Morgunblaðið - 07.12.2003, Blaðsíða 40
40 | 7.12.2003
Frá vesturhluta Ástralíu kemur vínið Palandri
Margaret River Shiraz 2001 og er það að
mínu mati það besta af Palandri-vínunum sem hér fást.
Þurrkaður ávöxtur, leður og tóbak í nefinu í bland við
sæta vanillu. Fágað og þægilegt, verulega gott matarvín.
1.990 krónur. 18/20.
Suður-afrísk vín njóta stöðugt vaxandi vinsælda.
Ágætur framleiðandi á svæðinu Robertson er Bon Cour-
age. Það er í eigu Bruwer-fjölskyldunnar, sem upphaflega
kemur frá Loire-dalnum í Frakklandi, en hefur stundað
vínrækt á þessu svæði um þriggja kynslóða skeið. Bon
Courage hefur verið í sókn í Suður-Afríku að undanförnu
og m.a. unnið til æðstu verðlauna í tveimur af helstu vínkeppnum landsins á árinu,
Young Wine Award og Veritas-keppninni. Þetta eru vín í sígildum stíl Suður-
Afríka, ekki síst rauðvínin, og gefa mikið fyrir peninginn.
Eikin ræður ríkjum í hvítvíninu Bon Courage Chardonnay 2002 með
þeirri sætu og vanillu sem henni fylgja. Ávöxturinn er þægilegur og mjúk-
ur en ræður ekki ferðinni. Gott en hefðbundið. 1.090 krónur. 16/20
Bon Courage Cabernet Sauvignon 2000 er þungt og farið að sýna
þroska, mikil jörð, eikin brennd, ávöxturinn út í þroskaðar plómur og
fíkjur og jafnvel má greina piparkökur jafnt í nefi sem munni. Sjarm-
erandi vín af gamla skólanum. 1.190 krónur. 17/20
Bon Courage Cabernet Sauvignon-Shiraz, er ilmríkt og heitt, tóbak og
sulta í nefi heitt, þroskaður ávöxtur, þurrt, nokkuð tannískt í munni.
1.090 krónur. 16/20
Bon Courage Shiraz 2002 angar af vanillu og reyk, jafnvel reyktu kjöti
í nefi, töluverð jörð og sultaður ávöxtur. Kaffi og kókos. Í munni nokkuð þungt,
þungur ávöxtur, mild sýra. Mjög góð kaup. 1.190 krónur. 17/20
VÍN
Austur-Indíafjelagið við Hverfisgötu hefur fyrir löngu fest sig í sessi sem„indverski“ staðurinn á Íslandi og ekki spillir fyrir að hann stendurvönduðum indverskum veitingastöðum í nágrannaríkjunum síst að baki.
Styrkur Austur-Indíafjelagsins frá upphafi hefur verið stöðugleiki í matargerð-
inni, það hefur verið hægt að
ganga að því vísu að fá þar ind-
verskan mat í hæsta gæðaflokki í
ágætu umhverfi. Stöðugleikann
hefur einnig mátt merkja í starfs-
fólkinu en þar má sjá sömu andlit-
in ár eftir ár. Starfsfólkið þekkir
greinilega sína viðskiptavini og
fastakúnnarnir eru margir. Að
mörgu leyti er Austur-Indíafjelagið
vin í veitingahúsaflórunni þar sem
hægt er að ganga inn í annan
menningarheim og njóta. Ég held
að það sé óhætt að fullyrða að
Austur-Indíafjelagið beri af ekki
einungis þegar kemur að ind-
verskri matargerð heldur meðal as-
ískra veitingastaða á Íslandi yfir-
leitt. Metnaðurinn hefur verið
mikill frá upphafi, þetta er ekki
matstofa, það er ekki verið að búa
til indverskan gerviheim með plaststyttum af fílum
og framandi gyðjum og Bollywood-tónlist rétt eins
og stundum er raunin.
Hjónin Chandrika og Gunnar Gunnarsson, sem
hafa rekið staðinn frá upphafi, hafa sýnt og sannað
að það er ekki alltaf nauðsynlegt að fara auðveldu
leiðina. Þau hafa ekki einungis ávallt flutt inn
krydd sín og kaffi beint frá Indlandi heldur hefur
eldhúsið ávallt verið skipað úrvalssveit indverskra
matreiðslumanna.
