NT - 16.11.1984, Blaðsíða 25

HUSGÖGN OG
INNRÉTTINGAR
SUÐURLANDSBRAUT18
68 69 00
Gullfalleg ítölsk sófasett
Margar gerðir - Leður- og tauáklæði
Ótrúlega lágt verð:
Frá kr. 37.850.- í tauáklæði
og frá kr. 45.500.- í leðuráklæði
Franskt plútoníum
komið til Japans
Nóg í 20 atómsprengjur
Tokyo-Reuter
■ 288 kfló af plútoníum
komu snemma í gærmorgun
til Tokyo frá Frakklandi með
japanska skipinu Seishin
Maru. Mikill viðbúnaður var
vegna komu þess enda höfðu
kjarnorkuandstæðingar mót-
mælt því að svona mikið
magn af plútoníum skyldi
sent heimshornanna á milli.
Þrjú hundruð sérþjálfaðir
lögreglumenn úr japönsku
óeirðalögreglunni gættu þess
að mótmælendur gætu ekki
hindrað affermingu skipsins.
Blöð höfðu áður sagt frá því
að þetta plútoníum nægði til
að framleiða 20 atomspreng-
jur af sömu stærð og Banda-
ríkjamenn vörpuðu á Naga-
;saki árið 1945. Það verður
notað í kjarnorkuveri í
Tokai, fyrir norðvestan
Tokyo, þar sem gerðar eru
tilraunir með kjarnorkuofna
með mjög.öra kjarnaklofn-
un.
Kj arnorkuandstæðingar
og náttúruverndarmenn í
Evrópu mótmæltu mjög
kröftuglega í Evrópu áður
en japanska skipið lagði af
stað með farm sinn frá
Frakklandi. Þeir töldu
ekki verjandi að flytja svona
mikið magn í einu. Mót-
mælaaðgerðirnar við komu
skipsins í Japan voru hins
vegar fámennar enda kom
skipið mjög snemma dags í
höfn þar. Að sögn lögregl-
unnar tóku aðeins 300 manns
þátt í mótmælum í gærmorg-
un skammt frá höfninni.
■ Japanskir flutningabílar flytja geislavirkan plútoníumfarm frá Tokyohöfn til kjarnorkuvers í Tokai
fyrir norðvestan Tokyo. s„„amvnd-i'OLFOK.
fíí? Föstudagur 16. nóvember 1984 25
LlIJ Útlönd
Ítalía og Vatikanið:
Skrifuðu undir sátt-
mála um skatta og laun
Rómverks-kaþólska ekki lengur ríkistrú á Ítalíu
Rom-Rcuter
■ Ítalía og Vatikanið skrifuðu
í gær undir sáttmála þar sem
kveðið er á um stöðu kirkju-
deilda gagnvart skattyfirvöldum
og að Ítalíustjórn muni hætta að
greiða hluta af launum presta.
í sáttmálanum er afmarkað
hvaða deildir innan rómverks-
kaþólsku kirkjunnar hafi rétt til
skattaívilnana.Ríkisstjórn Ítalíu
mun viðurkenna stofnanir sem
eru hluti af arfleið kirkjunnar,
eins og klausturskólar, en fram-
Iög til góðgerða ýmiskonar
verða að tengjast trú og guðs-
dýrkun til að vera frádráttarbær
frá skatti.
Samkvæmt sáttmálanum,
sem undirritaður var í gær af
Bettino Craxi forsætisráðherra
og Agostino Casaroli kardínála,
innanríkisráðherra Vatikans-
ins, geta einstakar kirkjur því
aðeins fengið skattaívilnanir ef
þær eru ^pnar öllum almenn-
ingi. Stofnanir sem reknar eru
aftrúarhópum innan kirkjunn-
ar, eru ekki taldar gildar nenta
Vatikani viðurkenni þær.
Samkvæmt sáttmálanum mun
ríkið hætta að gre'iða hluta af
launum presta árið 1989,eneftir
það munu biskupar greiða
prestum laun úrsérstökum sjóð-
um sem trúaðir geta lagt til
framlög í. Ítalía greiðir nú yfir
150 milljónir Bandaríkjadala á
ári í laun til presta, biskupa og
annarra kirkjunnar manna.
