Morgunblaðið - 04.10.2004, Qupperneq 7

MORGUNBLAÐIÐ MÁNUDAGUR 4. OKTÓBER 2004 7
FRÉTTIR
„Ég held að menn ættu að fara
mjög varlega í að segja að fækk-
un áhorfenda í kvikmyndahúsum
eða samdráttur í útleigu á mynd-
böndum stafi af niðurhali. Ég
held að menn verði þá að hafa
fleiri ár undir,“ segir hann.
Í raun séu mjög skiptar skoð-
anir á því hver áhrifin séu á sölu
á kvikmyndum og tónlist. Því hafi
m.a. verið haldið fram að dreifing
á Netinu valdi því að auðveldara
sé fyrir byrjendur í tónlist-
arbransanum að koma sér á
framfæri.
Sala á erlendum geisladiskum
hrapaði um 100.000 eintök milli
áranna 1999 og 2000. Næstu ár
dró enn úr sölu en síðustu tvö ár
hefur hún aukist á nýjan leik.
Ragnar segir erfitt að segja til
um hvað valdi þessum samdrætti
árið 2000. Hugsanlega hafi kaup
um Netið þá aukist en einnig geti
verið að aukin sala á DVD-
diskum hafi orðið til þess að
draga úr kaupum á geisladiskum.
RÉTTHAFAR á myndefni munu á
næstunni birta auglýsingar þar
sem hamrað verður á þeim boðskap
að ólöglegt sé að sækja kvikmyndir
á Netinu sem þangað eru settar
með ólögmætum hætti. „Þú myndir
ekki stela bíl og þú myndir ekki
stela úr búð en að stela af Netinu er
það sama, þú brýtur lög,“ segir
Hallgrímur Kristinsson, fram-
kvæmdastjóri SMÁÍS, Samtaka
myndrétthafa á Íslandi.
Hallgrímur segir mikilvægast að
umræða skapist um þessi mál hér á
landi og með aðgerðum ríkislög-
reglustjóra hafi henni heldur betur
verið hleypt af stað. Hann vonast til
þess að þeir sem hafa deilt kvik-
myndum á Netinu nái þessum skila-
boðum, ef ekki verði þeir a.m.k.
varaðir við og beðnir um að láta af
þessum brotum. Ef það gangi ekki
verði fleiri kærðir til lögreglu.
Spurður um hvaða gögn liggi að
baki mati samtakanna um að þau
verði fyrir hundraða milljóna tjóni
á ári vegna ólöglegrar niðurhaln-
ingar á Netinu segir hann að erfitt
sé að henda reiður á því. Þetta
hljóti að byggjast á mati hverju
sinni. Meðal þess sem hann nefnir
er minni aðsókn að þeim kvikmynd-
um sem hafa verið um nokkurn
tíma í sýningum erlendis áður en
þær eru frumsýndar hér á landi og
minni útleigum hjá myndbandaleig-
um.
Hinir sleppa líklega
Þeir félagar í nethópnum Ásgarði
sem ekki voru handteknir í aðgerð-
um ríkislögreglustjóra á þriðjudag
verða að öllum líkindum ekki
ákærðir fyrir brot á höfundarlög-
um, a.m.k. ekki í bili.
Helgi Magnús Gunnarsson,
fulltrúi ríkislögreglustjóra, sem
hefur umsjón með rannsókninni,
segir að lögregla líti svo á að hún
þurfi að leggja hald á tölvurnar til
að hægt sé að höfða mál. Það sé
hins vegar líklegt að mennirnir hafi
komið tölvum sínum undan þannig
að lögregla komist ekki í þær.
Næstu skref í rannsókninni verða
þau að innihald tölvanna verður
skoðað og skráð. Ekki þarf þó að
skoða hverja einustu skrá heldur er
látið nægja að taka stikkprufur. Ef
ágreiningur rís um innihaldið verð-
ur þó alltaf hægt að kanna það nán-
ar.
Eins og greint var frá í Morg-
unblaðinu í gær var það lykilatriði í
rannsókn lögreglu að hún hafði að-
gang að notandanafni eins úr hópn-
um og gat þar af leiðandi fylgst með
samskiptum hans. Helgi Magnús
segir að ekki hefði þurft dómsúr-
skurð til þess. Samkvæmt lögum
hafi lögregla leyfi til að gera leit í
húsi sem opið er almenningi og hún
telji að þau lög nái til þessa brots.
Netið sé öllum opið og ekki skipti
máli þó að í þessu tilfelli sé um að
ræða lokaðan hóp um 100 manna.
Meint ólögleg dreifing um Netið
Auglýsingum
beint gegn niður-
hali kvikmynda
Í ÁRSSKÝRSLU umboðsmanns
barna eru birt nokkur erindi frá
börnum sem leita svara og ráða
hjá umboðsmanni. Svohljóðandi
fyrirspurn barst frá 15 ára
stúlku:
„Má unglingur flytja af heimili
sínu þótt hann sé ekki orðinn 18
ára (sjálfráða)?“
Í svari umboðsmanns kemur
m.a. fram að foreldrar ráða dval-
arstað/búsetu barna sinna til 18
ára aldurs. Þó bendir umboðs-
maður á að í barnalögum segi að
foreldrum beri að hafa samráð
við barn sitt áður en persónu-
legum málefnum þess er ráðið til
lykta og skal þá m.a. tekið tillit
til þroska barnsins. Þetta þýðir
að þegar barn hefur náð
ákveðnum þroska, er eðlilegt að
taka mið af óskum þess, sér-
staklega um mikilvæga þætti í lífi
barnsins, eins og búsetu. Þetta
breyti þó ekki því að endanleg
ákvörðun er hjá foreldrum.
Of hátt í strætó
Svohljóðandi fyrirspurn barst
frá tveimur 12 ára stúlkum:
„Okkur vinkonunum finnst
barnagjald í strætó vera of hátt
og að barnagjald ætti að gilda
fyrir öll börn. Hvað finnst um-
boðsmanni barna um það?“
Umboðsmaður segist í svari
sínu sammála stúlkunum og segir
m.a. í svarinu að hann hafi oft
bent ráðherrum, alþingismönn-
um, Flugleiðum og bíóhúsunum á
það misræmi sem er varðandi
greiðslur hinna ýmsu útgjalda
vegna barna yngri en 18 ára. Í
lögum um umboðsmann barna
standi að einstaklingur sé barn
fram að 18 ára og sama standi í
Barnasáttmála SÞ. Í ýmsum öðr-
um lögum og reglum er hins veg-
ar miðað við annan aldur. Bendir
umboðsmaður stúlkunum á að
snúa sér Reykjavíkurráðs ung-
menna sem hefur sent tillögu um
þetta mál til Borgarráðs Reykja-
víkur.
Má unglingur flytja að heiman?