Morgunblaðið - 20.05.2004, Blaðsíða 6

FRÉTTIR
6 FIMMTUDAGUR 20. MAÍ 2004 MORGUNBLAÐIÐ
STOFNAÐUR hefur
verið Minningarsjóður
Páls Gunnarssonar líf-
fræðings. Stofnendur
eru Ingileif Bryndís
Hallgrímsdóttir, móðir
Páls og systkini hans,
Hallgrímur Gunnars-
son, Gunnar Snorri
Gunnarsson, Áslaug
Gunnarsdóttir og fjöl-
skyldur þeirra. Stofn-
framlag í sjóðinn er 14
milljónir króna. Systk-
ini Páls skipa stjórn
sjóðsins.
Vöxtum af stofn-
framlagi verður úthlut-
að ár hvert og verður vöxtum úthlut-
að 20. maí árið 2005 í fyrsta sinn og
síðan árlega til helminga í tvo staði.
Í fréttatilkynningu, sem Morgun-
blaðinu hefur borizt um stofnun
sjóðsins segir m.a.:
„Tilgangurinn er að
ánafna helminginn til
skógræktar. Með
stofnun sjóðsins er
heiðruð minning Páls
en sem lítill drengur
hafði hann orð á því við
ömmu sína, Áslaugu og
mömmu: „Ef ég verð
ríkur, þegar ég verð
stór, þá ætla ég að
klæða Ísland skógi.“
Hinum helmingnum
af arðinum er ánafnað
til Klúbbsins Geysis
eða annarra geðvernd-
armála. Veikindi sín
bar hann með hetju-
skap og drenglyndi og gerði sér fulla
grein fyrir hvað þyrfti með til hjálp-
ar.
Í Heiðmörk hefur verið komið upp
skógarlundi, sem ber nafn Páls eða
„Pálslundur“.“
Minningarsjóður
Páls Gunnarssonar
líffræðings
F. 20. maí 1951, d. 7. október 1999
Páll Gunnarsson
SÍÐUSTU seðlaveskin og töskurnar
voru afgreiddar í versluninni Drang-
ey á Laugavegi 58 síðdegis í gær en
verslunin lokaði fyrir fullt og allt í
lok dags og flytur starfsemina alfar-
ið í Drangey í Smáralind.
Að sögn Maríu Maríusdóttur, eig-
anda Drangeyjar, eru breytingarnar
í takt við breytta verslunarhætti Ís-
lendinga. „Það er greinilegt að
Drangey í Smáralind er ákjósanlegri
verslunarstaður heldur en Lauga-
vegurinn. Viðskiptavinum mínum
líkar betur að koma þangað að versla
og ég finn mig knúna að elta þá,“
sagði María á milli þess sem hún af-
greiddi síðustu viðskiptavinina.
Drangey hefur verslað með ýmsa
vöruflokka í nærri sjötíu ára sögu,
s.s. vefnaðarvöru, nótur, seðlaveski
og hljómplötur. Hún hóf starfsemi
sem matvöruverslun á Grettisgötu
árið 1934. Árið 1936 keypti María
Samúelsdóttir Ammendrup versl-
unina og var hún í eigu fjölskyld-
unnar í 59 ár. Árið 1941 fluttist hún á
Laugaveg 58 þar sem hún hefur ver-
ið síðan. Var þá aðallega verslað með
vefnaðarvöru en árið 1945 bættust
við leðurvörur, plötur og hljóðfæri.
Plötuútgáfan Íslenskir tónar var til
húsa þar samhliða versluninni og á
lagernum var upphaflega upptök-
ustúdíó. Frá 1965 var einkum versl-
að með töskur, seðlaveski og út-
saum. María Magnúsdóttir
Ammendrup, tengdadóttir Maríu,
tók við rekstrinum 1975 og María G.
Maríusdóttir, núverandi eigandi árið
1995, þriðja Marían sem á Drangey
af fjórum eigendum frá upphafi. Í
október 2002 opnaði Drangey loks
aðra verslun í Smáralind.
