Heimilistíminn - 14.09.1978, Blaðsíða 36

Skermarnir
geta
verið
ódýrir
en þó
eru þeir
fallegir

Þiö þurfið ekkert nema
lampagrind/ svolítinn efnis-
bút, nál og enda og nokkurra
tíma vinnu, og þá eruö þið búin
að fá svo dæmalaust falleg ný
Ijós í íbúðina, eða herbergið
allt eftir því hve mörg Ijós
ykkur vantar. Ef þið viljið
hafa jjósaskermana eitthvað
f ínni, þá ættuð þið að fá ykkur
kögur, perlur eða blúndur til
að skreyta þá með.
Fyrst veljið þið ykkur skermgrind af
þeirri stærð, sem hæfir ykkur. Mælið
þvi næst þvermál grindarinnar að
neðan og klippið ferkantaðan cfnisbút,
þar sem þvermál grindarinnar er jafnt
kanti efnisins. Við þetta má svo bæta
ofurlitlu, ef þið ætlið að falda efnið.
Nú klippið þið upp i efnið éins og sýnt
er hér á einni myndinni. Klippt er inn
að miðju efnisins, og það svo lagt yfir
skermgrindina. Þar með er kominn
nýr skermur yfir ljósið. Þið getið svo
faldað efnið, saumað á það blúndu eða
kögur eða eitthvað annað.
Hviti skermurinn yfir kaffiborðinu
er aðeins faldaður, en neðan i grindina
hefur verið saumað perlukögur. Það
getur verið jafnfallegt að festa kögrið
neðan i grindina sjálfa eins og að hafa
það saumað fast við efnið.
Röndótta efnið var sett yfir skerm,
sem áður hafði verið klæddur ljósu
efni, og þurfti þá ekki einu sinni að
taka gamla efnið af. þar sem það geröi
ekkert til, þótt það væri haft kyrrt und-
ir þvi röndótta.
Sumir vilja kannski ekki hafa efnis-
bútinn kringlóttan.
Þegar þessir einföldu lampaskerm-
ar verða óhreinir eru þeir aðeins tekn-
ir af og efnin þvegin, þurrkuð og
straujuð, og svo er þeim skellt á aftur.
Ef þið eruð búin að fá leið á þeim. er
ekkert einfaldara en að kasta þeim og
fá ykkur nýjan bút. Bútar eru oft á út-
sölu i gluggatjaldaverzlunum. og
einnig i vefnaðarvörubúðum. svo að
tilkostnaðurinn getur sennilega tæpast
orðið minni við nýjan skerm eða nýtt
ljós.
36