24 stundir - 08.02.2008, Blaðsíða 15

24stundir FÖSTUDAGUR 8. FEBRÚAR 2008 15
Það hefur þótt skjóta fremurskökku við að alþing-ismenn sem setja strangar
reglur um bann við
reykingum innan-
húss skuli sjálfir
vera með reyk-
herbergi á vinnu-
stað sínum, þ.e. í
Alþingishúsinu. Nú
hefur Guðlaugur Þór Þórðarson
heilbrigðisráðherra þó vaknað til
lífsins með þetta mál og stungið
upp á því að reykherberginu verði
lokað. Gaman verður að vita
hvort aðrir þingmenn eiga eftir að
samþykkja þessa uppástungu heil-
brigðisráðherra. Siv Friðleifs-
dóttir, fyrrverandi heilbrigð-
isráðherra, stóð fyrir allsherjar
reykingabanni sem er í raun það
sama og þjóðir innan Evrópusam-
bandsins hafa gert. Skrýtið að
bannið hafi ekki náð til alþing-
ismanna, en flestallir
vinnustaðir á Íslandi
eru reyklausir. Veit-
ingamenn hafa verið
ósáttir við bannið
svo búast má við að
þeir eigi eftir að
benda á reykherbergi Alþingis í
baráttu sinni fyrir reykingamenn.
Margir velta fyrir sérhvernig Sjálfstæð-isflokkurinn ætlar að
leysa vandræðaganginn varðandi
Vilhjálm Þ. Vilhjálmsson en
flestir eru sammála um að með
REI-málinu hafi hann tapað trú-
verðugleika sínum og ætti því að
bera pólitíska ábyrgð og hverfa af
vettvangi sem forystumaður í
borgarpólitíkinni. Sumir segja að
verið sé að leita að góðri stöðu
fyrir „gamla góða“ Villa þannig
að hægt sé að losna við hann á
vandræðalausan hátt. Innan Sjálf-
stæðisflokksins eru margir ósáttir
við framgang Villa og telja að
Geir H. Haarde
hafi ekki gengið
nógu hart fram í því
að taka í taumana í
borgarmálum.
Sumir spá því að
Hanna Birna
Kristjánsdóttir taki við forystu-
hlutverkinu en enn aðrir eru á því
að flokkurinn sé að skima eftir
nýjum leiðtoga fyrir borgina.
Sumir hafa nefnt til sögunnar al-
þingismanninn Bjarna Bene-
diktsson en því miður fyrir
flokkinn þá er hann búsettur í
Garðabæ og verður því tæplega
kandidat í Reykjavík nema hann
flytjist búferlum.
elin@24stundir.is
KLIPPT OG SKORIÐ
Ætli ég hafi ekki verið svona sex
ára þegar ég byrjaði að æfa fót-
bolta með Val. Ég var fyrstu vik-
urnar í marki en svo fljótt færður
út á vinstri kant, enda örvfættur.
Á æfingasvæði Vals varð vart
þverfótað fyrir einhverjum mestu
hetjum sem ég hafði augum litið.
Dýri Guðmundsson bar höfuð og
herðar yfir flesta aðra en einnig
mátti sjá markahrókinn Inga
Björn Albertsson og Atla Eðvalds-
son valhoppa um grasbalana við
Hlíðarenda með bolta á tánum.
Þetta var ekki ónýtt fyrir lítinn
snáða. Ingi Björn, sem virtist hafa
lengri stórutá en aðrir leikmenn,
kenndi okkur að pota boltanum í
hornið framhjá markverðinum og
Atli kenndi okkur að taka hjól-
hestaspyrnu og þruma boltanum í
fallegan boga undir samskeytin. Í
hverri viku sýndi Bjarni Fel svo
vikugamlan leik úr ensku knatt-
spyrnunni í Ríkissjónvarpinu sem
við lágum yfir. Og jafnvel þótt
sjónvarpið sýndi aðeins svart og
hvítt á þessum árum héldum við
strákarnir nokkuð skilyrðislaust
með Liverpool því liðið spilaði jú
í rauðum treyjum eins og Vals-
menn.
Blátt bann
Mér verður stundum hugsað til
þessa þegar ég heyri íslenska
hægrimenn lýsa yfir stuðningi við
bandaríska Repúblikanaflokkinn.
Ef við berum saman stefnu þess-
ara flokka kemur í ljós heilt ginn-
ungagap. Bandarískir repúblikan-
ar eru upp til hópa andvígir
opinberu heilbrigðiskerfi, opin-
beru menntakerfi og vilja helst
láta trúfélögum eftir að sjá um
velferðarþjónustu. Sumir gætu
haldið að þessi stefna kæmi til
vegna þess að þeir hefðu bara svo
litla trú á opinberum útgjöldum.
