NT - 21.06.1984, Blaðsíða 10
nrr Fimmtudagur 21. júní 1984 10
iii Ábendingar um=
Stóla og vinnubor
BtirBÍörk
Pálsdóttur
ðiuþjálte
■ I síðustu grein var rætt um
sitjandi vinnu og í framhaldi af
því verður hér fjallað um stóla
og borð.
Vinnustóiar: Við val á vinnustól
þarf að gera sér grein fyrir til
hvers og hversu rnikið stóllinn
verði notaður, og hverjir noti
hann.
Við einhæf störf (t.d. skrif-
stofustörf) og mikla setu, þarf
að gera meiri kröfur til stólsins.
Það þarf að vera þægilegt að
stilla stólinn í mismunandi
stöður, svo notandinn geti auð-
veldlega breytt um stellingar.
Hæðarstilling á baki og setu er
nauðsynleg (gasfjarðarbúnað-
ur). Heppilegt er að hafa velti-
bak og veltisetu, sent eru óháð
hvort öðru, til að geta notað
stólinn við mismunandi vinnust-
öður þ.e. vinnu í framhallandi
stöðu, vinnu í uppréttri stöðu
og hvíld í sitjandi stöðu. (Sjá
mynd 1). Æskilegt er að geta
stillt stóíinn nteð stillihandföng-
um undir setu, í mismunandi
stöður á meðan setið er í
stólnum. Ef fleiri eru um að
nota stólinn þarf að vera fljót-
legt og auðvelt að stilla hann.
Dæmi um stóla sjá mynd 2.
Rétt er að benda á að margar
gerðir stóla eru á hinum al-
menna markaði og æskilegt er
fyrir kaupánda að hafa í huga
þau atriði sem fjallað hefur
verið um hér að ofan og í
síðustu grein.
Auk þessara þátta þarf að
hafa í huga stöðugleika, styrk
og færanleika stólsins, áklæði,
bólstrun og verð.
Hvíldarstólar og sófar: Hvíldar-
stólar þurfa að vera rúmgóðir
og veita góðan stuðning við
höfuð, hnakka, bak og hand-
leggi, (mynd 3)
Hægindastóll sem getur hall-
ast aftur, þarf að vera með
færanlegan hnakkapúða og fót-
skemil. Armar þurfa að vera
breiðir, þannig að framhand-
leggir fái góðan stuðning og
axlir séu slakar. Stóllinn má
ekki vera það lágur og djúpur
að erfitt sé að standa upp úr
honum. Ef stóllinn er of hár
getur hann hindrað blóðrásina
niður í fætur. Æskilegt er að
hægt sé að stilla setu og bak í
mismunandi stöðu til tilbreyt-
ingar.
Sófar eru oft of mjúkir, djúpir
og lágir. Reynist þá erfitt að fá
réttan stuðning, sem veldur því
að setið er í einum keng. Einnig
getur verið mjög erfitt að standa
upp úr þeim. I þeim sófum er
nauðsynlegt að nota púða við
bak til að fá betri stuðning.
Bflsæti: Bílsæti þurfa að vera
stillanleg ekki síður en aðrir
vinnustólar. I nýrri bílum eru
yfirleitt stillimöguleikar á setu
(fram/aftur) og á halla baksins.
Það er nauðsynlegt að nota
stillimöguleika bílsætisins eins
og annarra sæta, til að aðlaga
sætið og breyta um setstöðu
öðru hvoru.
I eldri bílum þar sem sæti eru
orðin slitin og e.t.v. takmarkað-
ir stillimöguleikar fyrir hendi,
er hægt að fá púða í sæti og /eða
stuðning við bak (t.d. fjaður-
grind) sem aðlagast eðlilegum
sveigjum hryggjar.
Vinnuborð: Þvf meir sem unnið
er við borðið og því einhæfari
sem störfin eru, þeim mun meiri
kröfur þarf að gera til vinnu-
borðsins. Hæðarstilling á borði
er nauðsynleg, til að ná réttri
borðhæð þannig að sem minnst
álag verði á bak, herðar og
handleggi.
Hallandi borðplata kemur í
veg fyrir aukna framhallandi
setstellingu og eykur sjónhorn.
Rauf eða kantur á borðplötu
hindrar að hlutir renni af borð-
inu. Hægt er að fá skipta plötu,
þar sem stærsta platan hallast,
en hliðarplötur nýtast til frá-
leggs (mynd 4).
Ohentugt er að hafa skúffu/
lista undir borðplötu, sem getur
valdið þrýstingi á læri. Lengd og
dýpt borðplötu skal ekki vera
ntinni en 70 cm.
Forðast ber andstæður í sjón-
sviði, og því skal huga að lit
borðplötunnar. Einnig ber að
forðast slétt og glansandi yfir-
borð, þar sem ljós getur speglast
í borðplötunni.
Barnastólar og borð: Hæð stóla
og borða er oftast miðað við
fullorðið fólk. Börn sitja því oft
við slæmar aðstæður, þar sem
fætur þeirra hanga og þau þurfa
að lyfta öxlunum til að fá
hendurnar upp á borðið.
Stillanlegir stólar sem „vaxa“
með barninu eru heppilegustu
stólarnir, annars verður að not-
ast við fótskemil og púða í stól.
Mikilvægt er að huga að hús-
gögnum barna á heimili og í
skóla. Slæmar venjur við setur
geta haft áhrif á líkamlega líðan
Sarna seinna á ævinni.
■ Hefðbundinn vinnustóll.
Æskilegar stillingar eru:
- hæðarstilling á baki
- hæðarstilling á setu
- veltíbak
- veltiseta
■ Hár vinnustóll.
Fætur hvíla á hring, þegar unnið
er við hátt borð.