María segist þeirrar skoðunar að
Laugavegur muni ná sér á strik á
næstu misserum. Nýjar verslanir
hafi risið þar að undanförnu og sem
dæmi sé staða kvenfataverslana
ákaflega sterk í miðborginni. Kven-
fataverslunin Stíll muni til dæmis
koma í stað Drangeyjar á Lauga-
vegi.
„Hins vegar hefur sá tími sem far-
ið hefur í að laga gatnakerfið í mið-
borginni á síðustu árum verið kaup-
mönnum og þjónustufyrirtækjum
afskaplega erfiður,“ bætir hún við.
Það hafi tekið allt of langan tíma og
fælt viðskiptavini frá.
„Á sama tíma eru þetta búin að
vera afskaplega afskaplega ánægju-
rík níu ár sem ég hef verið hér. Það
er búið að vera gaman á Laugaveg-
inum en verslunarrekstur þróast
sem betur fer alltaf áfram og það er
okkar kaupmannanna að svara kalli
viðskiptavinanna,“ segir María Mar-
íusdóttir.
Versluninni Drangey á Laugavegi 58 var lokað fyrir fullt og allt í gær
Flytur úr miðborginni eftir 70 ár
Morgunblaðið/Golli
María Maríusdóttir, eigandi Drangeyjar, lokar versluninni síðdegis í gær.
HÉRAÐSDÓMUR Reykjavík-
ur hefur sýknað fertugan karl-
mann af ákæru fyrir hlutdeild í
áfengis- og tóbakssmygli
þriggja skipverja af Goðafossi í
júlí 2003. Sakarefnið varðaði um
30 lítra af vodka, 600 sígarettur
og 480 dósir af munntóbaki sem
ákærði var sakaður um að taka
við á höfninni við Grundartanga
og bera inn í bifreið og aka á
brott uns hann var stöðvaður.
Í niðurstöðu dómsins segir að
tollafgreiðslu skipsins hafi verið
lokið er ákærði ætlaði að sækja
einn skipverjanna. Hefði
ákærði neitað sök og ekkert
væri komið fram um að hann
hefði vitað eða mátt vita að
varningurinn sem hann tók í bif-
reið sína, hafi að hluta eða öllu
leyti verið smygl, enda báru um-
búðir ekki með sér að svo kynni
að vera.
Málið dæmdi Guðjón St. Mar-
teinsson héraðsdómari. Verj-
andi ákærða var Kristján Stef-
ánsson hrl. og sækjandi Anna
Svava Þórðardóttir, fulltrúi lög-
reglustjórans í Reykjavík.
Sýknaður
af ákæru
fyrir áfeng-
issmygl
FJÖLMENNUR fundur trúnaðar-
manna grunnskólakennara í
Reykjavík samþykkti á þriðjudags-
kvöld ályktun þar sem kemur m.a.
fram að vegna seinagangs í samn-
ingaviðræðum og vinnubragða
Launanefndar sveitarfélaga sé
langlundargeð kennara þrotið og
er mælst til þess að fram fari at-
kvæðagreiðsla um verkfall. Hátt í
50 kennarar voru á þessum fundi.
Finnbogi Sigurðsson, formaður
Félags grunnskólakennara, hefur
síðan á samningafundi hjá sátta-
semjara í síðustu viku fundað með
kennurum og trúnaðarmönnum
þeirra á suðvesturhorni landsins.
Hann segist hlusta vel á þau skila-
boð sem trúnaðarmenn í Reykja-
vík hafa sent frá sér og sýni þeim
fullan skilning. Ályktunin verði
tekin til umfjöllunar hjá samninga-
nefnd kennara. Að sögn Finnboga
kemur til greina að boða verkfall
20. september nk. ef samninga-
nefndir deiluaðila nái ekki sam-
komulagi, sú dagsetning hafi
a.m.k. verið nefnd.
Ályktun trúnaðarmanna kennara
í Reykjavík er eftirfarandi:
„Trúnaðarmenn grunnskóla-
kennara í Reykjavík harma þau
vinnubrögð og viðhorf sem launa-
nefnd sveitarfélaganna hefur sýnt
gagnvart kröfum kennara. Ekki
virðist vera vilji til að ræða þær í
alvöru og með opnum hug. Á und-
anförnum vikum hafa fulltrúar
kennara veitt sveitarfélögunum
mörg tækifæri til að leggja fram
tillögur sem nota mætti sem um-
ræðugrundvöll til samninga.
