Morgunblaðið - 25.04.2004, Qupperneq 8

FRÉTTIR
8 SUNNUDAGUR 25. APRÍL 2004 MORGUNBLAÐIÐ
Engar áhyggjur, Jóhannes minn, við málum relluna bara í felulitum.
Námskeið um líf eftir dauðann
Dauðinn snertir
okkur öll
Sr. Þórhallur Heimis-son heldur nám-skeiðið Er líf eftir
dauðann? – Biblían, dauð-
inn og eilíft líf, í Grens-
áskirkju nk miðvikudag,
28. apríl, 5.maí og 12.maí
og stendur milli 20.00 og
22.00 öll kvöldin. Nám-
skeiðið er á vegum Leik-
mannaskóla Þjóðkirkjunn-
ar. Morgunblaðið lagði
nokkrar spurningar fyrir
Þórhall.
Hvernig byggir þú nám-
skeiðið upp?
„Eins og heiti nám-
skeiðsins bendir til, þá
fjallar það um hugmyndir
Biblíunnar um dauðann
og lífið eftir dauðann. Nú
hefur Biblían orðið til á
mjög löngum tíma og sam-
anstendur af margskonar textum
frá ólíkum tímum. Þar er að finna
ljóð, þjóðsögur, annála, dæmisög-
ur, sendibréf, spámannlegar sýn-
ir og sagnaritun svo fátt eitt sé
nefnt. Og hún er höfuðrit tveggja
heimstrúarbragða, gyðingdóms
og kristinnar trúar. Einnig hefur
hún haft mikil áhrif á íslam og
kóran múslíma. Til að átta sig á
Biblíunni og frásagnarmáta henn-
ar fer fyrsta kvöldið á námskeið-
inu í að skoða tilurð og sögu Bibl-
íunnar, hvernig hún varð til og af
hverju, hverjir það voru sem
skrifuðu texta hennar og af hvaða
tilefni. Við reynum líka að komast
að því hvert sannleiksgildi Bibli-
unnar sé, rannsökum heimilda-
gildi hinna ólíku bóka hennar og
berum það saman við aðra texta
frá fornöld. Annað kvöldið ein-
beitum við okkur að hugmyndum
Biblíunnar um dauðann sam-
kvæmt Gamla testamenntinu og
hvernig þær þróuðust og breytt-
ust frá hinum elstu frásögnum og
fram undir fæðingu Jesú. Gamla
testamentið spannar ein þúsund
ár og það verður því mikil þróun í
hugmyndum þess um dauðann í
gegnum aldirnar. Þriðja kvöldið
er síðan helgað kenningum og
vitnisburði Nýja testamentisins
um dauðann og hvað það er sem
bíður okkar eftir dauðann. Þá
einbeitum við okkur að sjálfsögðu
sérstaklega að Jesú Kristi og
þýðingu hans fyrir spurninguna
um lífið eftir dauðann. Einnig
reynum við að átta okkur á þeim
hugmyndum sem voru uppi í Ísr-
ael kringum fæðingu Jesú en ekki
eru skráðar í Gamla testament-
inu. Auk þessa berum við saman
kenningar Biblíunnar og sögu við
hugmyndir annarra trúarbragða
um lífið eftir dauðann t.d. end-
urholdgun, sálnaflakk, spíritisma
o.s.frv.“
Hvernig ætlarðu að nálgast
námsefnið?
„Það geri ég með því að kynna
efnið í stuttum fyrirlestrum og
bjóða síðan upp á spurningar og
samtal . Allir þátttakendur fá í
hendur lesefni til hliðsjónar sem
ég hef sett saman sérstaklega í
tilefni námskeiðsins. Þar er
fjallað almennt um
gyðingdóm og kristna
trú. Svo er heldur aldr-
ei að vita fyrirfram
hvaða spurningar það
eru sem vakna hjá
þátttakenndum og
hvert stefnan er tekin frá því.
