Morgunblaðið - 29.02.2004, Blaðsíða 8

FRÉTTIR
8 SUNNUDAGUR 29. FEBRÚAR 2004 MORGUNBLAÐIÐ
04 2004 2004 2004
2004 2004 2004
2004 2004 2004 2004
2004 2004 2004 2004
2004 2004
2004 2004 20
2004 2004 2004 200
2004 2004 2004 2004
04 2004 2004 2004
2004 2004 2004
2004 2004 2004 2004
2004 2004 2004 2004
2004 2004 2004 2004
2004 2004 2004 2004
Þetta er nú bara einn speni á mann, fyrir fjögurra manna fjölskyldu, elskurnar mínar.
Félag kvenna í lögmennsku
Að styrkja inn-
byrðis tengsl
Hinn 4. mars nk.verður haldinnstofnfundur Fé-
lags kvenna í lögmennsku.
Undirbúningsnefnd hefur
setið að störfum og skipa
hana nokkrar skeleggar
konur í lögmannastétt.
Meðal þeirra er Helga
Melkorka Óttarsdóttir,
eina konan í hópi ellefu
eigenda lögmannastofunn-
ar LOGOS. Morgunblaðið
sló á þráðinn til Helgu á
dögunum og lagði fyrir
hana nokkrar spurningar
varðandi félagið nýja og
tilgang þess og tilurð.
Fara svör hennar hér á
eftir.
Hver er aðdragandinn
að stofnun þessa félags,
Helga?
„Hugmyndin að félagi eða sam-
tökum kvenna í lögmennsku vakn-
aði öðrum þræði í kvenlögfræð-
ingaboði sem við konurnar á
LOGOS höfum tvisvar staðið fyr-
ir. Markmiðið með þessum sam-
komum var ekki annað en það að
hittast og spjalla saman. Svo vel
tókst til að nú hefur verið ákveðið
að stofna félag sem við höfum kos-
ið að kalla Félag kvenna í lög-
mennsku. Stofnfundur félagsins
verður haldinn fimmtudaginn 4.
mars nk. kl. 16.30 í húsakynnum
Lögmannafélags Íslands í Álfta-
mýri.“
Hvers vegna er þetta félag
stofnað, hver er tilgangur þess og
hver eru markmiðin?
„Í drögum að samþykktum fé-
lagsins eru markmið um að auka
þátttöku kvenna í stéttinni, að efla
samstarf og styrkja stöðu kvenna
í lögmennsku og auka áhrif og
þátttöku þeirra. Markmiðið með
félagsskapnum er þó ekki síður að
styrkja tengslin innbyrðis og
tengja saman konur í stéttinni
sem eru á öllum aldri. Því fer
fjarri að hér sé verið að stofna
samtök til höfuðs körlum á nokk-
urn hátt. Hins vegar spyr maður
sig að því hvernig standi á því að
sú mikla fjölgun útskrifaðra lög-
fræðinga úr háskóla skili sér ekki
inn í lögmannsstétt. Fjölgun
kvenna í lögmennsku hefur verið
hæg og engan veginn í samræmi
við fjölgun kvenna í laganámi þar
sem konur eru ríflega helmingur
nemenda.
Nú er svo komið að karlar í
Lögmannafélagi Íslands eru um
fjórfalt fleiri en konur í félaginu.
Ef litið er á hlutfall kvenna og
karla meðal eigenda á lögmanns-
stofum eru enn færri konur.
Þannig er ég einan konan meðal
ellefu eigenda á LOGOS en hlut-
fallið meðal fulltrúa er mun jafn-
ara.
Auðvitað er það svo að hverjum
og einum er frjálst að velja hvað
hann tekur sér fyrir hendur, hvort
sem það eru konur eða karlar, en
það er engu að síður forvitnilegt
að velta þessum staðreyndum fyr-
ir sér og skoða hvað veldur. Við
ætlum okkur ekki að
taka fram fyrir hend-
urnar á einum eða
neinum til að stýra
þeim inn í stéttina.
Við teljum fé-
lagslega þáttinn ekki síður mik-
ilvægan og höfum þess vegna
ákveðið að standa að stofnun
þessa félags. Í undirbúningshópn-
um eru auk mín Sif Konráðsdótt-
ir, Oddný Mjöll Arnardóttir,
Hjördís Harðardóttir, Kristín Ed-
wald, Guðrún Birgisdóttir, Vala
Valtýsdóttir, Kristín Briem, Þor-
björg Jónsdóttir og Berglind
Svavarsdóttir.“
Hvernig er félagið byggt upp og
hvernig verður félagsstarfi hátt-
að?
„Það verður verkefni fyrstu
stjórnar félagsins að ákveða
hvernig starfi félagsins verður
háttað. Félagið verður innan vé-
banda Lögmannafélags Íslands
en með sjálfstæða stjórn. Í stjórn-
inni verða fimm fulltrúar, auk
tveggja til vara.“
Ímyndin hefur kannski verið
fremur í þá átt að um karlavígi sé
að ræða, en hentar lögmanns-
starfið á einhvern hátt konum
eitthvað síður?
„Lögmennska hentar konum
ekki verr en körlum, ekki frekar
en hún hentar einum karli frekar
en öðrum. Það er einstaklings-
bundið hvar áhugasvið fólks ligg-
ur, en lögmennska getur verið
mjög fjölbreytt og skemmtilegt
starf. Eðli starfsins er þannig að
maður veit aldrei hvað getur þurft
að takast á við næsta dag, alltaf
koma ný mál og ný verkefni að
vinna að án þess að maður hafi oft
minnstu hugmynd um það hvaða
mál það kunna að vera. En því er
ekki að neita að álag getur verið
nokkurt og vinnudagurinn langur,
en það á líka við um mörg önnur
störf.“
Veljast verkefni lögmanna að
einhverju leyti eftir
kynferði … og er það
æskilegt og eðlilegt?
„Ég vil ekki meina að
verkefni lögmanna
veljist eftir kynferði.
Það er allt annað sem ræður því á
hvaða sviði viðfangsefnin eru. Ef
verkefni koma inn sem viðkom-
andi telur sér ekki fært að sinna
einhverra hluta vegna verður það
varla unnið af þeim lögmanni.
Sérhæfing hefur aukist í stéttinni
og það eru lögmenn sem velja sér
svið sem þeir sérhæfa sig á. Verk-
efnavalið mótast á þeim grund-
velli.“
Helga Melkorka

Helga Melkorka Óttarsdóttir,
37 ára, fædd 1966 í Reykjavík.
Stúdent frá Kvennaskólanum í
Reykjavík desember 1985. Cand.
jur. frá lagadeild Háskóla Ís-
lands 1991, master í lögum
(LL.M) frá háskólanum í Heidel-
berg, Þýskalandi, 1994. Lög-
fræðingur hjá Eftirlitsstofnun
EFTA frá 1994–1999. Hæstarétt-
arlögmaður 1999. Sjálfstætt
starfandi lögmaður frá 1999, þar
af frá 2001 á LOGOS lögmanns-
þjónustu. Stundakennari við
lagadeild Háskóla Íslands frá
2000 og aðjúnkt frá 2004.
Maki er Karl Þráinsson, verk-
fræðingur og framkvæmdastjóri
hjá ÍAV hf. Börn þeirra eru
María 12 ára, Óttar Magnús 7
ára og Birna Rún 5 ára.
Fjölgun
kvenna í lög-
mennsku hæg