Morgunblaðið - 17.05.2004, Side 4

FRÉTTIR
4 MÁNUDAGUR 17. MAÍ 2004 MORGUNBLAÐIÐ
Heimsferðir bjóða nú síðustu sætin þann 27. maí á hreint ótrúlegum
kjörum. Borgin er vettvangur fyrir lífskúnstnera því hér er að finna
ótrúlegt úrval listasafna, veitingastaða, fagurra garða, iðandi mannlífs
jafnt að nóttu sem degi, frægustu veitingastaði og skemmtistaði Spánar,
tónlistarlíf í blóma og síðast en ekki síst, frábært veðurfar. Frábært úrval
hótela í hjarta Barcelona.
Skógarhlíð 18, sími 595 1000.
www.heimsferdir.is
Verð kr. 19.990
Flugsæti, skattar innifaldir. M.v.
netbókun. Flugsæti kr. 32.600./2 =
16.300 + 3.690 = 19.990.-
Val um úrvalshótel í Barcelona.
Munið Mastercard
ferðaávísunina
Síðustu sætin
2 fyrir 1 til
Barcelona
27. maí
frá kr. 19.990
GUÐMUNDUR Árni Stefánsson,
fyrsti varaforseti Alþingis og þing-
maður Samfylkingarinnar, segist
ætla að taka upp á fundi forsætis-
nefndar Alþingis síðar í dag fregnir af
samtali Davíðs Oddssonar forsætis-
ráðherra og umboðsmanns Alþingis,
sem staðfest var af Davíð í viðtali hjá
fréttastofu Sjónvarps um helgina að
fór fram.
Guðmundur Árni segist neita að
trúa því sem fram hafi komið í frétt
DV að forsætisráðherra hafi haft í
hótunum við umboðsmann Alþingis.
Hann ætli að inna eftir því hjá for-
sætisnefnd hvort umboðsmaður hafi
gert forráðamönnum þingsins viðvart
um þetta samtal. Komi í ljós að hann
hafi ekki gert það, nái málið út af fyrir
sig ekki lengra.
„Ásakanirnar eru það alvarlegar
að ég tel mikilvægt að tekin verði af
öll tvímæli um það að svona samskipti
ráðherra og umboðsmanns eigi sér
ekki stað. Hreinsa þarf þetta and-
rúmsloft. Ég vil ekki trúa því að um-
boðsmanni hafi verið hótað. Hann
nýtur skjóls Alþingis og er fulltrúi Al-
þingis gagnvart almenningi í landinu.
Þó að hann sé ekki háheilagur maður
sem ekki megi ræða við á málefna-
legum nótum, eiga ráðherrar ríkis-
stjórnarinnar ekki undir nokkrum
kringumstæðum að segja honum fyr-
ir verkum,“ segir Guðmundur Árni.
Ummæli Davíðs í Sjónvarpinu
Í viðtali í fréttatíma Sjónvarpsins á
laugardag sagðist Davíð Oddsson for-
sætisráðherra iðulega eiga samtöl við
umboðsmann Alþingis. Í umræddu
samtali hefði hann þrívegis tekið
fram að um trúnaðarsamtal væri að
ræða.
„Við áttum samtal um, við höfum
iðulega átt samtal, oftast nær að hans
[umboðsmanns] frumkvæði en í
þessu tilfelli að mínu frumkvæði. Það
hefur verið tekið fram í öllum þeim
samtölum, og þrívegis í þessu sam-
tali, að hér væri um trúnaðarsamtal
að ræða. Mér finnst með ólíkindum ef
umboðsmaður er að brjóta það. Þá er
embætti hans orðið eitthvað allt ann-
að en maður hélt að það væri,“ sagði
Davíð við Sjónvarpið.
Vill ræða málið
í forsætisnefnd
VIGDÍS Finnbogadóttir,
fyrrverandi forseti Íslands,
fjallar um afstöðu sína til
26. greinar stjórnarskrár
um synjunarrétt forseta í
viðtalsbókinni Í hlutverki
leiðtogans, sem Ásdís
Halla Bragadóttir, bæjar-
stjóri í Garðabæ, ritaði ár-
ið 2000.
Vigdís greinir frá við-
brögðum sínum þegar
henni bárust áskoranir frá fjölda
Íslendinga um að neita að und-
irrita lögin um gildistöku EES-
samningsins árið 1993.