Framvinda námskeiðsins ræðst
þannig af þeim sem taka þátt,
þótt ég leggi upp með ákveðinn
ramma. En spurningin um hvað
Biblían segir um dauðann og ei-
lífðina er samt alltaf höfð í fyr-
irrúmi.“
Er þetta ekki mögulega heldur
viðkvæmt viðfangsefni á fjöl-
mennu námskeiði?
„Nei alls ekki. Þetta eru spurn-
ingar sem brenna á mörgum eins
og við vitum, kannski okkur öll-
um einhvern tíman um ævina.
Dauðinn snertir okkur öll ein-
hvern tímann. Og öll viljum við
vita hvert lífið stefnir, hver til-
gangur lífsins sé og hvort ein-
hvers framhalds sé að vænta eftir
þessa tilveru okkar. Á þessu nám-
skeiði er kjörið tækifæri bæði til
að kynnast Biblíunni og hug-
myndum hennar um þessar
grundvallar spurningar tilver-
unnar og um leið að ræða málin í
góðum hópi fólks. Það þarf eng-
inn að vitna um sína trú eða
reynslu frekar en hver vill. Mark-
mið námskeiðsins er ekki endi-
lega að fá alla til að samþykkja
mína túlkun heldur að vekja til
umhugsunar um dýpstu spurn-
ingar tilverunnar, spurningar
sem snerta okkur öll. Lesefnið
kveikir síðan vonandi áhuga á
frekari rannsóknum og vanga-
veltum.“
Hefurðu haldið slík námskeið
áður?
„Já, ég hef haldið þetta sama
námskeið eða svipað áður á veg-
um Hafnarfjarðarkirkju. Það
tókst með ágætum. Þá lagði ég
reyndar höfuðáherslu á að bera
saman kristnar kenningar um
dauðann og eilífðina og kenningar
annarra trúarbragða. Að þessu
sinni mun ég aftur á móti einbeita
mér að Biblíunni og þar með hug-
myndum gyðingdóms
og kristinnar trúar. En
margskonar aðrar
kenningar verða líka
skoðaðar í ljósi þessa.“
Er þetta námskeið
ætlað einhverjum
fremur en öðrum?
„Nei, það er ætlað öllum sem
áhuga hafa á þessum sígildu
spurningum um takmark og til-
gang lífsins . Það er ekki krafist
neinnar fyrirfram þekkingar á
Biblíunni svo dæmi sé tekið né
ákveðinna trúarskoðana. Enginn
þarf að tjá sig frekar en hann
vill.“
Sr. Þórhallur Heimisson

Sr. Þórhallur Heimisson er
fæddur 30.07.61. Lauk kandi-
datsprófi í guðfræði frá HÍ 1988.
Sótti framhaldsnám í trúar-
bragðafræði við Árósaháskóla
og Uppsalaháskóla. Vígðist
prestur til Langholtskirkju 1989,
stundaði preststörf í Svíþjóð með
náminu og var kosinn til Hafn-
arfjarðarkirkju 1996 þar sem
hann hefur þjónað síðan. Kennir
einnig fagið við KHÍ. Eiginkona
hans er sr. Ingileif Malmberg
sjúkrahúsprestur á Landspít-
alanum og eiga þau þrjú börn
Hlín 11 ára, Rakel 13 ára og
Dóru Erlu 16 ára.
Margskonar
aðrar kenn-
ingar verða
líka skoðaðar
BÍLARAFAuðbrekku 20 • S. 564 0400
• Taka loft utan frá - enginn
súrefnisskortur.
• Afgasið fer út - engin mengun.
• Fáanlegar með og án blásturs.
• Sérlega hljóðlátar.
• Með bestu nýtingu á eldsneyti.
• Truma-verksmiðjan er 50 ára.
• Mikil reynsla.
• Öryggi samþykkt af þýskum
yfirvöldum og CE-merkt.
• Margar gerðir.
• Með eða án blásturs.
• Sjálfvirkar með thermostati.
Gasmiðstöðvar
Fyrir báta • fellihýsi • hjólhýsi
húsbíla • sumarbústaði o.fl. frá
Fáið sendan
bækling
Þilofnar án blásturs.
