NT - 12.06.1984, Blaðsíða 11
Þriðjudagur 12. júní 1984 11
Helga Jónsdóttir
Grófargerði, Vallahreppi
Er ég frétti að kvöldi hins 6.
janúar s.l. að Helga móðursystir
mín hefði látist nóttina áður,
komu mér í hug eftirfarandi
ljóðlínur úr kvæðinu Vor eftir
Snorra Hjartarson:
Blessað veri grasið
sem grœr kringum húsin
bóndans og les mér
Ijóð hans,
þrá og sigur
hins þögula manns.
Helga var yngst sex systkina,
sem komust til fullorðinsára en
tveir drengir dóu ungir. Hin
systkinin voru: Ásmundur,
bóndi í Grófargerði, f. 1882, d.
1951, Salný, húsfreyja á Keld-
hólum, Völlum, f. 1886, d.
1962, Gróa, f. 1889, fékkst við
sauma en átti heimili í Grófar-
gerði, Snjólaug, f. 1892, dvelur
nú í hárri elli á sjúkrahúsinu á
Egilsstöðum, Bjarni, f 1895, d.
1982, lengst kennari á Fáskrúðs-
firði. En Helga Vilhelmína eins
og hún hét fullu nafni, var fædd
■ árið 1887.
Þau systkinin ólust upp í
Grófargerði og voru foreldrar
þeirra Þórunn Bjarnadóttir og
Jón Guðmundsson búandi hjón
þar frá 1885 til 1910, er Jón lést.
Árið 1919 hóf Ásmundur bú-
skap í Grófargerði. Varð þá
móðir hans ráðskona hjá honum
og Helga síðar eftir að innan-
hússtörfin færðust að mestu á
hendur hennar. Pórunn móðir
þeirra lifði fram til 1949. Helga
varð einnig ráðskona hjá Alfreð
syni sínum eftir að hann tók við
búskap árið 1951.
í Grófargerði átti Helga því
flest sín spor og lærði að þekkja
hið hljóða strit við búskapinn,
oft við heilsuleysi og ekki mikil
efni, en hún hlífði sér ekki í
erfiðleikum og gekk hiklaust til
starfa, sem hún lauk af árvekni
og skyldurækni án kröfu um að
alheimta daglaun að kvöldi.
Ekki var kvartað, þótt sjúkdóm-
ar steðjuðu að. Hún hlúði að
móður sinni og systkinum í
veikindum þeirra. Hún þurfti
einnig nokkrum sinnum að
dveljast á sjúkrahúsum fjarri
heimilinu. Og ekki mun hún
hafa farið varhluta af ýmsum
vonbrigðum lífsins.
Síðustu árin mátti Helga telj-
ast farlama og gat ekki gengið
án stuðnings en samt hélt hún
því að vera hin veitandi hús-
móðir, sem öllum vildi gott
gera. Einmitt vegna hinnar hátt-
bornu gestrisni mun hún hafa
fundið meira til hreyfihömlunar
sinnar. En henni lagðist líkn
með þraut, því Snjólaug systir
hennar dvaldi í Grófargerði síð-
ustu tuttugu árin, sem Helga
lifði og þótt blind sé, gat Snjó-
laug tekið af Heigu marga snún-
inga, svo að kraftaverk má
kallast, auk þess sem þær systur
voru mjög samrýmdar og gátu
stytt hvorri annarri stundirnar.
Ég held að skapgerð og orð-
um Helgu verði best lýst með
annarri tilvitnun í sama ljóð
eftir Snorra Hjartarson:
Blessað veri grasið
sem blíðkar reiði sandsins,
grasið
sem grœðir jarðar mein.
Helga var hæglát, dul og fá-
mál en auðfundið var að hún
fylgdist vel með. Telja mátti
sérstætt, hversu fáorðar setning-
ar hjá Helgu gátu búið yfir
reynslubundinni alvöru en
sýndu þó öryggi og færðu gleði
þeim er á hlýddu. Ég minnist
sérstaklega setningar, sem hún
sagði um aðra manneskju -
aðeins fjögur orð: „Það var góð
manneskja." Hlýleikinn í rödd-
inni og áherslan á orðunum
sögðu miklu meira en orðin
sjálf. Eitt sinn færði ég henni
mynd úr Hjálpleysunni, fjalla-
dalnum fagurgróna fyrir ofan
bæinn. Helga virti myndina fyrir
sér um stund, þekkti að kýrnar
þeirra í Grófargerði voru á beit
í língresinu á Kálfavöllum og
sagði síðan: „Blessaðar kýrnar
mínar,“ með þeim hlýleika, er
sýndi hvert hafði verið kært
reynsluviðfang um ævina, veitt
unað í starfi og björg í bú. í
Hjálpleysunni sátu þau systkin-
in yfir kvíám í bernsku og þar
gengu kindur þeirra og kýr í
sumarhögum. Én svo gagnorð
var Helga að vart var hægt að
hnikaorði, hversetningótvíræð
og afmörkuð. Hún mun hafa
búið yfir mikilli hugarrósemi og
hljóðlátri bjartsýni. Mun svo
vera um þá, sem hafa lært að
una sínu en eiga svo þungbæra
lífsrevnslu að bikarinn er fullur
og óttinn vinnur ekki á. Þá er
fólk samrunnið því sem var, því
sem heldur áfram að vera og er
órjúfanlega tengt sínum stað í
vitund annarra. Og þegar húm-
ar á skóga í vitund manns, þá
blikar minningin um slíkt fólk
eins og vökul stjarna í skýjarofi.