En þótt stöðugleiki einkenni Austur-Indía-
fjelagið er hann langt í frá staðnaður. Það sást best
fyrr á þessu ári þegar allróttæk umskipti urðu á
starfseminni. Útibúið Austurlandahraðlestin var
opnað ofar á Hverfisgötunni og þangað fór kokk-
urinn Lakhsman Rao, sem um árabil hafði haldið
utan um eldamennskuna á Austur-Indíafjelaginu. Jafnframt voru margir sígildir
réttir staðarins teknir af seðli og eru nú einungis seldir á Austurlandahraðlest-
inni.
Austur-Indíafjelaginu var hins vegar breytt töluvert, matsalurinn gerður léttari
og nútímalegri og kannski meira í anda nútímalegri indverskra veitingastaða í
London. Breytt var um borðbúnað og meðal annars sett á borð hágæða Riedel-
kristall. Það sama á við um matseðilinn sem var tekinn í gegn. Þar er ekki lengur
hægt að fá t.d. tandoori og vindaloo (hraðlestin sér um það) heldur er
matargerðin orðin flóknari og fín-
legri. Kryddblöndurnar og mar-
íneringarnar fínlegar og marg-
slungnar. Að sama skapi virðist
verð hafa hækkað aðeins, án þess
þó að hægt sé að halda því fram að
staðurinn sé dýr.
Forréttirnir eru ágætir en hefðu
að mínu mati notið sín betur á
stærri diskum. Karwar-humar hefði
mátt vera ögn meira eldaður en
naut sín vel með fínlegu engifer og
túrmerikbragði. Kempu-kjúklingur
var sömuleiðis mildur og hefði
mátt vera meira afgerandi. Shammi
Kebab bar hins vegar af. Mjúkir
pönnusteiktir hakkbitar með kardi-
mommukeim og dýrlegri myntu-
sósu með. Með öllum forréttunum
var blandað grænmeti, sem líklega
var meira upp á skraut.
Það er aftur á móti í aðalréttunum sem Austur-
Indíafjelagið brillerar en þeir eru flestir bornir
fram með lauk. Kjúklingarétturinn Murgh Zaffr-
ani var fín upplifun þar sem engifer og saffran
léku saman. Engifer kom aftur ásamt hvítlauk í
Kashmiri Gosht Kebab sem er fínlegur lambarétt-
ur. Báðir réttirnir áttu það sameiginlegt að kjötið
og kryddlögurinn höfðu sameinast í eina und-
ursamlega heild, kjötið það meyrt að það þurfti
vart að tyggja og kryddin léku við bragðlaukana.
Báðir réttirnir eru frekar mildir en Kori Gassi er
góður fyrir þá sem vilja töluverðan hita í matinn.
Kókoseldaður kjúklingurinn er í góðri sósu þar
sem mýktin úr kókosnum og hitinn úr sterkum
chilipipar takast á. Flottar andstæður.
Ég held að Austur-Indíafjelagið hafi veðjað rétt
þegar tekin var ákvörðun um að breytast í takt við breytta tíma. Matarsmekkur
Íslendinga hefur þróast frá því staðurinn var opnaður en það hefur Austur-
Indíafjelagið líka. Breytingarnar ganga upp og Austur-Indíafjelagið blómstrar í
matargerðinni sem aldrei fyrr.
MATUR OG VÍN | STEINGRÍMUR SIGURGEIRSSON
STÖÐUGLEIKI OG STÖÐUG ÞRÓUN
Matargerðin á Austur-Indíafjelaginu blómstrar sem aldrei fyrr og „róttækar“ breytingar fyrr á árinu ganga upp
Hverfisgötu 56. Sími: 5521630. www.austurindia.is
ANDRÚMSLOFT: Matsalurinn hefur fengið andlitslyftingu og
er léttari og nútímalegri. Austurlensk vin í höfuðborginni.
ÞJÓNUSTA: Sömu andlitin ár eftir ár, þægileg þjónusta og vel
að sér um matseðilinn.
VÍNLISTI: Það er ekki auðvelt að finna vín er falla að ind-
verskum kryddum. Vínin á listanum eru hins vegar vel valin.
Þá fær staðurinn stóran plús fyrir góð glös.
EINKUNN: Viðunandi Góður Mjög góður Frábær
Afburða veitingastaður
Einkunnagjöf byggist á mati á þjónustu, húsnæði, vínlista og mat, að teknu
tilliti til verðlags.
AUSTUR-INDÍAFJELAGIÐ ★★★
L
jó
sm
yn
d:
G
ol
li