Launanefndin hefur ekki kosið að
nýta sér þau heldur notað tímann
til stóryrtra yfirlýsinga í fjölmiðl-
um um óraunhæfar launakröfur
kennara. Þessi vinnubrögð launa-
nefndar sveitarfélaganna hafa orð-
ið til þess að langlundargeð kenn-
ara er nú á þrotum og því mælast
trúnaðarmenn kennara í Reykja-
vík til þess að fram fari meðal
kennara atkvæðagreiðsla um verk-
fall.“
Næsti fundur 25. maí
Finnbogi segir ekkert nýtt hafa
komið fram á síðasta samninga-
fundi. Nauðsynlegt sé að málin
fari að skýrast og áður en kenn-
arar ljúki störfum fyrir sumarfrí.
Aðspurður hvort kennarar muni
koma með gagnkröfur á næsta
fundi segir Finnbogi það verða að
koma í ljós. Kennarar séu að
hugsa málin og allt geti gerst.
Hann útilokar ekki að atkvæða-
greiðsla um verkfall meðal kenn-
ara í Reykjavík fari fram um
næstu mánaðamót ef upp úr slitni í
viðræðunum hjá sáttasemjara.
Næsti boðaði fundur hjá sátta-
semjara með sveitarfélögunum er
þriðjudaginn 25. maí.
Trúnaðarmenn segja langlundargeð kennara vera á þrotum
Vilja atkvæðagreiðslu
um verkfall í haust
NOKKRAR ábendingar hafa
borist veiðistjórnunarsviði Um-
hverfisstofnunar og hreindýra-
ráði um að hreindýraveiðimenn
séu að safna sér leyfum og noti
til þess kennitölur vina og
vandamanna. Þetta kemur
fram á vefsíðu hreindýraráðs í
bréfi til hreindýraveiðimanna,
og sagði Karen Erla Erlings-
dóttir, starfsmaður hreindýra-
ráðs og Umhverfisstofnunar á
Egilsstöðum, við Morgunblaðið
að stofnunin liti málið mjög al-
varlegum augum. Um væri að
ræða brot á veiðilöggjöf og yrði
kært til lögreglu yrðu menn
staðnir að verki.
Karen sagði að þetta væri
ekki síst bagalegt þegar langir
biðlistar, allt að 400 manns,
væru eftir þeim 750–800 leyfum
sem væru gefin út.
Að hennar sögn hafa ábend-
ingar borist um tiltekna menn
og nöfn þeirra, sem hefur verið
safnað með þessum hætti og
verður sérstaklega fylgst með
þeim á veiðitímanum. Brýnt
yrði fyrir leiðsögumönnum
hreindýraráðs að fara ekki með
þá menn til veiða sem ekki
hefðu rétt gögn undir höndum.
Þá myndi Umhverfisstofnun
viðhafa sérstakt eftirlit vegna
þessa máls.
Aðspurð sagði Karen að orð-
rómur um svona kennitölusöfn-
un hefði áður heyrst, án þess að
upp um hana hefði komist.
„Einhver fótur hlýtur að vera
fyrir þessu, annars væri ekki
verið að tala um þetta meðal
veiðimanna. Við viljum allt gera
til að fyrirbyggja að svona geti
gerst en sennilega er eina
lausnin að nappa einhvern á
fjöllum þegar þar að kemur,“
sagði Karen Erla.
Tarfaveiðar hefjast fyrr
Í bréfinu til veiðimanna er
þeim einnig bent á að tarfaveið-
ar hefjist 20. júlí, líkt og síðasta
sumar þegar gripið var til þess
ráðs að dreifa veiðinni betur yf-
ir tímabilið, sem var yfirleitt frá
1. ágúst til 15. september.
Grunur um
kennitölu-
söfnun
vegna hrein-
dýraveiða