Ég lýk þessum línum í þökk
fyrir nokkrar dreifðar samveru-
stundir með Helgu í Grófar-
gerði og hina tryggu lund
hennar. Að síðustu ein tilvitnun
enn í Vor, ljóð Snorra Hjartar-
sonar:
Blessað veri grasið
sem grœr yfir leiðin,
felur hina dánu
friði og von.
Ég votta þeim Snjólaugu og
Alfreð í Grófargerði innilega
samúð við andlát Helgu móð-
ursystur minnar.
Sigurður Kristinsson
VIPPU-
bílskúrshurðin
Lagerstærðir 210 x 270 cm,
aðrar stærðir eru smíðaðar eftir beiðni
Gluggasmiðjan Síðumúla 20
Reykjavík - Stmar 38220 og 81080
Sr. Sigurð-
ur Árni
kosinn
prestur
■ Sr. Sigurður Árni Þórðarson
var kjörinn lögmætri kosningu í
Skaftártungum í Vestur-Skafta-
fellsýslu, en atkvæði voru talin í
gær. 163 voru á kjörskrá 99
greiddu atkvæði. Sigurður Árni
fékk 90 atkvæði, 9 seðlar voru
auðir.
Sölustofnun
ræðurnýjanfram-
kvæmdastjóra
■ Framkvæmdastjöraskipti hafa
nú orðið hjá Sölustot'nun lagmetis.
Theódór S. Halldórsson hefur ver-
ið ráðinn í starf framkvæmdastjóra
í stað Heimis Hannessonar sem
gegnt hefur starfinu undanfarin
fjögur ár en lætur nú af störfum að
eigin ósk.
Herferð:
Um gagnsemi
norræns
samstarfs
■ Upplýsingaherferð, þar sem
ungu fólki verður kynnt norrænt
samstarf og það gagn, sem af því
má hafa í daglegu lífi, verður hrint
af stað í haust. Af því tilefni verða
gefnir út upplýsingabæklingar á
norðurlandamálunum, auk jaðar-
mála og efnt verður til samkeppni
meðal ungs fólks um lýsingu á
reynslu af norrænu samstarfi í
máli og myndum. Einnig verður
efnt til happdrættis, þar sem vinn-
ingur verður fundur með norræn-
um ungmennum.
Herferð þessi var skipulögð á
fundi, sem haldinn var í Málmey í
Svíþjóð í síðasta mánuði með
þátttöku fulltrúa æskulýðsfélaga
og stjórnvalda.
Mazda
929
LIMITED’84
Þeir glæsilegustu á götunni í dag!
MAZDA 929 er nú kominn á markaðinn með nýju og breyttu útliti
og með fjölmörgum nýjungum. Þær helstu eru:
Ný 2000 cc vél 102 hö. DIN • Ný fjöðrun • Stillanlegir demparar úr
mælaborði (HT) • Ný íburðarmikil innrétting • Þurrka og rúðusprauta á
afturrúðu • Stillanlegur tímarofi í þurrkum • Sjálfskipting með
overdrive. Og þar að auki: Rafknúnar rúður • Hraðastilhr (Cruise
control HT) • Viðvörunartölva • Vökvastýri • Veltistýri • Útispeglar
beggja vegna • Snúningshraðamælir • Quarts klukka • Opnun á
bensínloki og farangursgeymslu innan frá • 5 gíra kassi • Litað gler í
rúðum • Halogen aðalljós og margt fleira.
Við höfum fengið örfáa af þessum glæsivögnum til
ráðstöfunar á ótrúlega góðu verði.
Tryggið ykkur því bíl strax.
BÍLABORG HF
Smiöshöföa 23 sími 812 99