„Ef ég hefði gert það hefði farið
fram þjóðaratkvæðagreiðsla um
lögin. Ég var með klofna þjóð að
baki. Annar helmingurinn heimtaði
þjóðaratkvæðagreiðslu en hinn
helmingurinn að ég skrif-
aði undir EES-lögin. Þjóð-
in var eins og Huginn og
Muninn, krunkandi tíðind-
in í eyrun á Óðni, hvor á
sinni öxlinni,“ segir Vigdís.
Segist hún hafa ráðfært
sig við forystumenn allra
stjórnmálaflokka og rætt
málið við menn úr flestum
geirum þjóðfélagsins.
„Af minni hálfu var
mjög varasamt að neita að skrifa
undir samninginn. Með því væri ég
að lýsa yfir stríði á hendur Alþingi
og ríkisstjórn sem hafði samþykkt
hann. Í þjóðaratkvæðagreiðslu
hefði aldrei verið hægt að greina á
milli um hvað hefði verið kosið,
EES-samninginn eða ríkisstjórn-
ina,“ segir Vigdís í viðtalsbókinni.
Vigdís Finnbogadóttir um afleiðingar
synjunar á staðfestingu EES-laganna
Vigdís
Finnbogadóttir
Með því væri ég að lýsa
yfir stríði á hendur
Alþingi og ríkisstjórn
Róbert Marshall
Sendi tölvu-
póstinn í
eigin nafni
RÓBERT Marshall, fréttamaður á
Stöð 2 og formaður Blaðamanna-
félags Íslands, segist hafa sent í
eigin nafni tölvupóstinn sem
greint var frá í Morgunblaðinu sl.
laugardag, þar sem hann skorar
á fjölmiðlafólk að safna undir-
skriftum undir áskorun á forseta
Íslands að staðfesta ekki fjöl-
miðlafrumvarpið.
Hef fengið mjög víðtækt
umboð til að berjast gegn
frumvarpinu
„Ég sendi þetta sem starfs-
maður hjá Norðurljósum á mína
samstarfsmenn,“ segir Róbert.
Hann segist telja þetta full-
komlega eðlilegt þrátt fyrir að
hann starfi einnig sem formaður
Blaðamannafélagsins. „Ég hef
fengið mjög víðtækt umboð frá
aðalfundi félagsins, sem haldinn
var á dögunum, til þess að berj-
ast gegn þessu frumvarpi með
öllum tiltækum ráðum. Þar var
ég í miðri þessari baráttu allri
einróma endurkjörinn formaður.
Það var samþykkt mjög harðorð
ályktun gegn frumvarpinu og ég
lít svo á að ég hafi fullt umboð til
þess að berjast gegn þessu frum-
varpi. Þó svo ég hafi gripið til
þess að senda þetta ekki sem for-
maður félagsins eða titla mig sem
slíkan, þá hefði það í sjálfu sér
verið í lagi þó ég hefði gert það,
miðað við það umboð sem ég
hef,“ segir hann.
Rætt á stjórnarfundi
Blaðamannafélagsins í dag
Róbert segir að skv. fréttum
RÚV hafi komi fram að óánægja
væri innan Blaðamannafélagsins
vegna þessarar framgöngu for-
mannsins og sagðist hann vilja
ræða það við félaga sína á stjórn-
arfundi félagsins í dag. „Að vísu
hef ég ekki heyrt þetta nema í
fréttum RÚV og hefur enginn
lýst yfir öðru við mig en ánægju
með hvernig ég hef gengið fram í
þessu máli,“ segir hann.
„Ég lít svo á að ég hafi umboð
félagsmanna til þess að berjast
gegn þessu máli. Ég vil ræða
þetta við mína félaga í stjórninni
augliti til auglitis. Það ríkir eng-
in ógnarstjórn í Blaðamanna-
félaginu,“ segir Róbert Marshall.
FJÓRIR ráðherrar ríkisstjórnarinnar; Sturla Böðvarsson, Björn Bjarnason, Halldór Ásgrímsson og Davíð Oddsson,
greiða hér atkvæði á Alþingi síðdegis á laugardag um tillögu stjórnarandstöðunnar um að vísa fjölmiðlafrumvarp-
inu frá. Atkvæði féllu þannig að 30 þingmenn meirihlutans sögðu nei, og 27 já um að vísa frumvarpinu frá.