■ Tannlæknastóll.
(Hægt er að fá sérhannaða stóla
fyrir ákveðna vinnu).
■ Standstóll með veltisetu.
Hentugur til hvfldar við stand-
andi vinnu.
■ „Balans„-stóll.
Hannaður til að viðhalda eðli-
legum sveigjum hryggjar við
sitjandi vinnu. Hann hefur þó
verið gagnrýndur fyrir að valda
óeðlilega mikilli beygju í hnjám,
sem hindrað getur blóðrás niður
í fætur.
Olína Steinunn
Þórðardóttir
frá Miðhrauni
70 ára 9. júní 1984
Það er bæði fróðlegt og
ánægjulegt að svipast um öxl á
tímamótum í ævi góðra sam-
ferðamanna.
Bæði ánægja og tregi hlýtur
að bærast með þeim sem rifja
upp sína eigin fortíð og ævi-
skeið. En fyrir þá sem eingöngu
hafa notið samvista með ágætu
fólki, er það mikil ánægja að
stinga niður penna og nota
svona tækifæri til að þakka góð-
ar samvistir. Ég kynntist Stein-
unni Þórðardóttur þau 2 ár sem
ég var við kennslu í Stykkis-
hólmi. Hún var ekkert frá-
brugðin öðrum ágætum Hólm-
urum og Snæfellingum. Hafi
einhver þjóðkunnur maður
dvalist hjá „vondu fólki“ þar
vestra og rómað það eftirminni-
lega, þá var mitt hlutskipti að
kynnast „hinum góðu“ þar eins
og annars staðar. Ég kom oft til
Þrándar og Steinunnar að Hóli
og var þar eins og heimagangur.
Þrándur var húsvörður í skól-
anum. Jafnframt var hann á
þessum árum að byggja við hús-
ið þeirra og bæta eldri hlutann.
Gestir fundu glöggt andrúmsloft
heimilisins, því fljótlega var
ekki um neitt gestaviðmót að
ræða. Fáguð og glaðvær hlýja
einkenndi heimilislífið.
Þegar hér var komið sögu hafði
margt á daga hertnar drifið.
Átján ára að aldri giftist hún
fyrri manni sínum Jóni Aðal-
steini Sigurgeirssyni frá Hömlu-
holtum. Tveim árum síðar, þeg-
ar Steinunn er tvítug hefja ungu
hjóningestgjafabúskap. Sumar-
ið 1934 hófu þau að byggja upp
veitinga- og gistiaðstöðu að
Vegamótum í Miklaholts-
hreppi. En fyrsta sumarið fóru
veitingarnar fram í tjaldi.
Nokkrum árum síðar hefja þau
samhliða þessum rekstri að
koma upp hótelbyggingu og
rekstri þess í Ólafsvík. Árið
1942 flytjast þau svo til Stykkis-
hólms. Þar kaupa þau gamla
samkomuhúsið og endurbyggja
það í fullkomið bíóhús. Síðar
(1945) kaupa þau einnig Hótelið
í Stykkishólmi. Þessi bæði fyrir-
tæki reka þau af miklum krafti.
Ég hef það fyrir sattt að Stein-
unn hafi átt drjúgan þátt í
þessari velgengni og dugnaði
þeirra hjóna, en bæði drógu þau
ekkert af sér til að veita gestum
sínum sem besta og notadrýgsta
þjónustu.
Á annan dag jóla 1946 dregur
ský fyrir sólu. Þann dag missir
Steinunn mann sinn. Á næsta
ári selur hún bæði fyrirtækin.
Tvö börn höfðu þau eignast,
Hrefnu, sem er gift Jens Þor-
valdssyni og Sæbjörn tónlist-
armann, sem er giftur Valgerði
Valtýsdóttur. Aftur birti til hjá
Steinunni. Nokkru síðar kynnt-
ist hún Þrándi Jakobsen frá
Götu í Færeyjum. Hann stund-
aði sjómennsku frá Stykkis-
hólmi og síðan almenna vinnu í
landi.
Hinn 16. júní 1951 var svo
haldið hið eftirminnilega brúð-
kaup hinna 4 systkina frá Mið-
hrauni.
Þau Þrándur og Steinunn eign-
uðust eina dóttur Sunnevu, sem
býr hjá foreldrum sínum. Einn-
ig tóku þau 7 mánaða stúlku
Hansínu Bjarnadóttur og ólu
hana upp sem sína eigin dóttur
Einnig hefur dóttir Hansínu
dvalist mikið hjá „afa og
ömmu“.
Til Reykjavíkur fluttust þau
1963. Um árabil hefur Þrándur
verið húsvörður í K.R. heimil-
inu við Kaplaskjólsveg. Nýlega
fluttu þau svo í nýtt hús að
Bauganesi 35 í Reykjavík. Það-
sýnir að kraftur uppbyggingar
hefur haldist enn við.
Steinunn getur litið yfir nokk-
uð langan veg uppbyggingar og
átaka. Frá því er tvítug stúlkan
hóf veitingarekstur í tjaldinu
við vegamótin í Miklaholts-
hreppi fram til þessa dags.
Mörgum gestum hefur hún
veitt góðan og hlýlegan beina.
Við hjónin og gestir þínir frá
liðnum árum, vinirogkunningj-
ar senda þér kveðjur og hlýlegar
hamingjuóskir á þessum tíma-
mótum.
P.s. Ég bið að heilsa honum
Þrándi mínum svona í leiðinni.
Hjörtur Þórarinsson.
t
Faðir okkar
Snæbjörn Guðmundsson
bóndi
Syðri-Brú
lést að heimili sínu 19. júní.
Fyrir hönd systra minna
Guðmundur Snæbjörnsson.