24 stundir - 04.03.2008, Blaðsíða 18

Ævintýrið og spuninn
Eftir Kolbrúnu Bergþórsdóttur
kolbrun@24stundir.is
Í Listasafni Íslands stendur yfir
sýningin Streymið en þar sýna
Gabríela Friðriksdóttir, Guðný
Rósa Ingimarsdóttir og hin sviss-
neska Emmanuelle Antille í öllum
sölum safnsins. Gabriela sýnir tvö
myndbönd, teikningar, málverk og
skúlptúra.
Ljóðskáld með ritstíflu
Myndböndin vekja sérstaka at-
hygli en annað þeirra gerði Gabrí-
ela fyrir safn í Sviss árið 2006 og
þar eru Helgi Björnsson og Magn-
ea Björk Valdimarsdóttir í aðal-
hlutverkum. Myndbandið heitir
Innan kjarnans, Inside the Core,
og tónlistin er samin af Gabríelu
og Jónasi Sen sem leikur á píanó.
„Þarna er farið inn í hugarheim
manns sem er bakari og ljóðskáld
og er með ritstíflu. Tónlistin kem-
ur í stað tals og á að tákna óminn
af ljóðinu sem hann hefur ekki enn
getað ort. Talan átta kemur mjög
við sögu í þessu verki og þar er vís-
að í ákveðna hluti, trjágreinar
tákna til dæmis taugakerfi,“ segir
Gabríela.
Hinn huglægi snákur
„Ég sýni líka myndband frá árinu
2007 sem ég frumsýndi í Berlín.
Myndbandið heitir Ouroboros sem
er gríska og þýðir sá sem bítur í hal-
ann á sér og er táknmynd þess sem
bindur saman alheiminn. Í mynd-
bandinu skríður hinn huglægi snák-
ur í gegnum alls kyns staði og þar
kemur fyrir fólk sem hefur unnið
með mér hreyfimyndir síðustu árin.
Úr öllu þessu verður til lítill heimur
sem snákurinn bindur saman. Í
huga mínum er þetta myndband
minnisvarði um gjöfula samvinnu
því aðalleikendurnir eru samstarfs-
fólk mitt.“
Ævintýralegur spuni
Þegar Gabríela er spurð hvað
vaki fyrir henni í listsköpun henn-
ar svarar hún: „Mér finnst mjög
mikilvægt að hvert verk sem ég
geri eigi sér sjálfstætt líf. Ég reyni
að skapa heim í kringum hvert
einasta verk svo það geti staðið eitt
og sér. Í verkum mínum er ég upp-
tekin af ævintýrinu og spunanum.
Ég hef ekkert sérlega gaman af að
herma eftir raunveruleikanum.
Mér finnst vera alveg nóg af hon-
um.
Tilgangur minn sem
myndlistarmaður er ekki einn,
heldur snýst hann um margt. Mér
finnst sjónræn upplifun dásamleg.
Ég hef alltaf verið hrifin af hlutum
sem maður finnur næstum því
bragð af þegar maður horfir á þá
og snertir þá. Mér þykir vænt um
það þegar fólk upplifir verk mín
sjónrænt og eiginlega með innyfl-
unum frekar en endilega vits-
munalega en auðvitað ræð ég ekki
við það hvernig fólk mætir verk-
unum mínum. Það verður að vera
ævintýralegur spuni hvers og eins.“
Gabríela „Ég hef ekkert sér-
lega gaman af að herma eftir
raunveruleikanum. Mér finnst
vera alveg nóg af honum.“
Gabríela Friðriksdóttir sýnir í Listasafni Íslands
➤ Gabríela stundaði nám viðMyndlista- og handíðaskóla
Íslands, skúlptúrdeild, árin
1993 til 1997 og framhalds-
nám við A.V.U., myndlist-
arakademíuna í Prag 1998.
➤ Hún var fulltrúi Íslands áFeneyjatvíæringnum árið
2005 og heiðursverðlauna-
hafi Myndstefs sama ár.
