NT - 21.06.1984, Page 28

Lagfæringar á Óshlíðarveginum milli ísafjarðar og Bolungarvíkur:
Beðið með framkvæmdir svo
æðarkollan geti ungað út!
■ „Það er tæpast hugsað betur
um aðrar sængurkonur en við
fylgjumst með æðarkollunni.
Hún er komin í hið besta sam-
neyti við okkur og hreyfír sig
ekki af eggjunum þrátt fyrir
stanslausa traffikk allt í kringum
hana - skrölt í stórvirkum
vinnuvélum og jafnvel spreng-
ingar rétt við hliðina á henni.
Ekkert fær raskað hennar ró að
því er virðist“, sagði Sigurður
Hermannsson, verkstjóri hjá
Istak h.f. sem vinnur nú að
lagfæringu vegarins um Oshlíð,
milli ísafjarðar og Bolungarvík-
ur.
Þcir ístaksmenn tóku eftir
æðarkollunni liggjandi á eggj-
unum í vegarstæðinu strax og
þeir hófu mælingar í Óshlíðinni
fyrir um tveim vikum og hafa
frestað öllum framkvæmdum á
þeim bletti þar til kollan hefur
ungað út. „Við ákváðum að lofa
henni að hafa lóðina sína þang-
að til ungarnir koma úr eggjun-
um, sem hlýtur nú að fara að
gerast hvað úr hverju, úr þessu.
Nei, nei það hefur ekki tafið
okkur neitt að ráði“, sagði Sig-
urður.
Spurður livort engin hætta
hafi verið á grjóthruni yfir koll-
una þegar þeir eru að sprengja
í berginu sagðist Sigurður þá
hafa reynt að verja hana svolítið
fyrir slíku - búið henni nokkurt
skjól eftir því sem aðstæður
leyfðu.
Bæði kolla, menn og vélar
komust í stórhættu í fyrrakvöld
þegar um 2.000 tonna sylla
■ „Við lofum henni að hafa
lóðina sína þar til ungarnir
koma úr cggjunum“, segir Sig-
urður Hermannsson, verkstjóri,
sem ásamt sínum mönnum fylg-
ist vel með henni.
■ ístaksmenn að störfum örskömmu áður en skriðan féll úr
hlíðinni um 40-50 metrum fyrir ofan þá. M-myndir Fínnboei.
■ Þaðvarævintýrifyrirþennanungaísfirðing, HalldórMagnússon, að fá að slást í för með Ijósmyndara NT út í Óshlíð að klappa
æðarkollunni. En illilega brá honum eðlilega þegar skriðan féll svo skammt frá honum með miklum gauragangi.
hrundi allt í einu úr berginu um
40-50 metrum ofar, öllum að
óvörum, og kom niður á milli
manna og vinnuvéla. „Líklega í
um 10 metra fjarlægð frá
mönnunum og aðeins um 2ja
metra fjarlægð frá vélunum",
að sögn Sigurðar. Slíkt hlýtur
að vera hálf óhugguleg reynsla?
„Menn verða þögulir - gera
ekkert að gamni sínu fyrst á
eftir“, sagði Sigurður.
Slík skriðuföll kvað hann allt-
af geta komið fyrir þótt hættan
sé auðvitað mest þegar verið er
að vinna með stórvirkum vinnu-
vélum og borum sem koma
titringi á bergið. Menn verði
stöðugt að fylgjast með hlíðinni.
Sigurður sagði 19 menn frá
ístak nú að störfum í Óshlíð-
inni, sem vinna á tveim vöktum
allan sólarhringinn með mörg-
um jarðýtum, vélskóflum, vöru-
bílum og öðrum tækjum. Reynt
er að flýta verkinu sem mest þar
sem vegurinn verður lokaður
a.m.k. í viku, en vegurinn um
Óshlíðina er eina samgöngu-
leiðin milli ísafjarðar og Bol-
ungarvíkur. Allir flutningar og
fólk verða því að fara sjóleiðina
með Fagranesinu þar milli staða
þessa viku.
Sigurður sagði þá vinna við að
breikka veginn á tveim stöðum
og einnig hækka hann eða lækka
á nokkrum stöðum. Vonast er
til að hann verði öruggari yfir-
ferðar á eftir.