Tíminn Sunnudagsblað - 20.06.1971, Blaðsíða 9
þá voru gefin út á íslandi, en jafn-
framt einarðast.
Flest árin, sem Skapti átti heima
á Akureyri, sat hann þar í bæjar-
stjórn.
Eftir að hann hætti útgáfu Norð-
lings, hafði hann á hendi um nokk
Urra ára skeið málfærslu- og kenn-
arastörf á Akureyri.
Um 1890 var almennur áhugi
vaknaður á Austurlandi á því að
eignast blað, sem gefið væri út
eystra. Aðalhvatamaður þessa fyr-
irtækis var hinn dugmikli athafna-
maður, Ottó Watlíne. Hratt hann
þessu máli í framkvæmd árið 1891
og fékk þá Skapta Jósefsson til að
taka að sér ritstjórn blaðsins.
Skapti fluttist þá til Seyðisfjarðar
og gerðist ritstjóri Austra, sem
hóf göngu sína í júlímánuði það
ár. Var blaðið gefið út á kostnað
Wathnes til ársloka þess árs, en
upp frá því á kostnað Skapta, þar
til hann féll frá. Þá tók Þorsteinn
sonur hans við útgáfunni.
SeyðlsfjörSur, þar sem Skapti áttl helma ritan síðarl hluta œvinm<t.
Sumarið 1892 stofnaði Skapti
bókasafn Austuramtsins. Við stofn-
un þess naut hann velvilja og
styrks ýmissa merkismanna er-
lendra, sem gengust fyrir stór-
gjöfum til safnsins, bæði í bókum
og peningum.
Árið 1898 fór hann á sýninguna
í Björgvin og ritaði síðar mjög ít-
arlega um hana í blað sitt.
Fjörmaður var Skapti alla ævi
og skemmtilegur í viðræðum, stór-
höfðingi í sjón og raun, ljúfur og
jafn í viðmóti við alla. Jafnan var
hann glaður í lund, eins þótt á
móti blési.
Þau Skapti og Sigríður eignuð-
ust þrjú börn. Elzt þeirra var
Anna Ingibjörg, sem fæddist í
Kaupmannahöfn. Hún giftist ekki.
Næstur að aldri var Þorsteinn, síð-
ar ritstjóri og póstafgreiðslumað-
ur á Seyðisfirði, kvæntur Þóru
Matthíasdóttur Jochumssonar.
Yngstur var Halldór, símritari og
símstjóri, og síðar aðalbókari
Landssímans í Reykjavík, kvæntuí
Hedvig Wathne, dóttur Friðriks
Wathne kaupmanns á Seyðisfirði.
Báðir bræðurnir stunduðu um
tíma prentiðn.
Skapti andaðist 16. marz 1905,
tæplega 66 ára, af hjartabilun, er
kom fyrst í ljós eftir afarmikla afl-
raun haustið áður, er verið var að
flytja heim hey af túni hans inn
með Fjarðará. Með aflraun mikilli
tókst honum að koma í veg fyrir,
að heyvagn, ásamt hesti, drægist
niður snarbrattan bakkann ofan í
ána. Flestir eða allir niðjar Skapta
og Sigríðar munu nú eiga heima
í Reykjavík.
Heimildir:
Sunnanfari, Austri, templara-
blaðið Eining, Ásgeir Blöndal
Haraldsson, bókin Strákar, Ingi-
björg Skaptadóttir, Lögfræð-
ingatal, Ættir Austfirðinga og
Prentaratal.
T f M I N N
SUNNUDAGSBLAÐ
537