KONAN
„Ég hef alltaf verið hrifin
af hlutum sem maður
finnur næstum því bragð
af þegar maður horfir á
þá og snertir þá,“ segir
Gabríela Friðriksdóttir
sem sýnir verk sín í Lista-
safni Íslands ásamt
tveimur öðrum listakon-
um.
24stundir/Kristinn
18 ÞRIÐJUDAGUR 4. MARS 2008 24stundir
KOLLAOGKÚLTÚRINN
kolbrun@24stundir.is a
Margir telja sig vera að hugsa
þegar þeir eru einungis að
endurskipuleggja fordóma sína.
William James
Konur með einn í útvíkkun fá enga samúð
Ritstjórar: Eyrún Ingadóttir, Margrét Jónsdóttir, Sóley Tóm-
asdóttir og Svandís Svavarsdóttir
Bókamarkaðsverð: 690 kr.
Svandís Svavarsdóttir var kosin maður ársins 2007 af hlustendum
Rásar 2 eftir hetjulega framgöngu í REI-byltingunni. Sérstakur áhugi
Staksteina Morgunblaðsins á þessari kraftmiklu stjórnmálakonu fór
ekki framhjá neinum en eftir gagnbyltinguna í borginni virðist útséð
um traust samband hennar og bláa fálkans. Áður en Svandís skellti
sér í borgarpólitíkina ritstýrði hún þessu merkilega safni íslenskra
fæðingarsagna með stöllum sínum. Ein þeirra er konan sem karllæg-
ir bloggheimar elska að hata, Sóley Tómasdóttir, sem virðist orka
eins og bráðaofnæmi á hægri sinnaða unga karlmenn. Sögurnar sem
þær fæðingarsögustöllur söfnuðu saman draga upp breiða mynd af
möguleikum kvenna á okkar dögum til að fæða börn í þennan heim,
allt frá heimafæðingum til mænudeyfðra standardfæðinga, unaðs-
legra jógaöndunarfæðinga til trámatískra inngripa. Sumar sögurnar eru drepfyndnar, aðrar sorglegar og
sumar á mörkum þess trúanlega, eins og sagan af konunni sem vissi ekki að hún var ófrísk fyrr en hún
fæddi barn.
Hinn árlegi bókamarkaður er hafinn í Perlunni og stendur til 9. mars. 24 stundir munu á þeim tíma kynna
nokkrar forvitnilegar bækur sem þar fást á einkar hagstæðu verði.
Fæðingarsögur
BÓKIN Á MARKAÐNUM
Félag íslenskra fræða heldur
rannsóknarkvöld fimmtudag-
inn 6. mars í Háskóla Íslands,
stofu 101 í Odda kl. 20.00. Þá
flytur Guðrún Kvaran pró-
fessor erindi sem hún nefnir:
Biblía 21. aldar: Verklag og
viðtökur – gagnrýni svarað.
Guðrún mun svara þeirri
gagnrýni sem fram hefur
komið á nýju Biblíuþýð-
inguna. Guðrún var formaður
þýðingarnefndar þeirrar er
skipuð var í tilefni hinnar
nýju biblíuþýðingar: Biblíu
21. aldar.
Guðrún svarar
gagnrýni
Þorsteinn J.
frumsýnir
nýja heim-
ildamynd sína
The Bohemi-
ans í Lista-
safni Reykja-
víkur föstu-
daginn 7. mars kl. 20.00.
Myndin segir frá marskvöldi í
Dublin. Það er búið að dekka
borð í stóra salnum á Jurys
hótelinu og stilla flygilinn.
The Bohemians eru að koma
saman, líkt og þeir hafa gert á
fimmtudagskvöldum síðan
1878. The Bohemians er fé-
lagsskapur karlmanna sem
syngja hver fyrir annan, þjóð-
lög, óperuaríur eða annað sem
stendur hjarta þeirra næst. Í
myndinni er hlustað á söng fá-
einna félaga og spjallað við þá.
Þorsteinn og
The Bohemians
AFMÆLI Í DAG
Antonio Vivaldi
tónskáld, 1678
Miriam Makeba
söngkona, 1932
Paula Prentiss
leikkona, 1939