Fyrir sumarbústaði
með blæstri.
Hægt að leiða hitann
í mörg herbergi
með börkum og á
veröndina á kvöldin.
Með blæstri.
Hægt að staðsetja fyrir utan sumarhús
og taka hitann inn með börkum.
FYRIR nokkrum dögum var stað-
fest með reglugerð ný kennsluskrá
Hólaskóla fyrir BS nám í fiskeldis-
fræðum og BA nám í ferðamálafræð-
um og þar með staðfest staða hans
sem stofnunar á háskólastigi.
Að kvöldi síðasta vetrardags bauð
svo skólinn til kynningar á nýju
merki eða lógói stofnunarinnar, sem
hannað er af Guðmundi Oddi Magn-
ússyni, grafískum hönnuði og pró-
fessor við Listaháskóla Íslands.
Skúli Skúlason sagði, að frá því í
fyrrahaust hefði Guðmundur Oddur
unnið að gerð merkisins, og fyrr í
vetur hefði hann komið og lagt fram
hugmyndir sínar og tillögur, sem
ræddar höfðu verið, en nú væri kom-
in hin endanlega gerð merkisins,
sem heimamönnum litist mjög vel á,
og gaf hann síðan listamanninum
orðið.
Guðmundur Oddur ræddi tilurð og
sögu merkja og tákna í sögu þjóð-
arinnar, allt frá því að flattur þorsk-
ur og fálki voru einu merkin sem
þekktust hérlendis og til dagsins í
dag. Benti hann á að þrátt fyrir ýms-
ar stefnur í gerð merkja, og kenn-
ingar um gildi þeirra, væri nú aftur í
auknum mæli leitað til baka til hinna
sígildu rómantísku forma, og sagði
Guðmundur að í sínum huga hefði
aðeins þetta eina merki komið til
greina.
Hið nýja merki Hólaskóla er að
grunninum til tekið úr Guðbrand-
arbiblíu, en það er skreytt upp-
hafs-H, en sagt er að Guðbrandur
sjálfur hafi skorið út mót sumra staf-
anna og rósahnúta þeirra sem hin
gömlu handrit voru skreytt með og
notuð voru í hinu forna Hólaprenti,
þó enginn viti með neinni vissu
hverjir þeir stafir voru sem Guð-
brandur hannaði.
Þá skýrði Guðmundur liti merk-
isins, en þar eru í grunni áberandi
jarðlitir, rauðbrúnt og grænt, og
sagðist listamaðurinn hafa tengt þá
við ríkjandi liti dómkirkjunnar á
Hólum, en síðan lyftir hinn gamli,
flúraði biblíustafur sér gylltur frá
dökkum grunninum.
Skúli Skúlason þakkaði Guðmundi
Oddi fyrir frábærlega unnið verk, og
sagði að nú ræki hver stórviðburður
annan, þar sem skólinn hefði nú öðl-
ast lögformlegan sess sem skóli á há-
skólastigi, og því væri það enn
ánægjulegra að kynna þetta merki á
mikilvægum tímamótum stofnunar-
innar.
Hin akademíska staða
Hólaskóla staðfest
LÖGREGLAN á Akureyri
hafði hendur í hári þriggja
drengja, sem gripnir voru við
að brjóta rúður í Brekkuskóla
um fimmleytið í gærmorgun.
Lögregla fékk tilkynningu um
að verið væri að brjóta rúður í
skólanum og kom á daginn að
þrír drengir voru þar staddir
við þá iðju. Drengirnir reyndu
að hlaupa undan lögreglu en
tveir þeirra náðust og voru
fluttir á lögreglustöð og að því
búnu sóttir af foreldrum sín-
um.
Ekki er ljóst hversu margar
rúður drengirnir brutu en
tjónið er umtalsvert. Nú
standa yfir gagngerar end-
urbætur á skólanum og voru
rúðurnar brotnar í þeim hluta
skólans sem verið er að end-
urnýja.
Gripnir við
rúðubrot