Morgunblaðið - 17.05.2004, Page 19

LISTIR
MORGUNBLAÐIÐ MÁNUDAGUR 17. MAÍ 2004 19
ÓPERUKÓR Hafnarfjarðar heldur
tónleika í kvöld, mánudagskvöld, kl.
20 í Hafnarborg og kl. 20 á morgun í
tónlistarhúsinu Ými. Kórinn hefur á
undanförnum mánuðum staðið í
ströngu við undirbúning Menningar-
daga sem fram fara næstkomandi
haust í höfuðborg Búlgaríu, Sófíu,
þar sem fjöldi íslenskra listamanna
verður með í för og eru tónleikarnir
liður í því.
Óperukór Hafnarfjarðar hefur
sérhæft sig í óperu-, óperettu- og
vínartónlist en ásamt henni flytur
kórinn nú úrval gullmola úr smiðju
íslenskra tónskálda. Einsöngvarar á
tónleikunum verða úr röðum kórs-
ins, einnig mun Elín Ósk Óskars-
dóttir, stjórnandi kórsins, syngja
einsöng. Píanóleikari er Peter Máté.
Morgunblaðið/Sverrir
Elín Ósk Óskarsdóttir í hlutverki
sínu sem lafði Macbeth.
Óperukór Hafn-
arfjarðar heldur
tvenna tónleika
RADDBANDAFÉLAG Reykjavík-
ur heldur vortónleika í tónlistarhús-
inu Ými á mánudag kl. 20.
Raddbandafélagið undirbýr þátt-
töku í íslenskum menningardögum í
Búlgaríu í október., ásamt fjölda
listamanna frá Íslandi. Þá hefur
Raddbandafélagið einnig í undirbún-
ingi þátttöku í listahátíð á erlendri
grund á næsta ári.
Á efnisskrá tónleikanna eru ís-
lensk og erlend þjóðlög, dægurlög í
ýmsum útfærslum, barbershop og
lög úr söngleikjum. Nokkrir félagar í
Raddbandafélaginu syngja einsöng
og dúetta. Undirleikari er Brynhild-
ur Ásgeirsdóttir. Stjórnandi er Sig-
rún Grendal.
Raddbandafélagið
syngur í Ými
Þar sem ræturnar
liggja – Lífssögur
af landsbyggðinni
nefnist safn smá-
sagna eftir Rúnar
Kristjánsson frá
Skagaströnd, en
hann hefur áður
gefið út nokkrar
ljóðabækur.
Í fréttatilkynningu segir m.a.: „Eins
og nafnið bendir til er lífið á lands-
byggðinni hér fyrst og fremst viðfangs-
efni Rúnars. Munu eflaust margir
kannast við þær persónugerðir sem
koma fram í sögum hans og þekkja
þar bakgrunn lífsins í sjávarbyggðum
og sveitum landsins. Þar liggja rætur
flestra Íslendinga eins og ættfræðin
sannar best. Hér koma við sögu fjöl-
margir karakterar sem sett hafa svip
sinn á byggðir landsins en heyra nú
margir sögunni til.“
Útgefandi er Vestfirska forlagið á
Hrafnseyri. Bókin er 148 bls., prentuð
í Ásprenti á Akureyri. Verð: 1.900 kr.
Smásagnasafn
VORTÓNLEIKAR Reykjalundar-
kórsins 2004 verða í Varmárskóla í
Mosfellsbæ miðvikudaginn 19. maí
kl. 20.30. Einnig verður kórinn með
vortónleika í Reykholtskirkju í
Borgarfirði sunnudaginn 23. maí
kl. 15.00. Á efnisskránni eru m.a. ís-
lenskir söngdansar og sumarlög, ís-
lensk þjóðlög í útsetningu Jóns Ás-
geirssonar og tónverk eftir von
Gluck, Mozart, Grieg og fleiri.
Einsöngvarar koma úr röðum
kórfélaga. Stjórnandi Reykjalund-
arkórsins er Íris Erlingsdóttir og
píanóleikari Anna Rún Atladóttir.
Vortónleikar
Reykjalundar-
kórsins
Upplýsingar í síma
552 2028 og 552 2607
www.graennkostur.is
Sendum grænmetisrétti
til fyrirtækja í hádeginu
• Magnafsláttur
♦♦♦