Sem stór hluthafi í SH hefur
Landsbankinn aðgang að upplýsing-
um á við aðra hluthafa. Það hafa aðrir
aðilar, bæði í SH og SÍF átt viðskipti
með þessi félög allt þetta ár og ekkert
óeðlilegt að Landsbankinn hafi skoð-
un á meðferð eignarhluta okkar í
þessum félögum. Ég fæ því ekki séð
hvað er óeðlilegt við afskipti bank-
anna hvað þetta snertir. Þvert á móti
er framganga bankanna fullkomlega
eðlileg og byggð á vilja til að ná fram
hagræði og bættri arðsemi í rekstri.“
Breytt eignarhald í SÍF hf. stöðvar sameiningu SH og SÍF
Keyptu bréf fyrir
um 3,5 milljarða
Tveir nýir hlut-
hafar eignast
33,8% í félaginu
INGIBJÖRG Sólrún Gísladóttir,
borgarfulltrúi R-listans, sagði á
borgarstjórnarfundi fyrir helgi að
frumvarp þess efnis að ríkið tæki við
rekstri Sinfóníuhljómsveitar Íslands
hefði verið í smíðum þegar Björn
Bjarnason var menntamálaráðherra,
en Björn sagðist alltaf hafa verið
andvígur því að breyta Sinfóníu-
hljómsveitinni í ríkisstofnun.
Björn Bjarnason sagðist sem
menntamálaráðherra hafa sett vinnu
af stað varðandi frumvarp til tónlist-
arlaga, en það hefði ekki verið og
væri ekki sín stefna að Sinfóníu-
hljómsveitin væri ríkisstofnun. Emb-
ættismenn, sem hefðu unnið að mál-
inu, hefðu vitað það enda hefði
ekkert frumvarp í þessa veru verið
samið í menntamálaráðherratíð
sinni.
Ingibjörg Sólrún Gísladóttir sagð-
ist hafa fengið í hendur fjórðu drög
að frumvarpi til skoðunar og ekki
haft neitt á móti því en nú væri sagt
að hún hefði fengið það til umsagnar
án pólitísks stuðnings ráðherra.
Björn Bjarnason svaraði því til að
reynt hefði verið að átta sig á því
hvernig koma mætti þessum málum
fyrir í frumvarpi án þess að tekin
hefði verið pólitísk ákvörðun um það
og án þess að á bak við það væri sá
pólitíski vilji sem þyrfti til að það yrði
að frumvarpi enda hefði það aldrei
orðið að frumvarpi. Nefnd hefði sett
fram þessar tillögur sem borgarráð
hefði svarað. „Það er ekki hægt að
hnekkja þeirri skoðun og þeirri
stefnu minni. Ég vildi aldrei að Sin-
fóníuhljómsveit Íslands yrði ríkis-
stofnun.“
Ingibjörg Sólrún Gísladóttir dró í
efa að drögin hefðu eingöngu verið
hugarleikfimi embættismanna og
sakaði Björn um ósannindi. Hún
sagðist hafa spurt ráðherrann hvort
slíkt frumvarp hefði verið unnið í
hans tíð sem menntamálaráðherra
en ekki hvort slíkt frumvarp hefði
verið lagt fram enda hefði komið
fram í máli sínu að hún vissi að það
hafði ekki verið lagt fram. „Þá segir
hann. Það var ekkert frumvarp um
þetta samið í minni tíð sem mennta-
málaráðherra. Hann sagði ekki satt.“
Björn Bjarnason tekur málið upp
á heimasíðu sinni og segir að vegna
þess hve mikla áherslu Ingibjörg
Sólrún Gísladóttir hafi lagt á að
sanna á sig lygar hafi hann kannað
hvaða skjöl hún hafi haft undir hönd-
um og þá hafi komið í ljós að hann
hafði sagt rétt frá. „Embættismenn í
ráðuneytinu voru að þreifa fyrir sér
um orðalag og hugmyndir að frum-
varpi til tónlistarlaga. Síðasta starfs-
dag minn í ráðuneytinu sem mennta-
málaráðherra hinn 28. febrúar 2002
hafði ég fengið minnisblað um málið
inn á mitt borð með fyrstu drögum
að frv. að tónlistarlögum en ég ritaði
á blaðið sama dag, að ég hefði ekki
tök á að taka afstöðu til frv. en
ákvæði um SÍ hlytu að ráðast af því,
sem kæmi út úr starfshópi, sem var
þá að vinna að fjármálum SÍ. Jafnt
þá, fyrr og síðar, var öllum ljóst, sem
um þetta mál ræddu við mig, að ég
var ekki málsvari þess, að SÍ yrði
breytt í ríkisstofnun. Eftirmaður
minn, Tómas Ingi Olrich, mun síðar
hafa heimilað, að frumvarp, sem ég
þekki ekki, yrði kynnt þröngum hópi
manna án nokkurra skuldbindinga af
sinni hálfu, trúnaður yrði að ríkja um
málið meðal viðmælenda, enda væri
það á hugmynda- og vinnslustigi,“
segir Björn Bjarnason m.a. á heima-
síðu sinni.
Hörð orðaskipti um Sinfóníuna í borgarstjórn
Sakar ráðherra
um ósannindi
ELLEFU manns syntu Engeyj-
arsund í gær til minningar um Jón
Otta Gíslason lögreglumann, sem
féll frá snemma á þessu ári, en hann
var einn af aðalhvatamönnunum á
bak við Sjósundfélag lögreglunnar
og byrjaði á nýárssundinu, sem nú
er orðin hefð.
Sundfólkið var á öllum aldri,
fimm konur og sex karlar, allt vant
sjósundfólk, segir Eiríkur Jónsson,
lögreglumaður í Reykjavík, einn
sundmannanna. Sundið tók um eina
klukkustund, en vegalengdin er um
1.600 metrar áður en straumar, sem
bera menn af leið, eru teknir með í
reikninginn.
„Þetta var orðið skrambi kalt í
lokin, en þó ekki mjög mikið vegna
þess að veðrið var gott og sjórinn 12
gráðu heitur, sem þykir bara mjög
gott,“ segir Eiríkur.
Synt var frá miðri eynni, að varn-
argarðinum við olíustöðina í Örfir-
isey og inn fyrir hana og komið upp
í fjörunni sunnan megin við garðinn.
Morgunblaðið/Halldór Kolbeins
Ellefu syntu
Engeyjarsund
TVEIR menn slösuðust þegar
sviffluga lenti harkalega á flug-
vellinum á Sandskeiði um þrjú-
leytið í gær. Svifflugan var í
flugtaki þegar hún losnaði frá
dráttarvél sem notuð var til
þess að koma henni á loft. Talið
er að taugin á milli þeirra hafi
slitnað. Svifflugan hrapaði þá til
jarðar.
Tveir voru um borð í svifflug-
unni, flugmaður og 12 ára sonur
hans. Þeir voru fluttir á slysa-
deild Landspítalans til aðhlynn-
ingar en eru ekki alvarlega slas-
aðir.
Rannsóknarnefnd flugslysa
rannsakar tildrög óhappsins.
Svifflugan er talsvert skemmd
eftir lendinguna.
Slösuðust í svifflugu