Svo er þó ekki. Á sama tíma og
bandarískir repúblikanar tala fyr-
ir stórfelldri skattalækkun þá
boða þeir nefnilega um leið stór-
aukin útgjöld til hermála, enda
eru þeir margir hverjir nokkuð al-
mennt fylgjandi innrásum í
arabaríki. Og það kostar auðvitað
sitt. Það er heldur ekki svo, sem
sumir virðast halda, að repúblik-
anar í Bandaríkjunum vilji ein-
faldlega lágmarka íhlutun hins
opinbera í líf fólks, að einstak-
lingurinn eigi að ráða sér sjálfur
og bera ábyrgð á sjálfum sér.
Þvert á móti. Um leið og repú-
blikanar hafna opinberri velferð-
arþjónustu boða þeir nefnilega
blátt bann við fóstureyðingum og
giftingum samkynhneigðra.
Ég þekki fáa Sjálfstæðismenn
sem eru tilbúnir að skrifa upp á
svona stjórnmálastefnu.
Þess vegna getur verið torvelt
að skýra hvers vegna svo margir
fylgjendur Sjálfstæðisflokksins á
Íslandi leggja lag sitt við banda-
ríska repúblíkana. Ég kem alla
vega ekki auga á nokkra skynsam-
lega skýringu fyrir slíkum stuðn-
ingi.
Sjálfstæðismenn til vinstri
Svo virðist raunar sem margir
fylgismenn Sjálfstæðisflokksins á
Íslandi halli sér að repúblikönum
í Bandaríkjunum á nákvæmlega
sömu forsendum og við Vals-
menn fórum að halda með Liver-
pool. Að vísu má segja að þessi
samsömun við repúblikana sé
kannski ekki með öllu óskiljanleg
því íslenskir fjölmiðlar segja
gjarnan frá forsetakosningunum í
Bandaríkjunum eins og um hvern
annan íþróttakappleik sé að ræða.
Við fáum að vita hvernig fram-
bjóðendur standa í skoðanakönn-
unum en lítið er fjallað um hvaða
stjórnmálastefnu þeir boða. Svo
er það vissulega rétt að Sjálfstæð-
isflokkurinn á Íslandi og Repú-
blikanaflokkurinn í Bandaríkjun-
um flokkast báðir hægra megin
við miðju í sínu landi. En þar
endar líka samanburðurinn.
Raunin er nefnilega sú að ef Sjálf-
stæðisflokkurinn, með þá stefnu
sem hann boðar á Íslandi, væri
þátttakandi í bandarískum stjórn-
málum myndi hann ekki aðeins
flokkast vel vinstra megin við
Repúblikanaflokkinn, heldur
einnig langt til vinstri við demó-
krata. Á ás stjórnmálanna myndi
Hillary Clinton líkast til mælast
nokkuð vel hægra megin við
Hannes Hólmstein.
Höfundur er stjórnmálafræðingur
Við ystu mörk
VIÐHORF aEiríkur Bergmann Einarsson
Þess vegna
getur verið
torvelt að
skýra hvers
vegna svo
margir fylgj-
endur Sjálf-
stæðisflokksins á Íslandi
leggja lag sitt við banda-
ríska repúblíkana.
TB
W
A\
R
E
Y
K
JA
V
ÍK
\
S
ÍA
Stórsýning á Hobby hjólhýsum og Isabella
fortjöldum í Vetrargarðinum Smáralind
Nú er rétti tíminn til að skoða og panta
Stórsýning í Vetrargarðinum!
Sýningunni lýkur
sunnudaginn 10. febrúar kl: 18:00
Opnunartími á sýningu
Föstudag 12-18, laugardag 11-18 og sunnudag 13-18
Hinir vinsælu Hobby húsbílar.
Sýningabílar á staðnum
Erum að taka á móti pöntunum núna.
Pantanir til afgreiðslu í viku 12 og13
Hobbyhúsið ehf
Dugguvogi 12 - S: 517-7040
opið virka daga 10 - 18
laugardag og sunnudag 13 - 16
ATH Seljum sýningarvagnana, til afhendingar
strax eftir sýningu. Eigum einnig örfá hjólhýsi
560 Ufe Excelsior, Rollsinn í hjólhýsum
á góðu verði og fjármögnun.
Aðalfundur Félags eldri borgara í Reykjavík og nágrenni,
verður haldinn á Hótel Loftleiðum
laugardaginn 23. febrúar 2008 kl. 13.30.
Dagskrá:
Venjuleg aðalfundarstörf
Önnur mál.
Tillögur kjörnefndar til stjórnarkjörs Félags eldri borgara í
Reykjavík og nágrenni liggja frammi á skrifstofu félagsins
að Stangarhyl 4.
Tillögur félagsmanna um einstaka menn til stjórnarkjörs
skulu berast skrifstofu eða kjörnefnd í síðasta lagi
miðvikudaginn 13. febrúar.
Stjórnin