Pressan - 07.12.1989, Blaðsíða 4

Pressan - 07.12.1989, Blaðsíða 4
—-*wn«*^#fcí'«4.4,* Firamtudagur 7.'des. 1989 lítilræði af hóruhúsi Næsta vorfagnar íslenska þjóöin því aö hálf öld er liöin frá því aö landið var hernumiö. Þetta hefur í alla staöi veriö hin Ijúfasta lota, byrjaöi meö heimsstyrjöld sem gaf svo vel í aöra hönd aö hægt var aö leggja grunninn aö því velferðarþjóðfélagi sem landsmenn búa við í dag og ekki hefur eftirleikurinn verið lak- ari, landið verið hersetið af vinum, velunnurum og bandamönnum okkar, sem mega ekki til þess hugsa að illa fari fyrir okkur þegar kjarn- orkustyrjöld brýst út í heiminum. Þessvegna kallað varnarlið. Það hefur, einsog gengur og gerist, tekið ís- lendinga mislangan tíma að sætta sig við það að vera hersetnir. Menn voru með svolítinn uppsteyt fyrir nokkrum áratugum, svo dvínaði andstaðan gegn hersetunni og nú er svo kom- ið að ekki er nóg með að fólki sé orðið sama um það þó hér sé erlendur her,.heldur telja flestir það æskilegt og hafa menn þá einkum í huga þá staðreynd að í kjarnorkustyrjöldum hlýtur að vera ósköp notaleg tilhugsun að vita af varnarliði í hlaðvarpanum. Að ekki sé nú talað um þá staðreynd að ís- lendingum koma meira en litlar tekjur af varn- arliðinu. Samkvæmt skýrslu utanríkisráðuneytisins á síðasta ári runnu hvorki meira né minna en átta milljarðar (áttaþúsund milljónir) í beinhörðum peningum frá vamarliðinu til íslendinga. Dálaglegur vasapeningur fyrir þá sem þess njóta. Og lítill vandi fyrir „oss fáa, fátæka, smáa" að gleyma því að vér séum hersetnir þegar ágóð- inn er hafður í huga. Sannleikurinn er nefnilega sá að þó það sé óskastaða hverrar þjóðar að vera hersetin í kjamorkustyrjöld er þó sýnu hlýlegra, nota- legra og praktískara að vera hersetinn á friðar- tímum, pví þá gengur allt sinn vanagang og ekkert andskotans vesen. Afturámóti er hætt við að herseta í kjarn- orkustyrjöld yrði átakanlega skammvinn. Eða einsog sagt var í Miðbæjarskólanum þegar ég var krakki: — Elskiði friðinn og strjúkiði kviðinn. Þó undarlegt megi virðast kveða stundum við hjáróma raddir manna og kvenna sem una því ekki að verið sé að reisa hernaðarmannvirki um allar trissur og þá helst þar sem landvættir höfðu áður aðsetur: á Reykjanesi, Hornafirði, Langanesi og Bolavíkurfjalli. Þetta sama fólk ætlár'vitlaust að verða vegna þess að verið er að byggja eldsneytis- birgðastöðvar í Helguvík, kjarnorkuhelda stjómstöð á Miðnesheiði, varastjómstöð í Grindavík, hliðarbrautirá Keflavíkurflugvelli að ekki sé nú talað um allan gauraganginn útaf herflugvelli sem gæti verið bæði notalegur, skemmtilegur og praktískur á bökkum Laxár í Aðaldal. Það er einsog þessir menn geri sér ekki Ijóst að vofa atvinnuleysisins grúfir yfir stórvirkum vinnuvélum íslenskra verktaka. Það er til lítils að vera með góða mjólkurkú og sleppa mjöltunum. Það besta við þetta allt er þó að við getum öll verið með góða samvisku vegna þess að öll hernaðarmannvirki sem reist eru á friðartím- um eru, eðli málsins samkvæmt, byggð til frið- samlegra nota, flugvellir, flugstöðvar, radar- stöðvar, stjórnstöðvar, olíustöðvar og kjarna- sprengjuvamarvirki. Allt í friðsamlegum tilgangi. Já, meira að segja hafið, landið og loftið þjóna aðeins friðnum einum, það er að segja þartil til ófriðar dregur. Og herinn er í landinu til að varðveita þenn- an viðvarandi frið sem mun haldast, ef guð lof- ar, þartil stríðið byrjar. En hversvegna að vera að mögla? Það er nefnilega ekki til neins að vera að berj- ast á móti hernaðarmannvirkjum í hersetnu landi. Fólki hættir til að einblína á afleiðinguna en gleyma orsökinni. Sannleikurinn er nefnilega sá að á meðan Is- land er hersetið, þá er ísland hernaðarmann- virki, og, ef ég skil þetta allt rétt, í þágu friðar og farsældar fyrir íslensku þjóðina. Og þjónar umfram allt heimsfriðnum. Það er að segja á friðartímum. Reynslan af heimsstyrjöldinni síðari er sú að þegar landið var hernumið 10. maí 1940 varð hver krókur og kimi í landinu hernaðarmann- virki: skólar, sjúkrahús, Vatnsmýrin, Sundhöll- in, Þjóðleikhúsið, Arnarhóllinn, Akraborgin, sem þá hét Laxfoss eða Fagranesið, vegir, firð- ir, víkur og vogar. Konurnar urðu hernaðarmannvirki og mennirnir ekki síður, já þjóðin öll og er það raunar enn og verður á meðan landið er herset- ið. Hóruhús eru bönnuð á íslandi. En ef nú slíkur rekstur yrði leyfður t landinu og þá til að efla heimilisfriðinn væri til lítils að vera sífellt að fjargviðrast útaf því hvaða að- ferðir maddaman og dömurnar notuðu til að mjólka kúnnana, leggja bann við laúslæti á staðnum, fara í mótmælagöngu þegarjil stæði að gera við sligaða legubekki eða skipta á rúm- unum, já, eða banna stúlkum hússins'að taka peninga fyrir að gera do-do. Öll þessi umsvif væru bara eðlileg afleiðing af rekstri slíkrar stofnunar, en orsökin hóruhús- ið sjálft. Af hverju leiðir að ekki er hægt að koma í veg fyrir dónaskapinn nema með því að hætta rekstrinum. En það verður ekki gert meðan maddaman er á mála hjá fastagestunum og stúlkunum finnst gaman og líður vel í vinnunni.. Hættum þessvegna að einblína á afleiðing- arnar af því ástandi sem íslenska þjóðin óskar sér helst. Reynum heldur að njóta orsakanna. Hemámsins. Annaðhvort eru hóruhús leyfð eða þau eru bönnuð. Það er nú heila málið. \ HAUSTHAPPDRÆTTI KRABBAMEINSFÉLAGSINS VINNINGAR: SAMEIGINLEGUR VINNINGUR: 3 Subaru Legacy • öflugri krabbameinsvarnir! Station 4WD. 4 Hálf milljón upp í bifreið að eigin vali. 33 Ferð með Samvinnuferðum-Landsýn eða vörur frá Japis eða Húsasmiðjunni fyrir 100 þús. kr. 60 Vörurfrá Heimilistækjum eða IKEAeða Útilífi fyrir 50 þús. kr. STUÐNINGUR YKKAR ER OKKAR VOPN é C Krabbameinsfélagið

x

Pressan

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Pressan
https://timarit.is/publication/298

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.