Morgunblaðið/Árni Torfason
Ráðherrar greiða atkvæði
DAVÍÐ Oddsson forsætisráðherra
sagði í umræðum um fjölmiðlafrum-
varpið á Alþingi á laugardag að
mönnum yrði „ekki um og ó“ eins og
hann orðaði það, þegar þeir heyrðu
stjórnarandstæðinga halda því fram
að frumvarpið stæðist ekki stjórnar-
skrá. „Hvers vegna verður mönnum
ekki um og ó þegar talsmenn stjórn-
arandstöðunnar koma og segja að
mál þetta brjóti í bága við stjórnar-
skrána?“ spurði hann og svaraði:
„Það er af því að við erum svo vön að
heyra það.“ Síðan sagði hann: „Ég lét
taka þetta saman hvenær menn veifa
stjórnarskránni. Það er auðvitað bara
í allra stærstu málum, ekki satt?“
sagði hann og nefndi m.a. mál um
starfsréttindi tannsmiða. „Þar var því
haldið hér fram að það mál væri í
vandræðum með stjórnarskrána.“
Davíð taldi upp fleiri mál, s.s. mál um
fjáröflun til vegagerðar, afslátt af
þungaskatti, jarðarlög, kjaramál
fiskimanna og tekjutryggingu ör-
orkulífeyrisþega.
Brotið stjórnarskrána
Fram kom í máli Össurar Skarp-
héðinssonar, formanns Samfylking-
arinnar, sem næstur kom í pontu að
hann teldi að ræða forsætisráðherra
hefði ekki verið málefnaleg. Sagði
hann að ráðherra hefði toppað sjálfan
sig í ræðunni. „Það er bara eitt sem
vantaði í ræðu hæstvirts forsætisráð-
herra um stjórnarskrána en það er
það hversu oft ríkisstjórn undir hans
forystu hefur brotið stjórnarskrána,
hversu oft hæstvirtur ráðherra hefur
verið rassskelltur með dómum
Hæstaréttar, vegna þess að hann hef-
ur þröngvað í gegn lögum sem hafa
verið brot á stjórnarskrá.“
Mönnum verður
ekki um og ó
Gagnrýnir
tölvupóst
BJÖRN Bjarnason dómsmála-
ráðherra gagnrýndi tölvupóst
Róberts Marshall, fréttamanns
Stöðvar 2 og formanns Blaða-
mannafélags Íslands, í um-
ræðum um fjölmiðlafrumvarpið
á Alþingi á laugardag. Tölvu-
pósturinn var sendur starfs-
mönnum fjölmiðla í síðustu viku
en í honum hvetur Róbert til
þátttöku í undirskriftasöfnun
þar sem skorað er á forseta Ís-
lands að undirrita ekki fjölmiðla-
frumvarp forsætisráðherra.
Björn las upp úr bréfinu og
fjallaði m.a. um það atriði í bréf-
inu þar sem fólk er hvatt til að
skrifa undir og „senda áskorun
þótt það sé annarrar skoðunar“,
sagði Björn.
Síðan sagði hann: „Hvaða
starfshættir eru þetta sem við
erum að kynnast hér hjá for-
manni Blaðamannafélags Ís-
lands? Hvernig á að vera hægt
að treysta mönnum fyrir að
segja okkur fréttir og starfa á
óhlutdrægan hátt sem frétta-
menn sem þannig starfa?“
Jónína Bjartmarz
Málið verði
skoðað
fyrir þriðju
umræðu
JÓNÍNA Bjartmarz, þingmaður
Framsóknarflokksins og varafor-
maður allsherjarnefndar Alþing-
is, tók fram í atkvæðagreiðslu um
fjölmiðlafrumvarpið á Alþingi á
laugardag að hún gengi út frá
því að málið yrði skoðað fyrir
þriðju umræðu. „Ég stend að
nefndaráliti og breytingartillögu
meirihluta allsherjarnefndar og
styð frumvarpið með þeim breyt-
ingum sem lagðar eru til. En ég
geng út frá því, herra forseti, að
málið verði skoðað í kjölfarið og
fyrir þriðju umræðu.“
Frumvarpinu var vísað til
þriðju og síðustu umræðu á Al-
þingi með 30 atkvæðum stjórn-
arliða gegn 27 atkvæðum stjórn-
arandstæðinga og Kristins H.
Gunnarssonar, þingmanns Fram-
sóknarflokks.