Þessi sáttmáli þýðir að róm-
versk -kaþólska er ekki lengur
ríkistFÚ á Italíu og tryggir opin-
berlega trúfrelsi í landinu.
Öldungadeild ítalska þingsins
samþykkti þennan sáttmála í
ágúst og búist er við að neðri
deildin rnuni gera slíkt hið sama
í næsta mánuði.
Jafnteflin í Moskvu:
Sálfræðihernaður
á hæsta stigi?
Moskva-Reutcr
■ Heimsmeistaraeinvígiö í
skák hefur nú staðið hátt á
þriðja mánuð og skákáhuga-
menn velta því mikið fyrir sér
hversvegna 14 síðustu skákirnar
hafa endað með jafntefli. Þetta
hefur ekki þótt spennandi og
því hafa Kasparov og Karpov nú
undir rós reynt að útskýra
málið.
Aðstoðarmenn Kasparovs
segja að áskorandinn þurfi að
öðlast sjálfstraustið á ný eftir að
hafa tapað fjórum skákum í
upphafi einvígisins. Langt ein-
vígi er talið koma Kasparov vel
þar sem úthald Karpovs hefur
verið dregið í efa. Þeir vonast
einnig til að sýna fram á að
tapskákirnar í upphafi hafi verið
vegna þess að Kasparov hafi
Franska stjórnin:
Hvetur
Frakka
til barn-
eigna
París-Reuter
■ Franska sósíalista-
stjórnin hefur veitt auka-
fjárveitingu til að hvetja
fólk til að eignast fleiri
börn. Með þessu er gert
ráð fyrir að foreldrar fái
fjárstyrki frá því sex mán-
uðum áður en börn fæðast
þar til þau verða þriggja
ára gömul. Þá er einnig
gert ráð fyrir að framvegis
geti foreldrar fengið
tveggja ára frí frá vinnu til
að ala upp börn sín.
Franskir stjórnmála-
menn úr öllum flokkum
hafa undanfarið lýstáhyggj
um. sínum yfir því hve fá
börn fæðast í landinu.
Þessar ráðstafanir stjórn-
arinnar, sem verða lagðar
fyrir þingið sem lagafrum-
varp, voru samþykktar á
ríkisstjórnarfundi í gær.
verið einum of baráttuglaður og
bjartsýnn og með því að halda
jöfnu svona lengi hafi Kasparov
sannað að hann geti haldið sínu
gegn Karpov.
Náinn samstarfsmaður
Kasparovs hefur cinnig sagt að
með því að bjóða snemma jafn-
tefli með hvítt sé Kasparov að
þrýsta á Karpov. Það þýðir að
heimsmeistarinn hefur í raun
forskot í öllum „raunverulegu“
skákunum þegar hann hefur
hvítt. Ef hann missti þolinmæð-
ina og tapaði skák fengi Kaspar-
ov sálfræðilegt forskot með því
að finna fyrstu skák sína á svart.
En þetta svarar ekki spurn-
ingunni um hversvegna Karpov
er tregur til að flækja skákirnar
þar sem forskot hans í einvíginu
leyfir honum að taka meiri
áhættu.
Sovéskir sérfræðingar telja að
Karpov óttist að tónninn í ein-
víginu kunni skyndilega að
breytast, þar sem Kasparov er
kunnur fyrir að ryðja inn vinn-
ingum þegar hann hefur fundið
„blóðbragð".
En trúlegri virðist þó skýring
stórmeistarans Gufeld; að
metnaður heimsmeistarans sé
að verja titilinn með bravör, og
festa sig þannig í sessi sem einn
mesti skákmaður allra tíma -
hann vilji vinna einvígið 6-0.
Svetlana í Moskvu
■ Hópur bandarískra sjónvarpsmanna náði
þessari mynd af Svetlönu Alliluyeva, dóttur
Jósefs Stalíns, fyrir utan hótel í Moskvu þar sem
hún býr ásamt dóttur sinni.
Svetlana „flúði“ aftur til Sovétríkjanna fyrir
skömmu eftir margra ára dvöl í Vesturlöndum en
þangað hafði hún „flúið“ frá Sovétríkjunum.
Svetlana ber nú Vesturveldunum og dvöl sinni í
þeim illa söguna en hún hefur lítið viljað ræða við
erlenda fréttamenn síðan hún sneri aftur.
Símamynd-POLFOTO