NT - 30.05.1984, Page 10

Miðvikudagur 30. maí 1984 10
■ Guðmundur Bragason, níu ára, keppti sem gestur í Traffíc á sunnudaginn, og var honum vel
fagnað að því loknu.
■ Handa- og/eða axlahlaup eru eitt danssporið
Break-danskeppnin á sunnudag:
Flipp, flapp og heljarstökk...
■ Á sunnudaginn var haldin
í Traffíc, fyrsti hlutinn í Break-
danskeppninni góðu sem
margur hefur beðið eftir með
eftirvæntingu. Alls komu fram
tuttugu og fimm keppendur,
tólf ára og eldri. Yngsti kepp-
andinn var reyndar ekki nema
níu ára, og keppti hann sem
gestur. Keppnin var haldin á
vegum Traffíc, Coca-Cola og
NT.
Eins og geta má nærri, var
glatt á lijalla og tilþrif mikil í
Traffic, þennan dag, og má
með sanni segja að staðurinn
hafi borið nafn með rentu,
slíkur var fjöldinn sem mætti
til að fylgjast með keppninni,
og klappa keppendum lof í
lófa.
Keppendur stóðu sig með
stakri prýði, og gáfu ekkert
eftir kollegum sínum í Amer-
íku. Voru þeir örlátir á heljar-
stökkin, handahlaupin og
krabbaganginn að ógleymdum
þessum makalausu rykkjum og
skrykkjum sem gefa til kynna
að dansarinn hafi gúmmí í stað
beina í skrokknum.
í yngri flokknum tólf til
fimmtán ára, voru þrettán
keppendur. Fimm þeirra voru
valdir í úrslit og yngsti kepp-
andinn, Guðmundur Braga-
son, níu ára, fékk auk þess
sérstök verðlaun fyrir frábæra
frammistöðu.
Þeir sem komust í úrslit
voru: Þórhallur Skúlason,
Axel Örn og Hallgrímur Krist-
jánsson, Árni Valur, Street-
Breakers og loks Flipparar.
í eldri hópnum komu fram
ellefu keppendur og þeir fimm
sem kjörnir voru í úrslit voru:
Stefán Baxter og Rúrik V.
Vatnarsson, Arnór Diegó, Ice-
breakers, Björn Árnason og
loks þeir félagar Björn Frið-
þjófsson og Viðar Ævarsson.
Á næstu helgi verður síðan
önnur undankeppni þar sem
einnig verður valið fyrir úrslita
keppnina tíunda júní.
Ef að líkum lætur verður
aftur húsfyllir í Traffic þegar
þar að kemur, enda vel þess
virði að kynnast nánar þessum
skemmtilega dansi sem hefur
lagt Evrópu að fótum sér.
En myndir segja meira en
mörg orð....
NT-myndir: Ari
■ Flipp, flapp og heljarstökk....
■ Oft mátti ekki á milli sjá hvort heldur dansað var í lofti eða á láði.
■ Það var traffík í Traffíc á meðan á keppninni stóð.
■ Skyldi þessi hafa gúmmí í stað beina?